تفكيرك وانت في طفولتك ؟؟؟

[iCon]

انا كنت دايما اشوف الشارع العام جدام بيتنا و اتسأل وين تكون نهايته .. يعني ينتهي في حفرة و لا في يدار و لا كيف
!!! تخيل غبي ادري 🙂 بس هذا اللي تذكرته الحين

 

[m7tram]

-

- مين فيكم و هو صغير اذا كان يمثل انه ميت يطلع لسانه ؟!؟!؟ 😀

لووووووووووووووووووووووووووووووووووووووووووووووووووووووووووول انا .

 

[53]

لول انا بقول شي ولا مره قلتله وتوني اتذكره .
لمن كنت بأولى إبتدائي كان فيه واحد كله يطق الطلبه وشيطان إسمه على ما اعتقد أحمد "غلوم" لول, كان راسه شوي صاير طوالي ههههههه , كنت أتخيل إن راسه يتبطل وداخل راسه فيه "أقلام" لوووووووووووووووول. لان إسم أبوه غلوم. استغفرالله والله كنت مو صاحي. :]

 

[Naif]

جبل حفيت (مدينة العين)
كنت دايما استغرب كيف الليتات معلقة و ما تطيح.. و كيف السيارات تقدر تروح فوق.. و لين الحين مستغرب لوول (ولا مرة رحت فوق بسيارتي P: )..

 

[BioMario]

هههههههههههههه رهيب عزوز ..

كان تفكيري يوم كنت صغير ان الحرمة كل ما تاكل وايد كل ما تولد اطفال اكثر ..
يعني :-

أكل كثير = ولادة طفل ..

لول تفكيري غبي وايد كان لول ..

 

[Naif]

هههههههههههههه رهيب عزوز ..

كان تفكيري يوم كنت صغير ان الحرمة كل ما تاكل وايد كل ما تولد اطفال اكثر ..
يعني :-

أكل كثير = ولادة طفل ..

لول تفكيري غبي وايد كان لول ..

لوول بخصوص كيف الاطفال ييون.. انا كنت اعتقد انه في شي له دخل في خواتم الزواج.. يوم يحطون الزوجين خاتمين الزواج تقدر الزوجة تجيب اطفال..

 

[Snake-87]

* كنت اتخيل اني أصيد حوت ببكرة خيط والطعم قلم رصاص عليه سلاحف النينجا (متأثر بالصياد الصغير)
* أتخيل انه صلاة المغرب كانت بوقت معين علشان لما نطلع من المسجد نلقى الدنيا ظلمة .. (مو مستوعب انه تغيب الشمس على البطيئ)
* كنت أتخيل انه حياتي كلها حلم أو غيبوبة (متأثر بكابتن ماجد لما يكون بالمستشفى ويحلم مليون حلم) .
* كنت أتمنى لما اكبر اشتري باص لأنه أكبر شي xD ولكن كنت افكر انه الموقف ما يكفي له فكنسلت الفكرة .
* كنا ساكنين بدور أرضي أجار لما كان عمري 6-7 سنوات تقريبا .. وفي فوقنا مؤجرين .. احيانا وانا بفراشي اسمع اصوات قوية (ركض ياهال فوقنا) اتخيل انه ديناصورات ياية بتدخل الكويت -_-" . (متأثر بفلم رسوم متحركة ديناصورات يوزعونه مع هارديز او الأرنب الجائع ^^")

* لما ازعل مع اهلي وانا صغير ... اقول خلاص زعلت واورح افتح الكبت وآخذ لي شوية ملابس واقول خلاص بمشي عندكم بروح اسكن عند عمي (البيت الوحيد إلي ادل طريقه

) .
* كان ودي اشتري لعبة Buzz مالت توي ستوري .. كنت اعتقد انه فعلا لو اقطه من فوق راح يطير ... (أسكر الباب ) واطل من تحت الباب اشوف راح يتحركون وإلا لأ xD .
*

كنت أتمضمض بالحليب ... عشان تستفيد أسناني من الكالسيوم :laugh:

قوة xD

مين فيكم و هو صغير اذا كان يمثل انه ميت يطلع لسانه ؟!؟!؟ 😀

:roll:

لوول بخصوص كيف الاطفال ييون.. انا كنت اعتقد انه في شي له دخل في خواتم الزواج.. يوم يحطون الزوجين خاتمين الزواج تقدر الزوجة تجيب اطفال..

:yuck: قوية
انا كنت اظن انه لما يصير زواج ... الله سبحانه وتعالى يخلي في بطن المرأة ولد .. ولما تبي تولد يقصون بطنها بعدين يخيطونه .

 

[aza619]

انا كنت اظن انه لما يصير زواج ... الله سبحانه وتعالى يخلي في بطن المرأة ولد .. ولما تبي تولد يقصون بطنها بعدين يخيطونه .

نفس التفكير .. حتى يوم ولادة البنت الاولى في العائلة كنت استغرب واقول كيف عرفو انها بنت (&) ؟

 

[Sky Walker]

اول كنت اخاف من الغسالة اذا قامت تشتغل .

اخاف من الـ " الاستحمام " لووول .

وبعض الساعات اذا مرت طيارة قريبة من منطقتنا اسمع صوتها واتخيله انه صوت الشمس لجات تنفجر واقوم اصيح اخاف انها تنفجر ونموت

.

انا كنت اظن انه لما يصير زواج ... الله سبحانه وتعالى يخلي في بطن المرأة ولد .. ولما تبي تولد يقصون بطنها بعدين يخيطونه

لووووووووووول كنت اتخيل ان العيال يشترونهم من محل خاص

خخخ يوم انا صغير سألت اهلي عن هالشي ودائماً يقولون لي : عييييييييييييييييييييييب لاتسأل مرة ثانية !

وانا استغرب ليش يقولون لي لان تفكيري كان محدود حده

 

[Hardcore Gamer]

كنت دائما اتساءل ...

- لو طيار قام يطير ويمشي قدااام لا يمين ولا يسار يرجع نفس مكانه ولا يطلع من الكره الارضيه ...
- لو وحده ما تزوجت وكبرت .. هل بيجيها اولاد ؟ ((لانو كنت احسب انه فيه عمر معين تتزوج فيه الوحده ومن الله يجي ولد ... لكن تساؤلي لو ما تزوجت وش يصير؟))
- هل جدتي ام امي تعرف جدتي ام ابوي ؟؟ ،،، <----- ادري سقيمه لكن كنت اسال نفسي هالسؤال ..
- كنت داذما ابكي واقول لاهلي باغير اسمي ... ابيه يصير ماجد او فهد !! (( لان كان فيه واحد يضربني اسمه فهد اكبر مني بسنه فكنت اشوفه قوي ... فابي اصير قوي زيه ))
- كنت دائما اتساءل عن المستقبل .. واتوقع حياتي لين اصير شايب ... وكنت اتخيل بعد اشكال الناس الجدد اللي راح اشوفهم بعد سنه ،سنتين ....الخ
- ما ادري وش كنت احس فيه وقتها ... لكني كنت اتخيل شكل رب العالمين .. ((استغفر الله بس ...لكن هذا اللي كان يصير لما كنت 4 سنين يمكن ))
- مره سمعت انو ما يصلح الواحد ياكل سمك ومعه حليب ... فرحت اكلت تونه وشربت حليب علشان اغيب بكره عن المدرسه !!!
- وانا صغير كنت دايما اروح المستشفى مغذيات ووالخ ... كنت اتساءل ليش اهلي يودوني المستشفى بشكل مستمر ... لاني وقتها ما كنت ادري وش فيني ... كنت احس انو كل شي ماشي بسلاسه وما يحتاج اروح مستشفيات ...
- مين اقوى بابا ولا استاذ محمود (اللي يدرسني باول ابتدائي)؟؟
- ليش ما تصير المدرسه بالليل ؟
- كيف يعرفون انو المولود ولد ولا بنت ... ؟؟ بعدين قررت اني الاقي حل فاصل لهالسؤال ورحت سالت امي ..قالت لي ((الدكتور هوه اللي يعرف ))

 

[Ginko]

استغفر الله العلي العظيم، لكن فيه سؤال دائما كنت افكر فيه واتساءل عنه، وهو : اذا الله خلقنا، مين خلق الله؟ اذكر اذا قلته لناس في المدرسه يصنمون لول.

 

[Lunar Poet]

- بخصوص الإنجاب، كان علبالي إن الرجال لمّن عطس تطلع مواد من خشمه، و عن طريق الهواء هالمواد تنتقل إلى المرأة فتتنفسها و تحمل لول. <--- هممم تفكيري كان منطقي نوعاً ما 😵 ..(لكن ما عمري فكّرت ليش هالمواد ما تروح لغير الزوجة خخخخ).

- سابقاً في الليل وقت النوم كنت أخاف أروح للمطبخ، كنت دايماً أتخيّل إنّ بيجوني بطاريق عليهم ملابس شرطة و بيسجنوني أو يقتلوني

.

- لمن ضعت عن أهلي في مكان (مجمّع مثلاً) كنت أقرر إني خلاص إذا ما لقيت أهلي بعيش في هالمجمّع، و كنت دائماً أخطط شلون بعيش في هالمجمع (طبعاً ما كان يحتاج أفكّر إذا ضعت في بقّالة خخخ).

- كانت دايماً تراودني شكوك هل أنا فعلاً ابن أمي و أبوي أو لأ :slant:

- كنت أتخيّل إبليس بشكل الكلب اللي في توم و جيري (في الحلقة اللي يطلع فيها على إنّه هو..) خخخ.

- كنت لمّن سمعت عن الكفّار أتخيّلهم على انهم ناس قرعان لابسين ملابس كاراتيه خخخ..

همم هذا اللي في بالي حاليّاً ..

 

[hamad 11]

انا فيه شي كنت اسويه من بين كل الأطفال..

احد يعرف الرجال الى يجي معاه الرشاش الى يطلع دخان عشان يقتل الحشرات في الحارة؟؟

لول انا كنت انطره خارج البيت كل أسبوع.. خخخ عارف وقته واليوم بالضبط, وأول ما يجي اركض وراه واحاول "امسك" الدخان.. حتى الرجال كان يضحك علي.

لين مرة واحدة دخت من كثر ما استنشقت الدخان خخخ.

 

[Genya Arikado]

كنت أفكر أني لما ألعب ستريت فايتر، إنترنيشنل سوبرستار سوكر، و ماريوكارت و باقي الألعاب الملتي بليير بذاك الوقت - كنت أفكر أني لما ألعبهم على السنغل بليير ألعب مع أحد من أقاربي عبر الإنترنت! ماكان يجي ببالي أني ألعب مع الكمبيوتر، و لما أخواني قالوا لي أني ألعب مع الكمبيوتر قلت لهم طيب وين الكمبيوتر اللي أوصله بالسوبر ننتندو!

 

[SALAH]

BTW كم واحد كان مثلي يفكر انه الشمس وقت الغروب بتغوص تحت البحر وترجع تطلع الصبح ؟ :bigSmile:

- سابقاً في الليل وقت النوم كنت أخاف أروح للمطبخ، كنت دايماً أتخيّل إنّ بيجوني بطاريق عليهم ملابس شرطة و بيسجنوني أو يقتلوني

.

هههههه مثلك بالضبط , بس مش بطاريق عاد مصختها -_- ..انا كنت اخاف من الأشباااح :sealed:
قمة الرعب والهورور بطفولتي كانت لما أصحى بالليل والبيت كله نايم ..ايش يخليني أنام وتفكيري مركز على الشبح تحت سريري ؟!! :cryy:

كنت كمان أخاف اروح الحمام بالليل ..لأني كنت اخاف من الغسالة و اتخيل يكون فيه ديناصور من الرجل الحديدي داخلها :yuck:

ههههههههه أقسم بالله أخطر انواع العبط بهالموضوع XD

 

[Nyx]

خخخخ كل اللي أتذكره إني كنت أبغى أسير عالم وأسوي جيش روبوتات أحرر فيه فلسطين P:

استغفر الله العلي العظيم، لكن فيه سؤال دائما كنت افكر فيه واتساءل عنه، وهو : اذا الله خلقنا، مين خلق الله؟ اذكر اذا قلته لناس في المدرسه يصنمون لول.

خخخ نفس الشي , وكنت دايما أتسائل إذا دخلنا الجنة مابيجي يوم نمل منها .

 

[Emirates]

هههههههه

موضوع فنان يا عزوز

انا يوم كنت صغير كنت اتحسب انه ابوي اللي في بيتنا انه هو محمد صلى الله عليه وسلم << بحكم انه اسمه محمد .. لين ما هزبني وفهمني الموضوع

وايضا كنت اخرط على اخواني وربعي يوم نتابع الرسوم خصوصا توم اند جيري .. اخليهم يسكتون على شان ما تنتهي ... المصيبه انه مره سكتنا وخلصت الرسوم .. وقلت انه خلص الشريط عندهم في التلفزيون خخخخخخ

 

[hamad 11]

انا يوم كنت صغير كنت اتحسب انه ابوي اللي في بيتنا انه هو محمد صلى الله عليه وسلم << بحكم انه اسمه محمد .. لين ما هزبني وفهمني الموضوع

اوه ماي جاد

.

 

[Ash Storm]

انا يوم كنت صغير كنت اتحسب انه ابوي اللي في بيتنا انه هو محمد صلى الله عليه وسلم << بحكم انه اسمه محمد .. لين ما هزبني وفهمني الموضوع

قوية :yuck:

 

[Snake-87]

^
اسمع عيل :
اختي الصغيرة : جدتي لحقت على الرسول ؟

 

[Mista Koo]

هههههههه صراحة الردود رهيبة xD

أنا كنت أتخيل كثير من الأحيان إن الأحداث الحالية هي حلم (خصوصا لما نكون مسافرين أو صار حدث غريب أو كذا).. وأقرص نفسي عشان أتأكد إني مو قاعد أحلم <<هذي ماخذها من مجلة ميكي طبعا
كمان أحيانا كنت أتخيل إن حياتي بكبرها حلم وأنا أصلا ولد ثاني أصلع (ما أدري ليش لازم أصلع -__- ) من دولة ثانية وديانة ثانية وما لها أي دخل بحياتي الحالية
وأحيانا كنت أتخيل إن العالم كله ما فيه إلا أنا.. والناس الموجودين ربي يتحكم فيهم بس عشان يختبرني >.>

صاحبي كان يحسب إن الكعبة عايش داخلها الملك فهد الله يرحمه xD استغفر الله
للأسف ما أتذكر أشياء كثير ._.

- مين فيكم و هو صغير اذا كان يمثل انه ميت ما يطلع لسانه ؟!؟!؟ 😀

فكسد لول.. الحين أشوف أطفال عمرهم حول السنتين يسوونها >.>

BTW كم واحد كان مثلي يفكر انه الشمس وقت الغروب بتغوص تحت البحر وترجع تطلع الصبح ؟ :bigSmile😀

إنت رهيييييييييب xD

 

[Justice]

كمان أحيانا كنت أتخيل إن حياتي بكبرها حلم وأنا أصلا ولد ثاني أصلع (ما أدري ليش لازم أصلع -__- ) من دولة ثانية وديانة ثانية وما لها أي دخل بحياتي الحالي

الماتركس على غفلة😛

 

[Khalid-S]

كنت ولازلت مقتنع ان الاحلام الي اشوفها في المنام هي نظره للمستقبل.

 

[Zero]

ببساطة الموضوع أسطوري ! ، دخلته أكثر من مرة وكل مرة أجي أبغى أرد أنسى ويش اكتب ، عموما أنا عندي تخاريف كثيرة لا تعد ولا تحصى ولحد اليوم عندي أفكار غبية ، عموما راح أحط اللي اتذكره :

-كنت في الليل قبل النوم ، أخاف أحط رجلي على الأرض ولما أبغى أقوم أقفز بعيدا عن السرير ، أخاف الوحوش اللي تحت السرير تطلع أيديها وتسحبني لوول ! .
-كنت أفكر أننا نقدر ندخل داخل التلفزيون لو كسرناه ، وكنت اتمنى أسويها لما يطلع مسلسل كرتوني أحبه أو برنامج أحبه .. إلخ بس لو سويتها أخاف أدخل ولا أقدر أرجع ! .
-كنت أسمع عن سوريا ، مصر ، أمريكا .. إلخ كنت أحسبهم أماكن أو مدن في السعودية وأن السعودية هي العالم بكبره .

خخخخ كل اللي أتذكره إني كنت أبغى أسير عالم وأسوي جيش روبوتات أحرر فيه فلسطين P:

-لووول كنت دائما أتخيل نفسي ننجا أو محارب قوي يقدر يهزم العالم بكبره لوحده ، علشان أحرر فلسطين .
-كنت مغرم بلعبة توني هوك وأتذكر مرة كنت مسافرين وكنت أنظر إلى أسلاك الكهرباء على جانب الطريق وأتخيل نفسي أتزلج عليهم وأسافر فوقهم وطول الطريق أسوي حركات >___> .
-كنت أشوف ناس وأعرف أشكالهم .. صغار وكبار ولكن ما أعرف أسمائهم ، فكان كل واحد أعطيه اسم بيني وبين نفسي لوووول ، المشكلة أنها أسماء غبية وغريبة ودون معنى ، اتذكر واحد كنت اسميه فاذر طبعا زي ما قلت بيني وبين نفسي ووقتها ما كنت أعرف معنى الكلمة أصلا ولا أدري من وين جبتها ! وطبعا في غيرها من الأسماء وللآن أتذكر الناس بسبب حركة الأسماء هذه .. أنصح بها XD .
-كنت دائما أتخيل المسافة بين بيتنا وبين بيت عمي قصيرة ( وهي قصيرة فعلا ) ونمشي بخط مستقيم حتى نوصل ، أتخيل الدنيا كلها رمل أبيض "وقواقع ومحار" وما في إلا بيتين وباقي المكان عبارة عن رمل ، والسبب أن بيتنا في منطقة على البحر وهي جزء مدفون منه والآن ما شاء الله صارت حي والمكان مليان بيوت .
-ولد جيرانا مع أنه أكبر مني بسنتين إلا أنه كان أعز أصحابي وعنده أخو أصغر منه بسنة ، أول ما سكنا ما كان في غيرهم إلا قليييل بالحي ، المهم كان يقول لي أشياء وأنا أصدق .. مثلا نظارته تطلع نور في اللي إذا ضغط على مكان معين فيها ، وأحيانا يسوي نفسه مثل الوحش ويقول انتبه لا أتحول للشخص الثاني .. كان يخوفني لوول .
-أنا وأختي ( أكبر مني بسنة ) كنا نلعب وأحنى صغار ، وكنا نقول عن نفسنا فلان الحقيقي وفلان "اللعبي" ( الغير حقيقي ) المهم أحيانا تخدعني تخوفني وإلخ وتقول لي أنها "اللعبية" وأحيانا العكس ، وأحيانا "اللعبيين" يجتمعوا ، وبعد فترة نقول خلاص رجعنا للحقيقيين ، الجدير بالذكر أننا لما نصير لعبيين نحط فوق راسنا قطعة قماش كبيرة شفافة ونمشي داخلها XD .

الطفولة شيء جميل والأطفال خيالهم واسع ، لو تذكرت أشياء أكثر احتمال أرجع للموضوع .
شكرا بو لارا .

 

[Genya Arikado]

كنت ولازلت مقتنع ان الاحلام الي اشوفها في المنام هي نظره للمستقبل.

الغريب أن لليوم هذا أكثر من 80% من الأحلام اللي أحلمها تتحق على أرض الواقع.

 

[Lunar Poet]

هههه، سابقاً القنوات في التلفزيون كانت أغلبها بأسماء دول (قناة السعودية قناة الامارات قناة الكويت الخ)، أذكر مرّة جابوا اعلان لمجمّع في الـMBC، أخوي لما شاف هالإعلان قال "احنا رحنا هالمجمّع من قبل". اختي الصغيرة " 😱 انتوا رحتوا الـMBC ؟!؟!"

 

[Genya Arikado]

^ هههه ذكرتني، كنت أظن أن سبيستون اسم لدولة أفريقية. للحين محتار، سبستون بحرينية ولا سورية؟

 

[Mista Koo]

-كنت مغرم بلعبة توني هوك وأتذكر مرة كنت مسافرين وكنت أنظر إلى أسلاك الكهرباء على جانب الطريق وأتخيل نفسي أتزلج عليهم وأسافر فوقهم وطول الطريق أسوي حركات >___> .
-كنت أشوف ناس وأعرف أشكالهم .. صغار وكبار ولكن ما أعرف أسمائهم ، فكان كل واحد أعطيه اسم بيني وبين نفسي لوووول ، المشكلة أنها أسماء غبية وغريبة ودون معنى ، اتذكر واحد كنت اسميه فاذر طبعا زي ما قلت بيني وبين نفسي ووقتها ما كنت أعرف معنى الكلمة أصلا ولا أدري من وين جبتها ! وطبعا في غيرها من الأسماء وللآن أتذكر الناس بسبب حركة الأسماء هذه .. أنصح بها XD .

نفس الشي هنا.. كنت أسوي هالحركتين بالضبط
اللي أتذكره إني كنت مسمي واحد من الجيران ما أعرفه طلال.. وواحد من المدرسة "نقمة" xD استغفر الله ما أدري ليش >.>

 

[DeaDMaN]

في حديقه بيت خالتي كان في دجاج , كان مدفون جنبهم عظام خرفان"مادري لو كان في خرفان من قبل" .. , انا و ولد خالتي يوم من الايام قلنا بنحفر حتى ندور عن صدف او كنز .. وفجأة لقينا عظام ضخمه !, اكتشفنا بأنها عظام ديناصورات و قررنا نحفر كل المكان ونحاول نركبهم... لما غربت الشمس رحنا "فرحانين" نقول لخالتي : ... حصلنا في الحديقه عظام ديناصورات !! .. هههه طبعا ً هي ضحكت و قالت لينا بأنهم عظام خرفان .. و ماتذكر ايش صار , اتوقع رجعناهم ودفنناهم من جديد -__-

 

[s3rorh]

سبستون بحرينية ولا سورية؟

أحم أحم أحممم ســ أحم احححححح ..... كح كح كحححححححححح سـوريـــ كحححححح ... حم حم أححححححححححح <<<<< متوهق , مو ناوي ينكشف أمره .. بأنه متابع للقناة
بعطيك hint ... دعايات فلة و بسكويت الويفر لسلاحف النينجا وبوضه حمزة و عبدالباقر .... الممثلين ( البزران ) ألي يمثلون هالدعايات ... اشكالهم توحي بانهم من أي دولة ؟