تحذير نهائي شديد اللهجة بالنسبة للتواقيع

[persona]

انا شكلي من المجموعة اللي جايبه العيد :s...

 

[Khalid-S]

جاري العمل على تغير السيرفر ,, باذن الله قبل المعرض بيكون متغير 🙂

 

[Humam]

ايوة بس مايكون سيرفر في الترللي.. الناس تتابع الأخبار وفجاة طربنق لول

 

[Jizasu]

هذا توقيع توي الحين منتهي من العمل عليه..و مصغره بشكل يناسب قوانين المنتدى...عسى ما اكون خالفة ^^​

 

[dragonwarrior]

هذا توقيع توي الحين منتهي من العمل عليه..و مصغره بشكل يناسب قوانين المنتدى...عسى ما اكون خالفة ^^​

300X150
اذا ماني غلطان
أنت الأرتفاع 184 مو 150

 

[Jizasu]

😛eeved: لازم اصغره اكثر ! مسكين هل كايوس ما بين فيه شي !

ثانكس على التنبيه دراجون​

 

[dragonwarrior]

ليش وصلات موسبقى الألعاب و مقاطع الفيديو ممنوعين؟
ترى بعضهم عجيب و ممتع (مثل مانامانع)
عيدوا النظر!

 

[Jizasu]

جذي صار توقيعي مو مخالف اعتقد

بالنسبه للقوانين في الاداره هي على العين و الراس...بس ليش ما تحاولون تعيدون النظر في بعض البنود...نفس الي تكرم بذكرها اخوي دراجون واريور..

+ موضوع التواقيع...ليش ما تزيدون حجم التواقيع بشكل يناسب الكل...لأن التواقيع قعد تطلع صغيره حيل >.< ولا قعد تعطي الصور حقها...

ياريت يتم مراجعة بعض البنود و شكرا..​

 

[dragonwarrior]

عاد التوقيع كبير نوعا ما ههههه
300 × 150 عملاق الصراحة , شوف المنتديات الثانية 200 × 100 و أنت نازل
و طبعا في بعضهم هدد (على كيفك ) بس الأعضاء أغلبهم عندهم سرعة محترمة.
هني الأغلبية دايل أب -_-

 

[Jizasu]

بذمتك يعني توقيعي الحين ماطلع صغير...؟؟ و مساع يوم كان بحجمه الطبيعي 250 بـ 184 ماكان زين ؟؟

انا اشوف انه بند التواقيع ممكن تصير عليه تعديلات حلوه ما تضر احد..​

 

[Ginko]

شخصيا مدري وش في الناس على التواقيع..يعني صراحه بطلوها وبقوه..

 

[ASWD]

التواقيع بحجمها الحالي ممتازة واكثر..كونها ماتسوي ازمة لأصحاب الدايل آب🙂

 

[king zell]

ليش وصلات موسبقى الألعاب و مقاطع الفيديو ممنوعين؟
ترى بعضهم عجيب و ممتع (مثل مانامانع)
عيدوا النظر!

موسيقى الألعاب ممنوع تحط MP3s

لكن مقاطع الفيديو القصيرة مش مشكلة ..

من القوانين:

عروض الفيديو القصيرة​

يسمح بوضع وصلات لعروض فيديو قصيرة و هذا يتصمن "تريلر" الخاص بالأفلام السينمائية أو لقطات فيديو رياضية أو فكاهية.​

منامانع مسموحة.. لكن فيديو كليبات مدونا و شكيرا و بشير شنان ممنوع

 

[Lunar Poet]

موسيقى الألعاب ممنوع تحط MP3s

ليش الـMP3 بالذات @@؟ انا أشوف ان ما تفرق MP3 ولا WMA ولا WAV ،، الخ 🙄 الـMP3 صيغة عادية حالها حال باقي الصيغ

 

[Golden_Sun]

^ لأن ان ما كنت غلطان الـMP3s له حقوق ملكيه ،، غير عن الباقي؟

بالنسبة للتواقيع ما اشوف فيهم شي.. وعموماً انا احب التوقيع الصغير مريح للعين ومريح لسرعه اتصالي :razz: ..

 

[king zell]

ليش الـMP3 بالذات @@؟ انا أشوف ان ما تفرق MP3 ولا WMA ولا WAV ،، الخ 🙄 الـMP3 صيغة عادية حالها حال باقي الصيغ

قصدت بالMP3 الموسيقى الرسمية للألعاب اللي غالبا ما تصدر OST

طبعا لو حطيتهم بصيغة ثانية نفس الشي ممنوع..

لكن midi عشان نغمات الجوال أوكي

 

[king zell]

المهم شباب.. الآن القوانين واضحة بالنسبة للصور الشخصية و التواقيع

تنفيذ العقوبات يبدأ 1 أبريل.. و ترا ما عندنا شي اسمه كذبات ابريل

 

[ASWD]

تنفيذ العقوبات يبدأ 1 أبريل.. و ترا ما عندنا شي اسمه كذبات ابريل

😵 هههههههههههههههه في الصميم😛

 

[kid_icarus]

الله يوفقكم.. الطريق الي قاعدة تسير فيه الادارة اشجعه بقوة صراحة

4. مجموعة تستهبل بطريقة ثانية.. يعني احنا مانعين مواضيع و ردود الأغاني و المطربين و المطربات و تحطهم بتوقيعك أو صورتك الشخصية !

فعلا من اكثر الاشياء اللي تقهرني على مستوى جميع المنتديات لأن الحركات هذي مو بس هبالة.. الا احس فيها نقص في الرجولة بعد
والله يثبتكم ان شاء الله

 

[Nintendude]

زيل: حط التوقيع :razz:

Edit:

300X150
اذا ماني غلطان
أنت الأرتفاع 184 مو 150

300 في 100

 

[mubark]

منامانع مسموحة.. لكن فيديو كليبات مدونا و شكيرا و بشير شنان ممنوع

خخخخخخخخخخخخ أجل بشير حمد من الي ذوقه غبار 😀

الله ينور طريقك والأداره ككل لأن تحمل ذنوب الغير
وهذي الشروط الرائعة المراعية للشروط الأسلاميه بحذافيرها هي الي نبحث
عنه لأننا نبي ما يرضي الله .

وانا متأكد ان الكل راح ينظبط لأن الله بيظبطه
وعن عائشة رضى الله عنها قالت: قال رسول الله صلى الله عليه وسلم: "من أرضى
الناس بسخط الله سخط الله عليه وأسخط عليه الناس ومن أرضى الله بسخط الناس
رضي الله عليه وأرضى عليه الناس" رواه الترمذي.

وفق الله الإداره لما يحب ويرضى
وسدد خطاكم وجزاك الله خيراً
​

 

[Hironobu Sakaguchi]

طبعا بالفترة الي منعتوا فيها التواقيع انزعجنا

بس سعد ما رجعتوها حاس انه ما في مشكلة نقعد بدون تواقيع

انا من ناحيتي حطيت توقيعي اليوم لاني ابغى انشر الرابط الي تحته لشباب ال RPG خاصة

واذا كان في مشاكل علموني واغيره

 

[Ginko]

Zidan's pic is alright ..but you have too many words there..try cutting down the sentences to two lines..

 

[Nintendo]

هيرنابو مسموح فقط بسطرين غير الصوره بالتوقيع ( انت مسوي 4 سطور ) 🙂 وياريت كمان بالحجم العادي لانه الحجم الكبير صراحة ياخذ مساتحه كبيره من الصفحة وشكله مش حلو ...

 

[squall leonhart]

و الله لو تفكونا من التواقيع احسن .. صراحه مال امها داعي و تسوي زحمة على شباب الدايل اب .. و بعض الشباب يحطوا فيها اشياء مالها داعي

 

[king zell]

تم إيقاف المجموعة التالية:

Miyamoto
M7L
itachi
Hironobu Sakaguchi
fnh
Aizmov
squall leonheart


بسبب مخالفة قانون التواقيع.. أقصى مدة للإيقاف بينهم هي أسبوع..

 

[King Wario]

تم إيقاف المجموعة التالية:

Miyamoto
M7L
itachi
Hironobu Sakaguchi
fnh
Aizmov
squall leonheart


بسبب مخالفة قانون التواقيع.. أقصى مدة للإيقاف بينهم هي أسبوع..

لووووول ... بدا الجد p:

زين ما يصير اتوسط حق fnh ؟ .. الرجال طيب وولد حلال وما يستاهل p:

 

[sehro]

._. ......!

 

[Nintendo]

لول

شباب كل اللي توقفوا اخوان واعزاء علينا .. ولكن القانون راح يمشي على الجميع ونحنا ماطلبنا شئ مستحيل وحذرنا كثير والخ الخ .. المشكلة اغلب اللي توقفوا اعتقد مايشاركوا غير على فترات متقطعه وغير كذا ماعتقد يدخلون القسم العام ابد ...

عموما الايقاف لمدة اسبوع او غيره شئ عادي جدا ومجرد تنبيه فقط لقانون اتمنى من الجميع الالتزام فيه كما تعودنا من الجميع 🙂

 

[Final Fantasy]

الحين وقفتو Aizmov بس لأنه حط اسم BoA في التوقيع !!!!

مو صورة ... مجرد اســــــــــــــم !!!!

بالله عليكم من جد وقفتو الرجال علشان "الاســـــــــــــــــــــــــــــــــــــــــــــم" ؟؟؟؟؟