سؤال بشتري Wii وأكس بوكس هالأسبوع وابي اعرف افضل العروض والاسعار بالرياض

[Youssef90]

السلام عليكم .....

قبل شويء كنت بكارفور وعلى بعد خطوات من شراء ويي جديدة مع ويي سبورت 12 لعبة وكان السعر 950 ريال، يوم جيت بحاسب صرفت نفسي لاني شكيت بالسعر حسيت ان فيه محلات ارخص لكن انا ما دورت! ونفس السالفة مع الأكس بوكس ابي من النوع الكويس (مابي خرابات مثل الي اشوفها يوميا بالمنتدى للجهاز) وش افضل العروض والأسعار حاليا بالرياض مع ذكر مكان المحل ؟

ابي على قولتهم اشتري الجهاز وانا مرتاح

 

[Youssef90]

عموما شريت الويي اليوم باقي الاكس بوكس اي معلومات يا شباب ؟

 

[MALDINI]

عموما شريت الويي اليوم باقي الاكس بوكس اي معلومات يا شباب ؟

هلا يوسف
لا تخاف اذا بتشتري الاكس بوكس الحين. الوضع تغير عن اول وعالجوا مشاكل الجهاز مع الدفعات الجديده
اذا بتاخذ واحد خذلك بندل كامل افضلك مع كامل ملحقاته. انصحك تاخذ الجهاز من المحلات المعروفه عنندنا بالرياض وهي النسر او بيت الكمبيوتر او جرير شوف البندل المتوفر عندهم وخذ اللي يريحك. النقطه الاهم انك تاخذ ضمان معه ولا تاخذه. المحلات الصغيره يصلحونه في محلات ثانيه. مثلا جرير يصلحه عند الوكاله فهذا افضل.
هذا اللي اقدر عليه و انتظر الاخوان يمكن يفيدونك اكثر 🙂
بالتوفيق ومبروك الوي!!!

 

[Yaz3D]

نفس الكلام هنا. مر المحلات المعروفة مثل بيت الكمبيوتر والنسر ولا ألعاب طوكيو, شف البندلات المتوفرة عندهم وقارن أسعارهم وخذ السعر الأفضل للبندل اللي مرتاح له.. مع إني أنصح بقوة ببندل هيلو ريتش, لأن يجي معاه يدين بدال يد وحدة, والهارد دسك حجمه كبير (ما اتذكر الرقم) وفوق كذا اللعبة نفسها.

 

[Youssef90]

شكرا شباب، بصراحه جرير ما اثق فيهم ابد لول 😀 راح امر بيت الكمبيوتر والنسر بأذن الله

مدري بس مافيه اي اعلان عن بندل بلاك اوبس بالطريق ؟ مع اني ماني من هواة هيلو واجهلها تمام واعتبر الي يلعبونها غريبين اطوار 😀 لكن اذا سعرها معقول ممكن افكر اشتريها :/

 

[AS-HI]

الأكس بوكس ابي من النوع الكويس (مابي خرابات مثل الي اشوفها يوميا بالمنتدى للجهاز)

اتوقع من 2008 ماقمنا نسمع هالكلام والشكاوي من الاكس بوكس شكلك ماتقرى اخبار لقوا للريد لايت مشكلة من سنين :laugh::

 

[NES]

خذ من أي محل إلا جرير .. صاحبي أخذ منه شاحن للأكس وما كمل شهرين >.> تحصل ختم " ميكروسوفت " على العلبة لكن لو قارنت بينها وبين الأصلية تلاحظ الفرق + بالإضافة إلى الأسعار والعروض الغبية , عموماً جرب العاب طوكيو في العادة أحصل عنده عروض حلوة.

ومبروك الـ Wii ^^.

 

[Youssef90]

يعطيك العافيه بشوف العاب طوكيو، صادق جرير اخذها قاعده بتشري منهم شيء اعرف انك انلطشت 300 ريال زياده لول 😀

 

[Youssef90]

اتوقع من 2008 ماقمنا نسمع هالكلام والشكاوي من الاكس بوكس شكلك ماتقرى اخبار لقوا للريد لايت مشكلة من سنين :laugh::

تلعب على نفسك؟

الاكس بوكس واجد واجد وكثير ما يخرب اعتقد ان السلم الجديد هو الي راح يوقف هالمشاكل، يا كثر الي شروا اكس بوكس من 2008 وكل 6 شهور يغيرونه، لقيت عروض رهيبه على الأليت لكن شكلي بأصمل على السلم فيه وايرليس مدمج وكلش