حسبي الله على كل ظالم ...

[Huda]

السلام عليكم ورحمه الله وبركاته






ماأقدر اوصف القهر الي فيني من الي صاير ...
قبل عدة سنوات الله ابتلاني بحادث والحمدلله والشكر لله على حال
ماكذب عليكم ان الأثار لحد الحين فيني وجالسة تزيد مع الوقت
وكان الي فيني ممكن يتعالج بسهولة لو ان الله سخر لي دكتور مثل العالم والناس من البداية
للأسف
دكتور استهزئ فيني
دكتور عالجني غلط
دكتور كان السبب بتلف اشياء فيني
دكتور كان السبب ان احتمال 50% بالمستقبل ماقدر اجيب عيال
دكتور كان السبب بتلف ركبتي

الين ماصرت اقدر اتحمل الم الركبة الي عندي رحت لمستشفى الحرس وليتني مارحت
من لقيت
لقيت نفس الدكتور الي لعب بعظامي طول وعرض ترقى وبدل ماكان يشتغل بمستشفى دلة لقيته بالحرس !
حركة لااردية كنت بضربة ماتحملت الصدمة ياناس ياعالم كيف تشغلون واحد مثله بمستشفى الحرس والله حرام
والقهر العظيم
انه عرفني
وكان مستغرب شلون امشي !
كان متوقع انه يشوف وحده مقعده
بس رحمه رب العباد...

هو كان عارف انه مايقدر يعالجني
ليش ماحولني على غيره ؟
ليش مافي ذمة وامانه طبية ؟
دكتور مو عارف تشخص حاله والله مو عيب ولا رح تنقص كرامتك يوم تقول ماعرف اعالجها !
للأسف رحت لطبيب زين بس ايش بعده ...
الأخطاء الطبية عدد واغلط
كله بسبب هالاطباء الي يجيبوهم من بره
لو كان سعودي ماكان سوا فيني الي سواه هالطبيب بدون ذكر جنسيته
بس ماهمه غير ياخذ الراتب قلبه مو على مريضه قلبه على راتبه
الله كريم
ماقول غير حسبي الله على كل ظالم​

 

[Khalid-S]

لا حول ولا قوة الا بالله العلي العظيم .. ما تشوفين شر اخت هدى ..
والله للاسف في اطباء يتركونهم يسون الي يبون بلا رقابه .. والمصيبه اذا اشتكيت حلني على بال ما توصل الشكوى وما تعرف هل بيردون عليها او لا ..

اهم شي الآن صحتك وسلامتك .. كويس انك لقيتي دكتور ثاني ... وانا انصحك تشهرين باسم الدكتور الوصخ الي لعب بركبتك .. هذا اقل شي تسوينه فيه.

 

[Mr.3B]

,,,

الله يعينك

على طاري الدكاترة الأجانب .. قبل 4 سنوات يمكن .. صار لعمتي حادث هي وأهلها .. وماتت لهم بنت .. ووحدة انكسر حوظها .. ووحدة انشلت شلل نصفي .. الغريب .. انها ما انشلت من الحادث .. انشلت من دكتور مصري .. لما وصلوا المستشفى .. أول ما أخذ لها أشعة ظهر .. شاف فيه كم كسر بكم فقرة بالظهر .. وبالصور كان الحبل الشوكي متصل .. سوا لها عمليه (شغل أبو كلب) .. وجبر الكسر .. وبعدين البنت كان يحسيوا انها ما تقدر تحرك رجلها من الحادث .. وكذا .. وبعهدين علمهم بخبر انها فعلا انشلت .. طلع الغبي قاص الحبل الشوكي بالعملية .. وما علمهم .. قال انه انقطع من الحادث .. وبعدها بسنة رجع مصر الدكتور ذا وخلص عقده .. ولما استلم ملف البنت هذي دكتور سعودي وراجعه بالكامل من أول يوم .. طلع باين من أول أشعة اخذت لها انه ما كان منقطع أول ما جات .. انقطع بعد الصور الي أخذوها بعد اجراء العملية الأولى


بس هذا ما في القصة



ويستمر المواطن السعودي بالعيش تحت ظل أمثلة هؤلاء المجرمين الملقبين بالدكاترة الأجانب المحترفين


تحرير :
البنت الى الآن تتعالج بأمريكا ولها ما يقارب الـ4 سنوات من مستشفى الى آخر

 

[Huda]

لا حول ولا قوة الا بالله العلي العظيم .. ما تشوفين شر اخت هدى ..
والله للاسف في اطباء يتركونهم يسون الي يبون بلا رقابه .. والمصيبه اذا اشتكيت حلني على بال ما توصل الشكوى وما تعرف هل بيردون عليها او لا ..

اهم شي الآن صحتك وسلامتك .. كويس انك لقيتي دكتور ثاني ... وانا انصحك تشهرين باسم الدكتور الوصخ الي لعب بركبتك .. هذا اقل شي تسوينه فيه.

الشر مايجيك اخوي خالد
صادق كنت برفع عليهم قضية بس ضاعت من اولها لأن تنومت بكذا مستشفى فقالوا خلاص مانعرف الذنب ذنب مين ..
بعد محاكم السعودية ماعليهم شرهه
الحمدلله على حال اخوي بس للأسف الركبة شيء بسيط من الي فيني ..
الي لعب في صدق عظام الورك حتى الجلسة ماعرف اجلس مثل الناس مانقول غير حسبي الله ونعم الوكيل فيه ..

للأسف العتب مو عليه على مستشفايتنا الي مايصدقوا يشوفوا اجنبي يوظفوه

اسمه حسين للأسف نسيت عائلته وهو عراقي معه الجنسية البريطانية ...
كان بمستشفى دلة والحين شفته بالحرس ..

 

[Monster]

يقول لي دكتور الاسلاميه بالجامعه انه نسبه كبيره من الاطباء اللي يجون من برا شهاداتهم مزوره ....ما ادري ليش ما يسوون لهم اختبار قبل لا يسلمونهم مناصب ... واذا كان اصلا يسوون لهم اختبارات ونجح المزورين معناته اختباراتهم مش ولا بد اجل.

ما تشوفين شر يا هدى

 

[UN3]

المشكلة انهم يطلعون بالتلفزيون ويقولون: انه عندنا أفضل الدكاترة وعندنا معدات وعندنا و عندنا

بس الشي الوحيد الي مو موجود الرقابه علشان جذا كل واحد يخاف يدش مستشفى في الدول العربية علشان سالفت الرقابة وهذا انا اعتبره من اهم الأسباب الي تخلي الواحد يتعالج برا

الله يكون بعونج اخت هدى......بس تبين نصيحتي شهري فيه علشان ما تجي وحده بعدج ويصير فيها نفس الي صار لج

ولاحول ولا قوه الا بالله

 

[m7tram]

حسبي الله ونعم الوكيل .

 

[Huda]

الله يعينك

على طاري الدكاترة الأجانب .. قبل 4 سنوات يمكن .. صار لعمتي حادث هي وأهلها .. وماتت لهم بنت .. ووحدة انكسر حوظها .. ووحدة انشلت شلل نصفي .. الغريب .. انها ما انشلت من الحادث .. انشلت من دكتور مصري .. لما وصلوا المستشفى .. أول ما أخذ لها أشعة ظهر .. شاف فيه كم كسر بكم فقرة بالظهر .. وبالصور كان الحبل الشوكي متصل .. سوا لها عمليه (شغل أبو كلب) .. وجبر الكسر .. وبعدين البنت كان يحسيوا انها ما تقدر تحرك رجلها من الحادث .. وكذا .. وبعهدين علمهم بخبر انها فعلا انشلت .. طلع الغبي قاص الحبل الشوكي بالعملية .. وما علمهم .. قال انه انقطع من الحادث .. وبعدها بسنة رجع مصر الدكتور ذا وخلص عقده .. ولما استلم ملف البنت هذي دكتور سعودي وراجعه بالكامل من أول يوم .. طلع باين من أول أشعة اخذت لها انه ما كان منقطع أول ما جات .. انقطع بعد الصور الي أخذوها بعد اجراء العملية الأولى


بس هذا ما في القصة



ويستمر المواطن السعودي بالعيش تحت ظل أمثلة هؤلاء المجرمين الملقبين بالدكاترة الأجانب المحترفين


تحرير :
البنت الى الآن تتعالج بأمريكا ولها ما يقارب الـ4 سنوات من مستشفى الى آخر

لاحول ولاقوة الابالله ..
حسبي الله عليهم لاذمة ولاامانه ..
ترى في دكتور بمستشفى الحرس هو الي ساعدني بعد فضل الله ولا كان يمكن انشل ..
خل بنت عمتك تشوفه
اسمه عبدالعزيز العماري لولا فضل الله ثم هو كان انشليت ..

 

[MALDINI]

صراحه مدري شقول .. يعني لو انه انتي الحين برا يمكن كان يمكن تجيك تعويضات ولو انها ماراح تفيدك ولاترقع الجروح اللي صارت !!

حسابه عند ربك .. هذي الاشكال استغفرالله لاحظنا انها كثرت بالايام هذي كثير كثير ..
في منتدى كان يتحدث عن المشكله هذي .. سووه من قبل فتره يعني .. المهم بنصه وهم يتحدثون عن هذي المشكله قام واحد من الحعضور وقعد يتكلم بصوت عالي ويصيح صياح لان ابنه او ابنته راحت ضحيه ..مات(ت) .. الاخطاء طبيه طيب وش ذنبه هو اذا كان يثق بالدكتور !!.؟ هذا الخبر كان مكتوب بالجريده وانتشر .. و و و بس .. مافيه فايده وراح تستمر هذي المشكله اعتقد ولا لها حل بيصير .. لازم الواحد اذا بيقدم على عمليه انه يسأل عن هالدكتور ويشوف تاريخه يعني وخبراته .. ويوكون فاااااهم .. بس تصدقون حتى بعض الاحيان تصير منهم الاخطاء -_- !!

ويابنت الحلال غيرك ناس راحوا .. احمدي ربك بس على كل شي .. وجعل انشالله ماجاك تكفير ذنوب انشالله .. انا صراحة كل ماذكر هذ الموضوع اموت قهر والله .. و الله يجنب جميع المسلمين كل مكروه يارب .

***

 

[Humam]

أول شي أخت هدى أحب أحييك لأنه ما شاء الله واضح إنك إنسانة صابرة و محتسبة الأجر.. وفي نفس الوقت هذا يعكس الجانب الطيب في شخصيتك إنك ما ذكرتي اسم الدكتور و جنسيته وما حبيتي تشهري فيه..أهم شي إن الناس ممكن تعرف ان في دكتور من جنسية غير سعودية في المستشفى الفلاني كذة كذة..الخ.

ثقي تماما إن رب العالمين ما يترك عباده المظلومين, لأن الحياة دين, كما تدين تدان مهما طال الزمان.. وربنا ما يحرم انسان من شيء إلا عوضه بأحسن منه.

ممكن الدكتور يكون أخطأ لأنه بشر مو معصوم من الخطأ, لكن المشكلة الحقيقة إنه يترك بدون محاسبة, بل و مثل ما تقولي إنه ترقى, هذي صحة الناس ما فيها لعب, والخوف الأكبر إنه يرتكب مزيد من الأخطاء لمرضى آخرين.. مافي مجال للتبرير والمجاملات أو التهاون هنا,الدكتور هذا المفروض يفصل.

كل الي أقدر أقوله الله يشفيك و يعوضك خير بإذنه سبحانه و تعالى 🙂

 

[Aoks]

احد زملائي صار له حادث (كان مسافر للكويت بالسيارة)

وجوا المسعفين ,, والمصاب لما تشيله من مكانه لازم له طريقة معينه علشان ما يصير له شلل او حاجه زي كذا

المهم المسعفين الي جو شكلهم كانوا اي كلام ,, شالوا ابوه بطريقة خطأ ومات


واذا على الاخظاء الطبية حدث ولا حرج
​

 

[Nintendo]

الله يشفيك اخت هدى ويشفي كل مريض .. هذا امتحان من رب العالمين ومالنا غير الصبر ..

على ذكر الدكاتره .. اذكر اخوي مره ونحنا صغار ارتفعت حرارته وبطنه تعوره .. ودناه المستشفى الدكتور كشف عليه وقال عنده التهاب باللوز ! الوالده استغربت كيف التهاب باللوز والولد بطنه تعوره .. المهم رجعنا البيت والولد حالته تسوء بقوه ..

وديناه مستشفى ثانيه طلع عنده التهاب بالزايده وربنا ستر عليه قبل لاتنفجر ويموت ..

ناس اعوذ بالله ماعندهم ضمير ويحسبون الناس لعبه .. ماودي ادعي عليهم لكونهم مسلمين ولكن ربنا بيجازي كل شخص على حسب عمله والحساب يوم الحساب ..

 

[Huda]

Monster
يااخوي صدق او لاتصدق بمستشفى المواساة يوظفون ناس مامعهم شهادات وهم دارين !
المهم ارخص
ناس عقولهم مريضه
الشر مايجيك يالطيب

UN3
هم اصلا جايبينهم علشان مايراقبونهم ..
بعض التجار والكباريه عقولهم مريضة ..
الحين في مستشفيات نظام تشغيلها ذاتي
يجي واحد يعطونه مبلغ ويقولون له شغل المستشفى
بأغلب الحالات ماعنده ذمه وامانه
العن المدات
العن الاطباء
علشان الباقي يحطه بجيبه..​

MALDINI

انا تعويضي الوحيد ان هالاشكال تنطرد وبس ..
صدقت حسبي الله عليهم ..
الله يعينه فعلا لو الواحد شاف مصايب غيره تهون عليه مصيبته ..
الله يعينه يارب.
الف الحمدلله والشكرلله على حال صدقت اخوي

 

[Aoks]

يقول لي دكتور الاسلاميه بالجامعه انه نسبه كبيره من الاطباء اللي يجون من برا شهاداتهم مزوره ....ما ادري ليش ما يسوون لهم اختبار قبل لا يسلمونهم مناصب ... واذا كان اصلا يسوون لهم اختبارات ونجح المزورين معناته اختباراتهم مش ولا بد اجل.

ما تشوفين شر يا هدى

مستحيل دكتور يتوظف بدون اختبار

واصلا اعتقد في اختبارات دورية تصير لكل طبيب ,, الدعوة مو هبال
​

 

[Huda]

GSenius
الله يجزاك الف خير على كلامك الطيب ياخوي
انا كنت مخبية على اسمه سنوات وماكنت حابه اقوله بهالموضوع بس للأسف قلته لأنه ترقى ...
من باب الحذر منه ولااخر مايهمني اني اشهر فيه ...
وصحيح انه بشر واخطأ بس .. انا رحت فيها ..
على فكرة اخوي
القصه الي قلتها مختصرة جدا
انا انعرضت على اطباء كثير
كثير منهم قالوا مانعرف لها او حاولوا وماقدروا وربي الشاهد اني مسامحتهم انهم اعترفوا بس الي قارهني فيه انه ظل يقول مالك امل مالك علاج وقام يتفلسف من حاله ..
ولو الله يسير لي طبيب زين من البدايه كان ماصار شيء من الي صاير بس مانقول غير قدر الله وماشاء فعل ...


Aoks
لاحول ولاقوة الا بالله الله يرحمه برحمته ..
اوه اخطاء المسفعين حدث ولا حرج ..
حالات كثير تتضاعف بسبب نقلهم الله يهديهم ..

Nintendo
امين ياخوي تسلم
الحمدلله على سلامة اخوك !
بجد تشخيص الدكتور غبي جدا !
الحمدلله ان الوالدة انتبهت له ولا في اهل يالغافلين لكم الله
الف الحمدلله على سلامة اخوك

صدقت ماندعي عليهم مانقول غير الله حسيبهم ..​

 

[Mr.3B]

...

لاحول ولاقوة الابالله ..
حسبي الله عليهم لاذمة ولاامانه ..
ترى في دكتور بمستشفى الحرس هو الي ساعدني بعد فضل الله ولا كان يمكن انشل ..
خل بنت عمتك تشوفه
اسمه عبدالعزيز العماري لولا فضل الله ثم هو كان انشليت ..

للأسف .. البنت لها 4 سنين مشلولة رسمي .. وما أتوقع لها حل حاليًا .. بس ربك على كل شي قدير



هو زي ما تم ذكره .. ما ودك أحد ثاني تصير له مصيبة .. ويطيج بيد المجرم هذا .. هشان كذا يجب التحذير منه .. اذا على الأخطاء .. جميع بني آدم خطاء .. بس الي يخطئ ويخبي آثاره ويراوغ .. هذا تنفذ فيه أقصى العقوبات

 

[Humam]

ما أزيد على كلامكم جميعا.. الدكتور هذا لازم يتوقف.. وصدقيني أخت هدى الحل في يدك أنك تنقذي الكثيرين قبل ما يطيحوا في يد هذا الجزار..

أنا من رأيي لو تراسلي واحدة من الجرائد الكبيرة وتعرضي لهم قصتك مع التقارير والكشوفات الي انعملت لك, عامل التوقيت مهم, حاليا غالب الجرائد تتكلم عن موضوع الأخطاء الطبية..

وبالنسبة للدكاترة والشهادات المزورة, ترى سمعنا كثير عن ناس تزوال مهنة الطب وهم في الأصل سباكين جايين بشهادات مزورة.. أي صحيح حالات فردية ونادرة, لكن موجودة.

 

[Final Fantasy]

لا حول و لا قوة الا بالله ... الى متى هذا الاستهتار بأكبر نعم الانسان "الصحة و العافية" !!!


أنا بعرف هالدكاترة شلون يقدرون يعيشون حياتهم و ينامون الليل و كل هذا على رقبتهم ؟؟؟


أنا لو تسببت بشلل قطة الذنب يتآكلني .. هالمرة بني آدم !؟!؟


الله يعطيك العافية ان شاءالله أختي هدى .. و الله يشفي بنت عمة عمر و يعطي أهلها الصبر .

 

[Huda]

Mr.3B
الله يشفيها يارب مادري شقول الواحد لاشاف مصايب غيره تهون مصيبته ..
الله يشفيها ويصبر اهلها على ماأبتلاهم ...

GSenius
والله ياخوي ان لي سنوات اقول لاهلي ابي اتكلم عن القصه بطولها وبعضرها بالجرايد ..
كنت وقتها بثالث متوسط والحين المفروض اني بثالثه جامعه وولأسف اهلي مو مو راضين..
تفكير عرب للأسف لو كتبت سالفتي بالجرايد الناس بتدري وبعدين محد بيتزوجني على هالأساس:slant:
وعلشان كذا امور كثيرة تندس وماتنكتب بالجرايد بسبب خواف الاهل من امور تافهه
وليش هالموضوع يتخبى ؟!
مليت واقول لأهلي لو انخطبت مستحيل اخبي هالشيء علشان يكون له حرية الخيار يبغاني او لا !
السالفه طويله وبقلبي اني ارسلهاللمستشفى مع صورة لأشعة الورك الي تغني عن اي تعليق
بس الله يهدي اهلي مو راضين ...

Final Fantasy
صدقت اخوي ..
استهار وتشخيص على الطاير وازيدك من الشعر بيت نفس خايسة بعد
انا جاني الحادث بطريق الدمام كنت راجعه منها المهم انقلبت السيارة والحمدلله اهلي ماجاهم شيء بس انا لأن شباك السيارة انكسر وطحت بالشارع
نقلوني بالبدابة لمستشفى بالاحساء تنومت بقسم العنايه وكان ممنوع ان تنام عندي امي وكان في دكتور من جنسية عربية جالس بالغرفه معي
تعبت
اناديه
سافهني !
ناديته ثاني
قال ايش تبغي ؟؟
قلت تعبانه قال اطلبي بأدب وانا مو طبيب عظلم ! وطلع وتركني بالغرفه اصيح من الالم !
هذا مثال من الي قابلتهم من الانفس الخايسة وربي بمستشفى الي بالاحساء حرب اعصاب
كنت صغيره واقول بقوم امشي وابكي جا لي دكتور فتح الحاجز الي جنب الفراش وقال اتحداك تمشي ؟!
والله كانت حرب اعصاب
والله يعافيك اخوي تسلم يالطيب ​

 

[Final Fantasy]

اناديه
سافهني !
ناديته ثاني
قال ايش تبغي ؟؟
قلت تعبانه قال اطلبي بأدب وانا مو طبيب عظلم ! وطلع وتركني بالغرفه اصيح من الالم !
هذا مثال من الي قابلتهم من الانفس الخايسة وربي بمستشفى الي بالاحساء حرب اعصاب
كنت صغيره واقول بقوم امشي وابكي جا لي دكتور فتح الحاجز الي جنب الفراش وقال اتحداك تمشي ؟!
والله كانت حرب اعصاب

بالله عليكي !!!!!!


لهالدرجة ... و أهلك ما عملو شي ؟؟؟



ادارة المستشفى ما كلمتوهم !!!!



هالكلام لو صاير بدولة من الدول النائية أو الفقيرة الي أهلها عايشين في بيوت من طين و مستشفياتها عبارة عن ساحات حوائطها من قش ايه ممكن ..... و لكن في المملكة !؟!؟!؟؟!!؟

 

[Mr.3B]

ما قصرتوا شباب .. محمود وهدى

نقلوني بالبدابة لمستشفى بالاحساء تنومت بقسم العنايه وكان ممنوع ان تنام عندي امي وكان في دكتور من جنسية عربية جالس بالغرفه معي
تعبت
اناديه
سافهني !
ناديته ثاني
قال ايش تبغي ؟؟
قلت تعبانه قال اطلبي بأدب وانا مو طبيب عظلم ! وطلع وتركني بالغرفه اصيح من الالم !
هذا مثال من الي قابلتهم من الانفس الخايسة وربي بمستشفى الي بالاحساء حرب اعصاب
كنت صغيره واقول بقوم امشي وابكي جا لي دكتور فتح الحاجز الي جنب الفراش وقال اتحداك تمشي ؟!
والله كانت حرب اعصاب
والله يعافيك اخوي تسلم يالطيب ​

يلعن أبو الحقارة .. قسم بالله لو يصير زي كذا .. لا أكفر فيه هذا الحيوان .. قسم بالله يكرم الحيوان عن هذي الأشكال

 

[Huda]

Final Fantasy & Mr.3B
امي يوم درت مسحت فيه الأرض واشتكت عليه ولكن لاحياة لمن تنادي يجون ويكروون تصرفات العن !
بمستشفى الي بالاحساء الملك فهد على ماضن اسمه حتى عاملات التنظيف لسانهم طويل !
الكل يسب ويهزء في ذاك :slant:

 

[Super Sonic]

!!!!!!!!!!!!!!!!!!!!!!
وات از ات ذا هيل !!!!!!
اعوذ بالله منهم :S لغاية الحين تجاربي سليمة
ولو اني للحين ما احب المستشفيات ... حكومي اخاف يكون الشغل اي كلام ... خصوصي اخاف يمرضوني هم علشان يحلبوني فلوس ... يالله اكتب لنا اللي فيه الخير وفكنا من شر هذولي !!!
ما تشوفي شر اختي ...

تعبت
اناديه
سافهني !
ناديته ثاني
قال ايش تبغي ؟؟
قلت تعبانه قال اطلبي بأدب وانا مو طبيب عظلم ! وطلع وتركني بالغرفه اصيح من الالم !

-_____________________________________________________-

 

[Magical Dreamer]

السلام عليكم

صراحة الله يعينج اختي المستشفيات هالايام مشكلة

انا روحي لازم اروح المستشفى بس خايفة صراحة مب امان مافيه دكاترة وايد زينين (هاليومين على زجام وكحة عادية يعطونك جيس كامل ادوية وحبوب من كل الانواع)

مرة رحت كان عندي زجام بسيط عطوني دواء المفروض يكون للزجام القوي ، بسبته عاد صار فيني مب زجام بس كل مشتقاته (التهاب وحمى وكحة شديدة ..إلخ)

بس شو تسوين بعد لو كان هالحل اللي عندج

بس حقج ما بيروح ويكفي صبرج اختي على بلاوي الدنيا ^^

 

[Hwoarang]

حتى بالمسلسلات تلاقي دكتور يفضح زميله اذا عمل خطأ
بالله تتوقعوا هذه ممكن تصير بالواقع !

 

[Mesharey]

نقلوني بالبدابة لمستشفى بالاحساء تنومت بقسم العنايه وكان ممنوع ان تنام عندي امي وكان في دكتور من جنسية عربية جالس بالغرفه معي
تعبت
اناديه
سافهني !
ناديته ثاني
قال ايش تبغي ؟؟
قلت تعبانه قال اطلبي بأدب وانا مو طبيب عظلم ! وطلع وتركني بالغرفه اصيح من الالم !
هذا مثال من الي قابلتهم من الانفس الخايسة وربي بمستشفى الي بالاحساء حرب اعصاب
كنت صغيره واقول بقوم امشي وابكي جا لي دكتور فتح الحاجز الي جنب الفراش وقال اتحداك تمشي ؟!
والله كانت حرب اعصاب

..... هذا شلون قدر يسوي هالشي ؟! مايحس بشي ؟ ماعنده ضمير؟!

الله يعينك ويعافيك إن شاءلله .. لج اجرج بإذن الله ..

 

[Captain Jack Sparrow]

والله شي يقطع القلب :cryy:
مدري شقول لكن ما اقول غير لا حول ولا قوة الا بالله العلي العظيم
الله يصبرك على اللي انتي فيه وان شا الله انك مأجورة على هالصبر وما تشوفين شر

اعتبريه انه اختبار لك من رب العالمين عشان يشوفك تصبرين ولا لأ
عسى الله يقومك بالسلامة وما تشوفين شر يا اخت هدى

 

[Bounty]

ان شاء الله انشوفج بصحه و عافيه على طول ..


الله يشفيج .. و اكثري من الدعاء

 

[Ash Storm]

لا حول و لا قوة إلا بالله العلي العظيم !!
ايش الي قاعد اقراه هذا؟ معقولة في ناس بهذا الشكل؟ لا و دكاترة كمان؟ ما قي ضمير ابداً؟ ما يعرف ان الله عو ة جل يراقب كل الي يعمله و ان في حساب ما راح يقدر يهرب منه؟ لا حول و لا قوة إلا بالله !!

الله يعينك و يسهلك الأمور اخت هدى و ان شاء الله ربنا يعوضك بكل خير, ما في ارحم منه ..

 

[Huda]

Super Sonic
الشر مايجيك اخوي
ان شاء الله ماتشوف المستشفى ولا تحتاج لهم والله يبعدك ويبعد المسلمين عن كل مكروه

Magical Dreamer
وعليكم السلام ورحمه الله وبركاته
الله يعين الجميع يارب
الحمدلله على سلامتك وفعلا مستشفيات كثير تطلع الصاحي مريض الله يكفينا شرهم بس ..


Hwoarang
للأسف عندنا خبي عني واخبي عنك انواع الاستهتار واللعب


Mesharey
والله ياخوي مشاري هذا نموذج من الي شفتهم ولاعدد ولاحرج ...
امين تسلم اخوي

Captain Jack Sparrow
الله يسلمك اخوي والشر مايجيك ومانقول غير الحمدلله والشكر لله على كل حال


Bounty
امين
تسلم اخوي يعطيك العافية

Ash Storm
المشكلة ان البلاوي ماتطلع الا من المناصب يعني لو تشوف موظف صغير تلقاه يكافح ومجتهد بعمله
طبعا مانعمم على كل الاطباء بس للأسف بعد الي شفته اقدر اقول ثلاث ارباعهم ..

امين اخوي يعطيك العافيه يالطيب ​