شفت مؤتمر ال Onlive مباشر امس الليل.
الجهاز كان شابك بأيثر نت و المسافة بين االسيرفرز والمؤتمر 50 ميل, ماهي مسافة كبيرة لكن على كلام الCEO ان السيرفر الواحد يغطي مسافة 1000 ميل من غير مشاكل لاق. والأن السيرفرات المتوفرة واحد بشرق امريكا وواحد بغرب امريكا للبيتا. لكن بيكون فيه سيرفرات كافية بوقت نزول الجهاز تغطي شمال امريكا كامل.
الجهاز صراحة ممتاز الى الأن, يعني كان في جهاز شابك مباشرة على التلفزيون وجهاز مشبوك على لابتوب, و جربو جهاز ثالث كان مشبوك على لابتوب ماك, اشتغلت الألعاب من غير اي مشاكل. جربو Prince of Persia و Crysis wars multiplayer و Batman Lego و Baseball. ماكان فيه اي لاق خلال اللعب. الجهاز بعد فيه save game و اذا طلعت من لعبة و رجعتلها الجهاز يتذكر اخر مكان وقفت فيه.
من خصائص الجهاز اللي اعتبره من الأفضل, هي ال Spectating, تقدر تشاهد اي واحد يلعب اي لعبة, منهم اصدقائك او افضل الاعبين اونلاين, او اذا تبي تشوف الجيم بلاي قبل ماتشتري اللعبة.
امكانية تسجيل لقطات لمدة 15 ثانية في اي لعبة بظغطة زر, السيرفرز بسجلك اخر 15 ثانية.
امكانية تكملة الcoop, جربوها بلعبة Batman Lego, من اي مكان بس يكون معاك الجهاز اللي حجمه حجم اليد, تشبكه وتكمل لعب.
احب اضيف انه عندك خيار استئجار اللعبة لمدة معينه بدل ماتشتريها.
ال External Beta بيبدأ بالصيف لسكان أمريكا و تقدر تسجل له عن طريق الموقع الرسمي للجهاز.
ننتظر ونشوف البيتا كيف بيكون, اذا نجح هالجهاز, يعني مايعاني من مشاكل تقنية, بيكون جهاز يشكل خطر كبير على سوق ال PC Hardware بالذات و الكونسولز. لأن Crysis اللي هي Exclusive للPC نزلت على الجهاز ماتتوقع العاب البي سي الباقية تنزل عليه, ولاننسى بالنسبة للمطورين هذا الجهاز بيوقف شي اسمه قرصنة, فبيكون ممتاز جدا للمطورين, وبالنسبة للاعبين اذا تحب تلعب العاب البي سي مولازم يكون عندك افضل Hardware بالسوق, تشبكه بالPC ولا MAC وتلعب. ماعليك الا تنزل Browser حجمه 1MG و تبدا تلعب من غير Downloads ولا Install.
الموقع الرسمي:
http://www.onlive.com/
