برق + هوى قوي + غبار + بردي + مطر = جو الكويت في دقايق

[m7tram]

واو على الي صار لمده 15 دقيقه من شوي , كنت صوب حولي وانا طالع اشوف الناس تركض بطريقه غريبه ماعبرت الناس وقاعد اسولف ويا صاحبي وركبنا السياره وطلعنا لي الطريج السريع وقفنا عند الأشاره وبيني وبين الأشاره سيارتين فجاه الهوى صار قوي ومعاه غبار وقراطيس وكراتين تتطاير سيارتي تنتفت من كثر مافي اشياء طقتها حتى اني توقعت ان الدريشه راح تنكسر وزاد اندفاع الهوى والغبار صرت ما اشوف الأشاره الي جدامي ولا حتى السيارات الي على يميني , في اشاره على الطريج الثاني والهوى ضده اشوف السيارات الي تمشي كأنهم سلوموشن من كثر ما الهوى قوي .

بطلت اشارتنا ومشينا فجأه صرت اشوف قطرات مطر كبيره على الجام الي جدام وراها بثواني بردي يطق بسرعه رهيبه لمده 10 ثواني وراها مطر قوووووووي والشارع صار مليان ماي بأقل من دقيقتين .

كان جو مرعب وهاذي بعض الصور مع انها ما توضح شي بس هذا الي حصلته موجود بالنت .

وانا واصل لمنطقتنا شفت أشاره طايحه .

الله يحفظنا ويحفظ كل المسلمين .


تحديث :

المزيد من الصور :

تحديث فيديوات :

[YOUTUBE]chafR4By4vo[/YOUTUBE]


[YOUTUBE]S4JxRC56ofY[/YOUTUBE]

[YOUTUBE]QTxvKendI3g[/YOUTUBE]

[YOUTUBE]T_cV48JOxzU[/YOUTUBE]


الفيديوات رعب لول .

 

[The Shark]

الصور هاذي من فيتال فريم و لا ايش ؟؟؟

 

[persona]

محترم الهوى شلون كان


تعديل:

طقس غير مستقر والرياح جنوبية شرقية معتدلة الى نشطة السرعة ( 25 - 45 كم/ساعة) مع أمطار متفرقة تكون رعدية

لوول يعني جاينا الدور عالساعه 9 تقريبا ..

ليله الهروب العظيم من الاحمدي:cryy::cryy:

 

[REDFOX-ZERO]

انا و q8spy كنا موجودين لمه تطير الكربية كان مشهد مروعه وهبيت للمساعده ^^.

 

[Sky Walker]

جونا بالأحساء يشبه جوكم حالياً

 

[Snake-87]

انا كنت قاعد على الجهاز واسمع صوت عالي .. طليت من الدريشة حسيت انه Garaa ياي الكويت..غبار بشكل قوي وريح أقوى .. مظلة السيارة صارت ورقة من شدة الهوا .. طاولة خشب كبيرة شفتها تتقلب والله . فجأة مطر وبردي وريح .. وبرق .. اليوم كان يخرع .

كنت بكتب موضوع ولكن الكاميرا خانتني .. فبطلت اكتب xD

 

[Ash Storm]

لمدة 15 دقيقة بس؟ و بعدين توقف ولا ابيش؟

الله يحفظنا و يحفظ المسلمين جميعاً!

 

[m7tram]

بس 15 دقيقه وبعدين وقف ! وجنه ما كان في شي .

 

[Ash Storm]

بس 15 دقيقه وبعدين وقف ! وجنه ما كان في شي .

واو تقلب غريب! تقلبات الجو شي فعلاً مثير للإهتمام!
عموماً الحمد لله جت على قد كدا!

 

[sora]

الحمدلله اني كنت نايم.
للحين في برق قوي ومطر خفيف

 

[Tomb raider]

الحمد لله عالسلامه اهل الكويت وما تشوفون شر ان شاء الله .

 

[pacino]

لوووول والله ما حاشنا شيء مو ليه..الحمد لله..اللهم مطره خفيفه العصر بس XD

 

[Bounty]

لول فيصل هذي اذنك المجروحه ؟


لول موقفكم خايس وانتو طالعين من حولي .. بروحها ماتترقع بدون مطر .. اشلون لو جذي الجو ..

عالعموم الحمدلله عالسلامه ..

 

[m7tram]

لول لأ مو اذني .

 

[REDFOX-ZERO]

عمت الفوضى في ارجاء الكويت كل شي تكسر من الهواء ^^

الله ستر عليه يا سكان اهلى صليبيخات الاضرار الي صارت الجبار 2 طاحو وحده في قطع 3 وثانيه عن بيت q8 spy صج مشكله اخ اتمنى لو كان ماعي الكامره لا سويت تغطيه كامله عن الحدث :laugh:

 

[Monster]

ما تشوفون شر

 

[Purple Rain]

انا راحت علي نومة وما قعدت الا الفجر ..

الحمدلله عدت على خير 🙂

 

[Zero]

قبل يومين جانا مطر متوسط بالشرقية + شوية غبار ، انقهرت لأنه وسخ سيارتي -___-" .
عموما الحمد لله على سلامتكم ، وما تشوفوا شر .

 

[s3rorh]

حسافه .. امس ما عشت الأكشن .... كنت افتر بين الرقعي و ضاحيه صباح السالم
ألي حاشني مطر خفيف >_< لا اكثر

 

[m7tram]

شوفو أول الموضوع سويت تحديث فيه فيديوات .

 

[ASWD]

الحمد لله عالسلامة..واللهم اجعله نعمة ولاتجعله نقمة

من يومين طاح عندنا مطر قوي شوي لكن بدون هوى ولا بردي..ظل تقريبا من الصبح الى المغرب بفترات متقطعة

 

[Phoenix]

التفاصيل بالجرايد اليوم
http://www.alqabas.com.kw/Final/NewspaperWebsite/NewspaperPublic/ArticlePage.aspx?ArticleID=381272

http://www.alwatan.com.kw/Default.aspx?MgDid=617003&pageId=69

http://www.alraimedia.com/Templates/frNewsPaperArticleDetail.aspx?npaId=38402

والحمدلله على السلامه عدت على خير

 

[Snake-87]

إضغط للتكبير







شفتو البايب إلي على اليمين ؟ كان مكانه فوق ..


وصار هني
​

 

[xbox 360]

الحمد الله على كل حال
ستارتي :embarrassed::embarrassed::embarrassed:

 

[Monster]

شلون الجو اليوم ؟ لان احتمال اجي الكويت .... اذا الجو لسا زي ما تقولون افكر ااجل الجية يا ريت تردون بسرعه الله يعافيكم

 

[Snake-87]

الجو جيد اليوم

 

[Super Mario]

شلون الجو اليوم ؟ لان احتمال اجي الكويت .... اذا الجو لسا زي ما تقولون افكر ااجل الجية يا ريت تردون بسرعه الله يعافيكم

الجو جيد
تنور الكويت بوجودكم

 

[q8 spy]

الحمد الله على كل حال
ستارتي :embarrassed::embarrassed::embarrassed:

كاااااااااااااك


الروز مالك عجيـــب 😀

 

[Gunrock]

انا سمعت ان كان في حالت وفات ...

الله ستر عليه يا سكان اهلى صليبيخات الاضرار الي صارت الجبار 2 طاحو وحده في قطع 3 وثانيه عن بيت q8 spy صج مشكله اخ اتمنى لو كان ماعي الكامره لا سويت تغطيه كامله عن الحدث

نرجو اعادت الجمله الصراحه مافهمت شي ... 😀

 

[REDFOX-ZERO]

نشكر الله على سلامت الجميع ..................... سوق الجمعة راح ملح .................. سمعت انه تطشر ما ادري يبيلي روحه اطمن على المكان ^^.