هههههههههههه مقبولة
عاد هذي تهمة جديدة
"مو على المزاج" 🙃
بما انك تطرقت للموضوع فشوف يا سيد برق بعطيك جريدة ، حنا كلنا نتعلم هنا ، على الاقل هذا توجهي ، ما بخادع نفسي واجامل اللي قدامي واصير امعة واسلك للي اناقشه واقوله اوه والله وجهة نظرك سديدة تمام وانا داخليا اختلف معها ، وش فايدة غرف الصدى للي اناقشه ، بس تفريغ واستحناك ، مافي اي احترام لعقلي هنا ولا للي قدامي
اقدر اسلك لكم كلكم واعطيكم على جوكم واحسسكم انكم ملوك العالم ومحنكين التاريخ ، بس هنا انا ما بساهم في النمو الشخصي لاي احد ، انا مو مخدة معنوية اعزز
انا هدفي اتعلم واحسن مستواي وانقل وجهة نظر قد يستفيد منها الطرف الاخر كذلك ، ممكن الفايدة اللي يتحصلها انه يتأكد ان وجهة نظره صح ، من طرق التعلم انك تعرف الخطأ مو بس الصح
وتوقع ماذا.. على عكس الاشاعات اللي تقول انا روبوت ؛ انا انسان ، اغلط واتسرع وامزح واستهبل ، واعترف ان عندي صعوبة في توصيل الافكار ، وما عندي الغرور اللي يخليني ما اعترف اني غلط او اني ما انتبهت لشي ، اقدر اتراشق الاتهامات واحفر للطرف الاخر وانهش في وجهة نظره واحقر
لكن عطفا على سياق المنتدى ؛ المنتدى مكان ترفيه مو مكان تعليم ، ف كل اللي المنتدى يقدر يعطيك هو وجهات نظر ونقاط انت بنفسك تروح تبحث عنها وتتعلم عن المواضيع ، اي شخص هنا ترا يعطيك وجهة نظر وطريقة تفكير انت تتحقق منها
اسف على الاطالة
بالعمل
