تفكيرك وانت في طفولتك ؟؟؟

[Tomb raider]

السلام عليكم ورحمة الله وبركاته !!

من زمان وانا ابغي اكتب هالموضوع ودايما اتعايز -_-
عموما السالفه ومافيها ان كل واحد يقول كيف كان تفكيره يوم صغير .

انا ببدأ !!!

لما كنت صغير كنت احسب ان لما نسافر ان الطياره تجي عند البيت ونركبها ونسافر .
ههههههههه ما ادري شو باص :/ طبعا قبل ما اجرب السفر !
في اشياء وايد بس ما تحظرني حاليا احاول اتذكرها وبعدين اكتبها !
في انتظاركم D:


​

 

[Da S.O.S]

على طاري الطيارات .. كنت دايما اتسائل كيف ووين يسوون الأكل بالطيارة؟!
الين ما ولد جيراننا الي كبري قال لي انه في طباخ فوق بالسما بس تطير الطيارة هو يدخل ويعطينا اياها !

 

[Tomb raider]

ههههههههههههه طباخ بالسما لوول !!

 

[Xeno]

واو... كنت جاي أقول حقة الطيارة, صدمة يوم أدخل وأشوف صورة طيارة قدامي لول.

 

[G7Ga7]

هههههههههههه

موضوع رااائع 5/5 🙂

لول تصدق اني افكر افتح موضوع بهالفكرة من حوالي 3 أو 4 سنوات P:
( لا تسألني ليش ما كتبته -_-" )

الموضوع هذا يبيله تنقيب في الذاكرة واستخراج الافكار الخرافية 😛

 

[Ash Storm]

كانت عندي افكار غريبة لول, منها:
- ان الحليب يجي من الأبقار, تمام؟, و الشاي بحليب يجي من الخرفان! خخخخخخخخخخخ!

- الكركادي = عصير دم! لول :yuck:

و اشياء ثانية كثيرة ما اذكرها لول P:

 

[Bounty]

كنت اتخيل اني اقدر اتواصل مع العصافير بالكلام XD

( بثانيه ابتدائي كنت اكره الرياضيات -ليلحين اكرهها - .. كنت اقول حق الاستاذ بروح الحمام -عزكم الله- .. و اروح اشوف العصافير واحاول اتواصل معاهم ) .. لول

 

[Tomb raider]

زينو سبحان الله مو بس انا كان تفكيري........

جحجاح يعني سبقتك خخخخخ ننتظر نتائج التنقيب في الذاكره لول

----------
آش ستورم والشاي ههههههههههههههه اهم شي ابغي اعرف تفكير اخوك هههههههه

 

[Lone Wolf]

وعليكم السلام ورحمة الله و بركاته

موضوع رائع^^

وانا صغير لما ادخل الحمام في الطيارة كنت اقول لما نبول البول يطلع من تحت الطيارة ويطيح على الناس (وانتوا بكرامة)

لوووول وكنت اقول شلون يسوون الملك شيك يخظو البقرة هههههههههههه والله ايام

 

[pacino]

دايما كنت افكر ..متى يخلص الورق إلي بالتلفزيون!!!!!!

 

[persona]

based on true story of mine

المدرس: خالد شنو بتشتغل اذا كبرت؟
خالد: لاعب كره قدم عشان اروح اباري الكابتن ماجد واغلبه مع بسام
المدرس: what the..

 

[Bounty]

لول وناسه .. تذكرت شي .. كنت اتخيل مسلسل كرتون\بباي كامل من اخراجي و تخيلاتي .. كنت اتخيل ان عندي جراندايزر .. إلخ ..

لول ياحلوها من ايام

 

[Lone Wolf]

المدرس: خالد شنو بتشتغل اذا اشتغلت

لووول خالد شكله المدرس فاقد فيك الأمل انك تشتغل "شنو بتشتغل اذا اشتغلت"

المفروض يقول اذا كبرت :yuck:

 

[SALAH]

ههههههه عليك أفكار بصراحة XD


كان عندي حماقات صاروخية بطفولتي , امم خليني اتذكر ..

أذكر بطفولتي كنت كثيير أتمنى يكون عندي رعد العملاق خاصة جهاز التحكم فيه , ياخي كان شكله رهييب :yuck:

و احلى شي ونحن اطفال , تلاقي الواحد فينا يحلف بالله انه شاف السنافر بالحديقة جنب بيته :roll:, واللي يقلك شاف بيت من بيوت السنافر << فطر -_-

خخخخ اللي يذكر منكم جونكر , فيه حلقة بكون المدمر 1 والمدمر 2 متنكرين على شكل بشر ويسيطروا على الناس , مرت علي فترة أخاف أمشي بالشارع لايكون المدمر 1 منهم :yuck: !

 

[Zeyad]

ههههههه عليك أفكار بصراحة XD


كان عندي حماقات صاروخية بطفولتي , امم خليني اتذكر ..

أذكر بطفولتي كنت كثيير أتمنى يكون عندي رعد العملاق خاصة جهاز التحكم فيه , ياخي كان شكله رهييب :yuck:

كنت مثلك واتخيل نفسي بعد الروضة والابتدائي راح أبني قاعدة مثل قاعدة غرانديزر واحارب بس مين احارب الله اعلم

وكنت أوزع المناصب على زملائي وهم يصدقون والمناصب الحساسه كنت اعطيها لعيال عمي

 

[REDFOX-ZERO]

صراحه موضوع عجيب ^^.

تفيكري يوم كنت صغير شلون المره تجيب عيال .......................... عبالي من عالم ثاني نطلع ولاكن بعدين اكتشفت شلون المره تجيب عيال ^^.

وثاني ......................... لا مات الواحد وين يحطونه اكيد بالقبر بس خالي يقولي يدونه مدينه الترفهيه <tgman>

صج تعقيد ايام يوم كنت صغير ^^

وثالث كنت اتمنى انه يكون عندي فولترون حقيقي نلعب فيه انا وعيال الفريج بس على فكره كان عندي لعبة مهالت اهو وخوماسي .

اشتريته من الجمعية تعرفون قطيه الشباب بالعيد ^^.

هذى من المقهى الشعقبي الي عندنى وهم بعد في يوم العيد ^^.

ايام طفولة شي عجيب ^^.

 

[DeaDMaN]

كنت آكل سبانخ كل يوم ... و كنت احس نفسي أقوى , بس اكتشفت الحين ان بباي كان نصاب ويلعب بعقول الأطفال.:yuck:

 

[REDFOX-ZERO]

ههههههه عليك أفكار بصراحة XD


كان عندي حماقات صاروخية بطفولتي , امم خليني اتذكر ..

أذكر بطفولتي كنت كثيير أتمنى يكون عندي رعد العملاق خاصة جهاز التحكم فيه , ياخي كان شكله رهييب

[YOUTUBE]mGNf50c9h-w[/YOUTUBE]


😛

 

[Justice]

لووووووول انا كنت اتسائل اول كيف سوبرمان يقدر يطير وانا مااقدر لووول

 

[REDFOX-ZERO]

لووووووووووووووول صراحه كان في واحد من شباب يتسأل نفسك ....................... سوبر مان كان يطلع على سعودية ثانيه هذى اول ما ركبنة ستلايت ^^.

اعجوبه ^^.

 

[Colorization]

دايما كنت افكر ..متى يخلص الورق إلي بالتلفزيون!!!!!!

والله نفس الشي. ما اذكر شلون حطيت ببالي إنه اللي اشوفه اوراق، لكن اعتقد من خلال البرامج اللي توريك طريقة عمل "الرسوم المتحركة"، وكانوا يحطون لك slides رسومات تتحرك بسرعة وتطلع لك صورة متحركة، وفكرت إنه التلفزيون جذي بعد.

ما اذكر ولا شي بصراحة غير المذكور فوق برد باتشينو (ما اعتقد كنت بتذكره).

 

[Zulfiqar]

كنت أتمضمض بالحليب ... عشان تستفيد أسناني من الكالسيوم :laugh:

 

[Double T]

- كنت اتخيل جسم الإنسان فاضي و كل ما اكل يتعبا الين يوصل الفم ( اذا كثر الواحد ) و يستفرغ ( يرجع ) و انتوا بكرامة

- مرات انا و ولد عمي نبغى نصير اقوياء .. نقوم نسوي بوش اب و تمارين المشكلة ان بعد اول ربع ساعة كل واحد يوري الثاني عضلاته و نقول : ها كيف كبرت ؟!؟! و الثاني يرد ايوه خخخخخخخخخخخ 😀 .. طبعا وقتها ناكل الأكل و نتخيل ان مع التمارين يروح على طول على عضلات اليد !!!

- مين فيكم و هو صغير اذا كان يمثل انه ميت يطلع لسانه ؟!؟!؟ 😀

كل شويه قاعده يطلع شي لوووول

 

[Pichi]

لما كنت صغير.. كنت أتخيل العالم هو بس في المكان الي انا عايش فيه

 

[REDFOX-ZERO]

شباب كلامك غير ( منطجي )😛

تخيلات صعبة شويه ^^.

 

[sabre]

والله مشاركاتكم بتضحك

وأنا من جهة أخرى كنت أقول لأخوي الكبير : اسمع أقولك شيء أنا متبنى وأنت مو أخوي من أمي وأبوي
هو المسكين صدق وعلى طول خبر الوالدة وقامت تناقش الموضوع معي الزبدة أنا صرفتها بطريقة ولازلت وقتها مقتنع أني من أسرة ثانية!!؟؟ ولا عاد بعطي لأخوي سر مرة ثانية :yuck:

 

[s3rorh]

وأنا صغير ويا أخوي .. جبنا كرتون موز وفرغناه من المحتوى .. وبعدين حطينا رمل لغايه الربع .. بعدين فرشنا فوطه و بعدها جبنا بيضه و حطيناها بالنص و بدينا أنا وأخوي بتبادل الشفتات كل ربع ساعه .. بالرقود على البيضه .. سعياً لجعلها تفقس >_>... بالأخير (( بعد ساعتين )) البيضه ما فقست .. وتهاوشنا مع بعض وتوصلنا للسبب الذي منع البيضه من التفقس.. وهو
لأنه لكل منا كان يرقد على البيضه بطريقه مختلفه !!

 

[Tomb raider]

ههههههههههههههههههه في كللام يضحك هني !! منهم مارس و Double T

يالس احاول اتذكر -_-

 

[Super Shadow]

خخخخخخخخخخخخخخخخخخخخخخخخ

كنت أسأل نفسي

كيف الأمطار تنزل؟؟؟

كان على بالي أن السما تتثلج بشكل كامل و الشمس تذوب الثلج بالسما و ينزل المطر

خخخخخخخخخخخخخخخخخخخخخخخخخخخخخخخخخخخخخخخخخخ

 

[REDFOX-ZERO]

سوبر شادو ذكرتني بنكة كان يقوله لي خالي :

مره في المدرسة سأل المدرس طلبة قال في اي فصل ينزل المطر ؟

رد الطالب الكسول : قال في الفصل الي مافي سقف ^^.

انشاء الله ما تقون ملغية -__-"