hits counter

خبراء الويب و السيرفرات

king zell

king zell

Network Director
Administrator
صارت لنا مشكلة مؤخرا مع سيرفر TG Media

و يقولون لنا إننا تعدينا حد استخدام المعالج CPU الخاص فينا و هو 10% في سيرفر مشترك


طبعا المشكلة اللي ما فهمتها هو سبب الإستخدام الكثيف للCPU

و حسب زعمهم هو Too many Simultaneous httpd Connections


أحد عنده أي فكرة ايش ممكن يكون سبب هالشي.. و كيف ممكن نعالج هالمشكلة أو نخفف من استخدام الCPU في السيرفر بشكل عام؟
 
الحل هو GoDaddy.com بدل اشتراكات مع شركات متخلفة 🙂
 
ايش اللي يخلي Godady مختلف؟

علما بأن اشتراك سيرفر TG Media معطيني unlimited bandwith مثل godady تماما


مشكلة الCPU هذي مسألة مختلفة تماما.. الا اذا تعرف شي عن طريقة توزيع الCPU في Godady
 
محمد انصحك تحط سؤالك في منتدى مختص في هالأمور مثل سوالف سوفت او Webhostingtalk.com
 
هلا محمد ..
هممم .. حسب ما أشوف ان المشكلة هي في عدد الكونيكشين اللي تصير للسيرفر في الوقت الواحد ..
طبعا المشكلة ما اتوقع في العدد بقدر ما هو يمكن في الـtime out العالي لكل واحد ..

شف ملف الـconfig وحاول تعدل في شغلات مثل Timeout ، MaxRequests
 وأذكر فيه شيء زي keep alive حاول تشيك عليه بعد ..

المشكلة خبرتي بسيطة في هذا الشيء ..
 
يعطيكم العافية شباب من جد كلامكم مفيد


الخارق.. الأشياء اللي انت تتكلم عنها أحسها فعلا اللي صاير.. انت تعرف أحد شخصيا خبير بهالأمور؟
 
شباب الـNetwork اللي عندنا في العمل خبيرين في الشيء هذا ..
لكن اليوم خميس وما فيه وسيلة اتصال بهم -_- ..

لكن خلني أشوف وش أقدر أسوي ..
 
king zell قال:
ايش اللي يخلي Godady مختلف؟

علما بأن اشتراك سيرفر TG Media معطيني unlimited bandwith مثل godady تماما


مشكلة الCPU هذي مسألة مختلفة تماما.. الا اذا تعرف شي عن طريقة توزيع الCPU في Godady
أنقر للتوسيع...

فيه كم ضخم من المعلومات وسبورت 24/7 وصفحات Guide وامور كثيره. مثل المشكله المعقده هذي صعب تحصل احد يعطيك حل صحيح ومباشر الا انه يكون شغال في نفس المجال.
 
محمد .. المشكلة تكون عادة من كثرة المجلدات و فتح حسابات كثيرة للاعضاء، لما يدخل اكثر من عضو في نفس الوقت لسيرفر TG M ويقوم بعمليات الرفع و التنزيل (استخدام السيرفر) و خاصة مع كثرة المجلدات الخاصة لكل مستخدم.
هذه الامور تستهلك المعالج .. فإذا وصل المعالج للحد المسموح (10%) ، تطلع لك هذه الرسالة ... و طبعاً تفرق كثير من سيرفر لسيرفر، بعضهم يعطيك نسبة اكبر و يمكن تكون سرعة المعالج اكثر ...

الحل الحالي ان عدد المستخدمين اللي يدخلون الموقع (قصدي اللي عندهم حساب) يقل .. أو أنك تمسح عدد المجلدات الكثيرة اللي موجودة في السيرفر ...

( طبعاً كل الاشياء اللي ذكرتها يمكن ما تكون هي سبب المشكلة بالضبط)

و بالنسبة للاشياء اللي ذكرها الخارق مو موجودة في كل كنترول بنل (في بعض السيرفرات مو موجودة هذه الخيارات) ... بس اذا كانت موجودة اكيد لازم تشيك عليها .. على العموم تقدر يا محمد تراقب السيرفر عن طريق انك تشوف اللود للسيرفر (CPU) .. و تشوف كيف العمليات اللي جالسة تصير في السيرفر (طبعاً فيه ادوات في البنل لهذه الشغلات)، و حاول تعرف من وين المشكلة..

المشكلة الكبرى انك لازم تعرف:
هل المشكلة من عندك كأعدادات في الكنترول بنل
أو صحيح مثل ما يقولون انك مستخدم الـ 10 بالمئة من الـ CPU
أو المشكلة من عندهم في الاصل ...
و تقدر تعرف و تكتشف هالشيء من دعمهم الفني

و بالنسبة لكلام خالد، صحيح يا محمد من شركة الى شركة تفرق .. حتى الخبرة اللي عندهم تختلف .. يمكن تعطيك حلول جيدة ... بس شخصياً اشك ان الخادم اللي مشترك عندهم مو جيدين لان TG M مو بهالضخامة (يمكن ايه 😉 )

أنا دخلت وشفت الويب هوستنق اللي مشترك فيه .. في شركات كثيرة سمعتهم معروفة افضل من هذه و ماخذين جوائز من ناحية الجودة و الدعم الفني و ..و .. (أنا شخصياً جربت هالشيء) ... طبعاً ما اقول لك اشترك في Godady ، لان حتى الـ Godady فيه افضل منها بس تضل ممتازة و هي الافضل في الدومين بلا منافس ... و انا ما نصح بالـ Godady كوب هوستينق، ما احس شهرتها و سمعتها في الهوستنق افضل من غيرها

(كل كلامي عن المقارنات: من مراجعات النت و ناس مجربين)

و في الاخير الأمر راجع لك .. بس نصيحتي حتى لو حليت المشكلة .. انتقل لسيرفر ثاني

و إذا احتجت لاي شيء محمد انا في الخدمة 🙂
و بالتوفيق.
 
التعديل الأخير:
حبيت اعلق على نقطة وحدة ، ابتعد تماما عن استخدام جو دادي كا شركة استضافه .
 
محمد جرب تمنع الـhot linking الموقع. المشكلة في اشتراكات أعضاء في TG-media. بس جرب تسوي هالطريقة، يمكن المشكلة من كثرة الضغط على السيرفر (واحد محمل\سارق صور من الموقع و حاطها في مكان فيه زوار كثيرين...)

http://help.hardhathosting.com/question.php/100
 
وقفت الهوت لنكنج نايف

و سمحت فيه بس لموقع ترو جيمنج

بشوف كيف يصير الوضع الحين
 
الهوت لينكنج ما يأثر على الـCPU كثير و ان كان هو السبب فمن الأولى ان الباندودث ينتهي قبل ما يبدأ المعالج نفسه يتأثر ، الـCPU يستهلكه سكربت معين ينهك السيرفر بكثرة المعالجة ، و السكربتات هذي في الغالب يوصي مطوريها بعدم استخدامها في سيرفر ذو استضافة مشتركة ، عموماً لازم يكون عند المستضيف tool (بعض المستضيفين يوفرون اكسس على الـtool هذي لمستخدم الاستضافة نفسه) يقيس استخدام الـCPU و يحق لك تسأله عن اسماء السكربتات اللي تستهلك اعلى نسب من قوة المعالج

هذا ممكن يكون حل : اذا كان عندك في السيرفر اي سكربت مستخدم بكثرة و يوظف بيئة عمل ajax فانصحك بتعطيل خيار ajax اذا امكن ، او عليك بتعطيل السكربت نفسه
 
كان في حسابات أحد الأعضاء ملف js و أتوقع إنه جافا سكربت

و خلال أول خمس أيام من فبراير اللي صارت فيها المشكلة كان هو أكثر ملف Requested

أنا خذفته بعد ما توقعت إنه هو سبب المشكلة.. تعتقد مثلي؟
 
^
ايه انا اتوقع إذا ماكان السبب الرئيسي، اكيد بس كان ماخذ نسبة من الـ CPU (هذا اذا كان سكربت جالس يشتغل عن طريق السيرفر)

محمد .. الكلام اللي قاله Magnificent صحيح 100% .. بس حط في بالك مو سكربت واحد هو اللي يسبب المشكلة (يمكن يكون اكثر من سكربت عند اكثر من عضو) + لا تنسى الكلام اللي قلته انا (ترا رسالة Too many Simultaneous httpd Connections تطلع من هالسبب) ..

و زي ماقال Magnificent الهوت لنك .. ما يأثر كثير و لاتنسى هو بس يمنع الملفات اللي تنحط بشكل مباشر .. يعني ما بيمنع الوصلات
 
التعديل الأخير:
الله يعينك محمد على هذي المشكلة
في حل بسيط لكن ما أدري مقدار فأدتها لكم
1- حاول تغير كل او بعض برمجه مكتوبه بلغة جافاسيكربت وحولها الى html الجافا سيكربت تستهلك المعالج بعكس html
2- اي صور متحركة في الردود حاول تقللون منها عدد الردود في الصفحة في الوقت الحالي كثيرة ممكن تأثر طبعا اذا قللت الردود في الصفحة الوحده راح تفتح صفحات ثانية ويكثر التصفح تحتاج موازنه بهذي النقطة
3- ندعيلك بالتوفيق
 
يعطيكم العافية شباب

أنا بتابع الأشياء اللي قلتوا لي عليها و برجع لكم اذا صار اي شي جديد
icon7.gif
 
أنا خذفته بعد ما توقعت إنه هو سبب المشكلة.. تعتقد مثلي؟
أنقر للتوسيع...



ما اضمن لك 100% لكن احتمال كبير انه هو السبب ، ما شفت ملفات ثانية غيره ؟



عموماً جرب الحين ترجع كل شي ثاني لوضعه الطبيعي و راقب استهلاك الـCPU خلال الـ24 ساعة الجاية ، ان ما كان بامكانك تقيس استهلاكك للـCPU اشرح الوضع لمقدم الخدمة و اطلب منه هو يعطيك تقرير باستهلاك الـCPU بعد انقضاء 24 ساعة (و انصحك في كلا الحالتين توكل المهمة هذي للمستضيف لان عنده اكسس على بيانات كثيرة ما يمديك تشوفها غير انها شغلته في الاساس) ، و يستحسن تطلب منه يسوي diagnosis للي صار اليومين اللي فاتت



على فكرة : مثل المواضيع هذي تنحل مباشرة عن طريق الاتصال بالمستضيف نفسه ، اذا جرى بينك و بين المستضيف اتصال قبل كذا و ما كان متعاون معاك فاعرف انه حان الوقت للانتقال لمستضيف افضل منه ، انت كمستخدم للاستضافة ما تدفع فلوس حق باندودث و مساحة تخزين ، انت لما تاخذ استضافة تدفع حق support و يجي معها باندودث و مساحة تخزين بلاش !! ان ما حصل بينك و بينه اتصال فعلى الاقل "اختبره" الحين لان هذا هو الوقت اللي تتحلل فيه رسوم الاستضافة !!
 
اي صور متحركة في الردود حاول تقللون منها عدد الردود في الصفحة في الوقت الحالي كثيرة ممكن تأثر طبعا اذا قللت الردود في الصفحة الوحده راح تفتح صفحات ثانية ويكثر التصفح تحتاج موازنه بهذي النقطة
أنقر للتوسيع...

الانيميشن للصور المتحركة يتم معالجته من الجهاز اللي تعرض عليه هذي الصور و ما للسيرفر اي دور في عرضها سوى انه ينقلها زيها زي اي ملف عادي
 
هذا اللي طلبته منهم في الأساس ماجنفسنت

شوف ردهم كيف كان:

[FONT=Verdana, Arial, Helvetica, sans-serif]Hello,

Please notice that we don't offer any web programming support, please contact your web programmer/IT guy and ask him to help you in this regard.
[/FONT]
 
عشان ما اظلمهم هم فعلاً ما لهم علاقة بالكود داخل الملفات ، لكن غلطته انه (على الأقل) ما تتبع مصدر الاستهلاك الزائد من وين جاي
 
بما إنهم أخذت VPS ، ولابد من انهم يعطونك خاصية الدخول على secure shell ادخل واكتب top

راح يظهر لك مسبب ارتفاع الضغط على المعالج
 
Magnificent قال:
الانيميشن للصور المتحركة يتم معالجته من الجهاز اللي تعرض عليه هذي الصور و ما للسيرفر اي دور في عرضها سوى انه ينقلها زيها زي اي ملف عادي
أنقر للتوسيع...

انا معرفتي بهذي الامور قليله لكن اخذتها من مبدأ انها موضوعه بصيغة جافا سيكربت وليس تكست سهل المعالجة او معالجته بجهازك وانا قرأت عنها في السابق ان المعالجه الاولى على نفس السيرفر اما عند مشاهدتها مره اخرى تخزن في الكاش عندك وما تحتاج معالجه
ومعليش على اي خطأ بكلامي
 
ESRB قال:
بما إنهم أخذت VPS ، ولابد من انهم يعطونك خاصية الدخول على secure shell ادخل واكتب top

راح يظهر لك مسبب ارتفاع الضغط على المعالج
أنقر للتوسيع...

إذا بس كتبت top بيطلع لك كل البروسسنتق حتى اللي حق السيرفر (لا تنسى ان السيرفر شيرنج)

اكتب top -U username
بدل الـ username باسم المستخدم اللي حق السيرفر

و اطلب منهم خاصية الدخول حق الـ ssh زي ما قال ESRB .. و ادخل عن طريق Terminal حق الماك اريح لك و اسرع ..

لما تشغل الترمنل

picture1bdb9e.jpg


picture21c6fd.jpg


picture3e7823.jpg


username: اسم مستخدمك للسيرفر
yourdomain.net: اسم الموقع : tg-media.net

picture41f633.jpg


بيطلب منك تدخل الباسوورد(طبعاً لما تكتب الباسوورد ما بيطلع لك، لانه يكون مخفي .. شيء عادي "يونكس") .. و بعدين لما تدخل على السيرفر .. اكتب الامر
 
^^^ برى الموضوع مرة ثانية : واو اذا ماك يتيح تنفيذ عمليات مثل هذي على طول في التيرمينال ! على بالي لينكس فريد من نوعه
 
Magnificent قال:
^^^ برى الموضوع مرة ثانية : واو اذا ماك يتيح تنفيذ عمليات مثل هذي على طول في التيرمينال ! على بالي لينكس فريد من نوعه
أنقر للتوسيع...
لمعلومتك ما في شيء في اللينكس يتميز على الماك .. على العكس الماك يتفوق بميزات مو موجودة في اللينكس ... انا كل شغلي في السيرفرات عن طريق الترمنل حق الماك 😉

أحم .. خلنا في الموضوع .. ها محمد .. ويش صار؟ 🙂
 
للأسف اليوم سألتهم عن الوضع بعد فترة من إعادة الموقع و هذا كان ردهم:

Hi,

The problem is not resolved. As I checked there are more than 80 http connections to your account right now. You can take a VPS dedicated account and move your website as we can't allow such activities on current virtual server.
أنقر للتوسيع...
 
هل المستضيف محدد عدد المتصلين بابتشي في خطة الاستضافة ؟

عموماً بامكانك مثل ما قال تسوي ابجريد و بامكانك تشوف مستضيف ثاني عنده خطة استضافة افضل.. في مستضيفين كثيرين ما يوضحون الاشياء هذي في خطط الاستضافة ، و عادة لما اسأل مستضيف من عينتهم عن:
1- الحد الأعلى لاستهلاك الـCPU
2- الحد الاعلى للمتصلين بـapache
3- الحد الاعلى للمتصلين بـMySQL
4- الحجم الاقصى لقاعدة MySQL منفردة (عادة ما تقل عن الحد العام نفسه بس اني اسأل عنها من باب ان المستضيفين مفاجآتهم لا تنتهي)
5- الحد الاقصى لمجموع احجام قواعد MySQL (بعضهم يغريك في الخطة يقول يحق لك انشاء 500 قاعدة MySQL و مجموع احجامها كلها ما يتعدى 10 ميجابايت)

تجيني اجابة مضللة و لو كنا في محادثة يمكن يتملل الموظف مني و يعطيني لنك الـpolicy اللي تحتاج ساعتين عشان تقراها كاملة
 
طيب حاليا أيقنت إن حلي الوحيد و الأفضل هو VPS

خصوصا إن حتى السيرفر اللي عليه ترو جيمنج موقف أكثر من خاصية بسبب الCPU


هل عندك نصايح لي بشركات ممتازة و تقوم بإدارة الVPS عني (managed)

icon7.gif
 
يجب تسجيل الدخول أو التسجيل كي تتمكن من الرد هنا.
عودة
أعلى