اتباطأوا الحقيقة كأجزاء رئيسية، ما بين السادس والسابع 4 سنين، وما بين السابع والثامن برضو 4 سنين -طبعا بينهم ريميكات وسبين اوفز فينحسبوا-
بس صح من ناحية انه اصداراتهم كثيرة والفانز مبسوطين وكيف صاير هالشيء وكيف لسه مستمتعين،هناك عوامل بسيطة:
- لو ناخذ آخر 4 اجزاء، كل جزء مختلف عن الثاني وفي تنويع كبير جدا بينهم حتى مع نفس اساسهم، زيرو بتلعب بشخصيتين رئيسيتين في الثمانينات بعز الانفجار الاقتصادي باليابان وبالتالي ثيم اللعبة هو الفلوس
السادس اول جزء بمحرك جديد، وهو آخر جزء رئيسي لبطل السلسلة القديم كيريو بنظام القتال التقليدي الاكشني، تركيز على ثيم العائلة وتربية الbaby حتى في مينيجيمز خاصة بهالشيء، وكونه كان مفترض نهاية كيريو فكان درامي كبير وله اثر قوي هنا
السابع بداية جديدة تماما، بطل جديد تماما،وحتى اسلوب القتال صار ترن بيسد، هذا بطبيعة الحال يخلق أقوى نقلة بالسلسلة وأقوى تنويع واختلاف وحاجة فريش فيها
والآن الثامن، انتقل لأول مرة لخارج اليابان وتحديدا هاواي، مع وجود بطلين اساسيين للقصة، هذا يسهم بخلق تنويع ضخم
- العنصر الثاني المهم انه الفريق عنده خبرة متراكمة يبني عليها الاجزاء ورا بعض، عادي تشوف اعادة استعمال assets كثيرة، ما تشوف انهم يرموا خبرتهم بالزبالة بكل مرة ويعيدوا من الصفر، هذا ينتج انه الالعاب تنزل بشكل اسرع، وبشكل أثبت
هذا الشيء قريب لوضع سلسلة ريزيدينت ايفل حاليا، أشوفها ميزة صراحة، لأنه كثير سلاسل ثانية يكون بين اجزاءها مدة طويلة جدا وتحس انه الفرق حقهم كل مرة تبغى تعيد اختراع العجلة ومحرك جديد ولازم تفاصيل شعرات بالوجوه حق الشخصيات وما الى ذلك، مش دائما الناس تبغى كذا، والفروق بكثير احيان ما تسوى الانتظار الطويل بين الاجزاء، انك تحافظ على الفانبيس حقك وتقدم له عناوين ثابتة وبرضو منوعة/مختلفة بشكل معقول هذي ميزة ادارية ممتازة.
هو يصدف انه سكوير يمكن لأول مرة قدرت تسوي هالشيء مع ريبيرث، أول جزء من زمان يبني على الجزء السابق مباشرة بنفس محركه والassets حقه وبالتالي قدر يخلق عالم ضخم -المفروض- بمدة اقصر من المعتاد لسكوير، هل المستوى بيعكس هالشيء؟ بنشوف قريب.
