Painkiller Q8
True Gamer
شباب لا يفوتكم برنامج GameFly
من اروع برامج الــ Gaming Community
فتحت له موضوع لانه متوفر على أكثر من نوع من الموبايلات .. سواء آيفون أو اندرويد ومادري اذا فيه على اجهزه اخرى ! وعلشان الكل يستفيد منه في مجال الالعاب !
في البدايه كنت استخدمه مجرد قاعده بيانات لجميع الالعاب على كل الأجهزه وتدخل على أي لعبه وتشوف بياناتها بالتفصيل وتواريخ الاصدار وصور وفيديو...الخ
بس الايام الي فاتت سجلت في البرنامج ودخلت مع العالم الي هناك ... تتكلم مع قيمرز من انحاء العالم وتسولف معاهم ومن اروع الاشياء الي فيه .. ان أي Post تسويها سواء عامه او على لعبه معينه .. البوست راح تروح لصفحه عامه الكل يشوفها وطبعا المهتمين راح يعلقون عليها ... بشكل مرتب ورائع !!!
وطبعا لك بروفايل خاص وصوره وبايو ومعلومات وحساباتك على الاجهزه ... انا من اول يوم تعرفت على لاعبين وضافوني في XBL وطبعا كم واحد من اصدقاء الفيسبوك شافو البوست من البرنامج وسجلوا فيه !!
وفيه خاصيه Follow مثل Twitter واذا لحقت واحد تشوف بوستاته وكل اخباره في صفحه مخصصه !!
البرنامج قمه في الترتيب !
وبغض النظر عن الكميونتي ... البرنامج فيه اخبار وصور وتريلرز وكل شيء يخص الالعاب على "كل الاجهزه" .. وقاعده بيانات ضخمه جدا حتى العاب الجيل السابق موجوده فيها.
وطبعا الي عايشين برا للدراسه او غيرها .. يستفيدون من أكبر خاصيه وهي "تأجير الالعاب" لانه من اسهل واسرع وأرخص الطرق للتأجير.
بصراحه كل مهتم في الالعاب ضروري يحصل على البرنامج !
سكريت شوتس
قسم الأخبار والالعاب
قسم الكوميونتي
الي يعجبه البرنامج وينضم للكميونتي يسويلي فولو PainkillerQ8 ..
