حمل Windows 7 !

[king zell]

نعم البرنامج الآن بنسخة RC1 متوفر للجميع:
http://www.microsoft.com/windows/windows-7/download.aspx


ما عندي فرصة أجربه الحين.. لكن بحاول في أقرب فرصة

 

[hussien-11]

تسلم محمد ، جاري التحميل 🙂

ويندوز7 أفضل منتج من مايكروسوفت في السنوات الأخيرة، بصراحة إبداع و شي راقي فعلا

الـRC1 بتشتغل بشكل طبيعي لشهر مارس 2010 .
​

 

[Rockman]

تسلم محمد ، جاري التحميل 🙂​

ويندوز7 أفضل منتج من مايكروسوفت في السنوات الأخيرة، بصراحة إبداع و شي راقي فعلا​

الـRC1 بتشتغل بشكل طبيعي لشهر مارس 2010 .​

ادري نوعا ما خارج من الموضوع

بس Vista SP2 نزل مؤخرا " النسخة النهائية نزلت حق MSDN " واتوقع هالاسبوعين تشوفها للعامة
عموما وايد ناس نزلوها وقالوا ان الاداء تحسن بشكل كبير جدا وصار مقارب لوندوز 7 وانا عن نفسي نزلته على جهازي وصراحة صار اسرع من قبل " يعني تقريبا 10%-15% اسرع "
والملاحظ استهلاك الرام قل بنسبة 5% بالنسبة لي
وفيه تحسينات من هنا وهناك " زي محرك البحث داخل وندوز "

اتوقع ان SP2 راح يكون تصبيرة حلوة على ما ينزل وندوز 7 رسميا بالسوق واللي ما يبي يجازف بال RC الان " ما تدري يمكن تطلع لك bugs من هني وهناك "

عموما نرجع للموضوع
انا حاط وندوز 7 البيتا على لابتوبي وصراحة عاجبني هل في داعي احط الRC1 ? هل فيه اشياء اضافية جديدة كليا ؟

 

[hussien-11]

على حد علمي الـRC1 فيها تعديلات و تصليح أخطاء و أداء أفضل فقط ، لا تتوقع خواص زيادة إلا يمكن في النسخة النهائية.
​

 

[Xeno]

اليوم حزمت حقائبي و نقلت للـRC1 بعد عذاب!

clean install

http://www.freeimagehosting.net/uploads/0421cfa0d2.jpg

كل شيء أفضل و أسرع بوضوح، و باقي المزايا الجديدة تعرفونها.

في كم لعبة ما تشتغل نهائيا، أو تشتغل بشكل كارثي، فشكلي بخلي الفيستا للألعاب في الوقت الحالي.

 

[bXNmbQ==]

سؤال بسيط

هل اقدر احط فيستا ووندوز 7 مع بعض:what:

 

[Xeno]

^

يس إذا اخترت clean install (أو Advanced). أما أبجريد فيسوي... أبجريد.

 

[BioMario]

ممتاز
رح أنتظر النسخة النهائية أفضل .. النظام مب المفروض ينزل في أخر 2009 ؟

 

[hussien-11]

يس

تمت ترقية اللابتوب إلى الـRC1 ، ممتاز و أداء ممتاز لكن أقل من مستوى الديسكتوب الي عندي طبعا

لاحظت أداة جديدة ما أذكر اني شفتها في البيتا .. بتخليك تسوي zoom بشكل كبير جدا على الديسكتوب ، فكرة حلوة

بالمناسبة الويندوز عرف كل شي أوتوماتيكيا في اللابتوب ، باستثناء كرت الشاشة ، سحبتله درايفر فيستا من موقع ATi و ركبته على الويندوز و تعرّف 100%

​

 

[Lonely Heart]

ابي ارجع فيستا 🙁

 

[Ash Storm]

سؤال:
هل النسخة الحالية من الويندوز7 راح تتعرفف على جهازي اللابتوب اوتوماتيكياً ولا راح انزل الدرايفرز من عندي؟ اقصد مثلاً كرت الصوت\الشاشة ... إلخ ..

 

[The Doctor]

بيحاول يتعرف على الدرايفرات... في احتمال تضطر تنزل درايفرات لآن ما تعرف عليها

 

[Photon]

تمت تجربته حوالي ثلاثة أيام على جهازي ( ماك بوك ألومينيوم 2.4) ..... الانطباعات:

الايجابيات :
تحسينات كبيرة بالنظام ، انترفيس راقي ، طريقة استعراض شريط التاسك مرة عملية و مريحة خاصة مع التابز لصفحات الانترنت ، تبديل Theme Packs مرة رهيب ولو أنه فكرته مأخوذة من اللينكس ، فكرة ثانية أخذوها من انترفيس كيدي / لينكس اللي هي الجادجتس من دون السايد بار العقيم ، اختصار و دمج قوائم عريضة طويلة مع بعض و راح تلاحظ الفرق خاصة في الكنترول بانل ، السرعة و الاستقرار شي مو طبيعي ، التعريفات صار التعامل معها سهل ويتم تحديثها بشكل أبسط مما كان للفيستا .

السلبيات:
أكثرها محصور عندي في عدم توافق البوت كامب للماك ، ماأقدر أتحكم في البرايتنس للشاشة ، توافقيته مع الألعاب زفت ، و السوفتويرز المعروفة واجهت مشاكل معها ، عموما السلبيات راح تنحل بالإصدار الأخير.

 

[hamzah]

السلام عليكم

جربته قبل 4 أشهر تقريباً جنباً إلى جنب مع الفيستا

الفرق واضح في السرعة بين النظامين لكن مشاكله كانت كثيره

كنت متحمس لتجربتة بعد التحديثات لكن متخوف

في كم لعبة ما تشتغل نهائيا، أو تشتغل بشكل كارثي، فشكلي بخلي الفيستا للألعاب في الوقت الحالي.

هذي النقطة اللي متخوف منها شكلي ماراح أغير عن الفيستا حالياً

أبي اعرف نسخة الدايركت اللي معاه 10 ولا 11 ؟

😎:​

 

[Xeno]

Direct3D 11 للحين ما صدر.


أنا أسحب كلامي اللي قلته عن الألعاب، كل شي يشتغل تمام الحين و بالعكس أفضل من فستا و قريب من أداء إكس بي. المشكلة كانت في مثلا عدم توافق بعض الألعاب القديمة مع نظام 64 بت، و البعض الآخر كان يحتاج كراكس و من هذا القبيل. بس الحين كل شي قدرت أشغله.

أنصح اللي نزل ويندوز 7 يشوف التوتوريلز و الهنتس فيوتوب... في خصائص رهيبة فعلا تخلي الفستا تاريخ و ولى.

 

[Double T]

عندي سؤالين

كيف تشغيل الفيديوات علىه .. هل الكوديكس تشغل عليه تمام زي MKV و الطقة ؟

و البرامج و الكومباتبلتي ( زي كاسبرسكاي ) ؟ في اي مشاكل في هذي النقطة ؟

 

[Photon]

^
كل اللي ذكرته مافي أي ماشاكل من دي الناحية .

 

[Dark Man]

معليش رفعت الموضوع , ماحبيت افتح واحد جديد

هذي صور العلب او المغلفات للسيطرة القادمه من مايكروسوفت !

التصميم عبارة عن تحقيق لرغبة العملاء , و هو ان يتم تصميمة بشكل بسيط و نضيف و سهل
المصدر

تصميم الغلاف ممتاز و مافيه تكلفة مثل الفيستا , يذكرني بغلاف الأكس بي

 

[BioMario]

بسيط و خفيف مثل النظام بسيط و خفيف :inlove:
عاجبني وايد ..

 

[hussien-11]

ويندوز 7 أفضل ويندوز صنعته مايكروسوفت في تاريخها

نظام صلب و قوي و حمايته ممتازة و مزاياه كثيرة جدا و أداؤه ممتاز

بينما XP من يومه و فيه مشاكل كثيرة و حمايته "فاشلة" ، سبب شهرته و نجاحه بهالشكل هو توافقه الكبير مع كل شيء و أي شيء ( مثل سمبيان نوكيا ، مزايا كثيرة لكن بطيء و يعلق الخ الخ :w00t: )

لكن ويندوز 7 منتج راقي و جودته عالية
​

 

[king zell]

بإنتظار ويندوز 7

مع اني ما أعتقد بيكون عندي جهاز أركبه عليه

 

[Silent Shadow]

التصميم مع لون الـ Ultimate أنيق ولفت انتباهي أكثر من البقية ، عموماً

مع اني ما أعتقد بيكون عندي جهاز أركبه عليه

 

[ABUALI]

احد عنده فكرة عن السعر؟

 

[Agent47]

احد عنده فكرة عن السعر؟

الأسعار :

Upgrades:
Home Premium - $ 119.99 (Vista Launch price of $159.99)
Professional* - $ 199.99 (Vista launch price of $199.99)
Ultimate - $ 259.99 (Vista launch price of $259.99)

Pre-Order Upgrades:
Home Premium - $49.99
Professional - $99.99

Full Retail:
Home Premium - $ 199.99 (Vista launch price $239.99)
Professional* - $ 299.99 (Vista launch price $299.99)
Ultimate - $ 319.99 (Vista launch price $399.99

المصدر: http://www.neowin.net/news/main/09/06/25/microsoft-annouces-windows-7-pricing-special-preorder-price

تظل الأسعار عالية, افضل شي تاخذه مع جهاز جديد, لأنه الأن سعر الابتوبات على سبيل المثال بزيادة 200 ولا 300 دولار امريكي على سعر 7 تحصلك جهاز محترم. اذا تبغا تاخذه على الديسكتوب انصحك تاخذ نسخة OEM ارخص بفرق كبير عن سعر السوق ونفس المنتج.

 

[Niessu7]

Professional* - $ 299.99 (Vista launch price $299.99

فعلاً غالي .

والمشكلة انه بينزل بوقت غلط جداً جداً بالنسبة لي .

شكلي باخده قطة مع واحد .

 

[ABUALI]

ومن خبرتكم، ينفع أركب الوندوز الاصلي على اكثر من كمبيوتر عندنا بالبيت مع التمتع بكامل خدمات النظام؟
وبالنسبة حق لابتوب مرفق معاه النظام.... خلنا على الدسكتوب يا رجال : ومن وين نحصل الOEM عادة؟

 

[JOE]

معليش رفعت الموضوع , ماحبيت افتح واحد جديد

هذي صور العلب او المغلفات للسيطرة القادمه من مايكروسوفت !

بسيط و رايق .