خبراء الكاميرات احتاج مساعدتكم في الحال !

[Good Hunter]

السلام عليكم ورحمة الله وبركاته :




انا انسان اول مرة تطيح في يدي كاميرا يعني مبتديء جداً ولا افهم شيء في التصوير الاحترافي اخذت كاميرا من نوع Canon 1100 D لكن فيه مشكلة كل ما اصور صورة تطلع فيها بقعة غريبة في نفس المكان







ما ادري ايش سالفة هذي البقعة , انظف العدسة من قدام ونفس الشيء





بالاضافة الى ان العدسة سقطت مني سهواً 🙁 * ماهو يوم اسود من اوله * , ولما رجعت ركبتها الفوكس او الغالق اللي قدام صار ثقيل وصارت ما تصور الا اذا ضغطت زر التصوير اكثر من مرة ..


اعتذر على فتح الموضوع العشوائي لكن لعل وعسى محترفي التصوير اللي في المنتدى يساعدوني , هل المشكلة بسيطة خصوصاً مشكلة سقوط العدسة , طبعاً طاحت لحالها بدون الكاميرا لما فكيتها .



شاكر لكم


هذي الصور شوفوا البقعة في منتصف الصورة على اليسار

http://im67.**********/KfD4G.jpg


http://im67.**********/StfWV.jpg


http://im67.**********/YC20J.jpg

 

[loop]

نظفت العدسه من داخل ؟ افتحها وطل من داخل عالجهه الثانيه على مكان صافي ومنور وشف البقعه موجوده ولا لا ( احيانا الفتحه تكون مغلقه ولازم تفتحها يدوي بأصبعك ، اذا طليت ولقيت بلاستيك مغطي الرؤيه حاول تفتح من الجانب )

اذا مالقيت شي احتمال من السينسور نفسه .. نظفه ، خلك حذر بالتنظيف ويفضل لو تقرى عنه وتشوف كم مقطع يوتيوب لتنظيف السنسر

بس اول شي طل العدسه من داخل ..

 

[Good Hunter]

^
الله يعطيك العافية , انا فتحت العدسة ونظفتها بس ما زالت البقعة تظهر بنفس المكان في كل صورة


بخصوص مشكلة سقوط العدسة عندك خلفية عنها , مازالت حركته ثقيلة وتعلق ما تصور من اول ضغطة مثل اول .


الف شكر لك

 

[Just_gamer]

المشكله في العدسه و الله اعلم

 

[loop]

بخصوص السقوط ما عندي خبر والله بس واضح انه أثر على ميكانيكيه العدسه من داخل. أتمنى انها تكون العدسه الاساسيه فقط وماتكون شي غالي ::

طيب جرّبت تنظف السينسور ؟ تراه مهم جدا واحتمال كبير منه ...

http://www.wikihow.com/Clean-Your-Digital-Camera-Sensor

اذا خايف تنظفه الحين طل عليه بس وتأكد ان كل شي نظيف داخل ..

 

[سفير الالعاب]

لابد من التنظيف باستمرار عزيزي

 

[Qushery]

وعليكم السلام

طبعاً المشكلة ليست في العدسة (إذا تبغى تتأكد طالع في المنظار (الفيوفايندر) وشوف اذا كانت العلامة موجودة وظاهرة في المنظار , لأن المنظار يعكس ما تراه العدسة مباشرة )

المشكلة في الحساس , ويجب تنظيفة (مفروض الوكيل ينظفة لك بسعر معقول ) , وهذا فيديو عن طريقة التنظيف

https://www.youtube.com/watch?v=lpSi27u4azQ

وأيضاً فيه حل آخر وهو إزالة البقعة على الكمبيوتر بإستخدام الفوتوشوب أو اللايتروم (فيه آداة خاصة بإزالة البقع اسمها Spot Removal tool )

https://www.youtube.com/watch?v=Q19fSzCawSs