تقيم Mario Party 8 من IGN

[MariO]

6.0 Presentation
Dozens of new mini-games and a handful of new modes. You can incorporate your Miis into some games, but not all. Interface works, but the visuals are dated.
5.0 Graphics
The only Nintendo-published Wii game that doesn't really run in 16:9 widescreen mode, it's clear that Mario Party 8 was originally a GCN effort. The graphics don't even impress as a GCN title.
5.0 Sound
Some of the boards have catchy MIDI music, but character sound effects repeat often.
5.0 Gameplay
The formula is wearing thin. Some of the new minis use the Wii remote in unique and fun ways. Most don't. The single-player game is like torture.
8.0 Lasting Appeal
If you can overlook its shortcomings, Mario Party 8 offers a robust list of minis and modes to keep you busy and everything is better with friends.

5.2/10 OVERALL

http://wii.ign.com/articles/792/792495p1.html

 

[53]

تقاييم السلسله كلها جذي .. واللعبه تطلع روعه !.. أقول عط طاااف للتقييم .

 

[Nintendo]

باختصار شديد اذا حطوا الاونلاين باللعبه كان التقييم تحسن كثثثثثثثثثثثثثثثثثثثثثثثثثثثثير .. كل انتقادهم على كون طور اللاعب الواحد سئ ( متى عمره كان جيد اصلا ) .. وانه اللعبه ماقدمت اي شئ جديد ( مادري ايش فايدة التحكم بالريموت ) ..

بعض الاحيان مافهمت المراجعين صراحة .. عموما ان شاء الله باخذها الاسبوع الجاي 🙂

 

[Xeno]

التقييم مرة مرة مرة نازل وغير مقبول... أنا كنت أقبل بـ7.0 و 6.8 لكن هذا التقييم يقول لك اتقي شر اللعبة.


ننتندو -1

 

[ahmed_cube]

التقيم فضيحة للعبه عليها اسم ماريو 🙁 و هو يعتبر اقل تقيم في السلسلة .

لكن زي ما قال عمر اللعبه في طور اللاعب الواحد اقل من عادية .. و عدم وجود الاونلاين له تاثيرة .. لكن اؤكد ان اللعبه ستكون افضل من واريو وير سموث موفز بمراحل و الي كل المراجعين مدحوها 🙂

 

[The Heartless]

شباب أنا ماعلي باللعبة ومو مهتم فيها لكن باعلق على شي بسيط لوتسمحون لي

the visuals are dated

The only Nintendo-published Wii game that doesn't really run in 16:9 widescreen mode

MIDI music

ننتندو أهلاً بك في الجيل الماضي

 

[Nintendo]

ننتندو أهلاً بك في الجيل الماضي

لانه الوي بقوة ال360 والبلايستيشن3 ؟ ولا لانه ماريو بارتي لعبة المفروض تستخدم محرك انريل3 ؟

للامانه النقاش حول الجرافيكس وحتى الاصوات بماريو بارتي مضيعه للوقت .. السلسله طول عمرها شئ بسيط وماتحتاج اي ابقريد بالجرافيكس ( يعني بالله الجرافيكس راح يخلي الجيم بلي افضل بماريو بارتي ) ..

 

[m7tram]

تقاييم السلسله كلها جذي .. واللعبه تطلع روعه !.. أقول عط طاااف للتقييم .

QFT :kiss:

 

[Mario2]

صرت خايف من من مستوى اللعبه للاسف .. بانتظار تقاييم اخرى ..

 

[Humam]

لانه الوي بقوة ال360 والبلايستيشن3 ؟ ولا لانه ماريو بارتي لعبة المفروض تستخدم محرك انريل3 ؟

للامانه النقاش حول الجرافيكس وحتى الاصوات بماريو بارتي مضيعه للوقت .. السلسله طول عمرها شئ بسيط وماتحتاج اي ابقريد بالجرافيكس ( يعني بالله الجرافيكس راح يخلي الجيم بلي افضل بماريو بارتي ) ..

من جد.. أصلا العيب على المراجع.. ياخي لمن تسوي مراجعة للعبة معينة تقيمها وانت حاط في بالك قدرات الجهاز و ايش الستاندرد الموجود في غالب ألعاب الجهاز في هذي النواحي..

 

[emperor-UAE]

تقييمها من جيم سبوت 6.5

Gameplay 7
Graphics 6
Sound 6
Value 7
Tilt 6

There are some good minigames in Mario Party 8, but the overly familiar, chance-heavy board game wrapper gets in their way.

The Good: Plenty of minigames; some inventive boards.

The Bad: GameCube-caliber graphics; spotty widescreen support; chance still plays too large a role.


ما عليه من التقاييم...اكيد راح اخذ اللعبه و استمتع بها مثل جميع اجزاء ماريو بارتي السابقه

 

[mario0o]

تقييم نازل وبقوه !!!

هدسون لازم تاخذ بريك وتعرف كيف تستغل الريموت صح.. لانه طايحين فيها وان اللعبة بسرعه مسوينها وكانها بورت من الكيوب و و و و من عيوب وايد !!

بس فالنهاية هاذي ماريو بارتي وناسه وظحك ونجوم وميني جيمز وفالصيف والتجمع لساعات وريموت = احلى كلام :laugh:

 

[The Heartless]

لانه الوي بقوة ال360 والبلايستيشن3 ؟ ولا لانه ماريو بارتي لعبة المفروض تستخدم محرك انريل3 ؟

للامانه النقاش حول الجرافيكس وحتى الاصوات بماريو بارتي مضيعه للوقت .. السلسله طول عمرها شئ بسيط وماتحتاج اي ابقريد بالجرافيكس ( يعني بالله الجرافيكس راح يخلي الجيم بلي افضل بماريو بارتي ) ..

لما المراجع يقول أن جرافيكس اللعبة حتى مو بمستوى الجيم كيوب اعتقد أن هذي مشكلة دام انك منزل اللعبة على جهاز يفترض يكون أقوى من الكيوب بضعفين , حتى لو تغاضينا عن هالنقطة بما أن اللعبة بورت أشياء بسيطة مثل الوايد سكرين وموسيقى من مستوى عالي المفروض تكون ستاندرد في هالوقت

 

[Nintendo]

هارتلس

للامانه النقاش حول الجرافيكس وحتى الاصوات بماريو بارتي مضيعه للوقت

اذا انت ودك ماريو بارتي بموسيقى اوركسترا وجرافيكس قوي انتظر الجهاز القادم ( يمكن ) ..

 

[The Heartless]

هارتلس



اذا انت ودك ماريو بارتي بموسيقى اوركسترا وجرافيكس قوي انتظر الجهاز القادم ( يمكن ) ..

عمر أنت هني مافهمت قصدي , الموضوع مو بس عن ماريو بارتي , الموضوع عن ألعاب ننتندو الأخرى بعد .

 

[Dark Link]

i don`t care what are the ratings!! i`m gonna buy this game.. invite a few friends over and play until the morning!!


(i hate playing Wii alone.. it`s getting dusty:cryy: :cryy: ) lol

 

[Nintendo]

العاب ننتندو الاخرى !!

كل العاب الوي من ننتندو فيها وايد سكرين و برقرسف سكان . وبعدين معليش هارتلس وش هي العاب ننتندو مثلا اللي نقدر نقول استخدمت قدرات ( الكيوب ) باقصى قدراته !! مافي غير تولايت برنسس فقط لاغير ..

الوي ماله بالسوق 6 شهور والى الان الالعاب الكبيره من ننتندو ( ميترويد + زيلدا ) ماشفناها على الجهاز عشان نحكم على جرافيكس العاب ننتندو ( الا اذا انت ودك تقول واريو وير ووي بلي ..... ) واخيرا وليس اخرا ....... مين يشتري الوي عشان الجرافيكس !! ننتندو ماعمرها قالت الوي جهاز نكست جنريشون الشركة من يوم عرضت الجها وهي تقول الجهاز New جنريشون واعتقد ذا الشئ واضح جدا ...

 

[Snake-87]

شي طبيعي .. شوف التقاييم القديمة
التقاييم القديمة للسلسلة كلها من 6 إلى 7 من جيم سبوت


الأول 7.2
الثاني7.8
ث7.5
ر7.2
خامس وسادس 6.9
سابع 6.5

ماريو بارتي جزء الأدفانس 6.5
ببساطة .. إذا تحب ماريو بارتي لا تطوف وخل المواقع عنك ^^

 

[The Heartless]

كل العاب الوي من ننتندو فيها وايد سكرين

إلا ماريو بارتي 8 على مايبدو , وبما أن ننتندو تعرف أن الوايد سكرين لازم يكون مدعوم في كل الألعاب لحد يزعل لما المواقع تخسف في تقييم ماريو بارتي 8 لأنها مافيها

أنا لما قلت ننتندو أهلاً بك في الجيل الماضي ماكنت أقصد جرافيكس وبس في أشياء ثانية لازم تكون أساسية في هالجيل , ليش ماننتندو تخلي الوايد سكرين ستاندارد لكل الألعاب الي تنزل على الوي سواء منها أو من ألعاب الطرف الثالث ؟ وعلى فكرة هذا مو كلامي هذا كلام محمد زيل (على مااعتقد) في واحد من المواضيع لما كان فيه شكوك أن نايتس بتكون مو وايد سكرين

الموسيقى ... أعتقد مايحتاج نناقش في هالموضوع أصلاً , كافي أن زيلدا أسطورة ننتندو استبخلوا أنهم يسون لها موسيقى اوركسترالية , يعني معليش ياننتندو زمن الmidi والدقات ام ايقاعين وبس ولى من زمان , وإذا بتقولولي ماريو بارتي لعبة بزل وهالألعاب ماتحتاج موسيقى أقولكم كاتماري ديماسي تسلم عليكم , مو بس موسيقى روعة وإحترافية إلا وخذت جوائز من كل المواقع وهذا هي لعبة بزل فقط , أصلا لعبة ايب اكاديمي على الpsp فيها موسيقى قوية يعني الصراحة عيب الي نشوفه

ونقطة أخيرة .. إذا ننتندو نفسها موقادرة تطلع قدرات الوي في الوقت الحالي فماتنلام شركات الطرف الثالث إذا كان الجرافيكس في ألعابها سيئ نفس الشي , ننتندو لازم تنزل لعبة بجرافيكس قوي يثبت أن الوي مو بس جيمكيوب مع طرفية علشان تثبت الحجة على شركات الطرف الثالث

 

[Nintendo]

هارتلس بس ملاحظه بسيطه .. ماريو بارتي فيها وايد سكرين ولكنه مش حقيقي 🙂

كلنا متفقين انه الوايد سكرين و حتى البروقراسف سكان شئ المفروض يكون ستاندرد وننتندو مطبقه ذا الشئ .. بالنسبة لشركات الطرف الثالث ننتندو مالها علاقة بذا الموضوع وهي عليها بس تقدم بيئة العمل وكل مطور عاد يسوي اللي براسه ..

وعن الموسيقى .. بكل امانه يوم العب زيلدا ماعانيت ولا مره من الموسيقى او مثلا شفت انها المفروض تتحسن كاصوات .. يعني هنا انت تكبر مشكلة وراح افترض انه ماعندك الوي 🙂

بالنسبة للجرافيكس و ننتندو .. هارتلس للمره الثانيه وش هي العاب ننتندو اللي صدرت للجهاز ؟ اعتقد ماريو جالكسي شكلها ممتاز جدا من ناحية الجرافيكس وهي بعدها ماصدرت .. وعن انتاجات شركات الطرف الثالث اعتقد اللي ينلاموا هم اللي ينزلوا العاب بورت للجهاز بدون اي تحسينات والى الان نظريا ماشفنا اشياء الجرافيكس فيها قوي للجهاز لانه الشركات كانت متخوفه منه بشكل كبير ( واعتقد كلنا قرينا مقالات تخوف الشركات وعدم توقعهم للنجاح والخ الخ ) .. يعني المفروض ذي النقطه مانتناقش فيها غير بعد سنه على الاقل من صدور الجهاز ويوم نشوف العاب من شركات فعلا ينقال عنها شركات تستخدم قدرات الاجهزه .

 

[Ginko]

صحيح اللعبه عمرها ما كانت في الجانب المحبوب عند المراجعين، لكن هذا ما يشفع للتكرار الي صاير في السلسله والاستخدام المائل للسوء لقدرات الوي.

 

[dragonwarrior]

when you read a mario party review you focus on one thing...

Some of the new minis use the Wii remote in unique and fun ways. Most don't

.


minigames
>_< they sound bad

 

[dark]

من جد.. أصلا العيب على المراجع.. ياخي لمن تسوي مراجعة للعبة معينة تقيمها وانت حاط في بالك قدرات الجهاز و ايش الستاندرد الموجود في غالب ألعاب الجهاز في هذي النواحي..

أتفق معك..
للأسف المراجعين أو المحررين ..
يقيمون أجهزة الكنسول في جيل واحد رغم انه قدرات الأجهزة مختلفة عن بعضها (ولو أختلاف بسيط نفس ما حدث في البلاي ستيشن2 في بعض مكتبة ألعابه) الوي لازم يكون استغلال الجهاز بأعلى قدراته علشان التقيم يكون مرتفع..
الشي الوحيد اللي اشوفه في المراجعة على انه صحيح انه اللعبة على نفس المنوال الأجزاء السابقة.
بس الشي الوحيد المحزن للأسف, الجيم بلاي و الجرافيكس والأصوات ومتعة اللعبه في جهاز مختلف كلياً عن باقي الأجهزة من ناحية الأفكار
ومع ذلك أخذت تقييم منخفض ؟؟!
يعني ممكن نقدر نقول انه سوبر سماش في منطقة خطر!!
بس طول عمري ما أخذ بالتقيمات فقط أخذ الاراء والنقد
في ألعاب كثيره تقيماته منخفضة بس أعجبتني .
نفس لعبة P.N.03 من كابكوم على جهاز الكيوب اللعبة أعجبت الكثيرين رغم تقيماتها..

 

[DeaDMaN]

شباب احكموا على قدرات الجهاز و على قدرات العاب نينتيندو من ألعاب الجيل الثاني .. الحين بدري على اننا نحكم على هالحاجات .

يعني ممكن نقدر نقول انه سوبر سماش في منطقة خطر!!

No way ... لو المسألة مسألة مستوى اللعبه .. لأ , مستحيل يكون مستواها في خطر .

لكن لو مسألة تقييمات .. هي Already أندرريتد من الواقع "تلاقيه لعبها 3 ساعات ولزق لك تقييم" فـ مابتفرق .

 

[AMOR]

غالباً باخذه, تقييم جيم سبوت منطقي اما اي جي ان انطباعاتهم من أول سيئة و يحبون يخسفون الالعاب اللي مايحبونها :/.

لكن لو مسألة تقييمات .. هي Already أندرريتد من الواقع "تلاقيه لعبها 3 ساعات ولزق لك تقييم" فـ مابتفرق .

ههههههههههه من جد, سماش اكثر سلسلة فايتنج اندرريتد من المواقع 🙂.

 

[itachi]

ليش ما فيها أونلاين 🙁 ...والله كان قمه الحماس حتى لو ما كان الجرافيكس قوي
بس أهم شئ فيها متعتها في اللعب الجماعي ...وما يضرها شئ ثاني

 

[M 7 L]

ما راح أتعّب نفسي وأقول إن التقييم نازل والمفروض أحسن . . . . إلخ

هاذي " ماريو بارتي " عمري ما لعبت جزء إلا الوناسة والضحك والمسخرة على الآخر . . يعني ما عليه لكن شباب أتوقّع إن ماريو بارتي ماله داعي نتكلّم عن مستواها !

الشغلة إلي صحيح المفروض تتحسّن هي موضوع الـ MIDI Music هاذي فعلاً كان المفروض تتحسّن ! والأون لاين لو كان موجود كانت إضافة جبّارة فعلاً للعبة ولكن . . . حكمت ننتندو ما ندري عنها :\

وإن شاء الله راح تكون من ألعابي الجايّة ( ماريو بارتي - واريو وير ) يا سلااااام , , ,

 

[Super Shadow]

صحيح أن ألعاب ماريو بارتي العيب الشائع فيها هو التكرار

بس تظل من أفضل ألعاب الجماعية :cooool:

بشتريها أول ما توصل ان شاء الله

 

[Khalid-S]

على الغالب هذا الجزء اساسا كان مطور على الكيوب لان من فتره ما شفنا جزء للكيوب (قبل ما ينزل الوي) وتم نقله مع كم لعبه اخرى (كيربي اندفنتشر و دي كي جيت وزيلدا) والشغل كان سريع جداَ عليها عشان تكون لعبه صيف ..

لكن ما همني بقوه .. اكثر جزء العبه الى الآن واضحك وانا العبه هو اقل جزء عطوه تقيم .. مع ماريو بارتي ماعندي شي اسمه ريفيوز.

اعتقد ماريو بارتي 10 بيكون بقدرات الوي (عشان الرقم لول)

 

[hussien-11]

تقييم سبوت على الأقل يدلل انه اللعبة مو أقل مستوى من أجزاء الكيوب ، و صراحة التكرار مع انه عيب لكنه مستحيل يمنعني من شراء اللعبة ، ما في لعبة تجمعت عليها مع الأقارب و الأصدقاء و ضحكتني و سلتني مثل ماريو بارتي ، استخدام الوي موت + البوردز الجدد شكلهم روعة + ماريو بارتي جديدة و أول ماريو بارتي للوي = مست بالنسبة لي

أخ هارتلس ، بالنسبة لسالفة الميدي و زيلدا ، بسألك سؤال واحد ، انت لعبتها أصلا ؟ اذا لعبتها مستحيل تشتكي من ألحانها لأنها خرافية ! يكفي لحن الهايرول فيلد الخرافي يحسسك بأنك بفيلم لورد اوف ذا رنجز

أما انتقاد الجرافيكس و الأصوات في ماريو بارتي ، فأقول مو هذي اللعبة اللي الواحد يتطلع على التقنية الي فيها ، مثلها مثل واريو وير ألعاب قمة في المتعة و الإدمان
​