رجعتيلي ذكريات قديمة جدا في هذا الموضوع يا آراشي
أنا وأخوي وصديق لنا ربينا حيوانات كثيرة في فترة من الفترات، وكان عنا قفص كبير في سطح عمارتنا، كنا نربي فيه وكل فترة والثانية بس نزهق من يلي عنا نبيعه " أو ناكله " ونجيب نوع آخر، الحيوانات التي ربنياها :
1- كانت البداية مع قطة صغيرة وجدناها امام باب عمارتنا في أول شهر رمضان "لا أذكر أنوا عام بالتحديد " أخذناها وطلعانا على السطح وصنعنا لها بيت صغير، وقعدت عنا ما يقارب 3 اشهر، وبعد ذلك أحد الجيران أشتكى منها بما انوا عنده بنات صغار بخافوا منها
2- نفس البيت الذي صنعناه للقطة كبرناه قليلا وجبنا جاجة كبيرة وثنتين صغار، وسحبان الله من اول يوم الجاجة الكبيرة قفزت " أنتحرت " من السطح :laugh:: بقدرة قادر الجاجة ما ماتت ولكن أجرها أنكسرت، وطبعا محسوبكم أشتغل دكتور بيطري وقتها :laugh:: جبت قطعة خشب صغيرة مع قطعة قماش وعالجت رجلها :laugh:: طبعا بعد أسبوع تقريبا ماتت
وبقى عنا الثنتين الصغار، وأيضا سبحان الله ثلجت عنا في عمان ووحدة منهم ماتت من التجمد :laugh:: بقت واحدة فقط يلي صادمة بوجه البرد القارس :laugh:: وبعد ذلك بفترة والد صديقي جاب حداد وعمل لنا قفص كبير في السطح، وجبنا وقتها ما يقارب 6 جاجات وديك " مع الجاجة القديمة " صرنا ننتج بيض ونوزع على الجيران :laugh:: قعد عنا الجاج فترة طويلة جدا، والجاجة يلي صمدت بالبرد القارس أصبحنا نلقبها بالدبابة :laugh:: ما شاء الله عنها كانت تاكل كل شيء تحطوا لها حتى العظم كانت تبلعه :laugh:: " هذه رسميا قلبت كلب XD " وحتى طريقة مشيتها لول وضعت معها مؤثرات صوتية بتطلع كأنه عملاق عم يشمي :laugh:: طبعا بالنهاية ومن بعد ما زهقنا من الجاج بعنا يلي عنا وخلينا فقط الدبابة يلي مصيرها صار داخل معدتي :laugh::
3- ربينا بعد الجاج .... حمام جبنا ما يقارب 10 أزواج، وايضا قعدوا عنا فترة طويلة جدا، وعشان نخليهم يبيضوا كنا نفتح تنكات الزيت ونصع كل ثنين في تنكة ونسكر عليهم، ونتركهم هيك طول اليل عشان .............، طبعا البعض منهم كان يبيض والبعض لأ، وطبعا ما كنا نكتفي بلي عنا فقط ولكن كنا نصيد أيضا، كان عنا مشبك كبير حق البناء " سرقوه من عمارة عم تنبني :laugh:: " كنا يوم الجمعة بالذات لأنه كان عطلة وما كنا عنا مدراس، كنا نطلع الصبح بكير، ونرفع هذا المشبك على شكل زاوية ونثبته بعصا ونربط نهايته بحبل، ونتخبى في بيت الدرج ونسكر الباب علينا ونناظر من الشباك، طبعا كنا نكون حاطين مكان الفخ آكل عشان نجذبهم، وأول ما الحمام يبدأ بالآكل ننتظر اللحظة المناسبة ونشد الحبل ويقع عليهم الشبك " طبعا ميشن كومبليت :laugh:: ".
بعد فترة زهقنا من الحمام وبعنا يلي ععنا وخلينا زوجين مصيرهم كان بمعدتي ايضا :laugh::
4- من بعد الحمام ربينا .... أرانب جبنا ما يقارب الأربع أزواج وايضا قعدوا عنا فترة طويلة، وايضا خلفوا لنا مجموعة أرانب، وطلعت لنا مشكلة عويصة من وراهم لها الصغار :laugh:: القفص عنا في مساحة أسفله فكانوا يهربوا منه، وأقعد يا معلم ساعة وأنت تركض وراهم وتبحث عنهم في كل السطح :laugh::
بعد ذلك زقهنا منهم وبعناهم ومتل العادة خلينا عنا زوجين مصيرهم بمعدتي :laugh::
5- من بعد الأرانب ربينا نوع من الطيور يسمى بالـ " الفري " حجمه صغير ولا يستطيع الطيران، جبنا منهم 3 أزواج ولكن للأسف ما صدموا عنا كثيرا، يوم كنا نطلع نلاقي واحد ميت، يوم كنا نطلع نلاقي واحد ولا أثنين مختفين تماما من القفص، بالأخير بقى عنا واحد هذا مصيره كان بمعدة قطة :laugh::
6- من بعد الفري ربينا .... عصافير، القفص قمنا بالتعديل عليه وجبنا شبك حديد وغطينا القفص كله فيه " فتح القفص كانت كبيرة " ومن الداخل عدلنا عليه حيث بالنتبجة طلع من الداخل منظره رااااااااااائع، صورته مش عندي ولكن اول ما ادبرها رح أحطها في هذا الموضوع " الصورة مع صديقه " المهم جبنا زوجين فقط، والله ما بذل عليكم يا أخوان ومن بعد فترة طويلة جدا قعدوا عنا، المحصلة النهائية لعددهم وصل ما يقارب 25 زوج ": اي 50 عصفور " وبعناهم وحصلنا منهم مبلغ محرز.
العصافير كان آخر ما ربيناه من بعد سنين، صديقنا أنتقل لمنطقة ثانية، وبعدها أنتقلت مع عائلتي لمنطقة أخرى، ولكن مازال القفص صامد لحد هذه اللحظة، وسأعود له في المستقبل لأنه الوالد لم يبع البيت الذي لنا في العمارة :thumbsup:
طبعا لازم أذكر أمر صغير وهو امر التنظيف يا اخوان :laugh:: من ناحية القطة هي أكثر وحدة كانت نظيفة وما كانت بتغلبنا من هذه الناحية، أما الجاج والحمام كانوا يغلبونا ولكن مش بدرجة كبيرة، العصافير والفري كان هذه المسألة سهلة وما غلبتنا، أما الأرانب يا لهوووووووووووووووووووووووووووي عليهم شو كانوا يغلبونا :scream: كان كل يومين لازم نظف القفص ونقعد من وراهم في هذه المسألة أكثر من ساعتين :scream:
أيضا حابب أضيف أنوا ربينا حشرات أيضا :laugh:: لكن قبل كل يلي ذكرته فوق بكثير :laugh::
أنتهيت :kissing_heart:
:laugh::
:
: