دراغون بول الحين 400، اذا هذي اقرب استراحة تجمعهم فرقم مورتال كومبات اللي هو 1600 يعني 4 استراحات تجمعهم، ما رحنا بعيد ولا هو ذاك الفرق الخارق يعني، مافي غير ستريت فايتر 6 هنا اللي تحلق في سماء بعيد بعيييييييد لحالها -بهاللحظة لحالها +30 ألف ومع كل شخصية جديدة توصل 50 و70 الف-، يعني بيج 1، لانه ما يعقل انه باقي البيج 3 يكونون اقرب بكثير لفاتل فيوري من ستريت فايتر، اذن مسمى بيج 3 ماله اي معنى هنا من أساسه وممكن نتفق انه مافي شيء قوي بالجنرا غير ستريت فايتر 6 وخلاص.
خلك معي:
دراقن بول: ٤٠٠ لاعب بي سي ودبلهم مع الكونسل = ٨٠٠
مورتال كومبات كسلسلة متوزعين في اخر جزء + 11 بسبب سوء الجزء الاخير = ٣٠٠٠ مجموعهم ومع الكونسل ٦٠٠٠
تكن ٨ مع الدبل = ١٤٠٠٠ العب لاعب يومياً
ستريت فايتر: قل فوق ١٥٠ الف لاعب.
بالله عليك وين مع وين اقارن ٨٠٠ لاعب مع الباقي ؟
الارقام هنا مؤشر يبين لك كيف انها مندثرة وشعبيتها طاحت هي واي لعبه حول ارقامها.
مايعني انها ماتنلعب او سيئة! لما قلت لاتدور غير البيق 3 لانها بتعطيك صيت اذا احترفتها وكذلك تبعد عنك الشعور السلبي بأنك تلعب لعبة "مهجورة" وكأنك منطوي عن العالم مع كم واحد تقابلهم بشكل يومي مايتغيرون عليك. هذا غير الريسك العالي بأن في اي لحظة ينهار عدد اللاعبين اكثر لان مافيه بيس اصلا قوي.
وصفي بأنهم الكبار الثلاثه ماجا عبث.
(1) ستريت فايتر هي الاعظم تأثير والاكثر شعبية وارقام لاعبينها النشطين تستحق الاحترام. دايقو اصبح مفخرة عند اليابانيين بسبب اللعبة.
(2) مورتال كومبات لها 30 سنة موجودة في الساحة، تأثيرها ساحق وارقام مبيعاتها كبيرة، وامتد تأثيرها بالافلام. افلام مصنوعة من لعبة قتالية؟ تأثير هائل. وبسبب ذلك سونيك فوكس أحد أشهر لاعبي القتال. تخيل لو كان محترف افاتار أو انفنزبل، هل راح يحصل نفس الشهرة؟ اشك في ذلك.
(3) تكن 8. ما احتاج اشرح تفضل:
ارسلان مع القنصل الامريكي في لاهور وجيوندينق مع ماكرون رئيس فرنسا.
لو كانوا محترفين في لعبة ام 300 لاعب يوميا هل راح يوصلون لهذا التأثير؟
لذلك يوم قلت لاتدور غير البيق 3 مو عشان اوصي العالم ينحصرون عليها بل لاني ارى الالعاب هذي تتميز بالصلابة عبر السنين ومهما انجرحوا مايموتون. ومافيها ريسك عالي من ناحية الانهيار. وحتى وقف الدعم في مك1 ماراح يعطل المطورين يسوون جزء جديد لان اساسها قوي وفيه جماهير تنتظر التحسينات القادمة.
لذلك يا اخي اختزالك بوصف البيق 3 في الارقام فقط غير عادل. فيه جوانب كثيره لازم نراعيها وذكرتها لك فوق. عندهم قاعدة تاريخية، اسم تجاري، مبيعات، بطولات و شخصيات ولعيبه تحولوا لرموز وقدرة على الرجوع حتى بعد جزء متعثر. مك1 ممكن يتوقف دعمها وهذا فشل واضح في دورة هذا الجزء لكن Mortal Kombat كعلامة ما صارت فجأة بمكان لعبة تعتمد على بضع مئات من اللاعبين يوميا. مثل ما تكن او Street Fighter مروا بفترات أضعف وما اختفت السلسلة
بجميع الاحوال هالالعاب غير انه عندها كروس بلاي، لكن طبيعة العاب الفايتنج انها 1vs1، في لعبة بقاعدة لاعبين نشطين 400 مثلا، انت هنا عندك 399 خصم محتمل، 200 مباراة محتملة قد تكون تحصل بنفس اللحظة، عكس لو باتل رويال فيها 400 لاعب برضو لكن كل ماتش لازم 100 لاعب، هنا فقط 4 مباريات، هنا تعتبر أفشل بفرق هائل وال4 أقل من 200، اذا انت حتى قدرت تحتفظ ب400 لاعب يلعبوا لعبتك لسه بعد 10 سنين هنا بتحصل لعبة نشطة وقاعدة لاعبين منوعين والشخص الواحد بيحصل خصوم كثيرين مختلفين - طبعا لو كان اطلاقك من الاساس مثلا 400 لاعب هنا بيتقلصون ل4 لاعبين مع الوقت وما ينطبق عليهم الوضع-
الفكرة انه بهالالعاب بتحصل مباريات اونلاين عادي للحين، بأسوا الاحوال بالالعاب اللي جد جد نيش -نقول سكلغيرلز مثلا- اذا انت جاد فيهم وعجبتك هالالعاب لكن تشوف الاونلاين صعب وميت ك لعب رانكد، هنا يدخلون تحت حيز الDiscord Fighters ، تدخل على مجتمعاتهم بالديسكورد وتلعب فيهم متى ما حبيت مع مجتمعها بالديوانية
نرجع لنقطة الصلابة والاستمرارية، هذي حصلتها دراغون بول فايترز وجرانبلو فيرسس نعم، حكما على نشاط الاونلاين فيها كل ما تدخلهم، كمية الدعم اللي استمرت سنين طويلة -وما زالت بحالة غرانبلو فيرسس واحنا نتكلم عن 3 سنين هنا- ، صعب افضّل عليها لعبة ماتت بعد سنة دعم زي مورتال كومبات 1 وفوقها -ولأول مرة- مافي سيكول يكمل مباشرة من نقطة توقف الدعم، ولا حتى انجستس 3، دخلنا ثاني سنة هنا بدون دعم والوضع غريب عند نيذيرريلم، لا اللي يدعم القديم ولا اللي يقدّم الجديد والفانبيس معلّق هنا، برضو حاجة زي 2XKO فلوب واضح لما ما قدرت تكمل شهور حتى من الاطلاق قبل ما يتوقف الدعم كليا، واحنا نتكلم عن 10 سنين تطوير، هذي اللي جد فلوب بحق وحقيق.
متل قير اون لاين ٢ رسمياً مغلقه وماتقدر تدخلها الا بطرق تقنية معينة فيها ١٠٠ لاعب والبحث عن القيم ماياخذ منك وقت وهالشي مامنعها ياصاحبي تكون لعبه ميته.
