تخفيضات كبيرة يوم الخميس في معرض عالم بلايستيشن في الرياض

[Averroes]

حتفالاً بمرور سنه على معرض عالم بلايستيشن في الرياض بتسوي سوني يوم الخميس القادم (الموافق 21 اكتوبر) تخفيضات كبيره على الاجهزة (PS3 و PSP) وعلى عدد كبير من الاكسسوارات والالعاب على جميع الأجهزة.

أيضاً اللي بيشتري أكثر من 100 ريال (أتوقع سهله) بيدخل في سحب على اجهزة بلايستيشن 3 و PSP و PSP Go.

التخفيضات بتبدا من أول ما يفتح المعرض يوم الخميس، والاحتفال محصور على مدينة الرياض في فرع عالم بلايستيشن بس

منقول من موقع سعودي جيمر

شي حلو صراحة بس للأسف مافي في جدة >_>

 

[Painkiller Q8]

احسن لو انك حاط الموضوع في قسم الالعاب العام .. علشان الكل يستفيد !

 

[Averroes]

طيب ياليت أحد من المشرفين ينقل الموضوع الى القسم العام أذا يقدر

 

[G7Ga7]

ألعاب بي اس بي بـ30 ريال بس؟ جنون. أتمنى شباب تعطونا لستة الالعاب الي عليها التخفيض اذا وصلتوا هناك.

 

[Mute City]

^
غالبا انشارتد وريتشرد وكم لعبه بدون اسم

 

[Sea.roOock]

الحين الصوره فيها كابونات هذي للي يربحها او السعر العالم للعبه يعني مو معقوله يبيعون دي جي هيرو بـ 150 :confuse:

 

[Madainee]

اتوقع الالعاب الموجوده هي العاب الطرف الاول حق سوني الي من عام 2007 مع كم لعبه ابو كلب .

 

[Raziel]

^
وهذا اللي بيصير , أصلاً غاسل يدي من المؤسسة الحديثة للإلكترونيات (وكيل سوني) من زمان
طول عمره يتعامل بفوقيه وجهل مع العملاء ، مايعرفون وش يبيعون ولا يعرفون المتطلبات ولا عندهم دعم فني زي الناس
وكل إجتهاداته شاطحة في أشياء ماتجذب المستهلك ولا يهتم فيها aka جهل بالتسويق !

 

[panddora san]

احس انها دعابه

 

[G7Ga7]

^
وهذا اللي بيصير , أصلاً غاسل يدي من المؤسسة الحديثة للإلكترونيات (وكيل سوني) من زمان
طول عمره يتعامل بفوقيه وجهل مع العملاء ، مايعرفون وش يبيعون ولا يعرفون المتطلبات ولا عندهم دعم فني زي الناس
وكل إجتهاداته شاطحة في أشياء ماتجذب المستهلك ولا يهتم فيها aka جهل بالتسويق !

الحين يعتبرون جهلة في التسويق عشانهم معطينك تخفيض على ألعابهم؟ ماني فاهم المنطق.

 

[MALDINI]

انشالله اروح اخذلي كم لعبة على البسب
الجهاز بشكل عام عنده مكتبة العاب جيده وانا ناوي اجمع افضل الالعاب عليه.
اما لو القى دارك ستولكرز كرونيكلز!! بس مافيه امل
لان اتوقع مثل ماقلتوا اكثر شي العاب طرف اول فقط.

 

[Hironobu Sakaguchi]

ليتني في الرياض 🙁

 

[AHMAD PLUS]

الجنوبية aka البطحاء عندكم للفوز

 

[Averroes]

راحت عليه الي ماراح

أسعار بعض الألعاب

3D dot heroes (SR 49), Ratchet a crack (49) Brutal Legends (49) .. Yakuza 3 (69) .. Lost planet 2 (69)

 

[The Last Lombax]

^
راتشيت الجديدة ؟؟ ( كراك أن تايم ؟ )

 

[Averroes]

^
راتشيت الجديدة ؟؟ ( كراك أن تايم ؟ )

أعتقد أيه

مودنيشن (49 ريال)، رزننس أوف فيت (49 ريال)، ستار أوشن ذا لاست هوب (69 ريال)

والعاب PSOne الحبة بريال XD

 

[Hironobu Sakaguchi]

^^
نانييييييييييييييييييييييي :confuse:

لاحد يحط اسماء الالعاب رافة باصحاب القلوب الضعيفة :sadwalk:

 

[Five]

يااااااااه تخفيضات مجنونة , كل الاشياء الحلوة تكون في الرياض .

 

[The Last Lombax]

متى يفتحون في جدة بس >.<

التخفيضات رهيبة

 

[Tanton]

التخفيضات بس في الرياض ولا حتى الشرفية؟

 

[N2N2]

DJ Hero ما باعو للزباين ولا حبه كلها حبتين والمدراء حاجزينها (على كلام الموضف)

الي كانت تستاهل عروضهم منتجات لوجتك لاكن ما فيه منتج تعدى الاربع حبات وال PSP كلها 5 حبات وكل حبه شكل و الكاراتين رايحه فيها من سوى التخزين والشيل والحط

اهم شي افتكينا من اصحاب المحلات الي توقعت بيضفون المحل ضف

وشكرا لاحازم الي ما قصر

 

[MALDINI]

اجل ذاك الرجال صار حازم لول
ليتني قلتله يحجزلي كم لعبه بس مدريت ياخي
رحت اليوم العصر تقريبا وكان ابرز الالعاب اللي عندهم بسعر 70 ريال هي star ocean the last hop / yakuza على الي اس 3
على البسب مالقيت غير لوكو روكو الاولى
جاي متأخر انا شكلي.
مدري بس توقعت شي ضخم.

 

[Yaz3D]

سحقاً ياخي ليش كل الأشياء الرهيبة تكون في الرياض؟ 🙁

 

[Brewmaster]

سحقاً ياخي ليش كل الأشياء الرهيبة تكون في الرياض؟ 🙁

محد قالك اسكن بجدة ؟ (&)

 

[Raziel]

الحين يعتبرون جهلة في التسويق عشانهم معطينك تخفيض على ألعابهم؟ ماني فاهم المنطق.

لحظة عبدالرحمن , ليش الربط العجيب هذا ؟ التسويق اللي اقصده موب تخفيض كم لعبة وعرض على دي جي هيرو :laugh::
تعال لأي فرع لسوني واسئلهم اسئلة بسيطة يعرفها أي جيمر عن أي شيء (ألعاب-طرفيات-محتويات) اجاباتهم ماراح تطلع "مانعرف , ماندري بس هذي كويسه اشترها :laugh::"
يعني ناس ماتعرف وش تبيع خخخـ aka ثقافة تصريف أكثر من تسويق ، وكويس إذا كانوا ياخذون ويعطون معك الغالب كل موظف ماسك له سماعة ويسولف 24 ساعة !!

بعدين التخفيض معناته تجدد مبيعاتك في مجال أنت ناجح فيه ، من اللي مهتم بـ دي جي هيرو ؟ أو ألعاب الـpsp ؟ أو عروض على eye-pet ؟
شركة ماتعرف تدير سوقها ، تشوف سوني الأوروبية وتقلدها بكل شيء .. الجيمرز العرب مختلفين بالمزاج ونوعية الألعاب لازم تجيب شيء
يتناسب مع أذواقهم وإهتماماتهم .

وحتى كيفية التخفيض مزعجة ، لازم تدفع 100 ريال وزيادة حتى تستفيد من الخصومات , وأنا ليش متعب نفسي ورايح لكم ؟
عشرات المحلات تعرض ألعاب مستخدمة وبأسعار منافسة جداً .. الخلاصة المستهلك الواعي مابينخدع بعروضهم النايمة .

 

[N2N2]

^
كل الكلام الي قلتاه ينطبق على كل محلات الالعاب والالكترونيات في السعوديه والعالم العربي الى كم شخص في كم محل غير الي يتفلسف ويعطيك معلومات غلط

وبالنسبةة للفيصيله ما اقولك انها افضل وكالة لاكنها افضل السيئين في السعوديه من ناحية الدعم والاسعار وكل شي ما تقدر تقارنها باي وكاله ثانيه في الضمان ولا عدد الفروع

وحتى كيفية التخفيض مزعجة ، لازم تدفع 100 ريال وزيادة حتى تستفيد من الخصومات , وأنا ليش متعب نفسي ورايح لكم ؟
عشرات المحلات تعرض ألعاب مستخدمة وبأسعار منافسة جداً .. الخلاصة المستهلك الواعي مابينخدع بعروضهم النايمة .

من قالك ادفع 100 ريال عشان التخفيضات ؟؟؟؟

التخفيضات ماشيه بدون ما تدفع شي بس لكل زبون يشتري ب 100 ريال له قسيمه وحده يدخل بها السحب بس

 

[zoom-in]

نبغى معرض في الشرقيه

 

[Dr.Dark]

لو هالمعرض انا فيه راح اخذ كل شي

 

[Hironobu Sakaguchi]

المفروض الفيصلية تسوي منفعة للكل
يعني عالم بلاي ستيشن بالرياض, لكن عالم سوني بكل مكان
المفروض يوزعوا بضاعاتهم او عروضهم على باقي الفروع عشان الناس تقدر تستفيد
🙁

 

[Dr.Dark]

^

ههههههههه

كل واحد وده بمنطقته يالله تتهنون يا اهل الرياض و بالعافية عليكم و الف مبروك