جلسات لعبك، كم مدتها؟

[Wind Rider]

انا مع الاسف وصلت للمرحله الي ما العب الا لعبه وحده في السنه غير فيفا . ما ادري وش المشكله . هل من الالعاب او مني .

لي شهر مشتري ميتل جير بيس ووكر وما كملت فيها اكثر من ساعتين . اشتريت ذا وتشر ولا فكيتها من علبتها . كل ما اقول بلعب اشغل فيفا واقعد فيها ساعتين بعدين اقفل وانتقل للكمبيوتر اشوفلي مسلسل ولا اتصفح

احد مثلي

صدقني اشعر اننه احنا خلاص صرنا عواجيز...اتوقع انه وقت الاعتزال قد حان

زمان كنت العب اكثر من اني اشوف افلام و مسلسلات الحين صار العكس, صرت اتابع افلام و مسلسلات اكثر من الالعاب

يمكن لان اللالعاب تحتاج وقت كثير عشان تخش بجوها يعني اقل قعدة لازم ساعة و شوي او لان اللالعاب يبغالها مزاج رايق, ما اعرف تحديدا ايش السبب

المهم الي معنا في دار المسنين يعطي لايك

 

[AMA1983]

فعلآ لي فترة اعاني من الاحساس هذا قلت بمشيها يمكن فترة وارجع بس للأسف ماقدرت , السؤال اللحين هل فيه حل للحالة اللي حنا فيها والا نقول حان وقت الاعتزال؟ عالرغم من ذلك اعشق الفديو جيمز روحيآ واتابع اخباره اول بأول لكن ما امارس اللعب.

 

[Wind Rider]

فعلآ لي فترة اعاني من الاحساس هذا قلت بمشيها يمكن فترة وارجع بس للأسف ماقدرت , السؤال اللحين هل فيه حل للحالة اللي حنا فيها والا نقول حان وقت الاعتزال؟ عالرغم من ذلك اعشق الفديو جيمز روحيآ واتابع اخباره اول بأول لكن ما امارس اللعب.

بالضبط المصيبة انه احنا نتابع اكثر من ما نلعب

 

[FANTASTIC DREAM]

أتوقع المشكله مو أنكم صرتوا عواجيز وتلعبون لكم 10 سنين أو أكثر.. في ناس تلعب لها 30 سنه لكن حب الجيمنج ما قل فيها.
المشكله ممكن من التوجه الحالي للجيمنج, صناعة الAAA اللي غالباً تعتمد على أفكار مكرره وترند وأمثله قليله منها عظيمه.
أنا اللحين ما أخذ من الAAA الا اللي يستحق وأحاول أركز على العاب الأندي + الألعاب الكلاسيكيه القديمه على الPS1 والPS2+ كم شيء من المحمول+ ناوي أشتري وي يو وسوبر ننتندو(قريباً).
لو بضلي على الPS4 وألعاب الAAA لحالها بكره أبو الجيمنج.

 

[EPIC FAHAD]

انا احس ان السبب فكرت ان اللعبه تحتاج انك تستثمر وقت معين فيها . انا مثلا ما صرت احب اشوف افلام لاني احسها طويله اكثر من اللازم . اما المسلسل اشوف حلقه او ثنتين واقدر اكمل في اي وقت ثاني بدون ما احس باللملل

 

[Mikau]

أتوقع المشكله مو أنكم صرتوا عواجيز وتلعبون لكم 10 سنين أو أكثر.. في ناس تلعب لها 30 سنه لكن حب الجيمنج ما قل فيها.
المشكله ممكن من التوجه الحالي للجيمنج, صناعة الAAA اللي غالباً تعتمد على أفكار مكرره وترند وأمثله قليله منها عظيمه.
أنا اللحين ما أخذ من الAAA الا اللي يستحق وأحاول أركز على العاب الأندي + الألعاب الكلاسيكيه القديمه على الPS1 والPS2+ كم شيء من المحمول+ ناوي أشتري وي يو وسوبر ننتندو(قريباً).
لو بضلي على الPS4 وألعاب الAAA لحالها بكره أبو الجيمنج.

فعلا العاب الاندي لها وزنها
بالنسبه للوي يو اتوقع لو تنتظر nx افضل عاده نينتيندو بأجهزتها الجديده تدعم تشغيل العاب الجهاز اللي قبله فتكون رابح جهازين

 

[YazeedVx]

احس انه موضوع اولويات واهتمامات بس
اذا عندك لعبة تاخذ منها المتعة اللي تبغاها بقيم 10-15 دقيقة, ليش تروح تضيع وقتك بلعبة لازم ساعة واثنين حتى تدخل باجوائها وتحبها؟ مثل ماقلت اولويات واهتمامات

وشي طبيعي ببداية اللعبة ماتكون متقبل لكن لازم تكمل عشان تدخل بالجو, صدقني مافي مرة شغلت فيها لعبة - الا في حالات نادرة - ومن البداية اقول وااوو ايش اللعبة هذي, اذا كان ذا لاست اوف اس احد افضل العاب التاريخ عندي كان لازم اعطيها وقت اكثر

انا كان عندي لعبة كذا سابقا, بلاك اوبس, كنت مدمن بشكل لايصدق, كل مااروح ل5 دقائق لعبة ثانية اتضايق ومااتقبل الوضع وارجع لها, لين بيوم حطيت حد وبعتها
اوكي احب اللعبة واستمتع فيها, لكني احب صناعة الالعاب كلها وابغى العب اشياء ثانية

عموما عندي حلول لتخرج من منطقة الراحة - بالمناسبة هذا مصطلح نفسي ويمثل اشياء كثير تحصل بالحياة نمر فيها كبشر, اقرأ عنه - اللي انت فيها, اما تبيع اللعبة اللي مدمن عليها وهذا الحل الاصعب, او تجبر نفسك تعطي كل لعبة حقها ووقتها حتى تدخل بجوها, ترجع للاجيال السابقة او تشتري كونسول لنينتندو كنوع من التنويع, تدور لعبة تحسها تناسبك بشكل كامل ترجع لك الشغف

الحل في الاول والاخير بيدك