حتى السينما ..!

[53]

طبعاً الكل بالكويت ملاحظ شلون الأسعار قاعدة ترتفع بشكل كبير , حتى بدون سبب مقنع يعني بس قالوا فيه 50 دينار زياده لكل مواطن (إلي ما نزلت للحين) على طول رفعوا الأسعار ,برايي ما نبي الخمسين يبا نبي تطيحون الأسعار , لأن بالنهاية الخمسين بتروح على هالأسعار الزايده .

للأسف هذا إلي صاير وماعندي فكره لي متى بتاخذ السالفه ولي وين بتوصل .

عموماً هذي أخر التقليعات ...

السعر قبل كان 2.500 (دينارين ونص)للتذكره الوحده .

إذا إحنا قبل هالزياده بالأسعار كانت قيمة التذكره بالكويت أغلى من باقي دول المنطقه . بعدين لول , شمعنا يوم الإثنين أرخص؟

 

[Leon]

حاسين فيكم من ناحية الأسعار , الحال من بعضه .. خخخ شكله يوم الإثنين Special Day.. أفلام من شلة فاندام تعرض خصيصاً ..ولمدة يوم واحد فقط لول 😛

على فكرة صالات الVIP .. فإيش تفرق ؟!

 

[Khalid-S]

ارتفاع الاسعار في كل منطقة الخليج ...

الله يعين.

 

[53]

لول . صالات الVIP فيها كذا ميزه أول شي الشاشات أصفى أكثر , والكراسي كبيره وتقدر تنزلها وتختار القعده إلي عاجبتك , وأحلى ميزه إن فيه واحد فوق راسك متى ما بغيت شي من الكافتيريا تقوله إهو يروح يجيب الطلب .
وسعر تذكرتها 6 دنانير .

 

[m7tram]

شالمصخره حتى السينما , انزين شنو سالفه يوم الاثنين لول .

 

[Leon]

لول . صالات الVIP فيها كذا ميزه أول شي الشاشات أصفى أكثر , والكراسي كبيره وتقدر تنزلها وتختار القعده إلي عاجبتك , وأحلى ميزه إن فيه واحد فوق راسك متى ما بغيت شي من الكافتيريا تقوله إهو يروح يجيب الطلب .
وسعر تذكرتها 6 دنانير .

أها .. شي حلو , يلا عقبال ما يفتحوها عندنا P:

 

[Mesharey]

هذي اللي صج مشكلة .. خصوصا ان السينما تحسب من عندنا فلوس بالهبل ..

يعني الحين نروح يوم الاثنين بس ولا شلون ؟ P:

عاد كنت سامع من فترة ان السينما بتخلي التذاكر على 3 ..

 

[53]

لو فيه شركة خاصه تفتح سينما بإسمها ( نفس حالة شركات البانزين ) راح اكون أول المؤيدين , شركة السينما الكويتيه نصابين وخدماتهم نفس وجيهم .

يعني الحين نروح يوم الاثنين بس ولا شلون ؟ P:

شكله يوم الإثنين بيصير إنبعاج بسينمات الكويت لول .

 

[Ash]

و يقولون سينما سكيب بتنقذ السينما الكويتية , طل .

انزين عالأقل بهالزيادة هذي يحسنون السينمات الي عندنا , و الله بعض السينمات للحين افلامها حتى مو wide screen .

و على الله المركز العلمي يفك حصريته لسينمات الـ 3D , أغلب الأفلام القوية الجاية مبنية على هالأساس ( توي ستوري 3 - فيلم جيمس كاميرون القادم ) و حتى أفلام صدرت على هالأساس ( بيوولف ) , الله يعين .

 

[pacino]

لووووووول الله ياخذهم قبل كانت غاليه والحين زادوها -_-
بس يا اخي والله مصخره شركه وحده ماسكه السينما..نبي شركات اكثر.

وشكله يوم الاثنين فلم واحد بس لوووووول

 

[Dr MaD]

احنا نبي اي سينما :cryy:

 

[Purple Rain]

أصلا السينما عندنا فاشلة

تصوروا فيلم نازل من سنتين يعرضونه للجمهور على ابونا فيلم يديد !!

غير التقطيع المقرف !! يعني فيلم توم هانكس الاخير مقطعين نص الفيلم !!

مع هذا مجبورين ندخل لها لانها السينما الوحيدة بالسوق !!

 

[persona]

راضي بـ3 بس يعطونى بوب كورن وببسي ببلاش؟ ماكو تقطيع

وبدون عقد وهيلق يتكلمون بنص الفلم او داشين عبالهم مسرحيه أو بدون ورعان مزعجين

داخلين السينما بعد ماوصلتهم العبريه\التاكسي\سايقهم

اوكي..انا راضي..غير جذي..

الاثنين بيكون يوم افلام البايخه لول..يحطولك فلم هندي..وقتها

 

[pacino]

غير التقطيع المقرف !! يعني فيلم توم هانكس الاخير مقطعين نص الفيلم !!

بعض المرات احس اني قاعد اشوف تريلر مو فلم :sealed:

 

[BioMario]

نحن عندنا من زمان بـ 30 درهم ( سيني ستار )
كل مكان اربتفعت اسعارة الظاهر حتى الحمى هذي وصلت الكويت -__- ... الله يعين

 

[Shot]

لو فيه شركة خاصه تفتح سينما بإسمها ( نفس حالة شركات البانزين ) راح اكون أول المؤيدين , شركة السينما الكويتيه نصابين وخدماتهم نفس وجيهم .

هذا احسن حل حتى تتعدل حال السينما بالكويت

راح يصير تنافس بين الشركات لجلب اجدد الافلام وتكون حصريه على شركه معينه

بس مع هذا راح نشوف ارتفاع بالاسعار :s

 

[s3rorh]

وبدون عقد وهيلق يتكلمون بنص الفلم او داشين عبالهم مسرحيه أو بدون ورعان مزعجين

خصوصاً ألي يصفقون بعد ما ينتهي الفلم


بالنسبه لغلاء الأسعار ومن مصدر موثوق
سألت المصدر ليش ارتفع سعر التذكره جاوب

المصدر : كل الاسعار ألي بالكويت إرتفعت .. يعني أوقفت علينا !! وبعدين نص دينار ما تأثر
أنا : نص ... هع هع أعتقد أنا وأنت عارفين أشكثر راح تطلعون أرباح من ورا هالنص ألي مو عاجبك
المصدر : موااهاهاهاههاها أستر بس أستر
أنا : أنزين صج يعني انتم رافعين عبط ..... ولا سعر الكرتونه ألي تُصنع منه التذاكر ارتفع ... ولا المُنتجيين للأفلام شمو ريحه ال50 دينار الزياده فا ارفعوا اسعارهم وبالتالي أنتم رفعتوا اسعاركم ولا شنو بالضبط
المصدر : والله مثل ما أنت قلتها ... رافعين الاسعار عبط
أنا : أنتم حراميه
المصدر : شكراً على المدح << ومتشقق بإبتسامه عريضه
أنا : أنزين شنو سالفه يوم الاثنين
المصدر : يا حبوب ... على ايام 2:500 كان يوم الاثنين ميت رسمياً ... يعني لو تروح لأي صاله عرض ما تحصل أحد يدخل للسينما .... فا علشان جذي أكو مسؤول عندنا قال (( بأخلي يوم الأثنين يشعلل )) واقترح يصير بدينار ونص ... و تم قبول الفكرة ونفذت
أنا : هممم شي طيب ..عيل ماكو إلا يوم الاثنين نروح للسينما
المصدر : خخخخخخخخ إبأ أبلني .... شكلك نسيت (( الهنود والمصاروة )) بيصير دم يوم الاثنين
أنا : شنو الحل
المصدر : صف وياهم ... و إدعي لله علشان تحصل تذكره
أنا : إنزين شنو الحل T_T
المصدر : عندي ... في حل وهو @#$$%^%#$^%^$%$^ (( تم تشفير الحل لحين تطبيقه .. وإذا نجح بأنشر الحل أهني ))
أنا : واو والله أنك رهيب ...
المصدر : حاضرين للطيبين
أنا : يالله جاااو وضبطنا بحلك مواهاهاها
المصدر : مواهاهاهاها


إنتهى

 

[Ash]

محادثة مسنجر و لا واقع ؟؟

أنا : إنزين شنو الحل T_T
المصدر : عندي ... في حل وهو @#$$%^%#$^%^$%$^ (( تم تشفير الحل لحين تطبيقه .. وإذا نجح بأنشر الحل أهني ))
أنا : واو والله أنك رهيب ...

؟؟

ممم تحجز ليوم الاثنين , و بعدين تأجل\تغير الحجز ليوم ثاني ؟ أو تحجز بيوم الاثنين ليوم ثاني ؟

احس أغبياء لو تنفع هالطرق .

 

[s3rorh]

^
المحادثه واقعيه وفيها دراما (( وجهاً لوجه )) ... بالنسبه للخطه .. ألي اقصده هو أنك تحجز تذاكر ليوم الأثنين من غير ما تحوشك الزحمه وتاخذ تذكرتك وأنت مرتاح (( والمكان ألي أنت تبيه )) وكل هذا يتم عن طريق : الحجز من النت < حاسس بأنه ما عنده سالفه XD