بقى ٢٤ ساعة، سارع بالتصويت لفهد الدعجاني. العربي الوحيد في مسابقة Google للتصوير.

[Isaac]

السلام عليكم شباب

اتمنى أي واحد عنده أكاونت في قوقل يدخل ويصوت لثيم زميلنا المبدع فهد الدعجاني، أحد طلاب قسم التسويق في جامعتنا، واللي قدر إنه يوصل للنهائيات في مسابقة قوقل للتصوير.

صوت هنا

http://www.google.com/intl/en/landing/photographyprize/vote.html#theme13

-------

الفايزين بتعتمد صورهم كثيم إضافي في iGoogle .

 

[Mansoury]

تم التصويت
الله يوفقه ان شاء الله ^^

 

[Fatal Error]

تم التصويت, مو لانه سعودي بل لانه يستحقها....:happy:

 

[persona]

Thanks for voting for Fahad AlDaajani

يستاهل

 

[Solid Snake]

تم التصويت .

 

[nbnt]

وعليكم السلام

اتمنى أي واحد عنده أكاونت في قوقل يدخل ويصوت لثيم زميلنا المبدع فهد الدعجاني

ليش؟ عشانه سعودي؟ اي سعودي - خليجي - عربي لازم اصوت له حتى لو كان غيره يستاهل أكثر؟ بصوت للي يستاهل.

 

[T i d u s]

تم التصويت .. الله يوفقه 😎:​

 

[Cizer Shnider]

تم التصويت

 

[Silent Shadow]

تم التصويت 🙂 أعماله حلوة رغم وجود منافسين .

 

[Gaara]

تفاجأت بصراحة بوجود رسالة في إيميل الجامعة عنه..
على فكرة ما يحتاج ان يكون عندك اكوانت في جوجل..وتم التصويت من فترة..و كتبت عنه في موضوع العشوائيات و موضوع المصورين قبل 3 ايام ! لكن اكيد يستاهل موضوع منفصل عنه .

 

[Adjo]

تم التصويت
الله يوفقة 😡

 

[Megagarcon]

ماصوت له بحكم العاطفه ولانه ابن بلدي. لكن ثيمه رائع وبصراحه هو مصور مبدع! ملاحظ ان في كثير مبدعين عندنا في السعوديه .. سواء مصورين ولا كتاب ولا مخترعين .. الخ بس مافي دعم لهم للاسف الشديد.

 

[squall leonhart]

ما احب اني اصوت لشخص لمجرد انه سعودي و لا عربي .. المفروض الاختيار يكون بدون الواحد ما ينظر للجنسيه .. بس احنا العرب نحب ندخل العاطفه بكل شي ..

شفت الاعمال كلها و مشاء الله فهد مبدع جدا لكن هو ليس الافضل فعشان كذا ما صوت لاحد

 

[megaman]

ما احب اني اصوت لشخص لمجرد انه سعودي و لا عربي .. المفروض الاختيار يكون بدون الواحد ما ينظر للجنسيه .. بس احنا العرب نحب ندخل العاطفه بكل شي ..

شفت الاعمال كلها و مشاء الله فهد مبدع جدا لكن هو ليس الافضل فعشان كذا ما صوت لاحد

..........

 

[Isaac]

اللي ما وده هو حر باختياره، في النهاية.

شخصيا، أنا مصوت للشخص عن قناعة. اللون مريح للعين كخلفية في iGoogle.

بس مسألة التصويتات (خصوصا المجاني منها) فيها نظر كبيييير .. مش كل العالم تصوت للشخص الأجدر، وكثير من المسابقات والبرامج التلفزيونية العالمية اثبتت هالشيء. مسألة التصويت قد تكون لها عدة دوافع، تعاطف، عبط، شهرة، إلخ ...

ممكن إني صغت الطلب بشكل خاطئ... بسبب العجلة... لكن ما فيه مانع من إني أعيد صياغته.

اتمنى من الجميع إنهم يدخلون ويصوت لثيم زميلنا المبدع فهد الدعجاني في حال اقتناعهم بتصميم الثيم اللي قدمه.

 

[KOTSHY]

اولا تسلم حازم


بصرف النظر ان عمله يسوى ولا ما يسوى بأصوتله لأنه العربي الوحيد الي تأهل ما بين ألاف يعني ما تأهل بواسطة او مجاملة كما يحصل بغالب المسابقات

أولا لتشجيعه ان يقدم أفضل بمجال التصوير بالمستقبل
ثانيا عشان تشوف العالم انه فيه ناس مبدعين عندنا
ثالثا عشان يزيد اهتمام الناس بمجال التصوير اكثر عندنا لو فاز سعودي

على العموم انا عجبني تصوير الفرنسي مبدع الصراحة بس بأصوت لفهد

 

[Akilla]

تم التصويت 😛

 

[Noah`s Ark]

متى راح يكون الإعلان عن النتايج؟
​

 

[Mista Koo]

صراحة المسابقة غبية.. الصور بعظها رهيييبة بس يطلع شكلها مقرف على قووقل :yuck::

 

[Zero]

صوتت له ، أحس شغله أحسن شيء بالفعل.

 

[Isaac]

أبشركم يا شباب ...

وصلني خبر إن الأخ فهد وصل للنهائي ضمن أفضل ٦ أعمال، وراح يشارك في معرض ساتشي في لندن يوم الثلاثاء القادم حيث سيعلن اسم الفائز بالمسابقة 😉



يستاهل !!

 

[Dr MaD]

زي ماوصلك يا حازم .. فعلا فهد وصل للنهائي

http://www.friendsoflight.com/forum/showthread.php?t=29040

عمله متميز .. وينافس باقي الأعمال بجدارة

 

[s3rorh]

وراح يشارك في معرض ساتشي في لندن يوم الثلاثاء القادم حيث سيعلن اسم الفائز بالمسابقة

ممكن تفاصيل اكثر عن مكان المعرض و الوقت 😎:

 

[Majeed]

المشاركة الفائزة .. الي صوتوا لها ما عندهم أي ذوق على الإطلاق >___> ..

تعديل: أحححح .. يبدو أني نسخت أبو الصور بدون ما أدري >_> تم التعديل ..

 

[Niessu7]

Winner

• Daniel Halasz, Hungary

Finalists

• Amelia Ortúzar, Chile
• Fahad AlDaajani, Saudi Arabia
• Matjaz Tancic, UK
• Mikhail Simin, USA
• Vesna Stojakovic, Serbia
• The jury also awarded an additional jury's commendation prize to Aliyah Hussain, UK.

http://www.google.com/intl/en/landing/photographyprize

 

[Solay]

وش ذا المشاركة البايخه.!!!

وشلون تأهلن للنهائي اصلا.

 

[Dr MaD]

فهد الدعجاني في المرتبه الثالثه ..
شي حلو .. ومع احترامي للفايز بس شغل فهد يمتلكه !

 

[Noah`s Ark]

اختلاف اذواق الناس هو الي سوى هالشي ..

وزين ان فهد بيشارك بالمعرض , ننتظر تغطيات المعرض ..
​

 

[mohamed]

المفروض ان المنظمين لأي مسابقة يحطون الصور بدون أسماء أو جنسيات المشاركين , عشان تكون التصويتات صادقة بقدر الامكان.

 

[Noah`s Ark]

^

معاك حق , حتى فهد الدعجاني نفسه في مصوتين له من غير امانه ..