تقييم Romancing SaGa جيم سبوت >_<

[king zell]

king zell:
عاد تصدق بالله اخوي زيل ما يمر يوم ما اسب في فاينل فانتسي 10 😛eeved:
حقدت على سكوير بسبب هل اللعبه 😛eeved:

صحيح كلامك حتى أنا حقدت عليهم .. اللعبة يمكن ما توفقوا فيها من ناحية الشخصيات و القصة.. لكن ما ننكر انها لعبة انتاجيا متعوب عليها سواء من نظام القتال عروض الCG تصميم العوالم و جرافيكس لا زال من التوب ما بين ألعاب البلاي ستيشن2 🙂

 

[Ash]

شفيها فاينل فانتسي 10 ؟ لعبة حصلت الاعجاب من جميع المراجعين و اللاعبين و المبيعات , يعني بصراحه " فاينل فانتسي " ما عليها غبار , 10-2 و كريستال كرونكيلز طبوا فيهم من هني لي بكرة لأنهم يقهرون من جد .

 

[Aizmov]

1) نظام القتال بسيط و ركيك و سهل لأبعد الحدود و ما في أي فنيه مثل إلي كانت موجوده في الثلاثي المرح (( 7 و 8 و 9 ))
2) القصه متوقعه و بسيطه ما فيها احداث غريبه متداخله مثل ما كانت موجوده في الاجزاء الأربعه إلي قبلها
3) الشخصيات : روح غريبه ... و شخصيتهم النفسيه غبيه أولهم تيدوس (( إلي يصرخ من دون سبب ))

ناهيك عن كونها من احسن العاب الـ RPG بس هي اسوء من 6 و 7 و 8 و 9 وهم عندي افضل منها بكثير
و كمان لجيت لنقطه ثانيه فاينل فانتسي كريستال كرونيكلز تحمس في لعبها اكثر من 10 خصوصا لأني كنت العب مع 4 لاعبين :razz:

 

[Nintendo]

كريستل كرونكل بتكون حلوه بالاونلاين ومن غير سالفة الجيم بوي 🙁

فاينل فانتسي10 يعني ورغم انها مش الافضل في السلسلة ولكن تظل من افضل العاب الار بي جي هذا الجيل بوجهة نظري ورغم صدورها في بداية حياة البلايستيشن2 ولكني ماشفت لعبه وصلت لها من حيث الشكل العام للعبه من حيث الجرافيكس والعروض 🙂

 

[Aizmov]

كريستل كرونكل بتكون حلوه بالاونلاين ومن غير سالفة الجيم بوي 🙁

اتمنى بس الجزء إلي على الريفولوشن ما يقولون لنا حطوا DS 😛eeved:

 

[Ash]

غريب رايك و الله , أكثر شيئ أسمعه مدح باللعبه حتى من الي ما عجبتهم هو نظام القتال , بس الظاهر انك تكرهها من جد , و النقطتين الباقيين يعتمدون على رايك الشخصي و مافيهم مناقشه .

فاينل فانتسي 10 فيها عيوب حالها حال أي شيئ بالدنيا , بس ممتازة من كل النواحي , موسيقى و قتال و جرافيك و قصة و كل شيئ فيها صراحه , يعني شوف دور بهالجيل لعبه متكامله للدرجه الي وصلت لها فاينل فانتسي 10 , و وقتها بتعرف قيمتها , ادخل مراجعات المواقع و اقرا الكلام عنها , شوف مبيعاتها , نجحت من كل النواحي , و مسئلة انها ما وصلت لمستوى الي قبلها شنو المشكله الي فيها , أجل أقولك من الحين لا تنتظر و لا أربيجي بحياتك لأنهم ماراح يطلعون بمستوى الأجزاء القديمه " مع اني أشوف انه فف 7 و 6 هم الي يتفوقون بجداره " .

 

[Aizmov]

ألحين فيصل تبي تفهمني إيش هي لعبه الـ RPG المتكامله 😕 !!!
اغلبيه إلي لعبوا اللعبه و قالوا اللعبه (( روعه )) كانت اللعبه اول جزء لهم
و انا الحين جالس العب Tales of Rebirth على الـ PS2 وقصتها و نظام قتالها احسن من فاينل فانتسي 10 بمراحل عده
XenoSaga بجزئينها احس و ارقى من فاينل فانتسي 10 من ناحيه القصه و الشخصيات !!!
و انا متأكد دراجون كويست و فاينل فانتسي 12 الجايين في الطريق اقوى
و انا ما علي من مراجعة المواقع و المبيعات تبع اللعبه طبعا اسم فاينل فانتسي بيخليها تبيع مثل ما باعت فاينل فانتسي 10 - 2
بس اغلبيه لاعبين الـ RPG إلي يلعبون RPG كألعابهم الاساسيه قالوا إن اللعبه من نحايه نظام القتال و القصه غبيه جدا
انا اقولك عيوب نظام القتال :
1) مثل ما تطرقت لك إنه مره سهل و ما فيه انواع كثيره من الابتكار
2) الشخصيات كلها ما عندها مهارات كفايه تقدر تستخدمها مثل ما كنا نشوف في فاينل فانتسي 7 و 9 (( الشخصيات مالها كلاسات معينه مثل فاينل فانتسي 9 ))
3) بنهايه اللعبه أي شخصيه عندك ممكن تسوي كل شيء موجود في اللعبه بمعنى ثاني ما فيه خصوصيه مثل فاينل فانتسي 9 أو توزيع متناسق مثل فاينل فانتسي 7 و 8
4) الرئيس الاخير اقدر اقتله بدقيقه ؟!!! اتحداك تروح تقتل سيفروث بالسرعه إلي قتلنا فيها Jackt !!!
5) نظام الـ Limit Break حاولوا ينسخون نظام فاينل فانتسي 7 لكن مو بشكل كامل
6) الـ Blue Magic في اللعبه ما اخذ دوره مثل فاينل فانتسي 7 و 8 و 9 (( انا حاقد على كيماري بهل السبب ولا هو احسن شخصيه في اللعبه ))
7) الـ Black Magic ايضا ما اخذت قوته الكامله مثل فاينل فانتسي 7 و 8 و 9 لأنك راح تقدر تقتل الوحش بمجرد انك تسوي Attack !!!
النقطه الوحيده إلي مخلي نظام القتال حلو (( نظام الـ Summons ))

اعتقد هل النقاط كافيه توريك إن نظام القتال ما كان مستواه مستوى عالي بل سهل و ركيك !!!
و مو شرط الاجزاء إلي تجي بعد الاجزاء القديمه تكون مو افضل منها
على سبيل المثال اللعبه إلي انت تفضلها (( Drak Cloud )) مو تقولي الجزء الثاني احسن من الاول ؟!!!
بعدين صعبه تقول لواحد لاعب اغلب العاب الـ RPG إلي تعرفها (( لا تنتظر و لا أربيجي بحياتك )) !!!

 

[sehro]

اقول Aizmov كم ساعة لعبت باليابانية؟

انا انهيت اللعبة بشخصية جراي..اللعبة جداً صعبة ومن دون مهمات جانبية
ومااكتشفت كل الاماكن...اللعبة يبغالها صبر.....XD

بالعربي استخدمت حل كامل T_T

 

[Aizmov]

اقول Aizmov كم ساعة لعبت باليابانية؟

انا انهيت اللعبة بشخصية جراي..اللعبة جداً صعبة

انا لين الحين 13 ساعه بس 😎
توني أخذت Hilda و طاحت علينا Annie
والله اكتشفت إن الـ Party تبعي بدون Annie من جد من جد من جد ما له داعي ... اللعبه صعبه جدا جدا بدون White Mage
إذا ما رجعت Annie يمكن انتحر :jawDrop::
انا الحين معتمد على الـ HP Bonuce إلي آخذها كل Fight -.- ولا كان علوم وش صار فيني
يكفيك في اللعبه الابطال حقينها مره ممتازين ... اول مره في لعبه RPG يكون البطل يستخدم قوى الـ Ice :jawDrop::
نادرا ما نشوف في لعبه RPG البطل بقوه Ice :jawDrop::
وقصه اللعبه لين الحين حماسيه و ماشيه تمام
ما ادري ليه نامكو ما نزلت اللعبه في امريكا -.- !!!
بس بكفيهم ... دامي فاهم القصه و ماشي فيها زين ما لازم ينزلونها :razz:
بالنسبه لكل المناطق عطني فرصه اكمل في اللعبه شوي و اشوف وش راح اقدر اسوي >.>

 

[Ash]

ألحين فيصل تبي تفهمني إيش هي لعبه الـ RPG المتكامله !!!

فراس منو قال أبي أفهمك معنى الأربيجي المتكامله ؟ اذا كنت تعرفه فالمفروض ما تشك بهالشيئ .

اغلبيه إلي لعبوا اللعبه و قالوا اللعبه (( روعه )) كانت اللعبه اول جزء لهم

!!!!!! , ياريتك قلت كلمة أكبر من روعة , بمعنى كلامك الي عجبتهم اللعبه يكونوا أول مره يلعبون السلسلة ؟ و الي ما عجبتهم يكونون لاعبين الأجزاء القديمه ؟ مادري بس هالجمله ما توقعتها تطلع منك , ملايين اللاعبين عجبتهم اللعبه و ما كان أول جزأ يلعبونه كلش , المراجعين نفس الشيئ .

و انا الحين جالس العب Tales of Rebirth على الـ PS2 وقصتها و نظام قتالها احسن من فاينل فانتسي 10 بمراحل عده
XenoSaga بجزئينها احس و ارقى من فاينل فانتسي 10 من ناحيه القصه و الشخصيات !!!

تيلز صراحه ما جربتها , و زينوساجا أفضل بالشخصيات و القصه , طيب و شنو المطلوب نكره كل الألعاب الي تفوقت عليهم زينوساجا بالقصه و الشخصيات ؟

و انا متأكد دراجون كويست و فاينل فانتسي 12 الجايين في الطريق اقوى

الحين فاينل فانتسي 10 ممتازة , منو قال مستحيل يطلع أحسن منها ؟ كل شيئ مهما كان مستواه أكيد في شيئ أحسن منه , ما توقعت أقولك هالنقاط البسيطه بالموضوع .

و انا ما علي من مراجعة المواقع و المبيعات تبع اللعبه طبعا اسم فاينل فانتسي بيخليها تبيع مثل ما باعت فاينل فانتسي 10 -

و التقاييم حقت فاينل فانتسي 10 مثلا تدل على فشلها و انها عار عالسلسلة ؟

انا اقولك عيوب نظام القتال :
1) مثل ما تطرقت لك إنه مره سهل و ما فيه انواع كثيره من الابتكار
2) الشخصيات كلها ما عندها مهارات كفايه تقدر تستخدمها مثل ما كنا نشوف في فاينل فانتسي 7 و 9 (( الشخصيات مالها كلاسات معينه مثل فاينل فانتسي 9 ))
3) بنهايه اللعبه أي شخصيه عندك ممكن تسوي كل شيء موجود في اللعبه بمعنى ثاني ما فيه خصوصيه مثل فاينل فانتسي 9 أو توزيع متناسق مثل فاينل فانتسي 7 و 8
4) الرئيس الاخير اقدر اقتله بدقيقه ؟!!! اتحداك تروح تقتل سيفروث بالسرعه إلي قتلنا فيها Jackt !!!
5) نظام الـ Limit Break حاولوا ينسخون نظام فاينل فانتسي 7 لكن مو بشكل كامل
6) الـ Blue Magic في اللعبه ما اخذ دوره مثل فاينل فانتسي 7 و 8 و 9 (( انا حاقد على كيماري بهل السبب ولا هو احسن شخصيه في اللعبه ))
7) الـ Black Magic ايضا ما اخذت قوته الكامله مثل فاينل فانتسي 7 و 8 و 9 لأنك راح تقدر تقتل الوحش بمجرد انك تسوي Attack !!!
النقطه الوحيده إلي مخلي نظام القتال حلو (( نظام الـ Summons ))

اذا قعدت تدقق بكل لعبة بهذا الشكل بتطلع كل الألعاب فيهم عيوب حتى بأجزاء فاينل فانتسي القديمه , و أشوف أكثر نقاط تنحدر تحت " ما عجبتني " , يعني لازم يكون نظام القتال = حق الاجزاء السابقه علشان يكون ممتاز ؟ على فكره أنا اعتبر نظام قتال فف 9 و 8 من أسوا أنظمة القتال , و فف 10 و 7 تفوقوا بهالنقطه , و شفيها لو قتلت الرئيس الاخير بدقيقتين , حتى الاوميجا ويبون بفف 7 ينذبح بأربع دقايق , هذا مسئلة تحدي للاعب علشان يمستر اللعبه و يطول من مدة اللعب أكثر " أذكر انك قلت فاهم معنى الأربيجي المتكامل " , و صراحه مع احترامي لك أشوف أكثر النقاط الي ذكرتها مالها أي معنى أبدا , حتى أساس نظام القتال و هو السفير تجاهلته بمحاولتك اظهاره بأبشع صورة .

و مو شرط الاجزاء إلي تجي بعد الاجزاء القديمه تكون مو افضل منها
على سبيل المثال اللعبه إلي انت تفضلها (( Drak Cloud )) مو تقولي الجزء الثاني احسن من الاول ؟!!!

طيب و شنو المشكله من هالشيئ ؟ , في ألعاب بأجزائها الثانيه تفشل فشل ذريع و في ألعاب تكون أفضل , و في ألعاب تحافظ على مستوى الرقي بمحتواها مثل سلسلة زيلدا , مع انه اوكيرينا اوف تايم أفضل من ويند ويكر , بس محد قال شيئ عليها بالعكس اللعبه للحين محافظه على مستواها و لا أحد قارنها بأوكيرينا أوف تايم و بنهاية كلامه قال " مخيبه للأمال " .

بعدين صعبه تقول لواحد لاعب اغلب العاب الـ RPG إلي تعرفها (( لا تنتظر و لا أربيجي بحياتك )) !!!

ليش أخذت المسئله بجد و عصبت 🙂 , أنا قلتلك بما انه مستواك العالي ما يرضى تلعب ألعاب الا بمستوى فف 7 و غيرها تطلع فاشله , بتنتظر مده طويييييله على ما تجيك قاتلة فف 7 🙂 .

 

[Aizmov]

فراس منو قال أبي أفهمك معنى الأربيجي المتكامله ؟ اذا كنت تعرفه فالمفروض ما تشك بهالشيئ .



!!!!!! , ياريتك قلت كلمة أكبر من روعة , بمعنى كلامك الي عجبتهم اللعبه يكونوا أول مره يلعبون السلسلة ؟ و الي ما عجبتهم يكونون لاعبين الأجزاء القديمه ؟ مادري بس هالجمله ما توقعتها تطلع منك , ملايين اللاعبين عجبتهم اللعبه و ما كان أول جزأ يلعبونه كلش , المراجعين نفس الشيئ .



تيلز صراحه ما جربتها , و زينوساجا أفضل بالشخصيات و القصه , طيب و شنو المطلوب نكره كل الألعاب الي تفوقت عليهم زينوساجا بالقصه و الشخصيات ؟



الحين فاينل فانتسي 10 ممتازة , منو قال مستحيل يطلع أحسن منها ؟ كل شيئ مهما كان مستواه أكيد في شيئ أحسن منه , ما توقعت أقولك هالنقاط البسيطه بالموضوع .



و التقاييم حقت فاينل فانتسي 10 مثلا تدل على فشلها و انها عار عالسلسلة ؟



اذا قعدت تدقق بكل لعبة بهذا الشكل بتطلع كل الألعاب فيهم عيوب حتى بأجزاء فاينل فانتسي القديمه , و أشوف أكثر نقاط تنحدر تحت " ما عجبتني " , يعني لازم يكون نظام القتال = حق الاجزاء السابقه علشان يكون ممتاز ؟ على فكره أنا اعتبر نظام قتال فف 9 و 8 من أسوا أنظمة القتال , و فف 10 و 7 تفوقوا بهالنقطه , و شفيها لو قتلت الرئيس الاخير بدقيقتين , حتى الاوميجا ويبون بفف 7 ينذبح بأربع دقايق , هذا مسئلة تحدي للاعب علشان يمستر اللعبه و يطول من مدة اللعب أكثر " أذكر انك قلت فاهم معنى الأربيجي المتكامل " , و صراحه مع احترامي لك أشوف أكثر النقاط الي ذكرتها مالها أي معنى أبدا , حتى أساس نظام القتال و هو السفير تجاهلته بمحاولتك اظهاره بأبشع صورة .



طيب و شنو المشكله من هالشيئ ؟ , في ألعاب بأجزائها الثانيه تفشل فشل ذريع و في ألعاب تكون أفضل , و في ألعاب تحافظ على مستوى الرقي بمحتواها مثل سلسلة زيلدا , مع انه اوكيرينا اوف تايم أفضل من ويند ويكر , بس محد قال شيئ عليها بالعكس اللعبه للحين محافظه على مستواها و لا أحد قارنها بأوكيرينا أوف تايم و بنهاية كلامه قال " مخيبه للأمال " .



ليش أخذت المسئله بجد و عصبت 🙂 , أنا قلتلك بما انه مستواك العالي ما يرضى تلعب ألعاب الا بمستوى فف 7 و غيرها تطلع فاشله , بتنتظر مده طويييييله على ما تجيك قاتلة فف 7 🙂 .

مين قالك انا عصبت :razz:
مهما شفتني جدي في الكلام لا تفكر إني عصبت :razz:
و بعدين انا قلت (( أغلبيه )) ما قلت الكل ... ما اعتقد احد لعب فاينل فانتسي 10 و 7 و بيفضل 10
انا ما قلت اكره كل الالعاب غير زينوساجا بس انت قلت لي قولي إيش فيه لعبه احسن من فاينل فانتسي 10 و عطيتك الليست
تقييماتها جات صح ... لأن اللعبه من مستوى عالي ... بس ماهو مستوى فاينل فانتسي الاصلي ... اللعبه حلوه لعبناها و خلصناها بس فيها اشياء ما ارضت كثير من لاعبين الـ RPG
من ناحيه نظام القتال ... فيه اشياء لازم تفهمها اكثر من كون انك تضغط على (( Attack )) و تضرب الوحش
انا اقولك :
على سبيل المثال نظام ربط الـ GF مع الشخصيه و خياراتها الكثيره في فاينل فانتسي 8 تعطي كل شخصيه خصوصيتها و اسلوبها الخاص و تكون كأنها منفرده
نظام الكلاسات و الاسلحه إلي كل سلاح يتحوي على نوع معين و مبتكر من الضربات معطي لكل شخصيه في فاينل فانتسي 9 خصوصيتها و اسلوبها على
وهذا الشيء حرمونا منه في فاينل فانتسي 10
و انا قلت لك عيب اللعبه و الظاهر إن واضح إن في الاخير السفير جريد كله ينفتح على بعض -.-
و يصير تيدوس و يونا واحد -.- حتى بالعلاج -.- شنو على الاقل المفروض يونا عندها قوى العلاج اعلى من غيرها !!! شويه خصوصيه يا ناس 😕
بعدين بالنسبه لفاينل فانتسي 7 روح اقتل روبي بـ 3 دقايق :razz:
بالنسبه للتحدي روح العب Tales of Rebirth على سبيل المثال ولا Unlimited Saga (( مع إن اللعبه ما عجبت احد بالكليه بس انا خلصت ابوها :razz: )) و شوف تحدي اللاعب إيش يطلع ؟!!!
مو تفتح السفير جريد على بعض صار تحدي :razz:
على فكره اشوفك رايح راد على (( ما فيه العاب ممكن تطلع احسن من العاب )) ترا انا فاهم النقطه هذي ... بس انا مركز على إنهم في فاينل 10 تجاهلوا اشياء كانت تعطي للعبه طعم !!!
(( بس تصدق إلي يشوف الموضوع من برا له 40 رد يقول : رومانسنج ساجا هذي شكلها لعبه القرن :razz: وهو ما يدري إنها 6 مواضيع في موضوع واحد :razz: ))

 

[Ash]

مين قالك انا عصبت
مهما شفتني جدي في الكلام لا تفكر إني عصبت

ايه تعجبني لانه مجرد كلام متبادل بيننا :razz: .

و بعدين انا قلت (( أغلبيه )) ما قلت الكل ... ما اعتقد احد لعب فاينل فانتسي 10 و 7 و بيفضل 10

هالجمله فيها بلاوي , صحيحه , بس شوف شنو قلت انت بالبداية :

اغلبيه إلي لعبوا اللعبه و قالوا اللعبه (( روعه )) كانت اللعبه اول جزء لهم

قلت روعه يعني عجبتهم , يعني الي لعب الاجزاء القديمه ما يعجبه العاشر كلش الا اذا كان اول جزأ , و الثانيه تحولت لمقارنته بالسابع , أنا ما أقول أغلبية الا أقول 99,9% من الي لعبوا الجزأين بيفضلون السابع , بس الموضوع بالبداية كان غير عن تفضيل 7 على 10 كان على انه 10 سيئه .

انا ما قلت اكره كل الالعاب غير زينوساجا بس انت قلت لي قولي إيش فيه لعبه احسن من فاينل فانتسي 10 و عطيتك الليست

لاحظ اني قلت متكامله , يعني كل شيئ فيها ممتاز , زينوساجا تحتوي على قصة و شخصيات و موسيقى توب , و كل لعبه تتميز عن الثانيه بشيئ , بس أنا أشوف انه فاينل فانتسي 10 الأقرب في تجمع هالعناصر , و بهالجيل في ألعاب أربيجي كثيره ممتازه على رأسها زينوساجا و شادو هارتس و غيرها كثير محد يقدر يتجاهلها .

تقييماتها جات صح ... لأن اللعبه من مستوى عالي ... بس ماهو مستوى فاينل فانتسي الاصلي ... اللعبه حلوه لعبناها و خلصناها بس فيها اشياء ما ارضت كثير من لاعبين الـ RPG

و الأشياء هذي تخليها عار و ذم و قذف و سب فيها ليل نهار , و أنت قلتها بنفسك اللعبه على مستوى عالي .

أما عن نظام القتال , فاينل فانتسي 8 صراحه أشوف نظامها أسوأ نظام مر علي بأي لعبه أربيجي , القتال كله عروض استدعائات و كل شوي امسك الريموت و حط Mute من أصواتهم المزعجه , و الوحوش العشوائية تقعد عليهم بالساعات بس علشان تسرق من كل مجك 300 للشخصيات الثلاث , و نقود ما تاخذها من القتال , و الوحوش و الرئساء كلهم بمستوى اللفل حقك , و لا في حتى MP حق المجك , أي تحدي او نظام هذا , قلتلك لو بتدقق بكل شيئ بتطلع عيوب ما بتخلص منها , و بالنسبه للتحدي مالي دخل بساجا و غيرها , موضوعنا عن فاينل فانتسي , و من الي أِشوفه انه فاينل فانتسي 6 تحتوي على أكبر تحدي بالسلسلة , و بفف 10 أي احد يوصل للرئيس الاخير و هو يلعب عادي بتلقى كل شخصية ماشية بطريق خاص فيها بالسفير , و أخر شيئ بالمستره كل واحد لازم يمشي على خطى الشخصيات السبع الباقيه , روعه صراحه , يعني تغيير جديد , أحسن من تكرار في تكرار .

على فكره اشوفك رايح راد على (( ما فيه العاب ممكن تطلع احسن من العاب )) ترا انا فاهم النقطه هذي ... بس انا مركز على إنهم في فاينل 10 تجاهلوا اشياء كانت تعطي للعبه طعم !!!

بكل شيئ بالدنيا تقدر تقول " لو كذا كذا بيطلع أحسن " لأنها طبيعة الانسان طماع 🙂 .

(( بس تصدق إلي يشوف الموضوع من برا له 40 رد يقول : رومانسنج ساجا هذي شكلها لعبه القرن وهو ما يدري إنها 6 مواضيع في موضوع واحد ))

نسوي للعبه دعاية 😀 .

 

[Aizmov]

ايه تعجبني لانه مجرد كلام متبادل بيننا :razz: .



هالجمله فيها بلاوي , صحيحه , بس شوف شنو قلت انت بالبداية :



قلت روعه يعني عجبتهم , يعني الي لعب الاجزاء القديمه ما يعجبه العاشر كلش الا اذا كان اول جزأ , و الثانيه تحولت لمقارنته بالسابع , أنا ما أقول أغلبية الا أقول 99,9% من الي لعبوا الجزأين بيفضلون السابع , بس الموضوع بالبداية كان غير عن تفضيل 7 على 10 كان على انه 10 سيئه .



لاحظ اني قلت متكامله , يعني كل شيئ فيها ممتاز , زينوساجا تحتوي على قصة و شخصيات و موسيقى توب , و كل لعبه تتميز عن الثانيه بشيئ , بس أنا أشوف انه فاينل فانتسي 10 الأقرب في تجمع هالعناصر , و بهالجيل في ألعاب أربيجي كثيره ممتازه على رأسها زينوساجا و شادو هارتس و غيرها كثير محد يقدر يتجاهلها .



و الأشياء هذي تخليها عار و ذم و قذف و سب فيها ليل نهار , و أنت قلتها بنفسك اللعبه على مستوى عالي .

أما عن نظام القتال , فاينل فانتسي 8 صراحه أشوف نظامها أسوأ نظام مر علي بأي لعبه أربيجي , القتال كله عروض استدعائات و كل شوي امسك الريموت و حط Mute من أصواتهم المزعجه , و الوحوش العشوائية تقعد عليهم بالساعات بس علشان تسرق من كل مجك 300 للشخصيات الثلاث , و نقود ما تاخذها من القتال , و الوحوش و الرئساء كلهم بمستوى اللفل حقك , و لا في حتى MP حق المجك , أي تحدي او نظام هذا , قلتلك لو بتدقق بكل شيئ بتطلع عيوب ما بتخلص منها , و بالنسبه للتحدي مالي دخل بساجا و غيرها , موضوعنا عن فاينل فانتسي , و من الي أِشوفه انه فاينل فانتسي 6 تحتوي على أكبر تحدي بالسلسلة , و بفف 10 أي احد يوصل للرئيس الاخير و هو يلعب عادي بتلقى كل شخصية ماشية بطريق خاص فيها بالسفير , و أخر شيئ بالمستره كل واحد لازم يمشي على خطى الشخصيات السبع الباقيه , روعه صراحه , يعني تغيير جديد , أحسن من تكرار في تكرار .



بكل شيئ بالدنيا تقدر تقول " لو كذا كذا بيطلع أحسن " لأنها طبيعة الانسان طماع 🙂 .



نسوي للعبه دعاية 😀 .

اعرف اثنين في المحيط حقي لعبوا العاشر ما لعبوا السابع ولا التاسع ولا الثامن
و عارف يوم بس شافوهم كانوا راح يضربونا -.-؟!!!
يعني اقولك إلي كان العاشر اول لعبه له (( هذي تنطبق للكثيرين )) قال عنها خياليه
مثل منت ناكر طريقه خروج الاستدعاءات في فاينل فانتسي 8 ... تراهم يطلعون في فاينل فانتسي 10 ولا ناسي
و فكره كون كل شيء بنفس المستوى اللفل حقك هذا نطقه إيجابيه مو سلبيه ترا :razz:
بس حتى لو تكلمت عن ساجا و غيرها ... اغلب العاب الـ RPG تملك عناصر متشابهه لكن الافكار تختلف
هذي العناصر الاساسيه اختفت من فاينل فانتسي 10 ... هنا سبب كره بعض اللاعبين لها
من هذي العناصر و اهمها وهي النقطه إلي اتكلم عنها (( النظام مره مره مره بسييييييييييط )) و ((بسيط )) عكس (( كبير, صعب أو معقد ))
من كلامنا سوا خليتني اتذكر فاينل فانتسي 9 -.-
شكلي بلعبها لين اشتري اللعبه إلي الموضوع الأصلي يتكلم عنها (( هذا إذا امداني خلصت Rebirth قبل )) :razz:

 

[Ash]

اعرف اثنين في المحيط حقي لعبوا العاشر ما لعبوا السابع ولا التاسع ولا الثامن
و عارف يوم بس شافوهم كانوا راح يضربونا -.-؟!!!
يعني اقولك إلي كان العاشر اول لعبه له (( هذي تنطبق للكثيرين )) قال عنها خياليه

اذا لعبتها أول مره تكون خياليه مافي مشكله , بس انت قلت محد بيقول عنها " روعه " الا الي لعب السلسلة أول مره , مو لهدرجه , ملايين لاعبين السلسلة و قالوا عن العاشر ممتازه .

مثل منت ناكر طريقه خروج الاستدعاءات في فاينل فانتسي 8 ... تراهم يطلعون في فاينل فانتسي 10 ولا ناسي

فف 8 القتال يعتمد 100% على الاستدعائات و لا شنو تسوي لما تباري رئيس غير الاستدعاء , طول الوقت روح بالسهم فوق و 2 اكس و تفرج على العروض الى ان يموت الرئيس و مرات سو الكيور سواء كاست او ستوك , و نفس الشيئ على الخصوصية بفف 8 , اي شخصية تقدر تركب عليها اي ستدعاء تبيه و اي مجك تبيه , و فف 10 الشخصيات ملتزمين بطريق واحد للنهاية و بالمستره كلهم يتفتحون على بعض .

فكره كون كل شيء بنفس المستوى اللفل حقك هذا نطقه إيجابيه مو سلبيه ترا

بس مافي تحدي او صعوبه , تقدر تخلص اللعبه و لفل سكوال 7 و الباقي مشيهم عادي , هالشيئ ما يعتبر تحدي بل شيئ عادي لانه كل الرئساء بيكون لفلهم 7 بعدها .

أما عن النظام تكلمنا عنه كثير , و هو أكثر نقطة تميز فف 10 .

سوري عالخروج من الموضوع دراجون ووريور , و الحين أخليك فراس أشوفك لما أدخل مره ثانيه :razz: .

 

[Aizmov]

على فكره فيصل .... حاول تخلي سكوال لفل 7 .... ما لك إلا تقتله كل فايت و تخلي الباقي أحياء :razz:
بس على العموم حلاتها لما تمستر اللعبه يكون الفلير حق (( ViVi )) محد غيره يقدر يسويه :razz:
يله شباب عقبال ما تشترون اللعبه و تلعبونها و نعرف رايكم مره وحده :razz:

 

[Final Fantasy]

الموضوع طلع من سالفة و دخل بسوالف ثانية 😕

على كل حال فف10 مقارنة مع الأجزاء السابقة للسلسلةدون شك مستواه أقل منهم

و لكن مقارنة مع ما تم تقديمه في هالجيل .. يعتبر أفضل ما لعبته من سكوير .. أصلا من ثلاثة أفضل ألعاب آر بي جي صدروا في هالجيل .. Dark Cloud 2 .. Xenosaga .. FFX 🙂

 

[Ginko]

توني اشوف ردك اخوي Azimov

يبدو لي انك ما تعرفني مره..ما تمر لعبة ار بي جي بالسوق الا لازم اخذها مهما كانت..افضل نوع العاب عندي الار بي جي .. يعني انت الله يهديك تحكم على طول من دون ما تعرف الشخص..

ثانيا انا ما قلت ان اللعبه بايخه او حلوه..اساسا لسه ما اخذتها..لكن ردي عليك فقط لاني تضايقت يوم انت قلت ان الافاحله فقط تعجبهم وواضح من قصدك اني الي ما تعجبه يصير مو فاهم ار بي جي او لاعب كبير لهذا الصنف فرديت عليك..يعني حكمت على الي ما تعجبهم على طول..مع اني اتوقع تعجبني..

قصدي في النهايه لا تحكم على احد او تعمم على طول..

انا متأكد انكم فرحانين علشان Legend of Mana تبعت الـ DS و اعتقد فيه منكم إلي ما لعب الاجزاء الثلاثه القديمه

رجعت مره ثانيه وحكمت على طول الله يهديك..شخصيا لعبتها كلها والافضل بلا منازع سيكرت اوف مانا..

عاد تصدق بالله اخوي زيل ما يمر يوم ما اسب في فاينل فانتسي 10

احسن شيء قلته في الموضوع كله 😉

--------------------------------------------------------------------------------------

كيف الحال فيصل..معليش بس لازم ارد :razz:

انا هنا مع Azimov وبقوه!!

فف10 عار على السلسله بجميع المقاييس..

القصه..القصه فيها اشياء "عبيطه" الى ابعد الحدود..اجل في الاخير السالفه طلعت "حلم" وخرابيط خلت مستوى القصه في الحضيض..

الجيم بلاي فقط هو الشيء الوحيد الي خلاني اكملها..فعلا كان مستواه عالي..

ويمكن نظام اللفل حلو..

لكن القصه والشخصيات..يعني مافيه الا لو لو نقدر نقول شخصيه توب..اما تيدوس؟..يعني الى ابعد الحدود ما ينهظم..وكمان يونا سيئه..والباقي كلهم تيبكال..يعني معليش فيصل لكن والله اغلب الي اعرفهم حتى ما اعجبتهم اللعبه مع انهم لعبوا كل اجزء السلسله..

ويبدو لي انكم شباب نسيتوا وش اهم شيء في العاب الار بي جي..القصه طبعا..يعني شخصيا العاب القصه في العاب الار بي جي 70% من مستواها..والباقي على الموسيقى 10% والجيم بلاي 10% والشحصيات 10%...واذكر موضوع قديم كان فيه نقاش بخصوص وش اهم شيء في العاب الار بي جي..

يعني اقولك إلي كان العاشر اول لعبه له (( هذي تنطبق للكثيرين )) قال عنها خيالي

مع احترامي للجميع لكن هالجمله صادق فيها ازيموف 10000%..


لوول شكلي فتحت الموضوع مره ثانيه :razz:

بالمناسبه شخصيا اشوف فف10 و 8 عار على السلسله..وكلهم بسبب القصه الضايعه..


-----------------------------------------------

EDIT

محمود (فف7)..

و لكن مقارنة مع ما تم تقديمه في هالجيل .. يعتبر أفضل ما لعبته من سكوير .. أصلا من ثلاثة أفضل ألعاب آر بي جي صدروا في هالجيل .. Dark Cloud 2 .. Xenosaga .. FFX

ازعل عليك؟!؟!؟!؟!؟

وين راحت ميجامي تينسي ؟..معليييش..وين راحت وايلد ارمز3..وين راحوا الكثير...

 

[Final Fantasy]

ازعل عليك؟!؟!؟!؟!؟

وين راحت ميجامي تينسي ؟..معليييش..وين راحت وايلد ارمز3..وين راحوا الكثير...

موجودين و مكانتهم محفوظة بالصون .. بالأخص وايلد آرمز 3 لعبة الآر بي جي الوحيدة التي حافظت على خريطة العالم الكلاسيكية .. اذا ماكانوا من الثلاث الأوائل فراح يكونوا من الثلاث الثانيين المهم أنهم بالتوب 10 و حقهم ما يضيع

و لكني خصيت الثلاثة الأوائل للألعاب التي ذكرتها .. لأن وحده منها هي أفضل ما شاهدته لسكوير في هالجيل و أكثر جيم بلاي استمتعت فيه ( فف10 ) .. و الأخرى هي أفضل قصة مو في الآر بي جي و بس .. الا في تاريخ الفيديو جيمز بكبره و شخصياتها كثير مميزة و كل شخصية عاملين لها خلفية و قصة طويلة عريضة مليانة غموض ( زينوساغا ) .. و الثالثة عطتك أتموسفير و جو ما تلقاه بأي لعبة آر بي جي في هالجيل عرفت كيف تكون لنا عالم آخر ما نحصل مثله الا في أحلامنا ( دارك كلاود 2 ) ^_-

 

[Aizmov]

توني اشوف ردك اخوي Azimov

يبدو لي انك ما تعرفني مره..ما تمر لعبة ار بي جي بالسوق الا لازم اخذها مهما كانت..افضل نوع العاب عندي الار بي جي .. يعني انت الله يهديك تحكم على طول من دون ما تعرف الشخص..

ثانيا انا ما قلت ان اللعبه بايخه او حلوه..اساسا لسه ما اخذتها..لكن ردي عليك فقط لاني تضايقت يوم انت قلت ان الافاحله فقط تعجبهم وواضح من قصدك اني الي ما تعجبه يصير مو فاهم ار بي جي او لاعب كبير لهذا الصنف فرديت عليك..يعني حكمت على الي ما تعجبهم على طول..مع اني اتوقع تعجبني..

قصدي في النهايه لا تحكم على احد او تعمم على طول..



رجعت مره ثانيه وحكمت على طول الله يهديك..شخصيا لعبتها كلها والافضل بلا منازع سيكرت اوف مانا..

المشكله انت فهمتني غلط من البدايه ... يوم اقصد بالافاحله مثل ما قلت لك من قبل ما انزل من قدر أي واحد يلعب RPG بس كان قصدي فيه ناس نوعهم غريب شوي (( زيك و زيي تقريبا ما يمر لعبه ار بي جي حتى لو إلي مسويها واحد جاي من المريخ إلا و لعبها )) بس من ناحيه انك تلعب و تكون فاهم في اللعبه هذا شيء ... و انك تصير مجنون في هذا الشيء شيء ثاني
بالنسبه لليجيند اوف مانا انا ما عممت انا قلت (( فيه منكم )) هذا مو اسلوب تعميم 😎
و كمان انا عارف إنه فيه ناس مثلك ^^ لاعبين الدنيا كلها :razz:
اتمنى أي شيء فهمته مني غلط يكون تصلح الحين ^^ و اتمنى إني ما وصلت فكره غلط لأحد فيكم بشكل ولا بآخر

انا هنا مع Azimov وبقوه!!

فف10 عار على السلسله بجميع المقاييس..

تعجبني The Wind
والله انك جامد :razz:
اخيرا واحد يبرد على قلبي شوي :razz:
بصراحه تيدوس اسخف بطل العاب شفته بحياتي شخصيته مره عبيطه -.-

وين راحت ميجامي تينسي ؟..معليييش..وين راحت وايلد ارمز3..وين راحوا الكثير...

انا توني مخلص Shin Megami Tensei 2 اليابانيه 😎
اللعبه مره خورافيه
على فكره تو نازل النسخه الامريكيه لها ... بس إلي ما لعب الجزء الاول اقوله اللعبه مترابطه ... الجزء الثاني تكمله الجزء الاول

 

[Ginko]

موجودين و مكانتهم محفوظة بالصون .. بالأخص وايلد آرمز 3 لعبة الآر بي جي الوحيدة التي حافظت على خريطة العالم الكلاسيكية .. اذا ماكانوا من الثلاث الأوائل فراح يكونوا من الثلاث الثانيين المهم أنهم بالتوب 10 و حقهم ما يضيع

هذا الكلام 😉

-----------------------------------------

ازيموف حقك علي وفعلا كبرت بعيني 🙂

تعجبني The Wind
والله انك جامد
اخيرا واحد يبرد على قلبي شوي
بصراحه تيدوس اسخف بطل العاب شفته بحياتي شخصيته مره عبيطه -.-

😉

فعلا تيدوس مضحكة..وزي ما قلت مافيه الا لولو هي الي تستاهل التقدير..

انا توني مخلص Shin Megami Tensei 2 اليابانيه
اللعبه مره خورافيه
على فكره تو نازل النسخه الامريكيه لها ... بس إلي ما لعب الجزء الاول اقوله اللعبه مترابطه ... الجزء الثاني تكمله الجزء الاول

فعلا هاللعبه محد توقع بتطلع كذا..ا هذي الي يقال عليها كلاسيك من الطراز الاول..
الجزء الثاني ناوي اخذه هاليومين توه نازل عندنا..

 

[Ash]

هلا عبد الله حياك 🙂 .

فف10 عار على السلسله بجميع المقاييس..

جميع المقاييس ؟ يعني اعتمادا على كلامك اللعبه من و لا جهة فيها شيئ ممتاز ؟ ... !!!

القصه..القصه فيها اشياء "عبيطه" الى ابعد الحدود..اجل في الاخير السالفه طلعت "حلم" وخرابيط خلت مستوى القصه في الحضيض..

القصة رائعه جدا و متفرعه , يعني المشكله الوحيده هو انكم تقارنونها بفاينل فانتسي 7 و 6 , كأنه مافي فاينل فانتسي غيرهم , يعني شنو المشكله اذا صنعوا جزأ ممتاز و وراه جزأ أقل منه مستوى و بنفس الوقت يعتبر ممتاز " زيلدا كمثال " 🙂 .

لكن القصه والشخصيات..يعني مافيه الا لو لو نقدر نقول شخصيه توب..اما تيدوس؟..يعني الى ابعد الحدود ما ينهظم..وكمان يونا سيئه..والباقي كلهم تيبكال..يعني معليش فيصل لكن والله اغلب الي اعرفهم حتى ما اعجبتهم اللعبه مع انهم لعبوا كل اجزء السلسله..

صراحه يعني شفيها الشخصيات , لا تقولي فلبيني و فلبينية نفس الاغلبيه , مسئلة اعجابك بالشخصيات تعتمد على ذوق الشخص نفسه , و انا أشوف في شخصيات رهيبه جدا بهالجزأ مثل أورون و لولو و يونا و كيماري .

بصراحه تيدوس اسخف بطل العاب شفته بحياتي شخصيته مره عبيطه -.-

ايزموف مو كان اسمك قبل " تايدوس امبراطور الأربيجي " و لا انا مشبه :razz: .

 

[Aizmov]

فيصل سؤال يطرح نفسه (( كم جزء فاينل فانتسي خلصت (( كاملا )) و بكل صراحه ؟!!! )) بس 😎
و انا كان اسمي تايدوس من متى ؟!!!
ما تعرف ؟!!!
انا اقولك :bigSmile:
يوم اعلنوا عن اللعبه اول سكاااااااااااااااان كان فيه صوره يونا و تيدوس
انا هييييييييييييييه فرحان ما شاء الله علي قمت سويت Nickname جديد باسمه كأني ابله مثله
يوم لعبت اللعبه وشفت الهبل إلي سواه الغبي هذا قمت احس إن الاسم فاشل -.-
اصلا من البدايه و انا عارف إن الاسم فاشل :razz:
(( نعتذر محبين تيدوس على الكلام هذا ... هذا إذا كان فيه له معجبين XD ))
ولو كان معجبتني الشخصيه كان خليته و ما غيرته إلى Aizmov ولا Rin في المنتديات الثانيه :razz:
لا تنسى تجاوب على سؤال بس ابي اعرف 😎

 

[Ash]

السابع و انت طالع " الثامن ما كملت السيدي الرابع بس شايف النهاية " .

 

[Aizmov]

يعني انت ما خلصت اصول فاينل... من 6 و تحت :suspiciou
خصوصا فاينل فانتسي 6 كأني شفتك تتكلم عنها :suspiciou
لأني حسيت انك ما فهمت إيش قصدي بالاشياء المفقوده في فاينل فانتسي 10 و كانت موجود في (( كل )) فاينل فانتسي الباقي تقريبا 🙄
ومو كأن حنا حاولنا نسكر الموضوع بس فجأه رجع للحياه :razz:

 

[Ash]

يعني انت ما خلصت اصول فاينل... من 6 و تحت :suspiciou
خصوصا فاينل فانتسي 6 كأني شفتك تتكلم عنها :suspiciou
لأني حسيت انك ما فهمت إيش قصدي بالاشياء المفقوده في فاينل فانتسي 10 و كانت موجود في (( كل )) فاينل فانتسي الباقي تقريبا 🙄

فاينل فانتسي 6 أنا عارف قدرها و ممكن أفضل من 7 أو متقاربين .

أحس انه النقاش هني ماراح يتغير عن الستايل السابق , نفس الكلام راح نردده , بس لي متى الله اعلم :razz: .

 

[persona]

بصراحه تيدوس اسخف بطل العاب شفته بحياتي شخصيته مره عبيطه -.-

agree..

وزي ما قلت مافيه الا لولو هي الي تستاهل التقدير

-.- & أرون كانت شخصيته قويه باللعبه

لو مهما تسوي اي شركه لسلسلتها أجزاء جديده لها، ماراح تحصل نفس نسبه النجاح والرضا اللي

كانت على الجزء الضارب لها

 

[sehro]

طيب ليش ما نرجع للموضوع الاصلي 😛eeved:

قريباً بتوصلني كود ايج وانا واثق من روعتها 😎 <<<؟!؟!؟

 

[Ginko]

الله يحييك فيصل 😉

ياخي النقاش مع ناس هاديين ومتفهمين رهيب..

جميع المقاييس ؟ يعني اعتمادا على كلامك اللعبه من و لا جهة فيها شيئ ممتاز ؟ ... !!!

ايه بس رجعت وقلت الجيمبلاي ونظام اللفل هم الممتازين..اما الباقي والله كانو مره مستواهم تحت..

القصة رائعه جدا و متفرعه , يعني المشكله الوحيده هو انكم تقارنونها بفاينل فانتسي 7 و 6 , كأنه مافي فاينل فانتسي غيرهم , يعني شنو المشكله اذا صنعوا جزأ ممتاز و وراه جزأ أقل منه مستوى و بنفس الوقت يعتبر ممتاز " زيلدا كمثال "

بالعكس بالعكس..انا عمري ما اعتبرت 6 ولا 7 افضل قصص..من الافضل صح لكن مو افضل..انا ما اقارنها باجزاء ثانيه اقارنها بالعاب ثانيه مثل كرونو تريجر او كروس (طبعا هذي ما تسوى شيء اذا ما لعبت تريجر ) وكمان بريث اوف فاير 2 و3 وفيه سوكودن..وفاجرانت ستوري وباتل اوجر..كثير..

وكمان ترى زيلدا قصتها الله بالخير..اميره انخطفت وتعال انقذها وبس..يعني عمري ما قلت قصتها حلوه ودايم احارب قصتها وانبسطت كثير يوم شفت ان زيلدا الكيوب لها قصه "تبدو بالجديده"..

صراحه يعني شفيها الشخصيات , لا تقولي فلبيني و فلبينية نفس الاغلبيه , مسئلة اعجابك بالشخصيات تعتمد على ذوق الشخص نفسه , و انا أشوف في شخصيات رهيبه جدا بهالجزأ مثل أورون و لولو و يونا و كيماري .

لالا مو كذا..

انت يا فيصل لو تمسك الارت حق كل شخصيه..وتحاول تفكر بكيف الرسام ابتكرها..بتعرف قصدي!!!
يعني لولو والله مررره اوريجنال ..شوف كيف لبسها وشخصيتها..شخصيه تاريخيه للسلسله..اما الباقي مكررين جدا جدا..مافيهم روح جديده مافيهم اوريجينالتي..

----------------------------------------

-.- & أرون كانت شخصيته قويه باللعبه

هممم

اتفهم ليش يعجبك..لكن فعلا هو مو بقدر السوء الي فيه البقيه..

 

[Ash]

الله يحييك فيصل

ياخي النقاش مع ناس هاديين ومتفهمين رهيب..

True 😉 .

ايه بس رجعت وقلت الجيمبلاي ونظام اللفل هم الممتازين..اما الباقي والله كانو مره مستواهم تحت..

لا و الله بالعكس , موسيقى اللعبه يكفي انها من العملاق نوبو , و تمثيل الأصوات كان ممتاز , و الجرافيك للأن أفضل من أغلب الأربيجي الي يصدرون حاليا , و العروض ما تحتاج رأيي فيها علشان تبان روعتها , و مدة اللعبه مثالية , و المستره .. يا ليل ما أطولك , طويله جدا , و هذي العناصر هي الي تمثلها تقاييم اللعبه بالمواقع , و مافي موقع اختلف عليها .

بالعكس بالعكس..انا عمري ما اعتبرت 6 ولا 7 افضل قصص..من الافضل صح لكن مو افضل..انا ما اقارنها باجزاء ثانيه اقارنها بالعاب ثانيه مثل كرونو تريجر او كروس (طبعا هذي ما تسوى شيء اذا ما لعبت تريجر ) وكمان بريث اوف فاير 2 و3 وفيه سوكودن..وفاجرانت ستوري وباتل اوجر..كثير..

هو ممكن فاينل فانتسي 10 ما توصل لمستواهم القصصي , بس تظل القصه رائعه جدا , و هذي النقطه الي أبي أوضحها , انه مو شرط أي شيئ مو توب ما يكون ممتاز أو رائع .

لالا مو كذا..

انت يا فيصل لو تمسك الارت حق كل شخصيه..وتحاول تفكر بكيف الرسام ابتكرها..بتعرف قصدي!!!
يعني لولو والله مررره اوريجنال ..شوف كيف لبسها وشخصيتها..شخصيه تاريخيه للسلسله..اما الباقي مكررين جدا جدا..مافيهم روح جديده مافيهم اوريجينالتي..

نامورا قصد انه يغير مسار تصميم شخصياته , مثلا شوف كلام نوجيما و نامورا يمكن أقدر أوصلك النقطه الي أقصدها :

What kind of image does the main character have, in detail?

Nojima: Tidus is really lively. Although FFIX is an exception, FFVII and FFVIII's main characters were "cool"- Especially FFVIII's Squall. We wanted it different this time. We wanted to make the main character with a personality like FFVIII's Zell and Laguna.

DengekiPS: How did you come up with the character models for Tidus and Yuna?

Nomura-san: In the past, we've had characters on the fringe that were really cool. For Tidus, I wanted someone completely different from Cloud or Squall, a mischievous type. For Yuna, I wanted her to resemble Rinoa from VII because of her innocence and honesty.

DengekiPS: The characters look much more Asian this time, don't they?

Nomura-san: Yes, I was asked to make them look that way. I did try to vary the characters, so they don't all look the same. In the case of Tidus, I really wanted him to stand out from the others. He's a blitz-ball player, which is like a mixture of basketball and soccer. It's played with teams of six, and you pass and score goals like normal sports. It's similar to rugby as well, so there's an element of violence to it. [laughs..]

يعني بمعنى ثاني يبون يغيرون شيئ بروح الشخصيات , ما يبون يخلون البطل معقد و كوول و ما يكلم أحد و البطله تحبه و هو ما يعطيها وجه .

و شخصية تتسويا المفضله بـ X هو جيكت , و هو معجب بهالشخصية لدرجه كبيره , و بصراحه أنا فعلا عاجبني الأرت حق شخصيات , أشكالها جديده عالسلسلة مثل أورون و جيكت و لولو , أما يونا فهي نسخة رابعه من تيفا و رينوا و داجير 😀 .

 

[Ginko]

لا و الله بالعكس , موسيقى اللعبه يكفي انها من العملاق نوبو , و تمثيل الأصوات كان ممتاز , و الجرافيك للأن أفضل من أغلب الأربيجي الي يصدرون حاليا , و العروض ما تحتاج رأيي فيها علشان تبان روعتها , و مدة اللعبه مثالية , و المستره .. يا ليل ما أطولك , طويله جدا , و هذي العناصر هي الي تمثلها تقاييم اللعبه بالمواقع , و مافي موقع اختلف عليها .

صح 100%

لكن هنا اكيد انت لاعب ار بي جي ومحب لهالنوع..فطبيعي تفهم ان تقييم هالالعاب مو زي تقييم الالعاب الثانيه..يعني الجرافيكس مو مهم زي ماهو مهم في الFPS والقصه امهيتها اهم شيء مو مثل الريسينج مو مهم..اتمنى فهمت قصدي..

الموسيقى ما اذكر ان فيها شيء مميز ومو شرط كل شيء سواه نوبو حلو..فهمت علي..

الCG مو مهم ابدا..يعطي اللعبه طعم لكن غالبا ما يهمني شخصيا..

هو ممكن فاينل فانتسي 10 ما توصل لمستواهم القصصي , بس تظل القصه رائعه جدا , و هذي النقطه الي أبي أوضحها , انه مو شرط أي شيئ مو توب ما يكون ممتاز أو رائع .

غريبه والله..يمكن فعلا ذوقك غير 😉

نامورا قصد انه يغير مسار تصميم شخصياته , مثلا شوف كلام نوجيما و نامورا يمكن أقدر أوصلك النقطه الي أقصدها :

اقدر المحاوله..لكن ما اشوفه نجح..ولوه فعلا نجح ابيك تقولي ان فعلا تيدوس مميز (بطريقه ايجابيه ) عن سيكوال وكلاود..طبعا هذي من عجائز الدنيا السبع..

يعني بمعنى ثاني يبون يغيرون شيئ بروح الشخصيات , ما يبون يخلون البطل معقد و كوول و ما يكلم أحد و البطله تحبه و هو ما يعطيها وجه .

المشكله انه زادها حبتين وخلاه "سياحي" :razz:


بخصوص جيكت اشوفه بعيد جدا انه يتفوق على تصميم وشخصيه لولو..

يعني فعلا اقف احتراما لنامورا ونوجيما على لولو..فعلا شخصيه ما عليها كلام..

يمكن فعلا في النهايه زي ما قلت ان المسأله مسأله ذوق اكثر من انها مقياس لان اللعبه هذي بالذات عليها اختلاف كثير..