[خبر] ال3DS لا يتحمل Unreal Engine .. تصريح من Epic

[Zoda]

^
-____-" صراحه ضيقت صدري لازم نشوف عواق باجهزت نينتيندو

 

[BioMario]

كأننا ما كنا نشوف مطورين صغار يقدمون ألعاب من قبل الأنريل انجن!

من قبل المحرك هذا + أقوى تقنياً مع ألوان و عالم يفتح النفس

 

[Zoda]

^ ناوي حرش؟!؟ ;p

 

[hussien-11]

^
-____-" صراحه ضيقت صدري لازم نشوف عواق باجهزت نينتيندو

هي مو مسألة عوائق بقدر مسألة انه ننتندو ما حطت المطور الغربي و تقنياته في بالها لما صنعت الجهاز P:

و مع ذلك انا كمستهلك رح اكون مبسوط بالنهاية ، لأنه الي أشوفه من الجهاز يرضيني تماما

 

[Light A]

ريد ستيل الأولى كانت شغالة بمحرك أنريل 2,5 على الوي فما أعتقد أن الـ 3ds غير قادر على ذلك

 

[Dark Master]

دامو يشغل محرك كابكوم فالجهاز قوي ...

 

[kInGsIzE]

رجعت قرأت التصريح مرة ثانية و حاولت أركز أكثر و توني فهمت قصدهم .. شكلي جيت مصفي الطبلون و مافهمت كلامهم عدل و جبت العيد بردي ..

لول أسحب كلامي اللي قلته سابقاً و ثاني مرة ما عاد أرد و أنا دايخ و قرفان بالدوام :laugh::

كويس انك راجعت الرد .. لانك رفعت ضغطي بدرجه مو طبيعيه و حجزت تذكره لبريطانيا و كنت بجيب معاي لانسر انشر فيه راسك بس ربي ستر عليك

للاسف من اكثر المواضيع اللي قهرتني بترو جيمنج .. مو لمحتوى الخبر نفسه بس بسبب الطريقه اللي يفكرون فيها كثير من الاعضاء و تحويلهم لمسار مختلف تماما عن التصريح الاصلي + التصغير من ايبك بشكل مزري .. للاسف

 

[Nyx]

المشكلة يقول بعد ما إستلمنا عدة التطوير , فما أتوقع صعب الجهاز يدعم محرك الخاص بالمحمول واللي يشتغل بالأيفون , بس عالعموم إيبيك طول عمرها ورى Id كمستوى تقني أو فني.
وياشباب خصوصا إللي يقللون من وضع المحرك لا تنسون إنه أصبح مجاني , يعني مهم جدا للأفرقة الصغيره و المستقلة خصوصا والجهاز محمول !

 

[Burdegation]

بعد ردة الفعل اللي صارت هني من دفاع و تعييب بمحرك انريل قلت خلني اشوف شنو اهيا الالعاب اللي استخدمت هالمحرك اساسا
و لول على اللي اكتشفته

من هاللسته الطويله من اللالعاب مافي الا لعبه وحده عجبتني اهيا انسليفد P:

للي حاب يشوف القائمه :
http://en.wikipedia.org/wiki/List_of_Unreal_Engine_games


nyx
بلاش للإستعمال الشخصي و الغير تجاري بس اذا قررت تسوي لعبه لازم تدفع لإيبك

 

[Photon]

كويس انك راجعت الرد .. لانك رفعت ضغطي بدرجه مو طبيعيه و حجزت تذكره لبريطانيا و كنت بجيب معاي لانسر انشر فيه راسك بس ربي ستر عليك

للاسف من اكثر المواضيع اللي قهرتني بترو جيمنج .. مو لمحتوى الخبر نفسه بس بسبب الطريقه اللي يفكرون فيها كثير من الاعضاء و تحويلهم لمسار مختلف تماما عن التصريح الاصلي + التصغير من ايبك بشكل مزري .. للاسف

ما عاش اللي يزعل أحمد .. لول قعدت أتخيل هذا السيناريو ..

أحمد على الجوال : هلا عبدالرحمن .. أنا فاضي هذه الأيام و ودي أزورك ينفع أو لا؟
أنا: حياك الله أحمد الساعة المباركة و هذا عنواني 7 Redwoods ... ( لول ما بكتب باقي العنوان عشان لا يجيني أحمد من جد )

أحمد يدق الباب و أنا أنقز جري و أفتح الباب .... أحمد و المنشار بيده : ياااااااااااععععععععععععععع و أنا أصيح و مافي مهرب و تنتهي القصة الدموية بنهاية واضحة يعني :laugh::

===

مع كل الجدل الدائر هنا لازلت أتفق مع محمد و حسين .. الخسران بالنهاية هي إيبيك و نينتندو كالعادة ما يضرها شي .. خلي إيبيك الفلة يجيها يوم و تقدر تنشر لعبة بنفسها عشان ساعتها أفكر أجيبها جنب الحيتان الكبار .. لو إيبيك ما نزلوا محركهم على الثري دي اس ما راح أفتقده أبدا شخصيا لأنه كل اللي قاعد أشوفه من مشاريع يغني عن أي أنريل و ولو نزل و بدأوا المطورين بشغل ال FPS و العبط هذا ما بشتري شي منها حتى لو مشاريع متعوب عليها .. أنا بشرد من الكونسول لهذا السبب ألقاهم وصلوني المحمول؟ .. لا شكراً.

 

[Nintendo]

لول فاتني الاكشن بذا الموضوع..

اوكي بالنسبة للانريل انجن رغم عيوبه ومشاكله ولكن مايمنع انه محرك حقق نجاحات قوية جدا بذا الجيل, هل هو مهم لل3DS عشان ينجح؟ طبعا لا. هل هو مهم لشركات الطرف الثالث عشان تطور العابها للجهاز عليه امممممم ماظن, المحمول بالذات ماتوقع الشركات تبغى تصرف على مشاريعه مبالغ كبيره مثل مشاريع الاجهزة المنزلية. المطور الغربي الى الان بالمحمول وضعه سئ وقليله جدا هي الالعاب الجيده منه وماعتقد محرك انريل بيكون (المنقذ).

بإختصار شديد ايبك اذا فعلا تفكر بسوق المحمول غصبا عنها لازم تدعم ال3ds, عاد ينزلوا نسخة خاصه للجهاز او خلافه ذا شئ راجعلهم.

 

[Nyx]

nyx
بلاش للإستعمال الشخصي و الغير تجاري بس اذا قررت تسوي لعبه لازم تدفع لإيبك

بيني وبينك إستغربت لما قريت الخبر , طلعت فاهمه غلط خخخ شكرا على الإيضاح.

لأنه كل اللي قاعد أشوفه من مشاريع يغني عن أي أنريل و ولو نزل و بدأوا المطورين بشغل ال FPS و العبط هذا ما بشتري شي منها حتى لو مشاريع متعوب عليها .. أنا بشرد من الكونسول لهذا السبب ألقاهم وصلوني المحمول؟ .. لا شكراً.

الإستغلال الخاطئ للمحرك مو ذنب إيبيك أو محركها "الشرير".

المطور الغربي الى الان بالمحمول وضعه سئ وقليله جدا هي الالعاب الجيده منه وماعتقد محرك انريل بيكون (المنقذ).

ليش مايكون "المنقذ" ؟
محرك أنريل له شعبية كبيره بالغرب وكثير مطورين عرفوله ذا الجيل ووجود نسخه خاصه للعدس أعتقد بيكون شي إيجابي جدا وما أعتقد إنه يكلف الآن ...

الكل عارف إن العدس جهاز جبار ونجاحه مرسوم من الآن , بس مهما كان محرك أنريل له وزنه والكل يعرف هالشي فبلاش نضحك على بعض :tongue:

 

[Photon]

الإستغلال الخاطئ للمحرك مو ذنب إيبيك أو محركها "الشرير".
:tongue:

أنا ما قلت عليهم أشرار لا هم و لا محركهم .. أنا أبديت تضايقي شخصيا من التوجه الحالي للسوق و أنريل يساعد على تعميق هذا التوجه بزيادة .. طيب تقدر تقول لي إيش أحسن استغلال لقدرات المحرك غير ألعاب الفبس؟ .. لول مو شايف أمثلة إلا إنسليفد و ماس إيفيكت و جيرز ( اثنين منهم يعتبرون شوترز بطريقة أو بأخرى لول )

 

[G7Ga7]

أنا ما قلت عليهم أشرار لا هم و لا محركهم .. أنا أبديت تضايقي شخصيا من التوجه الحالي للسوق و أنريل يساعد على تعميق هذا التوجه بزيادة .. طيب تقدر تقول لي إيش أحسن استغلال لقدرات المحرك غير ألعاب الفبس؟ .. لول مو شايف أمثلة إلا إنسليفد و ماس إيفيكت و جيرز ( اثنين منهم يعتبرون شوترز بطريقة أو بأخرى لول )

الشوترز هي الجانرا الأكثر شعبية على الكونسولز, والمحرك -حالياً- هو الاسرع والاسهل والأرخص (؟) في وسط الجيمنج. فطبيعي تشوف أغلب الالعاب اكشن شوترز.

عموماً الانجن عنده امكانيات أوسع من كذا. أمثلة: http://www.udk.com/showcase هنا بتلقى لعبة ار بي جي/تاور ديفينس, سايد سكورلر, برولر, بزل..الخ.

عشان تعرف قد ايش المحرك سهل ويفيد المطورين, خاصة الصغار منهم شف الفيديو ذا: http://www.youtube.com/watch?v=1Nd4kIKUmPg

هذا نتيجة عمل ساعات فقط. صاحب الفيديو يقول ان اللعبة انتهت بهالشكل: http://www.squidinabox.com/

لا زلت مصر على رأيي, المحرك ممتاز, وعدم وجوده على الجهاز اعتبره خسارة بالنسبة لي.

 

[hussien-11]

وعدم وجوده على الجهاز اعتبره خسارة بالنسبة لي.

عبد الرحمن انت قرأت ردودي بالموضوع ؟

كيف عدم وجوده خسارة اذا الجهاز ما يحتاجه أساسا ؟!! الجهاز ما فيه unified shaders كم مرة قلت هالشي -__-

 

[G7Ga7]

عبد الرحمن انت قرأت ردودي بالموضوع ؟

كيف عدم وجوده خسارة اذا الجهاز ما يحتاجه أساسا ؟!! الجهاز ما فيه unified shaders كم مرة قلت هالشي -__-

لا والله توني اقراه :laugh::
هممم كلامك مُقنع. لكن يظل أتمنى لو ايبيك تطلع بحل للمشكلة الي ذكرتها بردك. لأن اتوقع في النهاية قوة المحرك الحقيقية هي التوولز الممتازة والعملية والسهلة الي تجي مجاناً مع الديفلوبمنت كيت. والتوولز هذي تسهل على الكثير عملية التطوير وتعطيهم وقت أكثر في بناء اللعبة creatively بدال ضياع الكثير من الوقت والفلوس على تعلم توولز جديدة من الصفر وبناء محرك مستقل.

بس للتوضيح: أنا قلت خسارة بالنسبة لي أنا لأني ابغى اكبر عدد ممكن من المطورين يدعمون الجهاز بألعابهم, لغرض التنويع في الالعاب. طبعاً الجهاز وننتندو ما يحتاجونه أكيد, واجهزتهم والسوفتوير حقهم بيمشي معاه أو بدونه.

 

[Nyx]

أنا ما قلت عليهم أشرار لا هم و لا محركهم .. أنا أبديت تضايقي شخصيا من التوجه الحالي للسوق و أنريل يساعد على تعميق هذا التوجه بزيادة .. طيب تقدر تقول لي إيش أحسن استغلال لقدرات المحرك غير ألعاب الفبس؟ .. لول مو شايف أمثلة إلا إنسليفد و ماس إيفيكت و جيرز ( اثنين منهم يعتبرون شوترز بطريقة أو بأخرى لول )

مثل ماقالك جحجاح هذا التوجه العام للسوق وخصوصا إنه جنرا سهل بالنسبة للمطورين وشفنا كيف صارت الألعاب شبه بعضها , أنا في نفس موقفك تماما مع إني أعشق الإف بي إس! (الممتاز فقط P: )...
بس محرك إنريل وجد بالمعادلة بعامل الصدفة , يعني لو نزل في أوائل الألفية الجديدة كان ثلاث أرباعه jRPG .
والمحرك أثبت جدارته مع الوقت (خصوصا بعد التحديث الأخير) وإنه قادر على خلق بيئات متنوعه ومعليش مليان ألعاب ملونه على كي كيفك ومن نفس المحرك (أول ماجا في بالي ميرورز إيدج).
السالفة ومافيها إن تصريحه صحا الفانبوي اللي بداخلكم وهاتك هجوم غير مبرر على إيبيك ومحركها P:
تعديل:

هذي تسهل على الكثير عملية التطوير وتعطيهم وقت أكثر في بناء اللعبة creatively بدال ضياع الكثير من الوقت والفلوس على تعلم توولز جديدة من الصفر وبناء محرك مستقل.

عليك نووور.

 

[Emirates]

بعد ردة الفعل اللي صارت هني من دفاع و تعييب بمحرك انريل قلت خلني اشوف شنو اهيا الالعاب اللي استخدمت هالمحرك اساسا
و لول على اللي اكتشفته

من هاللسته الطويله من اللالعاب مافي الا لعبه وحده عجبتني اهيا انسليفد P:

للي حاب يشوف القائمه :
http://en.wikipedia.org/wiki/List_of_Unreal_Engine_games


nyx
بلاش للإستعمال الشخصي و الغير تجاري بس اذا قررت تسوي لعبه لازم تدفع لإيبك

مش مشكلتنا ولا مشكلة ايبيك انه تعجبك لعبة وحده

بس بالنظر لقائمة الالعاب دليل على نجاح ايبيك ومحركها

تكفي سلسلة جيرز اوف وور وبايو شوك العاب تسعات وعشرات حتى لو ما اعجبتك او اعجبت غيرك

وفي النهاية فيه شي اسمه ذوق وراي شخصي .. وفيه شي اسمه واقع ورأي اغلبيه

 

[ryo hazuki]

ليش ما يتم استخدام الانريل لل psp ولل wii ؟

و كيف الانريل يشتغل على الايفون باحلى صورة ؟

اذا فية احد منكم يقدر يفهمني

 

[G7Ga7]

ليش ما يتم استخدام الانريل لل psp ولل wii ؟

و كيف الانريل يشتغل على الايفون باحلى صورة ؟

اذا فية احد منكم يقدر يفهمني

على حسب فهمي, المسألة راجعة لإيبيك فاختيار الأجهزة الي تبغى المحرك يصير كومباتبل معاها. لسبب ما ما شافت هدف في تضييع موارد الشركة لتحويل المحرك للبي اس بي والوي. لكن شافت فرصة كبيرة في الآيفون. ممكن هاردوير الآيفون أخيراً وصل للحد المطلوب الأدنى للمحرك, وانتشار الجهاز بشكل مرعب وكثرة الألعاب عليه, والربح الي يطلع منها أعتقد اقنعت ايبيك بان الجهاز فيه بوتنشال لربح كبير على الجهاز. فلما اشتغلوا عليه بذمة, طلعوا بشيء مجنون.

 

[hussien-11]

ليش ما يتم استخدام الانريل لل psp ولل wii ؟

و كيف الانريل يشتغل على الايفون باحلى صورة ؟

اذا فية احد منكم يقدر يفهمني

الـPSP و الـWii ما فيهم unified shaders ( شادرز قابلة للبرمجة ) ، الايفون فيه

الـ3DS أيضا ما فيه شادرز قابلة للبرمجة ، لكن الفرق انه بطاقة الجهاز الرسومية نفسها تتضمن خواص من الـopen Gl 2.0 جاهزة للاستخدام ، هذا الي يعطيه الأدفانتج عن الـPSP و الـWii .

 

[Photon]

الشوترز هي الجانرا الأكثر شعبية على الكونسولز, والمحرك -حالياً- هو الاسرع والاسهل والأرخص (؟) في وسط الجيمنج. فطبيعي تشوف أغلب الالعاب اكشن شوترز.

عموماً الانجن عنده امكانيات أوسع من كذا. أمثلة: http://www.udk.com/showcase هنا بتلقى لعبة ار بي جي/تاور ديفينس, سايد سكورلر, برولر, بزل..الخ.

عشان تعرف قد ايش المحرك سهل ويفيد المطورين, خاصة الصغار منهم شف الفيديو ذا: http://www.youtube.com/watch?v=1Nd4kIKUmPg

هذا نتيجة عمل ساعات فقط. صاحب الفيديو يقول ان اللعبة انتهت بهالشكل: http://www.squidinabox.com/

لا زلت مصر على رأيي, المحرك ممتاز, وعدم وجوده على الجهاز اعتبره خسارة بالنسبة لي.

أها .. إذا كان هذا قصدك كان ما دخلت بالنقاش اصلا .. المشكلة يالسمي لما أحد يقول أنريل على طول تجي بمخيلتي حديد و ألوان غامقة و مناشير و رشاشات ووو .. إلخ فمو حاب الفكرة بتاتا و خصوصا إننا بنشوف مطورين يحسبوا نفسهم يشتغلوا على كونسول و نشوف ألعاب معوقة و هي مو ناقصة .. المقصد إنه عدم وجود أنريل على الثري دي اس بالنسبة لي يريحني من الاستخدامات العبيطة له من المطورين لكن لو شفت مشاريع جبارة و مبدعة هل فيه أحد بيقول لا؟ .. أنا بكون أول مرحب و لا يهمني إيش محرك اللعبة وقتها و مرة ثانية المحرك ممتاز و لا أحد قال غير كذا إنما اعتراضي على استخدامه في مشاريع قد لا تناسب فكرة جهاز محمول.

شكرا على الروابط بالمناسبة و خصوصا الثاني : )

 

[Burdegation]

مش مشكلتنا ولا مشكلة ايبيك انه تعجبك لعبة وحده

بس بالنظر لقائمة الالعاب دليل على نجاح ايبيك ومحركها

تكفي سلسلة جيرز اوف وور وبايو شوك العاب تسعات وعشرات حتى لو ما اعجبتك او اعجبت غيرك

وفي النهاية فيه شي اسمه ذوق وراي شخصي .. وفيه شي اسمه واقع ورأي اغلبيه

لعبه وحده و حتى كنت مابيها على هالمحرك تمنيت لو شفتها على محرك هيفنلي سوورد :tongue:

و شعلاقة ردي الحين بالي انت كتبته مدخل شيء على شيء
انا ماتكلمت عن نجاح او سوء الالعاب اللي تستخدم هالمحرك, كل الي قلته اني ماحب مظهرها و هذا رأي شخصي و يحقلي حتى لو الكل معارض .

 

[Emirates]

وفي النهاية فيه شي اسمه ذوق وراي شخصي .. وفيه شي اسمه واقع ورأي اغلبيه

وانا قلت اللي باللون الاحمر ينطبق عليك

 

[G7Ga7]

أها .. إذا كان هذا قصدك كان ما دخلت بالنقاش اصلا .. المشكلة يالسمي لما أحد يقول أنريل على طول تجي بمخيلتي حديد و ألوان غامقة و مناشير و رشاشات ووو .. إلخ فمو حاب الفكرة بتاتا و خصوصا إننا بنشوف مطورين يحسبوا نفسهم يشتغلوا على كونسول و نشوف ألعاب معوقة و هي مو ناقصة .. المقصد إنه عدم وجود أنريل على الثري دي اس بالنسبة لي يريحني من الاستخدامات العبيطة له من المطورين لكن لو شفت مشاريع جبارة و مبدعة هل فيه أحد بيقول لا؟ .. أنا بكون أول مرحب و لا يهمني إيش محرك اللعبة وقتها و مرة ثانية المحرك ممتاز و لا أحد قال غير كذا إنما اعتراضي على استخدامه في مشاريع قد لا تناسب فكرة جهاز محمول.

شكرا على الروابط بالمناسبة و خصوصا الثاني : )

لا تنسى ان وجود الانريل انجن على الـ3DS هو لغرض التنويع في نوع الالعاب على الجهاز. يعني مو لأنه فجأة المحرك يدعم الجهاز, تلقى كل العابه آكشن شوترز. لا. أكيد الالعاب الرهيبة من ننتندو وغيرها بتظل موجودة, وفوقهم -أتمنى- تكون العاب الـUE. وحتى لو كانت 90% من هالالعاب سيئة وما تسوى, عادي, اسحب عليها. الدي اس من الأساس مليان شوفل وير وألعاب مالها لزمة في الحياة :laugh::

 

[Ghost of sparta K]

ما اعرف كيف الناس تتكلم عن محرك انزيل الي يتكلمون على المحرك ترى المشكله في المطورين مو في المحرك ترى المحرك عظيم جدا الي لعب باتمان راح يفهم هذا وعلى الكونسول قدم شخصية باتمان ب 40.000 اطار و تفاصيل جبار كذلك روعة المحرك في جيرز 3 من الصور الجديده للعبه , عيب المحرك الوحيد هو ضعف الفيزيائيه وعدم دعمه الكبير للأشياء القابله للتحطم في بيئة اي لعبه تطور هذا المحرك