hits counter

تقارير : سوني ستصدر PSP مطور في النصف الثاني من هذا العام

Humam

Humam

True Gamer
Sources: Sony to adopt NAND flash in PSP
Josephine Lien, Taipei; Emily Chuang, DigiTimes.com [Monday 20 February 2006]

According to market sources, Sony plans to release a version of its PSP (PlayStation Portable) using NAND flash from Samsung Electronics in the second half of this year.

The PSP will feature 8GB of NAND flash, the sources stated.

Although recent reports stated that Sony would opt not to use NAND flash in the next version of its PSP, and would instead use a microdrive, the sources indicated that Sony was stalling to negotiate better pricing from Samsung.

When rumors circulated on February 16 that negotiations had broken down between Sony and Samsung, spot prices for 1Gbit and 2Gbit NAND flash dropped 5.3% and 3% in one day, according to the Chinese-language Economic Daily News (EDN).

Deutsche Bank was also cited by the report as commenting that the failure of Samsung and Sony to reach a supply agreement will suppress NAND flash prices further and push oversupply to 10% this year.

According to data from DRAMeXchange, 8Gbit spot prices have fallen from US$39 to US$34 since Chinese New Year, while prices for 4Gbit parts have fallen from US$23.36 to US$16.60
أنقر للتوسيع...

http://www.digitimes.com/bits_chips/a20060220PR205.html

التقارير تقول إن سوني راح تصدر PSP مطور في النصف الاثني من هذا العام يحتوي على ذاكرة داخلية بسعة 4 و 8 جيجا بايت .. لكن التقارير الآن متضاربة حول ايش هي الذاكرة الي راح تستخدمها سوني, الخبر في الأعلى يقول ان سوني كانت تتفاوض مع سامسونج لاستخدام الNAND Memory الي تصنعها, نفس الذاكرة المستخدمة حاليا في الiPod Nano لكن يبدو ان المفاوضات فشلت للاتفاق على سعر مناسب..

في حين ذكرت تقارير أخرى ان سوني راح تستخدم Microdrives ( مثل المستخدم في الiPod Mini ) لخفض التكاليف خصوصا ان سوني لديها خط تصنيعي للMicrodrives من شركة هيتاشي Hitachi..

الخبر هذا مو أول مرة يظهر على السطح, والكل يتذكر كلام كين كوتراجي بإنه يتمنى إضافة قرص صلب للجهاز في المستقبل .. ومع ظهور التقارير .. أعتقد الأيام راح تكشف صحة هذي الأخبار .

بالنسبة لي أتمنى تصبر بقوة, البعض يقول ان نقطة ضعف الPSP هي سعة الذاكرة, 8 جيجا بايت و4 جيجابيت + فتحات ميموري لمزيد من التوسعة أعتقد أفضل فكرة على الإطلاق لجهاز محمول لأنه بكذة راح نحصل على توازن ممتاز بين السعر والذاكرة..

لو صحت الأنباء .. أتوقع الPSP مع ظهور المزيد من الألعاب له مبيعات راح تتفجر بشكل صاروخي.. سوني سويها بليز أنا أول واحد راح اشتريه 🙂
 
المناقشات سمعت عنها كثير !! اتمنى تنتهي برضى الطرفين ..سوني معروف عنها العناد -_-" !!

لو ينزل واحد مطور ... بسعر شو اعلى عن الموجود الحين ..يكون ظربه قويه ..بس لازم العادي ينزل سعره شوي 🙂

بس اتمنى يراوونا كيف بيطوروا في شكل الpsp صح ..الحجم مناسب جدا ! واحس مستحيل يتحسن !

البطارية لازم تكون اقوى عن اللي نزلت من فترة ..اللي اقوى عن البطارية العادية ب 30 % !!

ولو انه تتميز بسرعة التعبية !! والله اعبي الpsp مرتين والds بعدها ما تخلص !!
اللايت قلل الفارق 🙂
 
لول فعلا انا امس قعدت افكر اذا سوني بتطلع PSP2 أو PSP مطور كيف شكله بيكون.. أحس الشكل الحالي فعلا Perfect .. لذلك أعتقد التغييرات ( اذا في تغييرات ) بتكون بسيطة يعني شوية رتوش ..

بالنسبة للسعر, أعتقد سوني تحتاج بقوة إنها تخفض سعر الجهاز حتى ترفع من اليوزربيس, بس الموديل الجديد أكيد اذا ماكان سعره أغلى بيكون نفس السعر, وما اعتقد سوني بتخلي الموديلات القديمة لأن هذا راح يخلف نوع من التضارب عند المستهلك.. الموضوع يبدو إنه معقد لكن ننتظر ونشوف.
 
السلام عليكم :

اذا سوني بتنزل psp مطور

بالنسبة لي ما راح اشريته الا اذا :

1- بطارية اقوى
2- D-pad

غير جذي ما افكر اشتريه
 
الجهاز الحالي رائع لكن ينقص العاب ثم العاب وايضا بتري اقوى وما اعتقد بيكون في تغيير فالشكل لان شكله الحين حلو بس اذا في اضافات يمكن يكون افضل ..
 
أتوقع بقوة اصدار نسخة مطورة , المساحه + البطارية يحتاجون تطوير و يصير بيرفكت , أعتقد مع اصدار الجديد بينقرض القديم , و السعر ماراح يتغير " نقول ان شاء الله ما يرتفع " , بالانتظار .
 
الحمدالله ما اشتريت البورتبل !!!

راح أنتظر حتى أسمع أخبار مؤكدة عن النسخة المطوره .
 
مساكين اللي اشتروا البي اس بي والدي اس
كلهم طلعوا لهم نسخ مطوره وهم جلسوا بأجهزته
هذا اللي يستعجل الصبر زين 😛 << بعض المرات كونك طفران أمر زين 🙂

ننتظر معرض E3 أكيد بيتكلمون عنه هناك..
 
الانذال p: ... ينتظروني اشتري الجهاز عشان يعلنون عن الخبر .... عالعموم اكثر شي مخوفني هو تغيير الشكل
 
اشوى اني ما شريته لسه..ان شاء الله يكون تغيير الشكل وكل شيء..

لكن بخصوص الذاكره فما يهم من اي شركه ..المهم السعر..لازم ينزل سعر القديم والجديد نفس سعر القديم..هذي السياسه هي احلى شيء لوضع سوني..
 
الأخبار ازدادت, مصدر مجهول زود موقع PSPworld ( أضخم موقع مهتم بالPSP على النت ) بمعلومات جديدة :

- 4 جيجابايت NAND Flash Memory راح تكون في الموديل الجديد بدلا من ال 8 جيجا.

- راح يكون مزود بكاميرا رقمية تكون تحت شاشة الPSP مباشرة ( مكان شعار الPSP الحالي ) من نوع MotionEye الموجودة في بعض لاب توبات VAIO وبعض جولات سوني إيريكسون.. وظيفة الكاميرا التقاط الصور, الفيديو تشات, عمل ستريمنج للفيديو للبلاي ستيشن 3 مباشرة عبر الWi-Fi.

- الموديل الجديد راح يتوفر باللون الأسود, الأبيض و الفضي.


مازالت اشاعة.. وصراحة ما اعرف اذا صحيحة كيف سوني راخ تقدر تحافظ على سعر الجهاز الحالي في الوقت الي المفروض يكون سعر الجهاز ينخفض.. الظاهر كلام جرايد.
 
كاميرا ؟ ما أتوقع سوني بتصدر PSP جديد بمزايا " مكلفة " جديدة , الا اذا كانوا بيرفعون السعر , و وقتها بيكون أكبر خطأ تعمله سوني بحق الجهاز , الي من المفترض يقل سعره لزيادة النجاح .
 
الكاميرا الكل تكلم عليها ، والظاهر بتكون من اكسسوارات الجهاز ( ممكن تركب في فتحة ال mini USB ؟ )
 
لو عملتها سوني بجد راح أحقد بقوة .. لما اشتريت الدي اس ما قعدت إلا فترة بسيطة وأعلنوا عن الدي اس لايت .. والحين ما لي حوالي أسبوعين أو أكثر شاري البي اس بي وبيصدرون نسخة مطورة ؟ .. آخ ياقلبي .. ليش أنا حظي منحوس كذا ؟ p: .. لول .. الجهاز الحالي أشوفه ممتاز جداً .. والله يستر من الإصدارة المطورة .. لكن إذا ثبتت الكاميرا والحاجات الثانوية هذي راح نضمن قفزة جديدة في سعر الجهاز !! .. وهذي أكبر غلطة لو عملتها سوني !
 
الحمد الله .. إلى الأن ما أخذت الـ PSP .. بس أخذت الألعاب إلي نفسي فيها .. ميتل جير أسيد و غيرها ..
و أنا من أشد المؤيدين للنسخ المطورة من الأجهزة .. و على فكرة أنا رمين الدي إس لأخواتي الصغار .. تراهم فرحانين و قالبين البيت ..
بس شكلهم رح يهجدو لما يشوفوا الليت 🙂
نرجع للـ PSP .. أتمنى من سوني إنها تراعي التصميم .. الألعاب .. السعر .. المواصفات ..

بس ..
 
يجب تسجيل الدخول أو التسجيل كي تتمكن من الرد هنا.
عودة
أعلى