mario0o
True Gamer
السلام عليكم ...شحالكم شباب وشخباركم
بدخل بسرعه.. بعد موضوع اخويه Super Sonic عن اللي يعرف يطبخ . وانا افكر اطبخ طبختي المفضله المعكرونة.. وانا معروف فالبيت انني احب الاكل الايطالي لووول
وقبل كم يوم قلتلهم فالبيت خلوني انا بطبخلكم .. بسويلكم معكرونة دياي .(اللي دايما اسويها وانا في الغربة). طبخت والحمدلله كل شي كان تمام... لوول كانو خايفين انني ما اغديهم 😛
صورت مراحل الطبخة.. عشان احطها لكم فالموضوع .. والطبخة تقريبا تكفي ل4 او 5 اشخاص ... (من الصور تحس ان الاكل شوي -قليل-, لكن هو اكثر !!)
بسم الله
المكونات
دياية كاملة -معكرونة- 3حبات طماط- بصلة وسط - قطعتين صغار ثوم - البهارات من ملح وكركم وفلفل اسود وبزار - الاضافات تكون مثل (البطاطا-المشروم-الخضار المثلجة-الذره) - معجون طماط
اول شي تطبخ الديايه في ماي(ماء) فيه شوي بصل وملح حتى تنظى(تنظج) تقريبا تاخذ ربع ساعه وطبعا لازم تشل الوصخ اللي يطلع فوق عالماي (اللي هو يطلع بسبب الدم)
ويوم تخللص ابدا افصل اللحم عن العظم...
...
وبعد ما تخلصون من الدياي. ابدو في نفس الوقت بطبخ المعكرونة في جدر(قدر) والصلصة في جدر ثاني..
المعكرونة ينضاف عليها الملح وشوي زيت (عشان ما تلتصق بعد الشخل (ممم بعد فصل الماي لول) .. والجدر الثاني طبعا نحط شوي زيت والبصل والثوم على نار وسط
...
يغطى جدر البصل فتره عشان يذبل (احسن من انه يحترق بسرعه) وبعد ما يصير اصفر ينضاف عليه الطماط ويحرك ويترك فتره
... وبعدين ينضاف عليهن الدياي..
....
يغطى الدياي ويترك فتره بسيطه حتى يختلط بالصلصة (اصلا الدياي ناظج لاننا طبخناه اولا بالماي) وبعدين تضاف عليه البهارات . تقريبا ملعقة كبيره ملح وكركم وبزار وفلفل اسود .. وتجيكون الطعم وتشوفون شو اللي يحتاجة زياده مثلا..
في نفس الوقت تقريبا بتكون المعكرونة جهزت وتشخل
.....
وبعدين تظاف باقي الخضار (بطاطا- مشروم-ذره) وايضا معجون الطماط
يترك فتره بسيطه وتجيك على الملح والبهارات اذا تحتاج او لا
..........
وبعد ما الصلصة تكون مظبوطة يضاف المعكرونة عليها ويحرك بشكل جيد عشان الصلصة تتوزع
.........
وبعدين تترك المعكرونة على نار هادية لعده دقايق وبعدين..
.
.
.
.
.
.
.
.
.
.
.
.
.
.
بالهنا والشفا :laugh:
(تقدر تضع فوقه مثلا شوي من الجبن المبشور )
ان شا الله تكونون استمتعتكم وخليتكم تشتهون هالمعكرونة 😀
لول اختي الصغيره سمت الطبخة (معكرونة لندن) لاني اطبخها في بريطانيا لوول ... وقالت انها احلى من معكرونة الخدامة :yuck: )
.
التعديل الأخير:
:
