ترك اللعب لفترة مؤقتة..هل مريت فيها سابقا او تمر فيها حاليا.وشنو هي اسبابك لذا الشي؟

[ASWD]

صار لي تقريبا الحين شهر*اواكثر*مالعبت شي ولا لمست يدة لعب..مع ان عندي العاب *بالهبل*ماخلصتها وبعضها ماشغلتها حتى يومنا هذ..وذي الحالة مو اول مرة تجيني سبق وان مريت بيها كثيير وبعض ذي المرات تجاوزت الثلاثة اشهر.

هل نقدر نقول ان هذي الحالة هي نوع من انواع الطفش المؤقت من الجيمز؟

ممكن في حالة ان الشخص ماعنده شي يسوى يلعبه او مافيه العاب قوية وممتازة تستحق..لكن في حالتي ما اظن ينطبق هذ الاحتمال لاني املك العاب كثيييرة تستاهل انك تنهيها..مثل كينج دوم هارتس2 و1/رزدنت ايفل زيرو /فاينل فانتسي12/دراجون كويست8 /سبلنتر سيل2و3/تكن5/أوكامي /سول كاليبر3/ايس كومبات زيرو..وغيرهم كثير لكن ما تحضرني اسمائهم حاليا..او ان مسألة وجود الالعاب اللي تسوى مالها دخل..الله اعلم

هل نقدر نقول ان الشخص معتبر الفيديو جيمز تسلية اكثر منها هوايةلهذ يمر بذي الحالات؟

نفس الشي ما اظن يمشي ذا الاحتمال معي..لأن تواجدي بالنت..99.9 في مواقع الجيمز..من جيم سبوت الى جيوكس فرانس الى اي جي ان الى 1آب الى تروجيمينج الى ذا ماجيك بوكس الى ألخ..قليل مرة ادخل مواقع مالها دخل بذا المجال.حتى المنتديات اللي مشارك فيها ومالها دخل بالجيمز تركتها..يعني بأختصار..الجيمز بالنسبة لي هوايتي او مجالي المفضل

هل الاحداث اليومية اللي تمر بيها تلعب دور في هذي الحالة؟

يمكن.شخصيا اغلب يومي بالدوام..من 8:30الصبح الى 6:30 المغرب..طبعا فترة طويلة جدا خصوصا انك جالس في مكان واحد ماتقدر تتحرك مني او مناك ابدا..فممكن يكون لذا الشي دخل..زين ايام الاجازة..مثل اليوم*الجمعة*وبكرا السبت..انا اجازة ومع هذ ما لي نفس العب..

هل اللعب بمفردك قد يكون له دخل بذا الشي؟

احتمال وارد بحالتي..بما اني العب لحالي..وما عندي اصحاب عندهم ميول للفيديو جيمز+اخواني نفس الشي..

مدة ذي الفترة ما اقدر احدد متى تنتهي ممكن بعد ساعة وممكن بعد يوم وممكن بعد شهور..لكن بعد ما تنفتح نفسيتي للعب اصير مجنون لعب..بكل امانة اجلس العب لوقت متأخر جدا*2او3الفجر*حتى في ايام الدوام..هل هذ تعويض يعني عن الفترة اللي انقطعت فيها عن اللعب..الله اعلم

بالنهاية سؤال موجه لكم:
احد منكم مر او يمر حاليا بفترة الانقطاع اللي امر بيها انا بالوقت الحاضر عن اللعب؟

 

[Ginko]

ايه بلا شك مريت فيها.

مرحلة مؤقته صدقني، ما اعرف احد ما مر فيها. تصير في كل شيء تحب تسويه. من متابعه كوره او انمي او مسلسلات او برامج او لعب رياضه....الخ. فترات on and offs 🙂

 

[Mario2]

هو اكثر شي يعتمد على نفسيتك للعب + وقت الفراغ + نوع الالعاب .. المشكله انا مثلك لي مليون لعبه ودي اخلصها وما خلصتها وما اعرف متى اخلصها .. بس من يوم العيد وانا ما لعبت لعبه ..

 

[AMG]

انا فى هذى المرحلة حاليا و فى الوقت الحالى اعتقد انى مليت من العاب الفيديو جمز و صرت اشوف اغلب الالعاب سخيفة و مملة مع انها العاب كانت تعجبنى قبل كذا

عندى عشرات الالعاب الى ما خلصتها و كل ما افكر فى شىء العبه ما القى شىء يجذب الانتباه حتى Tekken و WE ما صرت العبهم :normal:


ما اعرف ايش السبب بالضبط لكن اعتقد ان صار عندى اشياء كثيرة تلهينى على الالعاب مثل الجامعة و الخروجات مع الاصحاب و الخ الخ ... فصارت الالعاب ما تمثل جزء كبير من النشاطى اليومى مثل زمان ايام الثانوى و الاعدادى

و ممكن تكون فعلا مرحلة مؤقتة و بعد فترة برجع للعب ثانى مع نزول الاجهزة الجديدة و ظهور مستوى جديد للاعاب سواء بصريا او من ناحية طبيعة اللعب



وشكرا
​

 

[The Sinner]

انا مريت فيها وصدقني مرحلة وتعدي انا الاسباب اللي اشوفها ممكن تسبب هالحالة ( تحلليل

نفسي 🙂 ) هي ممكن الانتقال من جنريشين للثاني دايما تصير لي يوم انتقلت من

البلايستيشن 1 الى 2 وكنت متوقع اني مابلعب الجيمز خلاصا ومرة علي فترة يمكن 6 شهور

مالعبت لعبة وحدة السبة كانت الانمي وقلت خلاص باي باي جيمز بعدين رجعت ولعبت وبعد ما

خلصت فاينل وقفت والسبة اظن كثرة الالعاب اللي ابي العبها تخليني احتار بس بالاخر الا
ماترجع وتلعب

 

[ZiZ]

بالنسبة لي... أنا أتركها لضيق الوقت...

 

[SALAH]

السلام عليكم ..كيف حالكم جميعا ؟ 🙂

بصراحة عني أنا تركت اللعب من سنة كاملة :cryy:
حصلت لي ظروف طارت من وراها البلاي ستيشن2 وكانت حالي ما بتسمح أجيب جهاز تاني ..وبصراحة حاسس حالي نسيت كل شي لدرجة اني مشتوق لألعب ميتل جير 2 مرة تانية :cooool:

صدور البلاي ستيشن 3 أعاد لي الحنين والشوق الى امساك يد البلاي ستيشن من جديد والجلوس أمام التلفاز والتسمر أمام GT4 او GTA وغيرها ...وبيني و بينكم انقطعت سنة كاملة عن أخبار الالعاب والاجهزة , وبدي فترة حتى أرجع مثل ما كنت

رغم أنه الأمر كان أمر من العلقم لكني بصراحة حاسس حالي رجعت مراهق متحمس لألعاب الفيديو وصرت ما بنام الليل وانا بحلم انه عندي بلاي ستيشن 3 :yuck:

وبصراحة مثل ما قالوا الأخوان ..اهم شي النفسية وقت اللعب , يمكن ان ما تكون زهقت من لعبة او ظلمت لعبة حلوة وقلت عنها بايخة , كل هاد بيعتمد على نفسيتك و الحالة اللي انت فيها..

يعني..الاستمرار بشكل متواصل على اللعب رح يسبب لك الزهق , أترك اللعب فترة والعب فترة , حتى يظل عندك نفس الحماس والشوق ::

 

[Hardcore Gamer]

مممم ..الحاله هذي جايتني من الصيف وامس رجعت العب من جديد ...
ما كنت اتوقع اني ارجع العب ابد ابد ابد ... الا امس.. كنت طالع ومريت محل ابشتري جيرز اوف وور قلت خل اجربها لقيتها مخلصه وشريت ديد رايسينج عال360 .. رجعت لعبتها شوي .. وبعدها صار ودي العب الالعاب اللي ما خلصتها وصاير متحمس العب العاب كثير...

يعني فترة وتعدي

 

[Hwoarang]

أيه تصير لي
الحالة ممكن تاخذ أسابيع بس ما تصل لشهور

 

[Aoks]

قد تصل شهور ,,, بالراحه

 

[m7tram]

ماعتقد في احد يلعب جيمز وما تمر عليه هالحاله , لان في اشياء شكثر بالحياه تلهيه عن العب دايما , والوقت بسرعه يمر .

 

[RIZE]

س : شباب يوسف (( أسود )) جم مرة كتب كلمه (( ذا )) ؟؟ ألى يقول له حلاوة P:


بالنسبه للمرحله الفسويكسولوجيه هذى ... انا مريت فيها .... للتوضيح اكثر :


كنت مستانس بالبلاي ستيشن 2 ... وتونى شريت GUN & COD2 <<< كانوا توهم نازلين

وبعدها ب3 ايام .. البلاي ستيشن 2 تخون فيني وتخترب -.- .. وقعدت اسبوعين احاول انى اضيع الوقت بالاكس بوكس ... بس كل ما امسك اليده بعدها بربع ساعه يصكنى احباط وأهد اليده..... وصرت ما افكر العب كلش .... وبعدها بس جم شهر .. اقتنيت الكيوب واول lما شريت الجهاز ختمت زيلدا ويند ولكر ^^ وبدت تعلقي بالقيم ترد شوي شوي ومن ثم ختمت ريميك ومن بعدها ميتل قير وألحين صفيت على اوكرينا اوف تايم وجارى اللعب بها الان






شكراً لكى يا زيلدا *.*

 

[Ash]

احد منكم مر او يمر حاليا بفترة الانقطاع اللي امر بيها انا بالوقت الحاضر عن اللعب؟

ايه لمدة سنتين للان و مي راضيه تروح .

 

[Final Fantasy]

أنا الحين قاعد أمر فيها ....... و حاسس بكسل مو طبيعي مو قادر أخلص حتى Okami الي صارلي شهرين قاعد ألعب فيها -_-

و بعض الأحيان يصير فيني نشاط مو طبيعي لدرجة أخلص 3 ألعاب بأسبوع واحد !!

قاعد أحاول الحين أرجع الحماس لنفسي مرة ثانية حق الجيمز و لكن الكسل شنو أسوي فيه و شلون أتخلص منه ؟

 

[Nintendo]

فعلا تصير كثير وبعض الاحيان تصل للتفكير بالاعتزال نهائيا ( محمد هذا اخر E3 😉 )

بعدين تنزل لعبه رهيبه والعب فيها وارجع اتحمس من جديد ..

 

[RIZE]

الكسل شنو أسوي فيه و شلون أتخلص منه ؟

العلاج :


1- مشي ربع ساعه صوب الجبرة
2- أكل الرقي الغير مستوي ربع غرام كل ربع يوم
3- مشاهد المسلسل او الفلم لغايه ربع الحلقه + خلى المسافه بينك وبين الTV ربع متر وربع سانتيمتر وربع ملي متر
4- تبرع بربع دينار حق راعي الدياي


ملاحظة :

الطريقه غير مجربه

 

[الــخــــارق]

الـDS هو الجهاز الوحيد اللي حاليا ألقى وقت ألعب فيه ..
لانه انا ابغى ألعب لعبه على السريع ..
ومهوب شيء يربطك مثل ألعاب الكونسل ..

ما عندك وقت تقعد تلعب لعبة 12 ساعة ..
وحتى لو لقيت وقت تلعب بدايتها ..
فبتطول الى ان تفرغ مره ثانية للعبها ..

في النهاية أقرر بأنه بعدين ألعبها ..
وهذا يولد فترات الإنقطاع عندي 🙂

 

[Pichi]

آخر لعبة لعبتها كانت قبل سنة او اكثر شوي.
فيه العاب كثيرة اشتريتها ولسه مالعبتهم , ياضيق وقت او مالي خلق للعب.

 

[ryo hazuki]

نادرا ماتحصل معاي و ما اذكر متا اخر مره مريت بهذي الحاله

لكن تحصل اني اعلق في لعبه و تطلع لعبه ثانيه قويه فاحول للثانيه يلين ما اخلصها ثم ارجع للاولى

 

[Ash Storm]

اعتقد كل الناس تمر في هذه الحالة , و مش بس في الفيديو جيمز و لكن اعتقد في كل شي انت تحب تعمله , انا ما لعبت و لا لعبة من فترة طويلة , ممكن شهر او ثلاث اسابيع , و لكن اعتقد ان هذه الفترة راح تنتهي قريبآ مع التجديد ( شراء الوي و العاب دي اس جديدة و بي اس بي ... اٍلخ ) اعتقد ان للتجديد دور مهم في انك ما تمل ..

 

[Ryu-Bounty Hunter]

انا مريت فيه و اكثر من مرة بعد
احيانا باليوم الواحد ما العب الا ساعة و احيانا اقل
و بعض الأحيان في اليوم العب 10 ساعات تقريبا
بس هي مرحلة و تمر بعدين ترجع تخلص اللعبة بكم من يوم خخخخ
بس في شي ثاني له تأثير
كل ما زادت الألعاب اللي عندك تصير ما تدري ايش تلعب خصوصا اذا كانت الألعاب اللي عندك ما لعبتها كلها رهيبة
انا بتصير لي قريبا اذا وصل ال Wii بصير عندي زيلدا,فف3,فف12,جيرز اوف وار,تراوما سنتر ويمكن غيرهم ما اذكر
لذلك افضل طريقة تحط لك خطة بالألعاب اللي عندك و تلعب لعبة وحدة فقط عشان تركز عليها

 

[Futrus]

ردود بعض الأعضاء غريبه يعني متابعه للأخبار ونقاش وكل شي بدون لعب شنو الفايده

 

[Evolution]

شخصيًا خلال السنوات الست الماضية ما لعبت إلا فاينل 10 وخلصتها وقليل من الألعاب وما أخلصها وأحيانًا الدوري الياباني، على عكس أخوي ، المهم
أنا شخصيًا كنت متوقع إني ابترك الألعاب

حتى شريت الـ 360 ورجعت " مجنون " زي أيام الطفولة !!


يعني حالة الشهر عندك تعتبر أمر عاااااااااااادي جدًا

عمومًا أنا متأكد لو عندك جهاز من النكست جنريشن راح ترجع وبقوة !

 

[Futrus]

لول أخيراً تذكرت فترة تركت فيها الألعاب
ماكان عندي غير البلاي2 ظليت ما ألعب لين ما فكرت أشتري الدريم كاست في وسط 2004 وفعلاً شريته مستعمل ومعه مجموعه من الألعاب واستمتعت فيه أكثر من أي جهاز ثاني وشريت شينمو الأولى أصليه بسعر ممتاز وبعدها شريت الاكسبوكس وأخيراً شريت الكيوب ومعه كم لعبه ومتعه كبيره بلا حدود،،، مرتب الأجهزه الأربعه كلها مع بعض وكل يوم أشغل جهاز وأكمل في اللعبه فصرت ألعب ألعب 4 ألعاب مختلفه في الإسبوع وأحس بتنويع كبير ولا أحس بالملل أو إني ماعندي رغبه باللعب

 

[Dark soul]

عادي تصير مع اي شي ... مب بس مع الفديو جيمز انا ثلاث ارباع حياتي كنت اعاني منها .... في العاب معينة تخليني ارجع العب و بس اخلص منهم اهجر الفديوجيمز ...

 

[Bounty]

ما اعتقد محد مر بهالحاله .. الشغل و الدراسه و بالذات فترات السفر و انشغال البال مستحيل تلعب فيهم ..

 

[Alex]

ما اعتقد محد مر بهالحاله .. الشغل و الدراسه و بالذات فترات السفر و انشغال البال مستحيل تلعب فيهم ..

True .. -_-"

 

[DeViL MiNd]

أنا حاليا أمر بها وبقوه والسبب ::: انا صراحه دخولي للنت يشكل 90% من حياتي .. وادخل النت وش اسوي .. يا احمل العاب او انمي .. لكن المشكله موب في السفر والدراسه ومادري ويش لكن اظنه يعتمد على ميولك للنوع الي تشتريه من الألعاب .. فانا الحين عندي جهاز كنت اتمناه كل حياتي الا وهو الإكس 360 .. ويوم شريته نطلته ولاعاد لعبت به الا 3 مرات كذا بس .. يمكن عشان ماعندي الا لعبه وحده وهي سيئه جدا .. لكن فيه العاب العبها على الإكس بوكس العادي وخلصت بعضها مثل : نيد فور سبيد كربون , والمصارعه 2007 وغيرهن وكما قال الشبااب هناك فترة الإنتقال من جينريشن إلى آخر بالطبع .. ولكن حاليا كما نلاحظ النت يشغلنا بقوه والألعاب نسيناها .. واما للي يقولون دراسه فأنا اقولكم الدراسه ماهي مشكله يمديك تذاكر بساعه .. ثم تروح تلعب الين تمل .. وللسفريات انا قبلي آخذ الإكس 360 معي العبه او آخذ البلاي 2 ... وصراحه حاليا متعيجز
العب إكس 360 .. لأن عندي لعبة جوست كيز عليه هذالي شهرين شاريها ولا لعبت بها الا 10 مرات بس وهي عندي شهرين لكن اظن اني لو شريت جريس اوف وار .. راح انسى الدنيا وما فيها
والعب بالإكس 360 لمدة 24 ساعه اذكر أيام زمان اني كنت في العطله الصيفيه اني قعدت أكثر من
12 ساعه على لعبة جراند ثيفت اوتو ليبرتي على البي إس 2 .. وكذلك جرا الأمر مع لعبة ماريو بروس على الدي إس .. لذلك اللعبه القويه تشكل سببا كبيرا بلعبك .. وماعليش طولت عليكم
شوي :yuck:

 

[Van]

الحين أمر فيها لعدة أسباب:
-كثرة الألعاب و متلخبط مو عارف في شنو أبدأ
-قلة الوقت
-الJ Drama و الAnime تأثيرهم كبير
-True Gaming

طبعا أنا أعرف علاجها و هو Zelda .... أكيد أول ما ألعبها بخفف من جميع الأشيا المذكورة و أولهم True Gaming :yuck:

 

[sehro]

انا هالفترة ماصارت اي لعبة تمتعني...العاب كثيرة العب فيها كم ساعه ومااكملها...واتوقع بالفترة القادمه اني ماالعب الا الالعاب القوية المعروفه مثل ميتل جير وفاينل فانتسي وريزدنت ايفل وغيرها من الاعاب المفضلة عندي من الجيل هذا والي فات...فاعشان كذا انا مو متحمس لاي جهاز من الجيل الجديد نزل غير الوي.....وماراح اشتري البلاي3 او الاكس 360 الا اذا نزلت عليه لعبة قوية بالنسبة لي...

انا اخر لعبة لعبتها واستمتعت فيها هي فاينل فانتسي 12 اليابانية(الامريكية لعبتها شوي وتركتها)...والان جالس العب فف 3 ومستمتع فيها جدا..وبعدها ناوي ارجع لألعاب البلاي 1 :yuck: