hits counter

حريق في منزل جيراننا

Mista Koo

Mista Koo

Creative Director
قصة حقيقية منقولة:


كانوا الأهل طالعين لأحد العروس ..

وأنا أيضاً كنت موجود بالعرس ..

طلعت الساعه 12 بالليل تقريباً .. متجه للبيت .. راح آخذ غرض .. وأتجه لبيت صديقي .. ثم الساعه 2 راح أمر أهلي من الزواج ..


دخلت للبيت .. وأخذت الغرض..

طلعت للشارع ..
سمعت صراخ وأصوات تنادي ( يمممممممه ... ساعدونااااا .... )

سميت بالله ..
وأتجت بحذر ناحيه الصوت ..

وخلال إتجاهي للصوت ..
طلعت بنت من بيت أحد الجيران وهي غير متسترهـ بشكل كامل .. يعني بعبايه فقط .. بدون تغطيه للوجه أو الرأس .. <- من الخوف والهلع


أنا لما شفتها .. خفت !!
قلت وش فيه ؟ وش صاير ؟
وهي تصارخ وتبكي ... وتدور حول بيتهم .. مو قادرهـ تتكلم


كلمتها بشكل حازم .. وش صاير ؟ وش فيك ؟!
قالت البيت يحترق !!

لاحول ولا قوه الا بالله ..
وفعلاً كان يحترق من الخلف وماإنتبهب للدخان لأن الوقت ليل ..


أول شي سويته إتصلت على الدفاع المدني ..

بعدها على طول إتجهت لسيارتي وأخذت شماغي وعطيته للبنت .. قلت غطي فيه نفسك ..

لحظتها ماادري وش أسوي ..

أهلي مو بالبيت .. ومدري وش أسوي بالبنت ..

قلت طيب وين أهلك ؟
قالت كلهم طالعين ..
بس

قلت بس إيش ؟
قالت يمكن أختي بالملحق نايمه .. مو متأكده .. ماأدري هي راحت مع أهلي أو لا !!


لاحول ولا قوه الا بالله .. الله يستر ..
قلت أمشي خلينا ندخل نشوف .. لعل وعسى ماتكون بالملحق ..
ودخلنا للبيت .. وعلمتني مكان الملحق (كان في جنب البيت)

وفعلاً لما ناظرت مع الدريشه حصلت أختها نايمه .. ناديت البنت .. وقلت بسرعه طقي عليها الباب نقومها مافي وقت .. لاسمح الله يكون فيه غاز أو سخان ينفجر من الحريق ..

والحمدلله قامت البنت .. ولبست (جلال صلاه) وطلعناها من البيت ..
طبعاً كانت منصدمه ماتدري وش صاير ..


أنا وقتها ماادري وش أسوي .. صعبه أترك البنات بهذا الشكل بالشارع ..

رحت أعطيت البنت الكبيره مفتاح بيتنا .. وقلت لهم .. إدخلوا وطمنوا بالكم .. بإذن الله مايصير الا الخير .. وهذا جوالي كلموا على أخوانكم أو أبوكم خلوه يجي ..

وفعلاً دخلوا للبيت ..

وأنا جلست برى .. وكنت أتابع مع الدفاع المدني من سواق الجيران الله يجزاهـ خير ..

حتى وصل الدفاع .. ودخل للبيت وبدأ في عمله ..

بعد إنتصاف عمليه الإطفاء ..

وصل الأب ..
أبو الجيران ..

لما وصل .. قام يسأل وين بناتي وين بناتي ؟

قلت تطمن هم بخير .. كلهم بخير مافيهم إلا العافيه ...

ودخلته لبيتنا وشاف بناته ..

طلع وعلى طول توجه لبيته يتابع الحريق ..
وانا بالشارع أنتظر ..

بعد ماإنتهى الحريق الحمدلله .. وخمدوا النار (الله يجزاهم خير)
بدأو رجال الدفاع المدني بعمليه التأكد من سلامه الاجهزه وتسرب الغاز وووو ... الخ


إلتفت بالشارع وحصلت الأب مع بناته قاعد يتناقش معهم .. صوتهم إرتفع .. ويبدو إنهم ذكروا له القصه ..

فجأهـ لقيته يناظر فيني نظرات غريبه !!

توجه لمي ..
قال أنت إللي ساعدت بناتي ؟
قلت إي نعم .
قال أنت دخلت مع بنتي وقومتوا فلانه من نومها بالملحق ؟
قلت إي نعم !!
(طبعاً أسلوب أسألته كان بشكل هجومي .. يعني مو لغرض الإيضاح فقط)

قال وأنت مدخلهم في بيتك ؟
قلت إي نعم .. ليش وش فيك ؟
1192501910.gif


قال والبيت فاضي مافيه أحد؟
قلت إيه .. لأأن الأهل في عرس مو موجودين .


قال .. أنت ماتستحي على وجهك يا****
ماعندك غيرهـ
ماعندك نخوهـ ؟
ماعندك أخوات تخاف عليهم ؟


ck-38.gif


ck-38.gif


ck-38.gif



مليون علامه تعجب !!


قلتله .. خير وش فيك يالغالي .. عسى ماشر ؟!
وش اللي مسويه أنا ؟

قال.. الحين أنت ماتخاف ربك يوم إنك تكشف عن بناتي .. ومدخلهم في بيتنٍ مافيه إلا أنت !!

قلت أنت شكلك فاهم غلط وانا أخوك ..
وشرحت له اللي صار تماماً ..
رد علي وقال لك عين بعد تقولي السالفه !!

قلت ياخوي وش فيك أنت .. بدال ماتقول جزاك الله خير .. تجي تقول هالكلام هذا !!

وبعدين مين قالك إني كشفت عن بنتك ..
بنتك طلعت بالشارع وهي كاشفه .. من هول اللي صار وكانت هي بحاله صدمه .. وماأحد يلومها على هالشي .. وانا جبت لها شماغي وقلت لها تستر نفسها !! وين الغلط هنا ؟

وبنتك الثانيه كانت داخل الحريق .. وجزانا الله خير ودخلنا وقومناها وطلعناها .. ولاكشفت لي ولا شي .. طلعت وهي متغطيه بجلال الصلاهـ ..

ولما طلعنا بالشارع حبيت الستر لك ولبناتك .. رحت وعطيتهم مفتاح البيت وقلت أدخلوا وعطيتهم جوالي علشان يكلمون عليك .. وأهلي مو موجودين بالبيت ..
وانا جلست برى البيت أتابع مع الدفاع المدني حتى وصلوا ..

وماخليت بناتك بالشارع .. علشان مايصيرون شوفه للي يسوى واللي مايسوى

وبدل ماانت تشكرني جاي تحاجني !!



**
رد علي
وقالي كلمه ...
تمنيت الارض تبلعني ولا سمعتها ..
قال أنا أهون علي إن بناتي يحترقون ويموتون وهم بشرفهم وكرامتهم .. ولايجي ديوث مثلك يساعدهم

**

يالله ياقو هالكلمه على قلبي ..
وين الكرامه اللي راحت ؟!
وين شرفهم راح ؟
وش اللي صار علشان ينداس على شرفهم أو كرامة هالبنات !!


والله ماباليت لكلمة (ديوث) اللي ذكرها عني .. لأن الشخص اللي قالها مريض ..
وللأسف بدل بدل ماألقى كلمه شكر .. لقيت هالكلمه منه ..


اللي قطع قلبي ..
تفكيره بهذا المنطق .. ومنظوره للموضوع ..
لدرجه تفضيله إحتراق بناته عن أن يأتي من يساعدهم ويرى وجووههم أو شي من جسدهم ...


طبعاً لاتسألون عن اللي صار بعدها ..
لأن الموضوع زاد شوي .. وتدخل الجيران ورجال الدفاع .. والحمدلله .. كلهم كانوا في صفي

والله اللي رحمتهم بناته .. كيف بتكون معاملته معهم ؟
دام إنه يعتبر الان إنه شرفهم وكرامتهم راحت ..


رغم إن أحد الاشخاص الموجودين وهو شخص ملتزم ذكر لهذا الرجل ..
بأنه لو أنه شخصياً كان بدلاً عني .. ولدرجه لو كانت أحد بنات هذا الرجل أو أي من بنات المسلمين عاريه تماماً .. وتحتاج لإسعاف أو إنقاذ أو مساعدهـ وكان لايستطيع أو لايملك الوقت لسترها .. لقام بإنقاذها .. وبعدها مباشره يقوم بتغطيتها .. وذكر له قول الله تعالى :
﴿أَنَّهُ مَن قَتَلَ نَفْساً بِغَيْرِ نَفْسٍ أَوْ فَسَادٍ فِى الاٌّرْضِ فَكَأَنَّمَا قَتَلَ النَّاسَ جَمِيعاً وَمَنْ أَحْيَـهَا فَكَأَنَّمَا أَحْيَا النَّاسَ جَمِيعاً﴾


ولكنه للأسف ..
قابله بتشدد وبإنغلاق .. وأنكر هذا الشي .. وكابر .. وكمل إجراءات الدفاع المدني ..



.

إنتهت ..

​
أنقر للتوسيع...
http://www.cksu.com/vb/t100563/
 
والله كتبت كلام ومسحته ،، خسارة عليه حسناتي في رمضان :angry:: ،،

الأبو صراحة ،، ما أدري شقول عنه غير " ينعن أبو التخلف " ،،
 
الله يعين بناته 🙁
 
افعل خيرا تلقى شراً

هذا الي صاير في الدنيا.........

علشان كدا تلاقي الناس ماتساعد حد في الحوادث وغيرها من خوف الأتهام الا مارحم ربي
 
ولل من جده هالخبل بدال ما يبوس راسك يسبك وابوك بعد , لو انا منك كان تركته لا السفيه سفيه .

رح اشتغل في الدفاع المدني :whistle:
 
لو كنت مكان الولد هذا، كان رفعت عليه قضية قذف بشهادة الموجودين، وخليت المحكمة يجلدونه قدام الناس كلهم بالصفاة، عشان يستأدب الله لا يبارك فيه.
ديوث مرة وحدة؟ الله يمرضه فوق ماهو مريض ويريح المسلمين من عقليته.
 
لهذه الدرجة عقليته متحجرة وما عنده أدنى ثقة في "جاره" ؟!
 
الحقيقه المره للأسف , بس أعتقد العقليات ذي خفت ...
 
هالعقليات موجودة وبتظل موجودة وتتوارث ..دام ناس فاهمين العادات والتقاليد غلط على حساب الدين 🙂
 
ودي أجمع أمثال هالحطبة في حفرة و أدفنهم


🙁
 
الأب ماله حق صراحة, يعني كان في مليون تصرف احسن من التصرف الي عمله الأب لول!
 
ودي أجمع أمثال هالحطبة في حفرة و أدفنهم
أنقر للتوسيع...

كذا بتتعدى الاعداد ضحايا الهولوكاست بالملايين .:laugh::

بس خلني اساعدك :evil::
 
حسبي الله ونعم الوكيل...شنو هالعقلية هاذي

واحد ساعد بنات المسلمين الي هم مثل خواته

يقوم يقوله يموتوا بشرفهم و كرامتهم، هو بكلامه

خله في شرف و كرامة بس...اعوذوا بالله، مسكين هالرجال الي ساعد البنات!
 
لو انا في محلك اول مايقول ديوث افك شوط معاه
 
Sawiii.jpg


علشان تتعلم الناس..
 
و في المقابل في ملايين البشر لما تساعدهم يشكروك و يمدحوك. أهم شيء أن الإنسان مايخلي قصة مثل كذا تلعب بمخه و تمنعه من فعل الخير، افعل الخير بقدر ماتقدر و اذا جاك شخص مثل هذا فاصبر، ممكن يكون اختبار من الله على تحملك.

بالمناسبة ايش معنى كلمة "ديوث"؟
 
الديوث اللي ما يغار على محارمه
 
اذا ضاعت كلمه الشكر على الشخص الى ساعد البنات فلايمكن يضيع الاجر عند الله

ومهما كان يحتسب الاجر عند الله ويمشي ولا يسمع للسفيه هذا
 
والله اذكر سنة من السنوات مدرسة بنات بالدمام احترقة وجاو المطافي لكن وللاسف جاو اشخاص منعوهم من الدخول وماتو تقريبا 99طالبة ومنها جرحة.
لكن التسائل مين الي يفكر في وسط حريق وفي حالة خطرة ينظر الى محاسن البنات خخخخخخخخ
صدقوني اول مايطلع من الحريق راح ينسى الي شافه لووول
 
Justice قال:
والله اذكر سنة من السنوات مدرسة بنات بالدمام احترقة وجاو المطافي لكن وللاسف جاو اشخاص منعوهم من الدخول وماتو تقريبا 99طالبة ومنها جرحة.
لكن التسائل مين الي يفكر في وسط حريق وفي حالة خطرة ينظر الى محاسن البنات خخخخخخخخ
صدقوني اول مايطلع من الحريق راح ينسى الي شافه لووول
أنقر للتوسيع...

هذي اعتقد كانت في مكة ؟
اللي منعو البنات من الخروج من المدرسة و منعو الدفاع المدني من الدخول على البنات و المبنى محروق ..

للاسف العقلية هذي ما زالت موجودة, لكن لو انا مكان اخونا الطيب هذا كان ما سكت على اللي قاله الشايب

و مشكور على النقل .
 
Justice قال:
والله اذكر سنة من السنوات مدرسة بنات بالدمام احترقة وجاو المطافي لكن وللاسف جاو اشخاص منعوهم من الدخول وماتو تقريبا 99طالبة ومنها جرحة.
لكن التسائل مين الي يفكر في وسط حريق وفي حالة خطرة ينظر الى محاسن البنات خخخخخخخخ
صدقوني اول مايطلع من الحريق راح ينسى الي شافه لووول
أنقر للتوسيع...

قريب كان فيه سيارة منقلبة على الطريق .. والعائلة الي كانت داخل السيارة صارت بعد الانقلاب متناثرة على أرجاء الطريق .. جوا شباب نازلين من كورولا ووقفوا لهم .. سرقوا جوالاتهم وفلوسهم ومشوا


فلا تتساءل
 
يجب تسجيل الدخول أو التسجيل كي تتمكن من الرد هنا.
عودة
أعلى