جوال جديد من أبل IPhone 5 ما رأيكم؟

[Gladiator]

وأخيرا بعد طول إنتظار أبل تعلن عن هاتفها الجديد IPhone 5

الجديد:
* معالج A6(Dual Core) أسرع في تشغيل واستخدام الجهاز والتقاط الصور
* كاميرا باسم iSight بقوة 8mp وبدقة 3264X2448 وفتحة عدسة 2.4
* تصوير فيديو بدقة 1080p للكاميرا الخلفية والأمامية 720p HD
* حجم الشاشة اصبح 4 انش أكبر وأوضح مع الريتنا كما أن ألوانه أكثر وضوحًا بنسبة 44% من 4s
* بطارية اقوى تعمل لمدة 8 ساعات
* الجهاز اصبح انحف 7.6 مليمتر بحيث يكون أرفع من الأي فون 4s بنسبة 18% ووزنه 112 جرام بحيث يكون أخف وزنًا من 4s بنسبة 20%
* إضافة 3ميكروفونات لوضوح الصوت وتحسين نظام السيري ليعمل مع المواقع الاجتماعية والخرائط
* تم مطابقة الأي فون الجديد مع شبكات الجيل الرابع LTE

الجهاز في المؤتمر:
[video=youtube;p6UxS4CoZ_g]http://www.youtube.com/watch?v=p6UxS4CoZ_g[/video]

ما رأيكم بالجهاز ومن يفكر يشتريه وهل تعتقد ان ابل فعلتها مرة اخرى؟

 

[Majeed]

ما أحب أتكلم في منتجات أبل علشان مالي خلق ردود الفانز، لكن هالمرة أقدر أقول أن أبل خيبت ظن الجميع.

 

[Nintendo]

فعلت ايش مره أخرى؟ للامانه الجهاز احباط بنواحي كثيره

ابل من الشركات الرائده بتقديم إبتكارات جديدة تضع اسس ممتازة للصناعة ولكن هذا الجهاز ماقدم اي شئ جديد ماعدا كماليات بعيدة عن جوهر إنتاجات ابل المعتاده، المواصفات للأسف كلها متوفرة بأجهزة صدرت من شهور مش بسيطة بالسوق واشياء كثيرة تتفوق على الايفون5 اللي تأخره عن البقية خلانا نأخذ انطباع بأنه ممكن يقدم شئ ثوري فعلا ولكن خرج بهاذي الصور (العادية) جدا.

وبعدين بنقعد مع كل جوال نغير شريحة؟ وش الزحمة والقلق ذا.

 

[Sky Walker]

الجهاز ماهو الا عبارة عن iPhone 4SS :/

 

[Hironobu Sakaguchi]

^
حقوق الاسم محفوظة لي (&)

على صعيد اخر اشوف انهم توصوا صح بالايبود تتش، الان صار يستاهل !

 

[ASWD]

ما ضاف الشي الجديد فعليا.الظاهر برحيل جوبز فقدت الشركة ابداعاتها

باقي على لايفون 4 حتى اشعار اخر

 

[Sir Guts]

مادري وين الإحباط اللي تتكلمون عنه يا شباب .. اشوف الجهاز تطوّر من ناحية الحجم و الشاشة و المعالج و الخ

يعني بالله شكنتوا تبون أبل يسوون في الجوال الجديد عشان مايصير احباط؟ يحطون لكم خاصية تتصل على رقم مجهول و تجيك سيارة باتمان الى مكانك؟

الناس دائما تنتقد فالبداية و آخر شي نشوفهم شاريين الجهاز.....

 

["a7mad"]

ابل زودوها

 

[~L.O.R.D~]

إلا شعارهم الجديد :
iPhone 5 : the biggest thing to happen to iPhone since iPhone

yo dawg

 

[King Slime]

توقعت شي أكبر من كذا لكن أملي خاب بالنهاية 🙁
الحين نقدر نقول آبل = ستيف جوبز

 

[m-oo-7md]

من ناحية المواصفات لا بآس به

 

[Nintendo]

مادري وين الإحباط اللي تتكلمون عنه يا شباب .. اشوف الجهاز تطوّر من ناحية الحجم و الشاشة و المعالج و الخ

يعني بالله شكنتوا تبون أبل يسوون في الجوال الجديد عشان مايصير احباط؟ يحطون لكم خاصية تتصل على رقم مجهول و تجيك سيارة باتمان الى مكانك؟

مشاري الفكره انك لمن تشوف المنافسين يصدروا اجهزتهم قبل جهازك ب6 شهور وانت بعد كذا تصدر جهاز مايتفوق عليهم تخليك تضع مليون علامة إستفهام. طيب على الأقل ابل شركة قوية بتقديم السوفتوير بالأجهزة الماضية على الأقل كنا نشوف شئ مختلف مثل الفيس تايم والسيري والخ الخ ولكن هذا الجهاز وش قدم؟ بشكل غريب أشياء متوفرة بباقي الأجهزة مثل الـNFC وغيرها من الأشياء.

يا راجل حتى كاميرا الجهاز اللي كانت مصدر قوى للايفون 4S توقعنا نشوف ابجريد كبير لها على الأقل كإضافة قوية للجهاز والنتيجة مخيبة، هذا الجهاز زي ماتقول كان (نمشي جنب الحيط) من ابل، كبروا حجم الجهاز واكيد هاذي خطوة مخيفة لهم و طوروا الاشياء التقنية من معالج والخ الخ مثل البقية والسلام عليكم .

غيروا تصميم؟ غيروا حتى شكل الايقونات والنظام اللي صار عقيم حرفيا من ناحية الحرية بتغيير الشكل و الإبداعات فيه.

 

[MaxPro]

ما اعرف اذا معاييري منخفضة او شي زي كذا لكن اللي شفته مرضي بصراحة ومدري ايش كنتم متوقعين يعني ؟!

 

[Talal kinenju]

كنت متوقع شكله من اول ماشف بعض الصور المسربة, الجهاز بشكل عام ممتاز, ولاكن كنت اتمنى يكون هاتف جديد بالمره وليس شبيه ايفون 4

 

[soosi]

يعني لازم شريحة جديدة مع الايفون 5 ؟ اسمها نانو صح ؟؟

الميني ماتركب عليه ؟

 

[BlackBird]

بصراحة كنت متوقع شي أكبر من كذا ... توني أمس بايع الآيفون 4 "المعدوم" حقي عشان أشتري الخامس أول ما ينزل
بس شكلي بجدد هذي المرة وبروح للـ Galaxy SIII ... خصوصاً انه أرخص حالياً من الآيفون بكثير

 

[Classic Player]

بصراحة أكثر شيء يهمني هو التطبيقات و الألعاب إذا الأيفون 5 بيشغل تطبيقات و ألعاب مايشغلها الآيفون 4 أوكي باخذ الجهاز غير كذا ما أتوقع أفكر فيه :/
السامسونج جالكسي s3 رهيب رهيب لكن قهرني فيه الألعاب و الـ googleplay مدري كيف :/ لو بس العاب الـ iOS تنتقل للجالكسي كان أحلى سيفون على الآيفون >_>

 

[Vorg Zangief]

الجهاز طال فقط @@ احس العرض نفسه ما تغير @@ نفس الايفون 4
-- -- --
المواصفات كلها جميلة و ممتازة .
و باذن الله راح اخذه و ارمي الجالسي اس 😀

 

[kiryu]

هذا مو جوال جديد يا ابل

وش الأختلاف الكبير في هذا عن iphone4s اللي خلاك تحطي الأسم iphone5 ؟؟:what:

للأسف لست متحمس للجهاز :crying:

فعلا apple أثبتت أنها بدون ستيف جوبز لا شيئ :confuse:

 

[king zell]

المشكلة لما الشركة تطلع و تقول أحسن و أفضل و ما شفنا مثله و الخ

و في الاخير تنزل منتج زيها زي غيرها


بالنسبة لي أقل من غيرها بأمانة... لأن iOS صار نظام عقيم و عجوز

 

[Sea.roOock]

ابل فانز هيا بنا

 

[جون سيلفر]

مدري ليش تذكرت شركة نوكيا بعد ماشفت الايفون الجديد

نوكيااقوى نقلة وصلت لها هي جهاز n95 بعدين جت فترة خمول وصارت تكرر الجهاز بمسميات مختلفة وكامرا اقوى ومدري ايش اليين سبقتها الشركات الثانية

هنا نفس الحالة مع الايفون 4
يعني فيه حاجات مايبيلها .. اضافة ذاكرة خارجية ..شاحن مثل الجوالات الثانية ..بلوتوث زي الناس .. فلاش .. وسهولة بنقل البيانات مع الحاسب من دون الشي العبيط اللي اسمه ايتونز

هالكم اضافة الغبية مع كم اعلان كانت رح تخليه حديث العالم

افهم ليه هالشركة ماتبي تفهم

 

[Solay]

قلتها كم مرة الناس ماادري وش كانوا متوقعين يشوفون بالضبط,طوروا من الجهاز بالأشياء الأساسية أما الأشياء اللي معروفة فيها أبل اتوقع خلاص ما فيه أمل يغيرونها فلا أحد يأمل..

تصميم الجهاز اوكي موب بعيد عن الـ 4 بس اشوفة أجمل والخلفية الألمونيوم أسهل للاستخدام والملمس وشكلها جميل,الشاشة جت مثل ما بغيتها قبل المعرض بالضبط 4 انش,اشوفها هي الحجم المثالي حاليا لشاشة الجوال..

معي جالاكسي اس 3 ومبسوط فيه,بس كبر الشاشة تضايقت منه وضرره لي صار اكبر من نفعه,اوكي عند الأفلام والألعاب افضل بس غير كذا تعب غير طبيعي,وصعب الشغل بيد وحدة,ونظام الأندرويد ما اعجبني من ناحية التطبيقات فقر واااضح مقارنة بالآيفون سواء برامج أو ألعاب وما أشوف هالشي بيتغير بالمستقبل القريب..

عموما أنا أشوفها iOS ضد أندرويد أكثر من أنه جهاز ضد جهاز.

 

[Solay]

يعني فيه حاجات مايبيلها .. اضافة ذاكرة خارجية ..شاحن مثل الجوالات الثانية ..بلوتوث زي الناس .. فلاش .. وسهولة بنقل البيانات مع الحاسب من دون الشي العبيط اللي اسمه ايتونز

ذولي أشياء يكسرون سياسة أبل ومافيه أي أمل نشوفها بوقت قريب للأسف.

 

[Gladiator]

من المؤتمر:

الإعلان عن الآيفون 5 وحجمه:
[video=youtube;t8cRH2XzywQ]http://www.youtube.com/watch?v=t8cRH2XzywQ[/video]

الكاميرا:
[video=youtube;3G2MFsE924s]http://www.youtube.com/watch?v=3G2MFsE924s[/video]

تجربة الجهاز من المؤتمر:
[video=youtube;p6UxS4CoZ_g]http://www.youtube.com/watch?v=p6UxS4CoZ_g[/video]

 

[Mute City]

الان أبل فانز يقولك إيش تبغى ؟ أنا أبغى سمارت فون محترم مش مجرد جهاز مكرر من سابقه , شوف HTC شوف SGSiii شوف نظام الاندرويد كيف يتطور مش IOS 5 الي ما قدم شي عن IOS4
والان الايفون 5 الي ما قدم شي كبير عن 4

 

[CODE-X]

انا قلتها قبل آبل انتهت مع موت ستيف و فقدت نكهتها ، اللحين بنشوف تخبطات من الشركة الين ما توصل لنهايتها .
كذا ابل خسرت معركة السمارت فونز رسمياً ...

 

[Unknown]

ياكثر الناس الي بيحولوا للاندرويد بعد الاحباط الي صار :laugh::

 

[The Doctor]

^في الواقع، أشوف الاهتمام بالLumia 920 زايد بشكل كبير في النت...

 

[nbnt]

أفضل جهاز العاب محمول صار أفضل وأفضل، ايش تبغون أكثر؟ (&)