خدمة علاج الأسنان المجانية

[Dr MaD]

الهم هم العرس .. والوجع وجع الضرس

كثير منا جرب آلام الأسنان وعانى منها .. والمعاناة الأكبر هي تكاليف علاجها !
إحنا دايما ننصح بالعلاج الوقائي والمحافظة على سلامة وصحة الفم والأسنان قبل بداية الألم
لكن في حال فشل العلاج الوقائي نقدر نلحق على الأسنان ونحافظ عليها بدون خسارة كبيرة (أو آلام) إذا بكرنا في تشخيص المرض وعلاجه

وفي كلية طب الأسنان جامعة الملك سعود بالرياض الخدمات العلاجيه للأسنان تقدم للمواطنين والمقيمين .. مجانيه بالكامل
والكثير مايعرف عن مجانيه العلاج أو الخدمات المقدمه اللي منها :
تنظيف الأسنان .. علاج اللثه .. تركيبات ثابته (تجيان وجسور) ومتحركه (أطقم كامله وجزئيه) .. حشوات .. علاج عصب .. علاج أسنان الأطفال .. وخلع الأسنان
كل هذا شامل مع فتح الملف والأشعه ورسم الخطه العلاجيه

ليش كتبت الموضوع هنا ؟
الموضوع ماله أي أهداف تجارية نهائيا أبدا بتاتا البته .. إحنا في الكلية -زي أي كلية طب أسنان في العالم- نعاني من نفص المرضى للطلاب
بس عندنا في الكلية نقطه قوة يمكن كثير مايعرفونها وهي : مجانيه العلاج
فنشر معلومه زي كذا شي مهم
وبالمقابل توفير نظام سهل للحصول على موعد في الكلية شي مهم ودافع رئيسي للمريض إنه يتشجع ويهتم بصحة فمه وأسنانه

وهذا هو الهدف الرئيسي من المشروع
تقريبا جلسنا إسبوع أنا وواحد من الشباب عليه ليظهر بالشكل اللي نتمنى إنه يكون سهل وبسيط
ومتفائلين جدا بهالمشروع لتوفير العلاج المناسب للمرضى وتوفير الحالات المرضية للكلية
وفي الأخير المشروع كله مجهود أفراد نتمنى تطبيقه على مستوى أكبر من كذا في المستقبل

الرابط لتسجيل البيانات هنا​

 

[Snake-87]

سؤال: الطلبة هم إلي يعالجون المرضى ؟ يجربون فيهم :tongue: ؟

 

[Al Pacino]

اف يالاسنان .. بسادس خلع لي الدكتور سن .. بعدها ماطبيت طبيب الاسنان ابد !! واسناني للاسف مو مضبوطه ولاني محافظ عليها بس الحمد لله البعيده داخل هي الي فيها مشاكل اما الخشه ماشي حالها .. بس افكر اني اكشف لمجرد الكشف واعرف البلاوي الي احتاجها عشان ازين الامور .. عموما انا سجلت اسمي بالرابط بس مادري وش الطريقة بالموعد هل يجيني عبر رساله ولا كيف بالضبط ؟

 

[Dr MaD]

سؤال: الطلبة هم إلي يعالجون المرضى ؟ يجربون فيهم :tongue: ؟

هذي نقطه حساسه جدا
الطلاب هم اللي يعالجون المرضى .. لكن ماحد "يجرب" فيهم !!
مستحيل كل كليات طب الأسنان في العالم تخلي البشر تجارب
وكل أطباء الأسنان تخرجوا كذا

أول شي إحنا مانجرب أو نتعلم .. إحنا متعلمين قبل كذا على أسنان طبيعيه وبلاستك في كورسات عمليه مكثفه قبل ما نطلع العيادات ونمسك مرضى
فإحنا نطبق .. مانجرب

والشي الثاني وجود الإستشاريين .. وهم نخبة الإستشاريين في المملكة في كل التخصصات
يعني في كورس علاج العصب مثلا .. كل الإستشاريين المشرفين على الطلاب تخصصهم علاج عصب .. وكذا ليش مايسمح للطالب يشتغل أي شي ثاني غير علاج العصب
وإذا نفس المريض يحتاج خلع مثلا مستحيل يسمحلي الإستشاري المشرف أخلع في عيادة الأعصاب .. لازم أحوله على عياده الجراحة
وفي عياده الجراحة نفس الشي .. يكون كل الإستشاريين جراحين وجه وفكين ويشرفون على الطلاب
ومافي أي خطوة يقدر يسويها الطالب ويروح للي بعدها إلا بعد مايمر عليه الإستشاري ويعطيه الإذن
وشغلنا في الكلية كله أكاديمي صحيح .. يعني ماشين زي ما يقول الكتاب ومستحيل واحد من الطلاب يختصر أي خطوة

كل هذي وأشياء ثاني كثير هي نقاط قوة في الكلية .. وماتؤخذ بمنظور ضيق مجرد إنه اللي يشتغل عليه طالب

 

[Wild Fox]

سؤال: الطلبة هم إلي يعالجون المرضى ؟ يجربون فيهم :tongue: ؟

المشكله الكلاسيكيه لطلاب الطب سواء البشري او الاسنان .. لما تروح لمريض يقلك انت طالب ؟ ... اذا لا شكرا ما تفحصني ..
انا صرت اخذ طرق ملتويه .. اما ادخل على المريض و اعمل حالي مقيم ... او ادخل على المريض اقله الدكتور طلب مني افحصك شخصيا ..
ما في طريقه ثانيه اتعلم فيها ..

 

[squall leonhart]

سؤال: الطلبة هم إلي يعالجون المرضى ؟ يجربون فيهم :tongue: ؟

و الله ان الطلاب ذول احسن من مليون دكتور اسنان اجنبي مملين البلد بشهادات من سوريا و بظيخ و ما ادري ايش

يعطيكم العافية شباب و بالتوفيق

 

[Saadawii]

مشروع رائع من قلب، الله يوفقكم. عادي أحط له رابط في مدونتي؟ لأني أخاف انكم ما تبغون تجذبون عدد كبير من الناس (الله أكبر يالفيسبوك خخخخخ).

 

[Dr MaD]

شكرا على كلماتكم التشجيعيه
والحمدلله من بداية الإعلان في إقبال جيد

مشروع رائع من قلب، الله يوفقكم. عادي أحط له رابط في مدونتي؟ لأني أخاف انكم ما تبغون تجذبون عدد كبير من الناس (الله أكبر يالفيسبوك خخخخخ).

أكيد يا سعد ! .. إنت كذا تدعم المشروع زياده :

 

[KOTSHY]

السلام عليكم ورحمة الله وبركاته
الله يوفقكم ويعطيكم الف عافية

سؤال: الطلبة هم إلي يعالجون المرضى ؟ يجربون فيهم ؟

هلا اخوي حبيت اوضح لك نقطة مهمة بخصوص هذا الموضوع
اولا انا ولله الحمد تخرجت من كلية طب الأسنان بجامعة الملك عبدالعزيز وحاليا انا بمرحلة الامتياز
انت تعرف ان بمرحلة الامتياز تروح لمستشفيات خارج الجامعة وتطبق هناك

حبيت اقول لك مثلا انا حاليا اداوم بمستشفى الملك فهد (مستشفى حكومي )) علاج مجاني
فيه اسشارين وفيها اطباء اسنان عام
تعرف كيف تكون صعوبة الحصول على موعد ؟؟
حتى تحشي سنة واحدة يمكن تصف انتظار 6 شهور متخيل الوضع كيف ؟؟
واذا حضرت الموعد احتمال تلقى الدكتور مهو موجود ((غائب)) فتترمي موعد جديد بعد فترة
وبعدين كل الشغل الي بالمستشفيات غير اكاديمي بتاتا شغل فقط يهمهم عدد المرضى فقط وما يهم جودة العلاج من كثر الضغط الي يتعرضون له الدكاترة بعدد المرضى الكبير جدا جدا جدا
تحصل الدكتور يشتغل بسرعة عشان يخلص بسرعة عشان يدخل المريض الي بعده عشان يمشي بسرعة
وما احكي لك نقص المواد والامكانيات مما يؤذي الى نتيجة علاج سيئة والمريض المشكلة ما يعرف يحكم على جودة العلاج هذا بالنسبة للمستشفيات الحكومية

ممكن تقول لي ابغى اروح عيادة خاصة اقول لك حتدفع مبلغ محترم وما راح تعرف جودة العلاج لأنك ليس طبيب فيمكن الطبيب يعمل لك علاج عصب فالألم حيختفي بس ممكن يحشيه بطريقة خاطئة فأنت ما راح تعرف لانه الألم هو الي جابك وهو شال الألم ولكن ما عالج السنة بشكل صحيح فتروح تمشي الأيام ويمكن بعد سنة ولا اثنين تشوف سنتك الي عملت فيها حشوا عصب تتخلخل وتطيح والسبب انه ما عالجها بشكل صحيح

وانا طالب شفت حالات مرضى تعالجوا عند عيادات خاصة والله العظيم شغل طبخ
يعالجون الألم فقط والمريض للأسف ما يعرف لأنه راح الألم ويحسب ان اسنانه سليمة


اما العلاج بالجامعة فله مميزات كثيرة
اولا مجاني
ثانيا قرب المواعيد
ثالثا بطريقة اكادمية
رابعا توفر المواد والأدوات بشكل كامل
خامسا الطلاب ما يقدروا يعملوا خطوة الا بوجود استشاري يحكم على الشغل عشان يروح للخطوة الي بعدها
سادسا الشغل عليه تقيم من الاستشاري فالطالب يحرص ان يكون شغله ممتاز عشان يخاف من التقيم


عيب الجامعة الوحيد انهم محكورين بأيام واوقات معينة وضيقة ولازم المريض يلتزم مع الطالب بالعلاج لانه ما راح يقدر يخلص له العلاج بيوم واحد راح ياخذ وقت وخطوات اكثر من العيادات الخاصة بسبب انهم يستخدمون طرق اكادمية وليس اختصارات مثل الي تصير بأغلب العيادات


والله يا شباب فرصة حلوة أهم شيء تلتزمون بالمواعيد
علاج العصب بالخارج ممكن يكلف 500 للسنة
و300 للحشوات التجميلية
يوتبيض الأسنان بالعيادات الخاصة يكلف 1500 - 3000 ريال
تعرفون بكم تتباع المواد حقت التبيض ب 150 ريال !!!
الباقي شغل يد الطبيب
بالجامعة كله مجاني وبالنسبة للتبيض ممكن يقولوا لك ادفع حق المواد
يعني الي يبغى يسوي تبيض يروح يسويه بالجامعة عند الطلبة فقط الطالب بيقول لك عطيني حق المواد وفيه شباب يشتروه على حسابهم
بس لازم تعرفوا انه مو كل حالة تنفع يصير لها تبيض

 

[Snake-87]

بالنسبة للتكاليف الحمد لله العلاج مجاني عندنا بالكويت لكل المذكور فوق بس ربعنا دايما يروحون عيادات خاصة لأن عندنا قاعدة الخاص أحسن من الحكومة (القاعدة مرات صح ومرات غلط.. على حسب الدكتور) والزحمة موجودة بالخاص قبل الحكومة الفرق المواعيد بس .

وصراحة في ناس حساسة جدا جدا وتخاف من الروحة حق الطبيب فيحق لها على الأقل تطمئن بأنها في أيدي مجربة من قبل , البقية الي ما تخاف أوكي .. ترى الروحة لأطباء الأسنان فيها ضغط نفسي لبعض الناس ومتأكد الكل يعرف هالشي .

عن نفسي كسل أكثر من ما هو خوف .. محتاج طبيب أسنان ظروري .. رديت من تايلند وسويت تنظيف و تبييض zoom 2 هناك .. البياض راح -_________-" .

 

[Hironobu Sakaguchi]

يمكن اخر مرة دخلت عيادة اسنان كان قبل ممممم اكثر من 15 سنة؟ <<< قولوا ماشاء الله اسناني زينة بس يبيلها شوية حشي :
KOTSHY احجزلي موعد عندك :laugh::

 

[GYWN]

السلام عليكم ورحمة الله وبركاته
الله يوفقكم ويعطيكم الف عافية


هلا اخوي حبيت اوضح لك نقطة مهمة بخصوص هذا الموضوع
اولا انا ولله الحمد تخرجت من كلية طب الأسنان بجامعة الملك عبدالعزيز وحاليا انا بمرحلة الامتياز
انت تعرف ان بمرحلة الامتياز تروح لمستشفيات خارج الجامعة وتطبق هناك

حبيت اقول لك مثلا انا حاليا اداوم بمستشفى الملك فهد (مستشفى حكومي )) علاج مجاني
فيه اسشارين وفيها اطباء اسنان عام
تعرف كيف تكون صعوبة الحصول على موعد ؟؟
حتى تحشي سنة واحدة يمكن تصف انتظار 6 شهور متخيل الوضع كيف ؟؟
واذا حضرت الموعد احتمال تلقى الدكتور مهو موجود ((غائب)) فتترمي موعد جديد بعد فترة
وبعدين كل الشغل الي بالمستشفيات غير اكاديمي بتاتا شغل فقط يهمهم عدد المرضى فقط وما يهم جودة العلاج من كثر الضغط الي يتعرضون له الدكاترة بعدد المرضى الكبير جدا جدا جدا
تحصل الدكتور يشتغل بسرعة عشان يخلص بسرعة عشان يدخل المريض الي بعده عشان يمشي بسرعة
وما احكي لك نقص المواد والامكانيات مما يؤذي الى نتيجة علاج سيئة والمريض المشكلة ما يعرف يحكم على جودة العلاج هذا بالنسبة للمستشفيات الحكومية

ممكن تقول لي ابغى اروح عيادة خاصة اقول لك حتدفع مبلغ محترم وما راح تعرف جودة العلاج لأنك ليس طبيب فيمكن الطبيب يعمل لك علاج عصب فالألم حيختفي بس ممكن يحشيه بطريقة خاطئة فأنت ما راح تعرف لانه الألم هو الي جابك وهو شال الألم ولكن ما عالج السنة بشكل صحيح فتروح تمشي الأيام ويمكن بعد سنة ولا اثنين تشوف سنتك الي عملت فيها حشوا عصب تتخلخل وتطيح والسبب انه ما عالجها بشكل صحيح

وانا طالب شفت حالات مرضى تعالجوا عند عيادات خاصة والله العظيم شغل طبخ
يعالجون الألم فقط والمريض للأسف ما يعرف لأنه راح الألم ويحسب ان اسنانه سليمة


اما العلاج بالجامعة فله مميزات كثيرة
اولا مجاني
ثانيا قرب المواعيد
ثالثا بطريقة اكادمية
رابعا توفر المواد والأدوات بشكل كامل
خامسا الطلاب ما يقدروا يعملوا خطوة الا بوجود استشاري يحكم على الشغل عشان يروح للخطوة الي بعدها
سادسا الشغل عليه تقيم من الاستشاري فالطالب يحرص ان يكون شغله ممتاز عشان يخاف من التقيم


عيب الجامعة الوحيد انهم محكورين بأيام واوقات معينة وضيقة ولازم المريض يلتزم مع الطالب بالعلاج لانه ما راح يقدر يخلص له العلاج بيوم واحد راح ياخذ وقت وخطوات اكثر من العيادات الخاصة بسبب انهم يستخدمون طرق اكادمية وليس اختصارات مثل الي تصير بأغلب العيادات


والله يا شباب فرصة حلوة أهم شيء تلتزمون بالمواعيد
علاج العصب بالخارج ممكن يكلف 500 للسنة
و300 للحشوات التجميلية
يوتبيض الأسنان بالعيادات الخاصة يكلف 1500 - 3000 ريال
تعرفون بكم تتباع المواد حقت التبيض ب 150 ريال !!!
الباقي شغل يد الطبيب
بالجامعة كله مجاني وبالنسبة للتبيض ممكن يقولوا لك ادفع حق المواد
يعني الي يبغى يسوي تبيض يروح يسويه بالجامعة عند الطلبة فقط الطالب بيقول لك عطيني حق المواد وفيه شباب يشتروه على حسابهم
بس لازم تعرفوا انه مو كل حالة تنفع يصير لها تبيض

كلام من ذهب وشي جميل إذا شفنا مشروع ممتاز يهتم بتوفير علاج مجاني للجميع وترجع فائدته للطلاب أنفسهم كونهم راح يكسبون خبره , انا بالنسبه لي ماعندي مانع أروح أدعم المشروع كوني فرد من أفراد الوطن لأني أعرف وش الفرق بين التطبيق الأكاديمي وبين التطبيق الغير أكاديمي لكن الشي هذا صعب أي واحد يستوعبه والنظره السائده عند المعنيين بالأمر هي الخوف من العلاج عند الغير متمكنين بشكل كامل ( دكتور متخصص ) أو أستشاري أو سمه ما شأت أهم شي يكون مالك لتاج الخبره حتى ولو كانت مزيفه

بالتوفيق للمشروع

 

[Al Pacino]

MAD فيه سؤال منسي فوق -__-

 

[Dr MaD]

اف يالاسنان .. بسادس خلع لي الدكتور سن .. بعدها ماطبيت طبيب الاسنان ابد !! واسناني للاسف مو مضبوطه ولاني محافظ عليها بس الحمد لله البعيده داخل هي الي فيها مشاكل اما الخشه ماشي حالها .. بس افكر اني اكشف لمجرد الكشف واعرف البلاوي الي احتاجها عشان ازين الامور .. عموما انا سجلت اسمي بالرابط بس مادري وش الطريقة بالموعد هل يجيني عبر رساله ولا كيف بالضبط ؟

إن شاء الله راح نتصل عليك ونحدد معاك موعد
وفي الموعد الأول يتم أخذ أشعه لك وجلسه فحص كامله للفم والأسنان .. وفيها يتم وضع خطه علاجيه للأسنان كلها

ومعليش ما إنتبهت للسؤال :confuse:

 

["a7mad"]

عندي سن على اليمين يوجع لوول

مدري وش سالفته .. مافيه اي شئ لونه اسود ( يعني سوس ) ولا ادري من ايش .. ان شاء الله اجيكم =)

 

[alakafi]

اسناني توجعني بس مو مسوسة ليش ؟

لو اني بالرياض كنت رحت

 

[Nyx]

يعطيك ألف عافية والله يوفقكم.
والله أسناني يبغالها شغل , بس أتذكر ولد عمي قدم على موعد وأعطوه واحد بعد سنتين ! (الكلام ذا في الطايف مستشفى الملك فيصل)
فمدري عن الوضع عندكم كيف , ولا عندنا واسطة :razz:: ؟

 

[KOTSHY]

يمكن اخر مرة دخلت عيادة اسنان كان قبل ممممم اكثر من 15 سنة؟ <<< قولوا ماشاء الله اسناني زينة بس يبيلها شوية حشي :
KOTSHY احجزلي موعد عندك :laugh::

حياك الله معن اذا حاب كلمني

 

[Dr MaD]

عندي سن على اليمين يوجع لوول

مدري وش سالفته .. مافيه اي شئ لونه اسود ( يعني سوس ) ولا ادري من ايش .. ان شاء الله اجيكم =)

إن شاء الله نحجزلك موعد في الكلية .. وبس تجي ناخذلك أشعه ونشخصلك أسباب الألم بإذن الله

اسناني توجعني بس مو مسوسة ليش ؟

يحتاجلها أشعه وإختبارات إكلينيكيه نفحص فيها الأسنان

ياشباب لا تستبقون الأحداث .. وتحكم على نفسك إنه ماعندك تسوس .. يمكن التسوس صاير بين السنتين وإنت مو شايف
سجلوا في الموقع .. وراح نتصل عليكم قريبا ننسق معاكم موعد

فمدري عن الوضع عندكم كيف , ولا عندنا واسطة ؟

هنا المواعيد ماتحصل صعوبه إن شاء الله .. ولا تشيل هم الواسطات :

ويعطيك ألف عافيه يادكتور مهند على كلامك .. ما أقدر أزيد عليه شي !