تقييم PES 2010 وصل من IGN UK

[The Last Lombax]

اسعار بورصة (&)

لول ! :laugh::

وبكرة تلاقيها ب18 دينار ( بس أصبر عليها وشوف سعرها كم راح يوصل )

 

[xX Wolf Shooter Xx]

اقل شي لقيته ب 300 درهم
خيييييييييبه والله كثير
اذا هذي 300 عيل كود 6 بكم؟ الف ؟

 

[Vorg Zangief]

اليوم سعر اللعبة صار 18 دينار . في جيم ستيشن .. الكويت 😀

 

[Snake-87]

^
والنسخة مفتوحة . . . لاتشترون منه (&)

 

[IBrAhiM_86]

^

لا مغلفه امس شفناها ..
بس اشك انه مغلفه من المصنع ..
شكله اهو مغلفها !!!

 

[Snake-87]

lool انا عنده امس الصبح مو مغلفها .. جيم سنتر حاط ورقة تقول : النسخة المغلفة عنده (قاط نقزات لوول)
الظاهر غلفها بعدها .

 

[IBrAhiM_86]

اممم انا امس رحت له بليل ..
شكله على قولتك عقب ماشاف اعلاناتهم لووول ..
وخاصه انه جيم سنتر يقولنا انه اشرطة جيم ستيشن مو اصليه لانه مو مغلفه ..
انا ناطر الكل ينزل اللعبه ويصير خسف بالاسعار 😀 ..

 

[The Heartless]

اليوم سعر اللعبة صار 18 دينار . في جيم ستيشن .. الكويت 😀

السنة الطافت شريتها ب14 دينار من بعد ماالإثنين قاموا يكسرون ببعض, السنة هذي إذا بغيت أشتري اللعبة ماراح أشتريها بأكثر من هالسعر.

أنتم بس أصبروا 🙂

 

[KOTSHY]

اليوم بعد العشاء بالجنوبية ان شاء الله بجدة

 

[POWERsmell]

لقيتها في الرياض ب٣٥٠
:

 

[mohamed]

لقيتها في الرياض ب٣٥٠
:

الهندي صاحب المحل اللي في حارتنا قال لي أنه كان قادر يجيبها اليوم ( كنت طالب منه يحجز لي نسخة , واتفقنا على السعر 250 ريال ) , لكن سعرها بالجملة 300 - 320 , فيقول اصبر 3 أيام وتنزل الأسعار مثل الطيارة.

 

[Unknown]

دقيت على محل قالي بـ 290 .. انفجعت !
لأن بالعاده المحل عادي ومو مشهور
الالعاب عنده رخيصه انتشارتد 2
من اول يوم بـ 230 ريال

قلت بدق على المحلات الكبيره مركز النسر
العاب طوكيو و جيم ماستر .. كل الي عندهم
بـ 350 ماكان مني من اسمع السعر اسكر بوجهم :laugh::

دقيت على ابو 290 قلتله احجزها ولك 300 ههههه
بعد العشا جيت المحل ومعه محلات جنبه دخلت واحد منهم
واخذته ب290 ريال "ابو 300 قلتله احجزها ممكن تخلص النسخ بالمحلات الثانيه"

النسر صراحه ماتوقعت يبيع لعبه بسعر كذا .. اخر لعبه كان مجنون فيها
كانت FF10 اليابانيه اول مانزلت شريتها بـ 500 او 450 ريال "يوم كنت مجنون :fd3: "

 

[Fire Blast]

ماعرف هل هي مجاملة أم ماذا :what:
على العموم انا لست هنا للإنتقاد .. خصوصا بعد لعبها على الديمو و اعرف انه صعب تحكم على اللعبه من الديمو لكن فيفا ملكة هذا العصر على عكس الماضي ..

لكن تقييم الجرافكس 7.5 اشوف انه بصراحه انظلمت فيها PES ...

وان شاء الله بجرب النسخه الكامله اذا احد شراها من اصحابي

 

[SALAH]

الحين اتصلت على أرض الاحلام بمدينة زايد ( أبوظبي ) ..
اللعبة عنده بـ 240 درهم , سعر منطقي جدا..ان شا الله باخذها بكرا

 

[The Blue King 9]

انتظروا الين موعد الاصدار الرسمي وقتها بتكون الاسعار مستقره اوفر لكم ترا كلها يومين مايبي احد يلعب قبله 😀

 

[Jonas]

واحد من اخوياي يقول اللعبه سعرها بالكويت واصل 45 دينار !!!!!!!!!!!!!!!!!!!!!!!!!!!!!!!!!!!!!!!!!!

الله يسامح هالتجار يستغلون شعبية اللعبه في الكذب على الناس

 

[SCREAMING_RAGE]

الشباب الموجودين في بريطانيا, في اشاعات تقول ان سوبرماركت asda بيعملون لها حفل اطلاق في منتصف ليلة الغد, وبيبعونها بسعر ٢٧ باوند لمدة اول ٢٤ ساعه فقط (( مثل الليلة اللي صدرت فيها فيفا ١٠ )).


أنا والله مني متحمس لها ذاك الزود, لكن الانطباعات عنها تبشر بالخير والله 🙂

 

[KOTSHY]

شريتها باسواق الجنوبية ب 270

 

[KOTSHY]

على فكرة السيرفرات اشتغلت ولكن كتبوا ان التشغيل الرسمي الساعة 12 بتوقيت جرينتش يعني الساعة 3
ممكن تواجهون لاج لان السيرفرات ما اشتغلت بكامل قدراتها
لعبت مباراة مع هولندي كان فيه شويت لاج وقطع الاتصال بالشوط الثاني

 

[The Blue King 9]

الشباب الموجودين في بريطانيا, في اشاعات تقول ان سوبرماركت asda بيعملون لها حفل اطلاق في منتصف ليلة الغد, وبيبعونها بسعر ٢٧ باوند لمدة اول ٢٤ ساعه فقط (( مثل الليلة اللي صدرت فيها فيفا ١٠ )).


أنا والله مني متحمس لها ذاك الزود, لكن الانطباعات عنها تبشر بالخير والله 🙂

خبر حلو
بس قهر مافيه ازدا قريب من عندي :crying:

 

[SCREAMING_RAGE]

للشباب اللي اشتروا النسخه الكامله و جربوها .................. هل تستحق اللعبه الشراء, ولا احسن الواحد يجمع فلوسه لتكن و راتشت ؟؟

 

[Unknown]

انا اقول تستاهل .. هي افضل جزء على الجيل الجديد
واللعب يذكرني بـ ويننق ايلفن السادس الي على PS2
اقصد طريقة التحكم والشوت بالذات ابدعوا فيه

الحراس اقوى من قبل "فيه اخطأ صح بس مو مثل قبل"
الدفاع صار اذكى ومتحرك "مو مثل قبل واقف بس !"

الاون لاين اخيرا ضبطوه

 

[The Blue King 9]

شباب الي شروا اللعبة
هل فيه اضافات جديدة في الاون لاين ..؟ مثلا تنظيم دوريات مثل الموجوده في فيفا..؟

 

[mohamed]

بعد شراء وتجربة النسخة الكاملة من اللعبة :

اللعبة زبالة !!

مريضة , تحاول تقلد فيفا ولكن بفشل ذريع ( التاكتكس , تخفيض سرعة اللعب ) .

اللعبة فقدت هويتها .

الاثارة معدومة.

باختصار : لا تشتر اللعبة.

ملاحظة : شريتها ب 289 , وبعتها ب 150 :crying::crying::crying:

 

[rami-elhussein]

الضحك على الذقون ... هاهاها

نسخ المصنع .....السالفة يا جماعةانه هذه النسخ تسمى نسخ بندل أي اللي اشتراها يحصل خصم بحدود الابعين بالمائة لانه يجب ان يبيعها مع جهاز جديد فقط.

جيم ستيشن يايبها بـ40 أمس واليوم سعرها 45 .. صاحي هذا ؟ المشكلة في ناس وايد شارينها والأدهى من هذا كل النسخ مو مغلفة لأنها ياية من المصنع كما يدعي .
بالليل المحلات الثانية إييبونها أو باجر .

 

[rami-elhussein]

الله أعلم 🙂

بالمناسبة، فيفا ظلت 7 سنين تحاول تقلد بيس. ولكن بلا شك انها حسنت بامور كثيرة حتى اكثر من بيس.

شخصيا وان العب بيس 2010 من اكثر من شهر الان لا يوجد عندي شك انها نوعية تختلف تماما من فيفا.

لا اتكلم انها اقضل او اسوأ ولكنها تتعب وتهلك لتسجل هدف .... برأي الشخصي هذا ما ابحث عنه بالرغم من استمتاعي بلعبة فيفا ايضا.

بمجرد ما تتعود على التحكم بالستراتيجي تجدها لعبة عميقة جدا.

طبعا هي بطيئة وثقيلة ولكن عندما اشاهد لعبة كرة قدم اجد ان 95٪ من المباريات هي كذلك وقليلة جدا المباريات التي تكون بسرعة مجنونة.

لو تشابهت الاذواق لبارت السلع.

[YOUTUBE]tuTmANANUMY[/YOUTUBE]

فيديو يوضح جميع المنتخبات الموجودة في الشريط ..
(الكويت و العراق و سوريا و قطر و السعودية و الإمارات و عمان و البحرين)

-- -- --
على هذا أتوقع صار واضخ جداً . أي اللعبة الرياضية الي راح تتعرب السنة القادمة في شهر 10 . يا أخ رامي الحسين 🙂
ممتاز .

 

[Vorg Zangief]

رأيك جميل أخ رامي 🙂

. . .
على فكرة شباب . جربت الأون لاين .
اللاق . موجود . و لكن بطريقة مختلفة عن السابق ..
أنك لما تعطي باص . يبيله فترة أطول . على ما يستجييب لك .
..
🙁 للأسف .
كونامي أسوء شركة في الأون لاين 🙁

 

[النسر الأسود]

اللاق . موجود . و لكن بطريقة مختلفة عن السابق ..
أنك لما تعطي باص . يبيله فترة أطول . على ما يستجييب لك

حتى الفيفا نفس الشي إذا كان الاتصال رايح فيها مثل اتصالي لول

 

[BigSur]

الله أعلم 🙂

بالمناسبة، فيفا ظلت 7 سنين تحاول تقلد بيس. ولكن بلا شك انها حسنت بامور كثيرة حتى اكثر من بيس.

شخصيا وان العب بيس 2010 من اكثر من شهر الان لا يوجد عندي شك انها نوعية تختلف تماما من فيفا.

لا اتكلم انها اقضل او اسوأ ولكنها تتعب وتهلك لتسجل هدف .... برأي الشخصي هذا ما ابحث عنه بالرغم من استمتاعي بلعبة فيفا ايضا.

بمجرد ما تتعود على التحكم بالستراتيجي تجدها لعبة عميقة جدا.

طبعا هي بطيئة وثقيلة ولكن عندما اشاهد لعبة كرة قدم اجد ان 95٪ من المباريات هي كذلك وقليلة جدا المباريات التي تكون بسرعة مجنونة.

لو تشابهت الاذواق لبارت السلع.

اكيد بلا شك .. و كلنا أو أغلبنا كنا بذلك الوقت من جماهير الـ PES لأن الفيفا لم تكن بالمستوى المطلوب ..
لكن الآن انقلبت الحكاية تماماً تفوقت الفيفا و البيس تقلد ..
للأسف حاولت اتأقلم على البيس .. حاولت اقنع نفسي إنها تطورت .. لكن للأسف ..
اللعبة غير واقعية إطلاقاً .. اللاعب بالكاد يتمكن من الكورة بطرف قدمه و مع ذلك قوة الكرة كقوة تصويبات بالاك أو كرستيانو رونالدو!
مشهد الفضيحة المشهور حق الأوفر تبع ميسي!
التحامات اللاعبين كأننا بسيارات التصادم .. مافيه أي فيزيائية أو نعومة!
حاولوا يحاكون الفيفا بالواقعية و عدم سرعة الحركة.. حاسوها
تشوف أقدام اللاعب تتحرك بسرعة و مع ذلك حركة اللاعب بطيئة = bad motion !!
التصويبات.. تسمع ضربة الكرة قوية .. حركة قدم اللاعب سريعة تجاه الكرة .. و مع ذلك الكرة تتحرك ببطء شديد!
اللعبة خيّبت آمالي بعدما كنت من جمهورها لحد اصدار ٢٠٠٩ ..
مافيها غير الإضاءة و أرضية الملعب !

 

[Nintendo]

لكن الآن انقلبت الحكاية تماماً تفوقت الفيفا و البيس تقلد ..

هنا المشكلة الرئيسية استاذ رامي, صراحة لاي شخص يحب العاب كرة القدم والواقعية اللي تقدمها فيفا صارت خيار أول بفرق أميال طويلة عن برو ايفو, يمكن انت كمتحدث عن بلوتو مجبر انك تجرب اللعبة وكذا ولكن كلاعبين المفروض اننا نختار الافضل وحاليا للاسف ماصار فيه مقارنة بين اللعبتين. كونامي لازم تعيد صياغة السلسلة ويمكن المشكلة انه المبيعات الجيده لبرو ايفلوشن قاعده تعمي عيونهم عن واقع اللعبة لدرجة اني صرت اتمنى برو ايفلوشن ماتحقق ارقام كبيرة عشان كونامي تصحى شوي..