بعد 30 سنه .. السنيما تعود الى السعوديه لكن بشكل جديد !

[Jonas]

لول . بعض الناس يحسب ان الدعوه افتحو سينما وخلاص !! عزيزي انت تعرف الشكليات الي بتجي في السينما كيف ؟ خاصه عندنا بالرياض شوف الاشكال الي بتجي مابين مخرب ومابين مهرب ومابين وإلخ إلخ ومابين القضايا الي بتجي داخل هالصالات ومابين ومابين

بعض الناس مايفكر الا بنفسه واخوياه كان السينما مصنوعه لهم مايدرون ان هالسينما لافتحوها مصنوعه لاكثر من نصف مليون نسمه بس بالرياض !! يعني تخيل الزحمات وذا جايب مبزرته معه يناظر معهم الفلم وذا جايب اخوانه الصغار وواحد يسولف مع خويه والثاني يقشم حب باجه والثالث ينطل ديو والرابع يصارخ متحمس مع الفلم والخامس يصارخ ينقد الفلم

يعني كلنا عارفين الوضع ليه نناقض انفسنا ونبي نقلد بالي هيبه بعدين زي ماقالو الشباب السينما قليله بحقها كلمة اوفرريتد يعني افضل لي شاشة LCD 40 بوصه في البيت ومعي اكلي ومعي فلمي محمله تورنت واناظره بكل طمانينه وراحه وهدوء !؟ ولو على اصحابي بشوف وياهم فلم احط الشاشه في الملحق واتابع الفلم معاهم !!

فكرة السينما لاراحت ولاجت !! ومصيرها فشل كبيير

لان عندنا الشعب متعصب

مثلن

نوعيه C من الشعب بتتضايق من نوعية H من الشعب

فـ نوعية C بيقولون مانحن رايحين للسينما فيه H واجد ويخربون

وإلخ وتعارضات هذا ياحبيبي غير الي بيدخلون صالات السينما للبنات وغير التسيب الي بيصير بعنف فيها


اسباب كثييره تمنع هالشيء وانا اشوف الحمدلله السعوديه ماهم محتاجين سينما على الاطلاق والي يقول نعم محتاجين يعطيني سبب لحاجته !؟

معاك حق أكيد الشعب توه ما عنده خلفيه عن مسأله انك تكون داخل السينما ولازم هدوء و الخ... يعني احتمال يدقونها سواليف و فصفص باجه زي ما قلت... لكن كل ذا الاشياء ما تمنع و بالنسبة للي تقول رح يكون فيه مخربين .. اعتقد بيكون فيه سيكيورتي

و سالفة احمل تورنت و مدري ايش .. لا ياخي هي مو المسأله عن سهولة المشاهده أكيد اي واحد بيقدر يشاهد في البيت لكن المسأله عن ان هنا في السعوديه و الرياض خصوصاً ما فيه مكان الواحد يقدر يطلع يقعد فيه في اوقات الفراغ .. فأشوف ان صالات السينما بتحل جزء كبير من المشكله

 

[Fahad Al-Shareef]

افتح سينما ، ارفع الاسعار ، تفتك من الحنس ..

اكبر دليل مثلا ً مباريات الهلال او مباريات النصر او اي نادي سعودي ..

شوف لما يكون الدخول مجانا ً ، وشوف الفرق لما يكون ب30 ولا حولها ..

والله فرق السماء عن الارض ، ولازم تحط السينما في مكان راقي وحي بعيد عنهم ، .. انا متأكد باذن الله انها بتنجح ولا راح يكون فيها اللي انتوا قلتوه ..

طبعا انت لا تروح اول مايفتحونها -__- ، يعني يالله شهر شهرين او حتى ثلاثه ..

 

[DONY]

شو الفايدة اذا كان نص الفيلم راح يكون مقطع أو معدل ؟؟!! زمان كنت أتمنى هالشيء بس بعد مشاهدة أفلام اللي تنعرض على القنوات العربية وكيف بتكون مقطعة ومعدلة بشكل زائد عن اللزوم وكيف كمان أنه عندنا أغلبية فئات الشعب هنا أبداً والله ما خرجهم أنه ينحطلهم سينما اذا لساتهم بنفس تفكيرهم الأعوج (أنه السينما مكان للتدييت والترقيم وهالشيء عرفوه من روحتهم للبحرين ).

 

[iCrow]

بعض الناس مايفكر الا بنفسه واخوياه كان السينما مصنوعه لهم مايدرون ان هالسينما لافتحوها مصنوعه لاكثر من نصف مليون نسمه بس بالرياض !! يعني تخيل الزحمات وذا جايب مبزرته معه يناظر معهم الفلم وذا جايب اخوانه الصغار وواحد يسولف مع خويه والثاني يقشم حب باجه والثالث ينطل ديو والرابع يصارخ متحمس مع الفلم والخامس يصارخ ينقد الفلم

وش دعوه باقي السينمات مافيها هالسوالف :laugh::

 

[D.K]

وش دعوه باقي السينمات مافيها هالسوالف :laugh::

السينما في الإمارات ما فيها ذاك التقطيع، وفيها مراقبة شديدة على الفئات العمرية.

 

[iCrow]

السينما في الإمارات ما فيها ذاك التقطيع، وفيها مراقبة شديدة على الفئات العمرية.

كنت اقصد الناس الي تدخل وتسولف ... الخ
ما اعتقد في حل لهالناس غير انها تلتزم الهدوء من نفسها ,,, بتقول اممم لا هذولي شكلهم بيسون ازعاج لا ندخلهم !
في سينما البحرين قبل عرض الفلم يكون في اعلان توعوي عن الهدوء بالصاله وبس

 

[X-SRI-X]

شباب ... ممكن استفسار
انا بحياتي ما زرت سينما في الدول العربية بس في تركيا
هل فيه تقطيع للاشياء الواضحة والتي يظهر بها ما حرم الله النظر بها ؟ ولا مخلينها فل ابشن كل شي طالع ؟

 

[Fahad Al-Shareef]

انا جربت الكويت والبحرين .. فل ابشن 😀

طبعا ً كلامي من الافلام اللي شفتها ..

الكويت مرتين . والبحرين .. كثير 😀

 

[X-SRI-X]

^^^^^^
يعني حمااااااااس

 

[Chris Van Dam]

أقول ورا ما تروقونا ، وش اللي أخوانه و عياله .

السينما المفروض تكون " شباب فقط " ، ويوقف واحد عند الباب ولو جت عايله * يقول له اسري ، بس شباب ، حسوا بها * لول .

لا جد ، المفروض يكون في مكان ترفيهي لفئة الشباب ، والسينما هو اللي بيمسك فئة كبيييييييره من الشباب ، وبتقل الزحمه بالمجمعات وشغل المعاكسه اللي " ظالمين فيه كل الشباب " عشان فئة قليلة .

سينما للشباب فقط ، وبفئات عمريه * وتشدد فيها * . صدقوني بتحل أزمة .

+ اذا فتحوا سينما يتقوا الله بالتقطيع .. ما تدفع 30 ريال وتدخل ، ومن تجي لقطة البطل بيبوس البطله تلقى قطعه اليمه وشوي وانت بنهاية الفيلم .

 

[squall leonhart]

أقول ورا ما تروقونا ، وش اللي أخوانه و عياله .

السينما المفروض تكون " شباب فقط " ، ويوقف واحد عند الباب ولو جت عايله * يقول له اسري ، بس شباب ، حسوا بها * لول .

لا جد ، المفروض يكون في مكان ترفيهي لفئة الشباب ، والسينما هو اللي بيمسك فئة كبيييييييره من الشباب ، وبتقل الزحمه بالمجمعات وشغل المعاكسه اللي " ظالمين فيه كل الشباب " عشان فئة قليلة .

سينما للشباب فقط ، وبفئات عمريه * وتشدد فيها * . صدقوني بتحل أزمة .

+ اذا فتحوا سينما يتقوا الله بالتقطيع .. ما تدفع 30 ريال وتدخل ، ومن تجي لقطة البطل بيبوس البطله تلقى قطعه اليمه وشوي وانت بنهاية الفيلم .

يعني بالله تبغى يحطون لك التبويس كذا عيني عينك بمكان عام !!!!!! السينما موضوعها شائك و لو فتحنا سينما و راعينها فيها اننا مسلمين و انا ببلد مسلم ف 90% من الافلام ما يصلح تنعرض .. فماني شايف ان السنيما بيكون لها داعي مدام اواضاعنا كدا

 

[Al Pacino]

السينما في الإمارات ما فيها ذاك التقطيع، وفيها مراقبة شديدة على الفئات العمرية.

اختي الصغيرة عمرها 8 سنوات ودخلت فلم سولت الي تقييمه العمري 15 ..


عموما بالنسبة للسينما .. الي يرفع ضغطك ان حنا الحين بمرحلة الشباب واذا فكرت فيها .. كم سنه لين يفتحون السينما ؟ كم سنه وبتصير الافلام كلها تعرض ؟ كم سنه ويصيرون يقطعون المقاطع زي الناس ؟ كم سنه والشعب بيحترم وش هي السينما ؟ كم سنه وبتخف الزحمة الكبيره الي يتصير على السينما اول ماتفتح .. ؟ كم سنه وتصير السينما عندنا زي دول الخليج على الاقل ؟ الا حنا اعمارنا عالـ 35- 40 -_-"

 

[Chris Van Dam]

^

واحد اعرفه .. عمره 20 ، لكن شكله يوحي انه اصغر عن 18 .. ما قبلوا يدخلونه فيلم +18 إلا بعد ما وراهم أثبات * بطاقة الهويّة .

يعني بالله تبغى يحطون لك التبويس كذا عيني عينك بمكان عام !!!!!! السينما موضوعها شائك و لو فتحنا سينما و راعينها فيها اننا مسلمين و انا ببلد مسلم ف 90% من الافلام ما يصلح تنعرض .. فماني شايف ان السنيما بيكون لها داعي مدام اواضاعنا كدا

فهمتني غلط الله يهديك .

المقصد هو ما ابي تقطيع مثل قناة السعودية الأولى سابقا ، يجيك مقطع مثل كذا ويقص لك 10 دقايق وراها ، يب يقص المقاطع المخلّة مثل ذي ما قلنا لا * واطالب فيه بعد .

بس مو أنه تقطيع ويخرّب الفلم .

 

[Al Pacino]

صحيح الـ+18 عليه تركيز .. بس الـ +13 و+15 ماعليه تركيز ابدا ..

 

[JOKER MASK]

يعني بالله تبغى يحطون لك التبويس كذا عيني عينك بمكان عام !!!!!! السينما موضوعها شائك و لو فتحنا سينما و راعينها فيها اننا مسلمين و انا ببلد مسلم ف 90% من الافلام ما يصلح تنعرض .. فماني شايف ان السنيما بيكون لها داعي مدام اواضاعنا كدا

رح شف الافلام العربيه تتقطع ؟ الجديده والقديمه وتنعرض على تلفزيون اكثر من 10 مليون مشاهد يشوفها ! ,,, وبعدين ليه التقطيع اساس مانبي تقطيع لان وزارة الاعلام ما عنده شي احتراف التقطيع بالبركه صدقني اذا فتحو بتحصل مقطع يستحق التقطيع وما تقطع وبتحصل مقطع ما يستاهل يقطعون ! والمصيبه الكبر تحصل فلم رعب مدته 3 او ساعتين ونص تتفاجئ عندنا انه ساعه وربع الله لا يهنكم لا احد يطالب بالتقطيع ولا يفتحون سينما

 

[Chris Van Dam]

^

على ما اظن المقصدمن التقطيع اننا نبي تقطيع احترافي .. شغل طبطب وليّس يطلع كويّس ماحد يبغاه .

 

[FARES_]

بالنسبة للتقطيع بالكويت... انا مو قاهرني الا شي واحد لما يقطعون مقاطع عنف ودماء في فلم رعب !؟!!!!؟
يعني بله اسمه فلم رعب يحذفون مقاطع الدم وقطع الرأس ومثل هذي المشاهد لييييش -_- ويسمونه فلم رعب بعد

 

[Nyx]

لو فتحنا سينما و راعينها فيها اننا مسلمين و انا ببلد مسلم ف 90% من الافلام ما يصلح تنعرض ..

شوف ما أبغى أدخل في الغويط بس في أشياء لو كان مطبق الإسلام صحيح ماراح تكون موجوده فهذي النقطة مفروغ منها بس طبعا راح يقطعو المشاهد الإباحية.
أنا كنت عايش في الأردن ومداوم على السينما أسبوعيا وإكتشفت إن لكل سينما فئة من المجتمع تفضلها (السعر + وجود أفلام عربية + الموقع...إلخ) , يعني إلحين كل العالم إللي عندهم سينما بتقنعوني إن شعبهم بيرفكت :laugh:: ؟ .
بالعكس عندنا ناس كثير يحبو يلتزمو بالنظام وصار فيه وعي أحسن من أول.

 

[Fahad Al-Shareef]

اول لو يجي "تبويس" وتشوف بنص عينك بس ، شوف التفقيع والتأديب اللي يجيك ..

الحين .. ممكن تمر اللقطه وانت جالس تشوف الفلم مع اهلك ، ولا كأن شي صار ، ماعدا اخوانك الصغار يمكن !

انا صراحه ضد التقطيع .. اذا بيكون فيه ،، فالافضل اني اشوف الفلم في بيتي ..

 

[Brewmaster]

اول لو يجي "تبويس" وتشوف بنص عينك بس ، شوف التفقيع والتأديب اللي يجيك ..

الحين .. ممكن تمر اللقطه وانت جالس تشوف الفلم مع اهلك ، ولا كأن شي صار ، ماعدا اخوانك الصغار يمكن !

انا صراحه ضد التقطيع .. اذا بيكون فيه ،، فالافضل اني اشوف الفلم في بيتي ..

يا سلام عادي الاباحة تنعرض في مكان عام قدام عشرات من الناس مافي مشكله ؟؟!! واذا كانت على سياسة "ينعرض على التلفزيون وقفت على السينما" , يعني اذا في شيء غلط خلاص نقول انشروه قدر الإمكان خذوا راحتكم ؟؟!!

 

[Fahad Al-Shareef]

^
وشفيك زعلان ياصديقي ؟

هذا رأيي ياخي عجبك وتقبلته زين ماعجبك بسلامتك ياصديقي ،

اذا التقطيع بيلغي جزء كبير من الفلم وماراح يخليني اشوف شي ولا افهم القصه ، ليش اشوف الفلم ياخي . غباء ..

يعني انا جالس اشوف فالم خلينا نقول ساعه ونص ، وجاء مقطع اباحي ، وحذوفه ،، تخيل لو المقطع هذا فيه لقطه او كلمه او تويست يخرب عليك الفلم كامل ؟ ..

راحت عليك ساعه ونص من حياتك عالفاضي ..

عالعموم ، رأيي وما افرضه عليك ، ولا قلت لك تقبله ..

 

[X-SRI-X]

انا شخصيا بدل التقطيع يحطون مربع اسود يغطي ما حرم الله رؤيته + الغاء الاصوات المزعجة مع وجود المحادثات
وبكذا ما راح ياثر على القصة

 

[D.K]

كنت اقصد الناس الي تدخل وتسولف ... الخ
ما اعتقد في حل لهالناس غير انها تلتزم الهدوء من نفسها ,,, بتقول اممم لا هذولي شكلهم بيسون ازعاج لا ندخلهم !
في سينما البحرين قبل عرض الفلم يكون في اعلان توعوي عن الهدوء بالصاله وبس

نادي أقرب officer و خلى يتفاهم معاهم. و يا كثر الناس إلا انطردت من عدم الهدوء في سينما البحرين.

 

[Fahad Al-Shareef]

انا شخصيا بدل التقطيع يحطون مربع اسود يغطي ما حرم الله رؤيته + الغاء الاصوات المزعجة مع وجود المحادثات
وبكذا ما راح ياثر على القصة

كبيير ياخالد " سوري اتوقع اسمك خالد ، كاني اتذكر 😀 " ، ماشاء الله ،

مع ان الفكره سهله ، بس غريبه ماحد تذكرها ..

بس الشي هذا مايضر الشركة اللي بتبيع الفلم عالسينما ، ولا يعطونها تعويض ؟ :]

 

[X-SRI-X]

^^^^
اسمي خالد :

 

[Fahad Al-Shareef]

ونعم والله ،

محسوبك فهد 😀

تشرفنا ياصديقي ، بس ما رديت على سؤالي .. :

 

[X-SRI-X]

بس الشي هذا مايضر الشركة اللي بتبيع الفلم عالسينما ، ولا يعطونها تعويض ؟ :]

بس كيف راح يضر الشركة ؟ ما توقع فيها شي

 

[Fahad Al-Shareef]

ماتعرف المثل الامريكي اللي يقولك S** Seeds ؟

اجل وش تحسب الهدف من المقاطع الاباحيه اللي في الافلام والمسلسلات ياصديقي ؟

المخرج يدفع الوف عشان الممثل الفلاني ولا الممثله الفلانيه ترضى تسوي المقطع الاباحي هذا .. عشان ايش ؟

عشان هدف تجاري بحت 100% ، بعض الناس يدور هالمقاطع في الافلام ، وبعضهم حتى مايشوف فلم بدون هالشي ..

:]

وصلت ؟ ، ما احب اتكلم اكثر في هالموضوع 😀

 

[X-SRI-X]

^^^^^^^
بس لو المخرج كان متعدي حدود معينة في دول معينة فمن حق الدول يشيلوا الي يبوه
الشي الثاني اتوقع ان مركز السينما هي الي تدفع مبلغ تشغيل الفلم , اي ان ارباح الفلم يجي من مراكز السينما الي تدفع حق التشغيل وذي المراكز هي الي ممكن تخسر والله اعلم

 

[Fahad Al-Shareef]

لا انت ما فهمت قصدي ، المخرج يقول اوكيه ببيع عليكم الفلم ، السينما : بنحذف منه مقاطع " ولا على قولتك المربع الاسود " ، المخرج : اهااا لا سوري ، عطوني تعويض ..

عرفت ؟

ايه صح عليك ارباح الفلم من مراكز السينما والديفي دي والبلو ري طبعا ً ،

بس مركز السينما كيف يشغل شي ماعنده ، ، يعني الشغله حقوق ، لازم يشتري الفلم من الشركه او المخرج .