تم الانتهاء من لعبة Bread Boy - الآن في متجر الاندرويد

[X-SRI-X]

السلام عليكم ... طبعا قبل فترة حطيت الموضوع وعلى أساس اني بصدر في بداية اغسطس لكن الدوام اشغلني ..
على العموم انتهيت من نسخة الاندرويد وحاليا اشتغل بنسخة الأيفون وان شاء الله انتهي منه قريبا ( خلال هالاسبوع باذن الله ) ...

طبعا اللعبة فيها نسختين .. مجاني ومدفوع ( اجرب وضع السوق وايش الي ممكن ينجح اكثر )

بعض الشباب قالوا لي انهم ما يقدروا ينزلوا اللعبة على جهازهم بسبب مساحة فما ادري ليش ..

على العموم ما اطول عليهم ...
https://play.google.com/store/search?q=pydin&c=apps
اتمنى تقولوا اذا صارت معكم مشكلة التنزيل عشان اشوف لها اصلاح ..
ما اقدر اسوق للعبة الا بعد صدور نسخة الايفون, عشان اسوقهم مرة وحدة ...

طبعا بخصوص الساوندتراك , حاولت انتج شي افضل بس هذا الي طلع معي .. مع الوقت راح اتعلم اسوي اوستات وساوندتراكات افضل ...

[video=youtube;3LvBbPV7i0k]http://www.youtube.com/watch?v=3LvBbPV7i0k[/video]

 

[ABUALI]

الفكره حلوه واللعبه ممتعه لولا مشكله الكنترول في التچ ... الاستجابه مو ذاك الزود... اتمنى تصلح المشكله

 

[X-SRI-X]

^^^
شكرا على الملاحظة ... ايش قصدك بخصوص مشكله الكنترول في التچ

 

[ABUALI]

الاستجابه مهي مضبوطه
يعني لو جيت و مسكت الخبزه وحركتها في اتجاه الاعلى بسرعه... صبعي يسبق الخبزه... عكس لو جيت احركها ببطئ مع ان في معاناة حتى بالبطيء لكن صبعي مابيسبق الخبزه


المشكله مو في كل وقت تصيير... متغيره ومو ثابته بعض الاحيان اوكي وبعض الاحيان تخرف...
عندي اقتراح بس اعتقد صعب تطبقه... انك تخلي الحركه بالنسبه للخبزه بمجرد الضغط عليها فقط... لان حاليا حتى لو مثلا كانت الخبزه ع اليسار وصبعك ع الايمين في مكان فارغ تقدر تحرك الخبزه واعتقد المشكله سببها هذي الطريقه

 

[L.O.R.D]

شيء جميل للغاية
للأسف..عندي ويندوز فون فقط

 

[X-SRI-X]

^^^^
اللعبة بحاول اصدرها للوندوز فون كمان

 

[X-SRI-X]

الاستجابه مهي مضبوطه
يعني لو جيت و مسكت الخبزه وحركتها في اتجاه الاعلى بسرعه... صبعي يسبق الخبزه... عكس لو جيت احركها ببطئ مع ان في معاناة حتى بالبطيء لكن صبعي مابيسبق الخبزه


المشكله مو في كل وقت تصيير... متغيره ومو ثابته بعض الاحيان اوكي وبعض الاحيان تخرف...
عندي اقتراح بس اعتقد صعب تطبقه... انك تخلي الحركه بالنسبه للخبزه بمجرد الضغط عليها فقط... لان حاليا حتى لو مثلا كانت الخبزه ع اليسار وصبعك ع الايمين في مكان فارغ تقدر تحرك الخبزه واعتقد المشكله سببها هذي الطريقه

هو كان كذا في الاصل ... بس واجهتني مشكلة ان الخبز يختفي ورى الاصبع ويصير صعب التحكم ..
بخصوص ان الاصبع يسابق الخبز .. الموضوع متعلق بالاستجابة ويبي لها احلها .. طبعا راح تلاحظ بطئ ناتج من الاحتكاك بالجدران وهذا احد صعوبات اللعبة .. الجدران تبطئ حركة الشخصية

 

[ho4opy]

ما شاء الله تبارك الله!

بحاول إني أحملها لما تصدر، و رح اقوم بتقيمها ايضا.
فقط لكي ادعمك ^^

و إن شاء الله تكون هذه البداية لمسيرة مطور عربي كبير ^^
موفق عزيزي !!

 

[prince khalid]

لا أملك قدرة تجربتها، لكن بالتوفيق لك إن شاء الله منها للأفضل :v:

 

[ho4opy]

قمت بتجربة الديمو، و اقدر أقول لك Good Job !!
يا عزيزي x-sri-x

الأشياء التي أعجبتني :
+ ال menu screen رائعة جدا جدا
+ استجابة الأزرار في الإعدادات و في اللعبة عمومًا مذهلة
+ اليفل ديزاين في المراحل مناسب و جميل، لكن كنت أتمنى لو كان أفضل من مجرد صورة بنية في الخلف
+ الخلفيات المتحركة في ال menu و بعض المراحل رائعة جداً و حقاً تستحق التصفيق على هذا الشئ ^^
+ مستوى الصعوبة مناسب نوعاً ما ( لكن المرحلة الخامسة جدا صعبة )
+ الإسم حلو و بسيط، و ينبلع بسرعة ^^
+ حركة التروفيز خطيرة، و التوست الراقص جنب التروفيز خطييييير !!

الأشياء التي لم تعجبني :
- إستجابة التوست بطيئة "قليلاً" أثناء اللعب
- لا يوجد صوت عندما تقوم بلمس التوست و ايضا لما تفوز
- لا توجد تعليمات و توضيحات في بداية اللعبة ( نصيحة خلي التعليمات بسيطة و سهلة مثل لعبة Cut the rob)

التقيم النهائي ل Demo :
8.5

و ما شاء الله تبارك الله عليك، و الله يوفقك، و إن شاء الله تسير مطور كبير يوماً ما ^_^

 

[X-SRI-X]

^^^^
مشكور للتجربة ... والدعم ..
وشكرا للنقد ...النقاط الي طرحتها راح اطبق حلول لها ان شاء الله

 

[Clock Ender]

موفق خالد والنعم فيك وان احتجت شئ آمر بس .. للأسف رغم ان عندي جالاكسي لكن جداً سئ وبطئ لدرجة غير معقولة ويعيش اخر ايام حياته فما ودي
انهيه تماماً خصوصاً إن اللعبة بكلامك تستهلك كثير

 

[Silent-Horror]

بداية موفقة وممتازة ، حاول تشد حيلك في شغل تطبيقات وألعاب الجوال ، هذا الشغل منجم ذهب لمن يبدع ويبتكر فيه ..

 

[X-SRI-X]

تشكرون للدعم شباب ...


--------------------

بالمناسبة شباب الي يقدر يجرب اللعبة ويعطيني انطباع عنه بيكون شي جميل .. منها اعرف اخطاء اللعبة ومنها اشوف ايش اقدر اطور في اللعبة زيادة ..

 

[ABUALI]

اعتقد بالنسبه للعبه كبدايه... المراحل المتوفره صعبه شوي المفروض تكون اسهل بما انها في بداية اللعبه

 

[ho4opy]

اعتقد بالنسبه للعبه كبدايه... المراحل المتوفره صعبه شوي المفروض تكون اسهل بما انها في بداية اللعبه

انا اتفق تماماً معك ^^

ممكن تسهل المراحل شوي على الأقل يا x-sri-x ؟

و ايضا من الأفضل إن العالم الأول يكون جداً سهل، و بعدين تضيف شوي تحدي في العالم الثاني، و شوي و شوي ... حتى تصل الى العالم الأخير.

لكن نصيحة : لا تتهور من ناحية الصعوبة عمومًا، لإن هنالك الكثير من صغار السن الذين لا يحبون الألعاب التي هي في غاية الصعوبة.


بالمناسبة : هل رح تصدر نسخة الاندرويد مع نسخة IOS ؟

 

[X-SRI-X]

بالفعل لاحظت صعوبة في اللعبة ... بحاول اخففها ان شاء الله

 

[X-SRI-X]

تم الانتهاء من اللعبة نسخة الاندرويد... حاليا اشتغل في بنسخة الايفون ...
راجعوا الرد الاول

 

[Storm is here]

مبروك

"يمسح مشاركة سابقة بموضوع اخر "

 

[X-SRI-X]

مبروك

"يمسح مشاركة سابقة بموضوع اخر "

الله يبارك فيك ..


---------------

بالمناسبة شباب اتمنى اشوف ملاحظتكم في اللعبة ... وهل اللعبة جذبتكم كمظهر او نظرة ..
يعني رايكم بكل صراحة بحيث استفيد ..
اخوي الكبير مثلا قالي ان اللعبة ابو كلب خخخخ وعادي ..
انا ناوي اصدر لعبتين غير هذي قبل نهاية هالسنة والسنة الجاية راح يكون اول لعبة اندي لي ان شاء الله ...
بس محتاج دعمكم لي

 

[MAZ gamer]

ماشاءلله شكلها حلو جاري التجربة :thumbsup:
بس اخوي ممكن برسلك رسالة عالخاص انا هوايتي تصميم الالعاب ..

 

[X-SRI-X]

^^^^
اوكي