hits counter

بعد التجربة : Ryu ga toku !!

gray fox

gray fox

True Gamer
ryu_screen001.jpg




بدون مقدمات ... أمس قبل النوم جربت اللعبة !!

نزلت اللعبة من التورنت ... لأنها حالة خاصة ...كنت متشوق العبها كما اني اريد أي لعبة نكست جنريشن !! فكان ما شي غير هذا الطريق !!

المهم : الإنطباعات !!


البداية : تبدأ الأحداث بنظرة على المدينه ليلا.. يظهر حوار بين شخصين ... اعتقد ^^"

(1-10-2004) يطلع كازاما وبيده مسدس وتحته رجال كبيرفي السن مقتول و ملطخ بالدماء بشكل جنوني !! ثم يلتقط كازاما خاتم طايح في الأرض مكتوب عليه اسم امرأه ..ما اذكره ...>< بس من أربع حروف .. ستعرفون من هي لاحقا !!

يجري شرطيان بسرعه ويدخلان على كازاما الغرفه .... تنتهي الأحداث!!!

بعد ذلك!

(30-9-2004) يعني قبل اللي حدث أول بيوم .. ينزل كازاما من سيارة صديق له اسمه شنجي ( شكله شوي غبي) لكن صوته معتدل ..يمشي وتمشي معاه في المدينه .. يوصلك عماره يقولك ادخل !!

هناك ... يحدث أول قتال ..واللي فيه لازم تسوي الحركات اللي تمليها عليك اللعبة ( كتدريب) على الجماعه( إلي الله يعينهم) !!

تكتمل الأحداث ...وبتوصل إلى ما وصلت فيه في اليوم السابق ( الجريمه) .. الأحداث رهيبه بشكل ما تقدروا تتصوروه

على فكرة ... إخراج الأحداث رهييب مرة ..بيذكرك بشين مو بكل سهوله ..ويمكن أكثر بعد
الأحداث من أولها مليئة بالمفاجئات!!


القتال :
فعلا فعلا ..... قوي جدا ... 😵
هذا الشي اللي ما اقدر اشرحه ... ولو شرحته أو شفته كعرض ما تقدر تتصور كيف رهيب وانت ماسك الجهاز !!

بس أقدر أقول انه عنيييف بشكل .. وخاصه لما تقوم بالحركات الخاصه لما يمتلأ عداد الطلقه بعد القتال مع كم من شخص !! طبعا قريب من شين مو لكن مع اضافات التفاعل مع البيئة حولك واللي تقدر تشل اللي فيها وتقاتل به( مثال : سيكل ..مظرب ..خشبه ..كرسي "><) وتكسر رووس اللي تقاتلهم فيها بعد ..( مثل اللي شفناه في العروض)

ryu_screen005.jpg

ryu_screen006.jpg



الأشياء اللي ما عجبتني في القتال .

هو أولا ظهور موثرات بصرية بسيطه فوق كازمالما يمتلأ عداد الطاقه أو خلال بعض الكومبوز !! وهذا عكس شين مو ..اللي كان يعجبني انه ما فيها هذا الشي أنا وغيري !! لكنه لن يؤثر على التجربه كثير !!
ثانيا:الحركه متقنه وحلوه .. لكن ناقصها لمسة بسيطه !! امم ..لأما تلعبوا بتحسوا فيها ..ولو اظن انك ما بتحس فيها مع اللعب ..لانه القتال حماس



التجوال :

اقدر اقول انه ما فيه تجوال وحرية كبيرة في الحركه في المدينه ( حاليا ) لكن تقدر تدخل دكان وما شابه ..بس شو بتشتري الله أعلم !! ياباني !! ^^" ...ويوجد خريطه أثناء اللعب في الطرف تداليك على الأماكن اللي تقدر تدخلها أو الأماكن اللي لازم تروح لها حتى تكمل القصه
ryu_screen003.jpg


الرسوم :

الشخصيات اللي تمر عليك رسمها متقن جدا .. حركت ( البراطم ) واقعيه جدا .. كازاما لن تصدق دقة التفاصيل اللي فيه ... ملابسه ..شعره عيونه الخ . باختصار: من هذا الجانب ..بتشوفوا العجب 🙂
ryu_screen004.jpg


الشخصيات اللي تتجول في المدينه ...رسمها مش ولا بد ( اقدر اقربها بشخصيات ريزدنت ايفل 3 لكن منعمه...تقريبا تماما) .... لاكن تؤدي اللي عليها كناس رايحه جايه بس!! وتقدر تسمع اصواتهم من شكر وسلام بالياباني طبعا !!


المدينه والأماكن الداخليه تؤدي اللي عليها !! وأكثر !!


الموسيقى 🙁 أخيرا )

تقريبا جاز في القتال( صاخبه شوي ^^").لكن هادئة في القصص والأحداث ... مناسبة 🙂 بشكل عام .. ما سمعت منها الكثير حتى أحكم ..



هذا ما عندي .... وأي سؤال أنا حاظر 🙂
 
التعديل الأخير:
لول انطباعات رهيبة 😉

بس كيف جاز وصاخبة شوية @_@ يمكن قصدك روك 😛
 
منتظر اللعبة من مدة .. ان شاء الله تكون متوفرة عندنا بالكويت .. الا على فكرة gray fox ما في نسخة انجليزية من اللعبة ؟
وهل في اللعبة Text/Subtitle انجليزي .. والاوديو ياباني ؟ على الاقل نقدر نخلص اللعبة فيه ؟
 
GSenius قال:
بس كيف جاز وصاخبة شوية @_@ يمكن قصدك روك 😛
أنقر للتوسيع...

لووووول 😀 ... أنا وش دراني في هالشغلات ..بس صدق هيه صاخبه شوي!! يعني اعتقد ..رووك!!
 
يا حظك ................... أنا مازلت منتظر اللعبة :cry:

مستنيها تنزل بس وروح وأخطفها من أي محل قريب
 
rubso قال:
منتظر اللعبة من مدة .. ان شاء الله تكون متوفرة عندنا بالكويت .. الا على فكرة gray fox ما في نسخة انجليزية من اللعبة ؟
وهل في اللعبة Text/Subtitle انجليزي .. والاوديو ياباني ؟ على الاقل نقدر نخلص اللعبة فيه ؟
أنقر للتوسيع...

عن النسخة الإنجليزيه .. .... جيم سبوت واضع : Q1 2006 يعني انشاء الله خير

عن اللغة و Subtitle ..الإنجلزي معدوم نهائيا حتى في الأوبشنز ...الشي الإنجليزي الوحيد اللي شفته هو تواريخ الأحداث ...ههههههههه

بس ولو اني ما أتوقع فيه Subtitle بحاول اشوف في بحر الخيارات اللي بالياباني ..لعل وعسى ...فيه على الأقل Subtitle انجليزي ...لانه فيSubtitle ياباني يوم تلعب !! ><
 
gray fox قال:
عن النسخة الإنجليزيه .. .... جيم سبوت واضع : Q1 2006 يعني انشاء الله خير

عن اللغة و Subtitle ..الإنجلزي معدوم نهائيا حتى في الأوبشنز ...الشي الإنجليزي الوحيد اللي شفته هو تواريخ الأحداث ...ههههههههه

بس ولو اني ما أتوقع فيه Subtitle بحاول اشوف في بحر الخيارات اللي بالياباني ..لعل وعسى ...فيه على الأقل Subtitle انجليزي ...لانه فيSubtitle ياباني يوم تلعب !! ><
أنقر للتوسيع...
الله المستعان ><
 
والله شكلها اللعبه ..... طيب بالله الضربات كون فو ولا كراتيه ولا ايش والامر المهم هل البطل يباني او صيني ؟ وسؤال مهم في شاشة الضربات والحركات للشخصية الرئيسية كم ضربة في وهل لكل ضربه عداد تطوير لها مثل او في شينمو اجلس موسوس في البراكينج اسوي الحركة مليون مره ^^
 
Old School قال:
والله شكلها اللعبه ..... طيب بالله الضربات كون فو ولا كراتيه ولا ايش والامر المهم هل البطل يباني او صيني ؟ وسؤال مهم في شاشة الضربات والحركات للشخصية الرئيسية كم ضربة في وهل لكل ضربه عداد تطوير لها مثل او في شينمو اجلس موسوس في البراكينج اسوي الحركة مليون مره ^^
أنقر للتوسيع...


كازاما .... يعني واضحه ياباني🙂

القتال اذا ما شفته في العروض ... فيه شبه من شين مو !! لكن الضربات عنيفه جدا ...تقدر تمسك اللي تقاتله مثل شين مو ..بس لما يظربه غير ..مثل ما قلت ..كله بالعنف !! الريال ما يتفاهم 🙂

الضربات تقدر تأديها بزر المربع ... بشكل متتالي ... لكن تقدر تسوي كموز .. بالضغط على مثلث خلال هذي الضربات. .. يعني مثلا ( مربع بعدين مثلث ... مربع مرتين بعدين مثلث)

زر الدائره تمسك بيه الخصم ... اذا امتلأ عداد الطاقه الخاص بك ..مو الحركات ... تقد تسوي حركة خاصه بحيث يلصق وجه اللي تقاتله في جدار أو اي شي يحصله عداله !! بشكل عنيف جدا طبعا 🙂

اتمنى أكون أفدتك!!
 
Old School قال:
ثانكس gray fox بقي شي واحد الله يخليك ويبقيك وصلة التورنت ^^
أنقر للتوسيع...

استغفر الله العظيم ... التورنت !!! ياخي ادعم الشركه !! مخسره ميزانيه كبيره على اللعبه!!

^^" ..أنا بعطيك الوصله لكن أمري لله !!( شوف الخاص)
 
في انتظار النسخة الامريكية*ان وجدت*🙂

اوراح اضطر العب بنسخة اصحاب العيون الضيقة ـ__ـ
 
طيب أبغى أسألك أخ Gray Fox أنا أعرف ان اللعبة فيها تلفيل , زي تلفيل الشخصية وتلفيل الحركات كل ماتقدمت في اللعبة + ان الاعداء الAI حقهم ( الذكاء الصناعي) يزيد بأستمرار كل ما تقدمت في اللعبة
أيش تعليقك هنا ؟

وسمعت ان اللعبة كل الItems حقتها اللي تشتريها لها فائدة زي تعبية الحياة وما الى ذلك , هل هذا الكلام صحيح ؟
 
Yu Suzuki قال:
طيب أبغى أسألك أخ Gray Fox أنا أعرف ان اللعبة فيها تلفيل , زي تلفيل الشخصية وتلفيل الحركات كل ماتقدمت في اللعبة + ان الاعداء الAI حقهم ( الذكاء الصناعي) يزيد بأستمرار كل ما تقدمت في اللعبة
أيش تعليقك هنا ؟

وسمعت ان اللعبة كل الItems حقتها اللي تشتريها لها فائدة زي تعبية الحياة وما الى ذلك , هل هذا الكلام صحيح ؟
أنقر للتوسيع...


تلفيل = فيه level up !!
0_o

اذا هذا قصدك ...فما ادري لحد الحين ...ما لعبت إلا أكثر من ساعه بشوي !! بس اعتقد انه تقدر تتعلم حركات جديده بشرائها ( اعتقد شفت صور قبل) او انه يمكن حد يعلمك ...يعني مثل شين مو!! ..مب متأكد ..بس مايطلع عداد يمتلي أو أرقام أو أي شي من هذا القبيل بعد كل قتال !!

وعن تقدم مستوى الAI هذا موجود من ايام الأتاري والعائله ..يعني أكيد !!

وبعدين بديت اقاتل ناس سهلين في البدايه ..حتى اهزمهم بدون اي ضربه تصيبني!!
لكن مع التقدم قليلا .... أكيد فيه فرق واضح ..لانه اضريت اعيد قتال يمكن مرتين متتاليتين^^"
والسبب انهم ما يزيدولك عداد الطاقه من قتال إلى قتال ...يمكن بس إذا مر يوم ..عن طريق مقطع قصصي

ومن هذا يمكن استنتج انه فعلا تقدر تعبي عداد الطاقه أثناء تجوالك من ( البقالات) 🙂 ..

عداد الطاقه صغير حيل !! أكيد بيطور بعد فتره ..بس ما ادري متى ...


المشكله ما اريد اتقدم في اللعبة وايدد حتى ما احرق احداثها لما اشتريها انجليزيه 🙂 ...


يا شباب اللعبه تستاهل تلعبها حتى لو ما عجبك شي فيها ...بس عشان القصه والأحداث الرهيبه بشكل !!...القصه فعلا واضحه انها " by award-winning novelist Hase Seishu"


سبويلير للي ما يبي يكمل شوي من القصه :
البطل بينحبس في السجن ...وبيقصروا شعره ...هههه ..وبيستوي قتال رهيب في اثناء تناول الطعام مع المساجين ...!! بيطلع بعد فترهمن الزنزانه عن طريق واسطه ^^ !!
 
لا أحب أقلك من دحين هذي المعلومة اللي أنت ما تعرفها ان اللعبة فيها تلفيل للشخصية زي ال BODY وال Strength وراح تتطور حركات وتكثر الكومبوسات ............... أنا بس كنت أبغى اعرف المزيد منك عن الشي هذا
 
Yu Suzuki قال:
لا أحب أقلك من دحين هذي المعلومة اللي أنت ما تعرفها ان اللعبة فيها تلفيل للشخصية زي ال BODY وال Strength وراح تتطور حركات وتكثر الكومبوسات ............... أنا بس كنت أبغى اعرف المزيد منك عن الشي هذا
أنقر للتوسيع...


"راح تتطور حركات وتكثر الكومبوسات"

هذا شي أكيد ومتوقع ..واعرفه من قبل ..وشي بديهي ..يعني لولاه ..لكان القتال مكرر!!

لكن عن القوة والتطوير ..صراحه ما متأكد اني سمعت عنه ....!! لاني ما قريت البريفيو من جيم سبوت ولا اي جي ان ..ولا اي موقع ثاني حتى ما يحرقوا علي شي ابدا ...أحب كل شي FRESH

شفت من قبل شوي شي من جيم شبوت ...حسيته ملئ سبويلرز!!! وبقوه !
 
ياخوفي يطولوا علينا بالنسخة الأمريكية >_>

اللعبة شكلها تووووووحفه 🙂
 
بسم الله الرحمن الرحيم

شكلها اللعبة بالفعل روعة و قريبة من شين مو😵

هل في تعاقب للوقت مثل شين مو ؟


و شكرا على الانطباعات.
 
Conqueror قال:
شكلها اللعبة بالفعل روعة و قريبة من شين مو😵

هل في تعاقب للوقت مثل شين مو ؟


و شكرا على الانطباعات.
أنقر للتوسيع...

التواريخ ...امممم ما ادري اذا بتكمل بنفس المنوال في الأول !!
...بس وجود ساعه وما شابه والوقت يمر ..لا !! لا يوجد !

..يمكن الأخ ( سيجا) يعرف أكثر مني في هذا الموضوع 🙂

أنا ودي أكمل اللعبه بس أشغال الجامعه ذابحتني !! ×_×


ولا شكر على واجب يا سامر 🙂
 
ما شاء الله انطباعات حلوه
حمستني للعبة
في انتظار النسخة الانجليزية منها..
 
اللعبه فعلا شكله جامده..

بعد الانطباعات صرت انتظر اللعبه بشكل احمس ..يله ننتظر الامريكي (بعد سنين لول)..
 
أنا أكثر شيء عاجبني في اللعبة انو فيها أجواء الأسطورة شين مو , انطباعاتك حلوه عن اللعبة وأنا منتظر اللعبة تجي عندنا بس وألعبها عالطول ياباني ماني منتظر الأمريكية 🙄
 
لعبة رائعه بقصه واحداث مثل هذي...

صعب انه سيجا تفرط بعدم اصدارها عالميا !! 🙂 ...


EDIT: نشوف كلام جيم سبوت Q1 2006 .🙄
 
التعديل الأخير:
أخ Gray Fox أبغا أسألك سؤال عن البار الموجود في اللعبة انا اعرف انه في ثلاثة بارات على اليسار فوق
الثاني حق الحياة
والثالث حق الحركات الخاصة
هل الاول حق التلفيل ؟
لأني ملاحظ ان شبيه لبار التلفيل الموجود في انويموشا كل ما تعبيه يكتبلك 1 , 2 ,3 وهكذا
انا لاحظت في العروض ان البار هذا ينكتب جنبه رقم
 
Yu Suzuki قال:
أخ Gray Fox أبغا أسألك سؤال عن البار الموجود في اللعبة انا اعرف انه في ثلاثة بارات على اليسار فوق
الثاني حق الحياة
والثالث حق الحركات الخاصة
هل الاول حق التلفيل ؟
لأني ملاحظ ان شبيه لبار التلفيل الموجود في انويموشا كل ما تعبيه يكتبلك 1 , 2 ,3 وهكذا
انا لاحظت في العروض ان البار هذا ينكتب جنبه رقم
أنقر للتوسيع...


ryu_screen005.jpg



مثل ما قلت انت ..الثالث للحركات الخاصه ..الثاني Health ..

الأول : امممم .. ما انتبهت له ..^^" لكنه اعتقد انه مثل ما تقول..للتلفيل

مشكله اني مشغول بالجامعه هاليومين ..انشاء الله اذا لعبته اليوم ...أو باجر لني فاضي ارد عليكم الخبر 🙂
 
واحد من حقين الGAF سوا أنطباع مو طبيعي عن اللعبة بعد ما أنهاها :

Ok, I'm making somewhat bold claims here because I just finished Ryu Ga Gotoku and I'm caught up in the heat of the excitement and overwhelmed by what has been quite possibly the most amazing video game experience I've ever played through. But having just finished the game I really have to shout out and say, GAME OF THE FREAKING YEAR. I was hesitant to say this as I was playing because I'd be like "sure this is the ultimate awesome, awesome thing of greatness ever...but RE4 was near-perfect and SoC was a beautiful compelling experience". But now that I've sat tear-dropped through the endning, not because it was sad really, but because I was sad it was over. I'm gonna go ahead and say it.​


Better than MGS3...maybe, better than RE4....maybe, better than SoC...yes, better than ANYTHING SEGA HAS MADE SINCE NIGHTS...YES.

While Shenmue has a split between 50/50 love/hate, I don't think anyone can hate Ryu Ga Gotoku. It's just so amazing in everything from the story to the fighting, to the side-stuff. This is what they wanted Shenmue to be, this fixes anything and everything wrong with Shenmue to combine the greatest interactive movie + greatest battle system ever and get the ultimate immersive movie-like experience.

The amount of times I yelled, "HOLY SHIT!" and msged friends on AIM/ICQ saying "LISTEN TO WHAT I JUST DID!!!!!!!" is higher than you can count on your fingers and from start to finished I kept jumping out of my seat going "O_O".

Anyhow so yeah. This has to come to the US and has to be subtitled or else the world is a sad sad place. I can't recall any time in the history of gaming that a huge budget project that was AAAAAA quality ended up stuck in one territory, so I have faith the game will make its way to the US.

I'll have a a super duper long in-depth review of the game up tomorrow or the next day at gamebrink.com, but the short version of that is just "holy hell, Sega has just released the greatest 3d brawler to date and told one of the greatest game stories in existence. This is the game you show to Roger Ebert to let him know games are as important as films. This is the real deal".

Ok, I'm out for the night.

الادمي معتبر اللعبة أروع لعبة نزلت لسيجا هذا الجنريشن , مو بس كده اعتبرها اروع لعبة لسيجا منذ نايتس انتو دريمز على الساتيرن !!!

وقال انه مايعتقد انها حتكون زي شينمو اللي كان لها عشاق وكاريهين , بل يتوقع ان الجميع حتعجبه اللعبة

واعتبرها شخصيا انها افضل لعبة هذا الجنريشن :jawDrop::
 
هذا الريال مش متحمس...🙂

متشقق من الحماس بعد .."^^

بس شوفوا كيف يمدح القصه ويتكلم عنها كثير ...

صدقوني مثل ما قلتلكم ..قصتها واخراجها شي مو طبيعي اطلاقا ....
 
gray fox قال:
هذا الريال مش متحمس...🙂

متشقق من الحماس بعد .."^^

بس شوفوا كيف يمدح القصه ويتكلم عنها كثير ...

صدقوني مثل ما قلتلكم ..قصتها واخراجها شي مو طبيعي اطلاقا ....
أنقر للتوسيع...
بس ما تنلعب ياباني -_- صح؟
شكلي بشوفلي فاكس وألعبها... بس هالوقت عندي روج جلاكسي + كنقدوم هارتس 2
اههههههههههههها
 
يجب تسجيل الدخول أو التسجيل كي تتمكن من الرد هنا.
عودة
أعلى