PES 11 .. تطويرات كبيره .. تقنيا قدامها مشوار لين ما توصل لفيفا لكنها صارت مقبلولة جدا الان .. الجيم بلاي تغير كثير عن السابق طقها و الحقها و اسلوب الجري ب R1 ابدا ما صار ينفع .. لازم تعتمد بشكل كبير جدا على التمريرات المحسنة كثيرا عن قبل .. بس المشكله الكبري و الطامه بالنسبة لي هي AI الفريق في الهجوم و الحركة بدون كورة .. ال ون-تو بطيئه جدا جدا و احيان كثير لاعب يتنح و ما يجري او يجري و يوقف بسرعه ,, الحركة بدون كورة معدومة .. الاعتماد الثاني بعد التمريرات هي التسحيب و الخدع .. و هنا اشوف نقطة قوية جدا ل بيس 11 و اشوف ان نظام التسحيب فيها يتفوق بمراحل على نظام فيفا الي ب 95% من المواقف ما يتحتاجه .. نظان ال Faint Link ممتاز على الرغم ان احيان كثيره احاول اطبقة بدون ما يستجيب اللاعب .. و جركات التسحيب الجديدة حلوه و مفيدة جدا ..
لعبت 10 مباريات ممكن و ما شفت اي اخطاء تذكر على الحراس او الدفاع .. مستوى الدفاع و تحركاتهم ممتازة و ما يتركون فرغات كبيره للمهاجمين .. الان ما صار ينفع انك تركض بس ي R1 و تعدى من المدافع .. جربت ميسي الي هو اكثر لاعب مهاري و قطع الكور سهل جدا منه لو كان مستعمل اسلوب الركض فقط .. التسحيب كمان يقطع بشكل ممتاز في التوقيت المناسب .. ابراهيموفتش مثال اخر كلاعب من اقوى الاجسام كمان ما ينفع معاه اسلوب الجري عكس اخر 4 اصدارات من PES .. الحراس ممتازين في اغلب المواقف .. في التسديدات من بعيد .. و الانفرادات و العرضيات .. الاستجابه كمان حلوه .. هذي نقطة ثانية اشوف انها تتفوق فيها على فيفا و حراسها الدلوخ الي في الانفرادات مالهم لا حول و لا قوه فيها ..
القوائم حلوه و مرتبه .. قائمة تعديل الفريق و خيارات التكتيك هي نقطة التفوق الثالثه على فيفا .. تقدر تسوي حرفيا الي تبغاه بفريقك بحرية كاملة و سهولة تامة .. عجبتني فكرة انك تشيل اللاعب من على خريطة الملعب و تحطه في المكان الي يعجبك بضغطة زر ( على سبيل المقارنة فيفا تدخل 3 قوائم مملة و بعدها في محدودية كبيرة في اختيار مكان اللاعبين ) .. الاوست الي في الديمو بنفس مستوى الالعاب السابقة موسيقى تكينو متوسطة ..
نتكلم عن الديمو كديمو.. اعتبر انه ناقص كثير في امور التعليم و شرح الانظمة الجديدة في هذا الجانب نشوف سقوط تام و ان متأكد ان اغلب االي بيلعبوا الديمو ما رح يعرفوا شي عن ال Faint Link الي هو اهم اضافة لانه ما في اي شرح عنه او استعماله ( يا ريت اذا احد فهم للنظام كويس يشرحه لاني لسى حايس معاه ) .. شي ثاني سلبي مافي غير البرشا و بايرن و فريقين من امريكا الجنوبية بس .. يعني على الاقل شوية تنويع ..
الخلاصة : اصدارة جديد حلت كثير من المشاكل و جلبت الكثير من الجديد على السلسة .. لكن الى الان ما اشوف الشي الي يخليني اترك فيفا المصقولة اكثر و لعبها السلس و تحركات الفريق الواقعية الممتازة و ارجع الغب بيس الي رح اجلس طول المبارة اسب بالمهاجم الي مو راضي يتقدم و يفتح مساحة عشان امرر له .. اللعبة عموما شكلها بتكون كارثة للاعبين الجدد لانها صعب جدا الدخول الى اجوائها و طريقة لعبها .. لكن اتوقع اللاعبين القدامى محترفي الاصدارات السابقة بيحبون التطويرات الي صارت للعبة و بيتعلقون فيها اكثر
