جراح العساف ،، أول عارض أزياء كويتي ×_× !!!!!

[LiOn HeArT]

السلام عليكم​

حبيت أييب لكم موضوع غريب من نوعه و يستحق النقاش صراحه ،،،،
قريت مقابله مع "جراح العساف" أول عارض أزياء كويتي في جريدة من الجرايد الكويتيه ، و استغربت صراحه لأن شي جديد و خارق للعادات و التقاليد ، أترككم مع الصورة :

صور إعلانات للجريده نفسها و يقول انها مناسبه لجميع الأعمار و الفئات و يتوقع أنها راح تحقق النجاح الباهر !!!! و اهو فخور بأنه أول من اقتحم هالمجال "عرض الأزياء الرجالية" في الكويت و يتوقع التوسع الكبير لهذا المجال ، و يقول أنه واجه صعوبات كبيرة منها معارضة الأهل و عدم تقبل الناس للفكره بس تدريجيا بدت الناس تتقبل الفكره حتى أن البعض كلمه شخصيا عشان يساعده يدش بهالمجال !!!!!

هههه انا حدي ضحكت على واحد سأله قالله : انت ليش حاف حواجبك ؟؟؟
قالله هذا فوتوشوب مو صج XD >>>>> ايييييي أقص اييييييدي
و وحده قالتله : تتزوجني ؟؟ لووووووول
و واحد قالله يقولون أنك ترف صج ؟

عالعموم انا رايي بهالموضوع أن شي غريب و جديد علينا بالخليج بشكل عام و خارق للعادات و التقاليد و أكيد صعب أن الناس تتقبله بس مع الوقت راح يسير أمر عادي و أتوقع لهالمجال أن يتوسع بس يظل شي غريب علينا كخليجيين لنا عاداتنا و تقاليدنا ، صحيح أن بالدول الغربية هذا شي عادي بس اهم ما عندهم شي يمنعهم لا دينهم و لا عاداتهم ...

يلا بشوف تعليقاتكم على هالسالفه الغريبه 😵

تعديل : شكرا أخوي غولدن سن عالمعلومه ، ضفت بعض الاضافات عشان يتكامل الموضوع :

السعودي ثامر النافع :

الإمارتي ناصر الرميثي :

القطري محمد ( 17 سنه ) :

 

[Golden_Sun]

هي ظاهرة جديدة، وغريبه على مجتمع مثل الخليج (المحافظ)، لكن شتسوي؟ هذة نتايج دخول الثقافه الغربية علينا، ما تقدر توقف هالشي.

عموماً، فيه غير جراح في الكويت الزبيدي، وفي الامارات ناصر الرميثي وفي السعودية اللي طلع في فيديو كليب مادلين مطر نسيت اسمه :\

 

[LiOn HeArT]

شكرا غولدن سن عالمعلومه و على أساساها ضفت بعض الاضافات ، و شكرا على مرورك ^_^

 

[Torpedo]

ثلاث حروف تصف رأيي .. :


لول xD

 

[Xeno]

أهم شي الميكب... وسامة الرجل بالدواعيس والحفريات اللي فوجهه. P:

اللهم لاشماتة الله لايبلانا ويحفظ أولادنا وأهلنا.

 

[Colorization]

كفو رجال الكويت، هذا العشم فيكم..

بإنتظار صور البكيني

 

[Snake-87]

يا فلان شنو يشتغل ولدك ؟
والله ولدي يشتغل عارض ازياء (يقولها وهو رافع راسه وفاتح خشمه ومبتسم)
الله لا يبلانا الحمد لله على العافية

بإنتظار صور البكيني

آي بطني xD

 

[Ash]

هالأيام قاعد أشوف أشياء غريبه على شباب الخليج , حتى وصلوا انهم يكونون موديلز , أمحق مستقبل .

بالكويت هاليومين الشباب طايحين بموضه ( غبيه ) , تلقى على ملابسهم ماركة playboy ( الأرنب ) , و الله شيئ منحط :roll: .

 

[LiOn HeArT]

كفو رجال الكويت، هذا العشم فيكم..

بإنتظار صور البكيني

لووووووووووووووووووووووووووووووووووووووووول XD و الله انفجرت من الضحك XDDDD

تسلمون شباب عالمرور
بعد شنو بيدنا نسوي ، الانفتاح الأعمى على الغرب هاذي وحده من نتايجه
ما اقول الا الله لا يبلينا و يحفظنا من هالفراغه

 

[Isaac]

هههههههههههههه ** ***** بالله تعال حط صورك الأسطورية من الموضوع السابق xD

 

[LiOn HeArT]

هالأيام قاعد أشوف أشياء غريبه على شباب الخليج , حتى وصلوا انهم يكونون موديلز , أمحق مستقبل .

بالكويت هاليومين الشباب طايحين بموضه ( غبيه ) , تلقى على ملابسهم ماركة playboy ( الأرنب ) , و الله شيئ منحط :roll: .

اي و الله انا بعد مستغرب من هالplayboy O_O ، ترا حتى البنات على فكره هابين فيها O_O
يا معود الله لا يبلينا بهالجنون O_O

 

[Mario2]

تحس كل يوم لازم عند مصفف شعر وموعد مع دكتور التجميل ( يخليه فول اوبشن ) .. وموعد يسوي ميك اب وموعد يتلبس ..

الموديل برايي شغلته مثل اهتمامات البنات خخخخ ..المشكله فيه غيرهم هم مش كم واحد .. احد يتذكر موضوع العارض الزبيدي .. انواع التعليقات ..

 

[Bounty]

لول القطري جسمه مو جسم عارض ازياء ..


هممم اهي السالفه على التربيه .. و كل واحد و ميوله .. يمكن يشوف انه يبدع بهالشيء ؟ و حاس نفسه مرتاح ! .. و ترى اهو ما مشى مفصخ ولا قعد يغني .. كل الي قاعد يسوونه عرض الملابس ..

بس بالأخير نظره المجتمع ما راح ترحمه ..


(لحد يقعد يقتبس ردي و يعلق .. انا مو موافق على هالشي لنفسي ولا لعيالي و لا حتى للقريبين مني .. بس هالانسان يشوف انه صح فكيفه ولو اتكلمونه من اليوم لي مليون سنه ما راح يقتنع لأنه مرتاح و متأقلم مع هالشغله ) ..

 

[*legend*]

بالنسبة لي ما أستغرب صراحة , الشباب هالأيام كل يوم موضة غير و خاصة موجة اليوم اللي احس انها محرجة -____-" , و وظيفة عارض أزياء شيء بالفعل مخالف لتقاليد المجتمع لكن احسها عادية , المشكلة انها مخالفة للعرف فقط !!

بإنتظار صور البكيني

هذي هي موضة اليوم , البكيني - او الهاف حسب اللهجة المحلية -
اللي أشوفه يصير ان الشباب صاروا يتمغطروا بهافاتهم اكثر من بقية الملابس , فالحاصل انه البنطلون يجي عالخصر او بالأحرى اسفل الخصر , و يكون الهاف/البكيني مكشوف , و بأشكال مشابهة للي كنا نضحك عليها بمسلسلات الكرتون بالسابق مثل رسومات القلوب و المربعات و البط و غيرها ....

 

[Tomb raider]

ياااااااااااااااااي !

 

[Final Fantasy]

صراحة .. و لا واحد فيهم أشوف شكله ينفع يكون موديل !!

 

[Bounty]

بالنسبة لي ما أستغرب صراحة , الشباب هالأيام كل يوم موضة غير و خاصة موجة اليوم اللي احس انها محرجة -____-" , و وظيفة عارض أزياء شيء بالفعل مخالف لتقاليد المجتمع لكن احسها عادية , المشكلة انها مخالفة للعرف فقط !!




هذي هي موضة اليوم , البكيني - او الهاف حسب اللهجة المحلية -
اللي أشوفه يصير ان الشباب صاروا يتمغطروا بهافاتهم اكثر من بقية الملابس , فالحاصل انه البنطلون يجي عالخصر او بالأحرى اسفل الخصر , و يكون الهاف/البكيني مكشوف , و بأشكال مشابهة للي كنا نضحك عليها بمسلسلات الكرتون بالسابق مثل رسومات القلوب و المربعات و البط و غيرها ....

لول هذا الي يطلعونه الشباب من الجينز = بوكسر مو بكيني ..

البكيني شي ثاااني .. ما يلبسونه الا البنات .. و بالنسبه للبكيني .. اشرف لها تقطه لأنه مو ساتر شي اصلا منهم ..

و الي البنطلون الي يجي تحت الخصر = لو ويست

 

[Naif]

ما اشوف فيها شي الا اذا كان فيها مياعة زايدة او مكياج او تحديد حواجب.. (او ايربراشينج زايد على الصور P: )

و العارضين مش جديدة وايد علينا.. دايما نشوف في التلفزيون دعايات لاشمغة.. اللي يطلعون في فيديوكليبات الاغاني بعد يعتبرون عارضين نوعا ما..

و اعتقد العارض مش لازم يكون عارض ازياء.. ممكن يسوي دعايا لشي معين..

 

[The Heartless]

أقول وين أبو رايش عنهم بس

 

[Strife]

الحمدلله والشكر..

 

[Humam]

 

[Kratos]

مع الوقت بيصير شي عادي جدا أعطي الوضع كمان 25-30 سنة و بنشوف أشياء أهول من كذا إذا الله أحيانا لذاك الوقت.

و أتمنى إن صورة النافع الي مفصخ فيها تنشال لأنه أولا عورة الرجل مابين السرة و الركبة و ثانيا مالها داعي من الأساس

 

[AMG]

لا حول ولا قوة الا بالله

السبب لهذي الاشياء ؟؟؟ الابتعاد عن الدين

 

[BioMario]

مهما قلنا مارح نقدم ولا نأخر ..
إلي نقدر نقولة انهم ناس اشبه بالـ " مشردين " ..

عموماً الله يهديهم يارب ..

 

[Solay]

اشوفها سخافه وبقوة

و أتمنى إن صورة النافع الي مفصخ فيها تنشال لأنه أولا عورة الرجل مابين السرة و الركبة و ثانيا مالها داعي من الأساس

................

 

[Ammar_R]

كفو رجال الكويت، هذا العشم فيكم..

بإنتظار صور البكيني

لوووووووول أفضل رد لهدي السنة كلها في المنتدى :yuck:

بالنسبة للموضوع ...

تعليق واحد بس
حاس بكلجة .. النمرة غلط ؟ :roll:

 

[Lunar Poet]

تغطوا يا رجال .. فيه نسوان جايين :/

 

[MALDINI]

ليش كذا ؟؟
***

 

[NESTA]

رجل والرجال قليل...

 

[MALDINI]

رجل والرجال قليل...

***