m7tram
True Gamer
السلام عليكم ورحمة الله وبركاته.
توني قبل أمس لقيت خوش صفقة لكمبيوتر جبار بكرت 5080 ومواصفات كلها هاي ايند بـ806 دنانير كويتي ( 2620 دولار )، فكلمت صاحبي وقلت يالله قد آن الأوان انك تشتري كمبيوتر محترم وتترك الحياة البائسة لأهل الكونسولز وتنظم لعائلتنا الستيمية الي فيها لا يقل عن 1272 لعبة والله يخلي سوالف تابي وتمارا وديمه وتالي يقسط لك المبلغ على 4 أشهر وبجذي ما تحس أصلا انك قاط مبلغ كبير مره وحده.
فاتخذ القرار وتوكل على الله وشراه وأمس وصل له، وكل شوي يتصل علي ويسألني عن كذا شغله ثم يعبر لي عن انبهاره بالعالم الي دخله من كل النواحي XD.
فتساءلت وقلت ماشاء الله بتروجييمينج في فئة ليست بالبسيطة الي تلعب عالبي سي وتهايط ليل نهار على الفلاحين فودي أعرف الأغلب شنو كرته وهل حاشه الوسواس القهري الي يخليه يبي يطور كمبيوتره وكرته كل سنه او سنتين علشان يواكب أقوى التطورات الرسومية ولا كل 5 سنين مره؟
أبتدي معاي أنا قبل سنتين ونص بسنة 2023 شهر 6 من بعد انقطاع عن لعبي عالبي سي من شريت البلاي ستيشن 4 برو صار هو جهازي الأساسي فسنة 2023 شريت كمبيوتر كان سعره جدا مناسب ومواصفات جيده بكرت 4070 وكنت راضي بالنتائج بشكل عام لكن فجأة قبل 4 أشهر وانا نفسي تهف وتبي كرت 5080 أبي ألعب بأفضل طريقة ممكنة ويمكن حاشني الوسواس الي أبي اكون أفضل شيء XD وتوكلت على الله قبل شهر و10 أيام وشريته وماندمت على هالقرار أبداً أفضل قرار أتخذته.
وأنا فيني طبع اذا شريت شيء أو امتلكته احب الناس نفسي تمتلك هالشي الحلو فصرت أدور وأشوف الربع الي ماعندهم بي سي أو البي سي تبعهم قديم وأسهل لهم الامور علشان يتشجعون ويشترون نفس ما صار مع صاحبي في بداية الموضوع.
طبعا مو ناوي أسوي أبقريد المفروض الا لما الكمبيوتر مايقدر يعطيني كفائة وهالشي طبعا يبييله سنين بذات مع كرت نفس 5080.
تعال هايط معانا وأعرض لنا كرتك.
*سوالف الفلاحين والحياة البائسة لاهل الكونسول كلها مزح في مزح وكل واحد يلعب بالمكان الي يريحه ويناسبه 🐣.
