hits counter

برأيك كم المفروض يكون الحد الادنى للرواتب في السعودية ؟ (او في بلدك)

ifahadx

ifahadx

True Gamer
العنوان واضح

معظم دول العالم عندها حد ادنى للرواتب في الساعة
http://im87.**********/YkkQwu.jpg

لكن الى الان في السعودية ما تم تطبيق حد ادنى للاجور (فية دراسات ونقاشات صايرة زي هنا http://www.alriyadh.com/912449 ) لكن ما وصلوا الى تطبيق فعلي

فية تطبيق جزئي وهو 3000 ريال شهريا لحساب نسبة السعودية (1500 ريال للموظف يتم حساب نصف موظف سعودي في برنامج نطاقات للسعودة) لكن هذا تطبيق جزئي فمثلا ما فية تحديد لساعات العمل ولا لأيام الاجازة الاسبوعية (يوم او يومين) والبدلات (بدل مواصلات و بدل سكن)

كم تشوف الحد الادنى المناسب للسعودي و للاجنبي ؟
 
الحين مطاعم الأكل السريع مثل ماكدونالدز صارت تدفع للسعودي شهريا من 5000 ريال

الحد بالساعة موجود في كل الدول، و لازم يكون موجود عندنا عشان يحفظ حق المواطن


طبعا مقارنة دولة بثانية غير منطقي، مثلا المعيشة في الإمارات أغلى من السعودية بكثير


عشان نحدد رقم لكل دولة لازم تتوفر لنا معلومات كثيرة و إحصائات و مش سهل على شخص عادي يمشي و يرمي الرقم من عنده
 
king zell قال:
الحين مطاعم الأكل السريع مثل ماكدونالدز صارت تدفع للسعودي شهريا من 5000 ريال

الحد بالساعة موجود في كل الدول، و لازم يكون موجود عندنا عشان يحفظ حق المواطن


طبعا مقارنة دولة بثانية غير منطقي، مثلا المعيشة في الإمارات أغلى من السعودية بكثير


عشان نحدد رقم لكل دولة لازم تتوفر لنا معلومات كثيرة و إحصائات و مش سهل على شخص عادي يمشي و يرمي الرقم من عنده
أنقر للتوسيع...

اكيد ان تحديد حد ادنى يحتاج لدراسة من جهة الموظف و من جهة الشركة ما يكون الراتب عالي ويقتل الشركة و لا قليل و يظلم الموظف لكن انا كتبت الموضوع لان حسب اللي اعرفة ان معظم مستخدمين ترو قيمنق اما انهم طلاب جامعيين او موظفين جدد (في العشرينات)

بالنسبة لراتب 3000 اشوفة مناسب جدا لشخص عزوبي عايش في بيت اهلة لكن هل هو مناسب لشخص يبغى يتزوج و يستأجر بيت !
 
انا اشوف 8 الاف حد ادني تقدر تعيش انسان متزوج عيشه كريمه
 
المشكله الكبيره بالقطاع الحكومي اللي أكثر من نص الشعب فيه ، القطاع الخاص أو الحكومي بس بإداره مستقله زي سابك وأرامكو والكهربا وسيسكو ...الخ أمورهم أفضل بكثير لكن لازالت المعاناه موجوده عند فئه كبيره منهم ، مثلا راتب محاسب بـ ماك زي راتب موظف بوزاره يحمل شهادة بكالوريوس وهذا شي ممتاز ( لـ ماكدونالدز )

المقصد إذا كان فيه رغبه فعلا جاده بتعيين حد أدنى للراتب وتحسين الوضع المعيشي يفترض أن الجديه هذي تنعكس على الوظائف الحكوميه ، لكن اللي يشوف سلم رواتب الحكومه والمميزات للموظفين بيغسل إيده ... رواتب ضعيفه .. لا بدل سكن لا تأمين طبي لا مميزات مجرد راتب شهري ينزل لك فقط

أحد قرايبي تقاعد من الحكومه وعمره 60 سنه ، كان يشتغل بمستشفى حكومي أمور إداريه لها علاقه بالأدويه والصيدليه (خريج متوسطه لكنه شغّيل جدا وحصل عى الموظف المميز أكثر من مره ومتفاني جدا بعمله) وراتبه عند التقاعد 6500 ريال ، بعد ما تقاعد ما أعتقد يزيد عن 4000-5000 ريال

فيه عساكر خدموا 35 سنه ويتقاعد براتب 2000 ولا 3000 ريال


موضوع القطاع الخاص معقّد جدا وشائك وفيه تلاعب والتفاف على القوانين وزيادة رواتبهم راح تكون صعبه ، الأولى نبدأ بالقطاع الحكومي كامل بعدين نبدأ بالقطاع الخاص

والنقطه الأعقد بوجهة نظري وأتمنى عدم الزعل منها هي شعبنا 🙂 العض منهم لا مؤهلات ولا لغه ولا حاسب ولا مهارات شخصيه ولا يعرف يسوي أي حرفه او صنعه ولا يجيد شي أبد ولا له أي إهتمامات ممكن نصقلها ونحولها الى وظيفه منتجه ، تقوله إشتغل بمطعم ولا سوبر ماركت ( وإحمد ربك عالنعمه ) يقولك لا أبي وظيفه حكوميه ... هذا جزء من الشعب طبعا ولا أعمم على الكل ، لو هذولي كل واحد حصل له وظيفه بسيطه ورضا واقتنع فيها كان حل جزء كبير من مشكلة البطاله والتركيز راح يكون على العاطلين فعلا من حملة المؤهلات واخبرات

أما الي "لا مؤهلات ولا مهارات ...الخ" ما أعتقد الحكومه مسؤوله عنه ، مجرد إيجاد حد أدنى للرواتب 3000 ولا 4000 ريال للقطاع الخاص راح يحل مشكلته لأن وظايف القطاع الخاص اللي رواتبها 3000 - 5000 كثيره بس محد يبي
 
التعديل الأخير:
إذا كان فيه رغبه فعلا جاده بتعيين حد أدنى للراتب وتحسين الوضع المعيشي يفترض أن الجديه هذي تنعكس على الوظائف الحكوميه
أنقر للتوسيع...

ما اتفق وياك .. الوظائف الحكومية بدول الخليج كلها مترهلة .. وصايرة بنظام (( موت جوع واشبع راحة )) .. اي ترفيع لمستوى الرواتب فيهم بيؤدي لخلخلة في التوجه للقطاع الخاص
ليش اتعب واكرف في القطاع الخاص وواحد نفسي في وظيفة حكومية بمتطلبات اقل بيستلم راتب اكثر ووقت دوام اقل

مشكلتنا الحقيقية في الخليج التنافس الغير متكافئ مع الاجانب سواء اعلى الهرم او اسفله .. في الهرم السفلي مثلا الوظائف للمطاعم والوجبات السريعة
كل واحد عنده اهل واسرة والتزام وربع .. شلون بقدر انافس واحد جاي بس يشتغل ! هو مستعد يشتغل 12 ساعة .. مستعد يداوم ليل ونهار .. انا بطبيعة حياتي ما اقدر

انا عشت بالمانيا وسويسرا .. في سويسرا كل المحلات بلا استثناء - عدا المطاعم - تسكر الساعة 6 المغرب .. عدا يومي الخميس والجمعة يفتحوا الى 10 بالليل .. ويوم الاحد الكل اجازة
لو عندنا هالنظام الصارم .. بنشوف المواطنين يتوظفوا في مثل هالوظائف بسهولة ويسر .. ااما اعلى الهرم فللاسف تقليد غبي عندنا .. واحد (( أحمر .. اجنبي )) يعني خبير وندلعه ونعطيه بدل سكن وسيارة وبطيخ ويمكن المواطن احسن منه !
 
مدرس في مدرسة اهليه خاصه في الرياض : الراتب لايتجاوز 4500 او 5000 الاف بالبدلات !
كاشير في ماكدونالدز : الراتب 5000 و 5500 مع وجود ترقيات وعلاوات

عشان تعرفون قد ايش القطاع الخاص مضروب :neutral_face:
 
بسيطه احسب تكلفة فاتورة الكهرباء والمواد الغذائية ومتتطلبات المنزل وسياره وتعرفون:thumbsdown:
وشكرا
 
في السعودية 8000 ولا اظن انها راح تكفي بعد
 
بصراحة كا سعودي في بلد يمطر فلوس بصراحة مارح ابغى اشتغل في ماك ولا كاشير مطعم لو اننا ماعندنا هل الفلوس اوك لكن عندنا فمارح اتنازل بصراحة الا اذا مثلا وانا بل الجامعة او ادرس فاما فيه مشكلة
على الاقل ليش الواحد مايدخل في التجارة وحتى لو يبيع خضرة كبداية وشوي شوي يكبر اما اشتغل بماك مثلا واكرف
اشوفه شي غلط اذا كنت تبي تكون حياة واسرة وبل النهاية ترا الفلوس ماهي كل شي ولازم الواحد يحط هل الشي ببالة
 
KSAMEMO قال:
بصراحة كا سعودي في بلد يمطر فلوس بصراحة مارح ابغى اشتغل في ماك ولا كاشير مطعم لو اننا ماعندنا هل الفلوس اوك لكن عندنا فمارح اتنازل بصراحة الا اذا مثلا وانا بل الجامعة او ادرس فاما فيه مشكلة
على الاقل ليش الواحد مايدخل في التجارة وحتى لو يبيع خضرة كبداية وشوي شوي يكبر اما اشتغل بماك مثلا واكرف
اشوفه شي غلط اذا كنت تبي تكون حياة واسرة وبل النهاية ترا الفلوس ماهي كل شي ولازم الواحد يحط هل الشي ببالة
أنقر للتوسيع...

على الاقل ليش الواحد مايدخل في التجارة وحتى لو يبيع خضرة كبداية وشوي شوي يكبر
أنقر للتوسيع...
مش محتاج فلوس بالأول علشان تسوي تجارة؟
 
NO1 قال:
مش محتاج فلوس بالأول علشان تسوي تجارة؟
أنقر للتوسيع...

صحيح ذكرتني بل النقطة هاذي طبعا كل واحد وله ظروفة يمكن احد عنده فلوس مسبقا فيقدر على طول يبدا
ويمكن تتسلف من اي احد(الطريقة هذي جدا اكرها دايم تسبب مشاكل) كل واحد هو وظروفة
طبعا لازم الواحد يتوكل على الله قبل كل شي ومايكل الا بل الحلال والله الرازق
 
KSAMEMO قال:
صحيح ذكرتني بل النقطة هاذي طبعا كل واحد وله ظروفة يمكن احد عنده فلوس مسبقا فيقدر على طول يبدا
ويمكن تتسلف من اي احد(الطريقة هذي جدا اكرها دايم تسبب مشاكل) كل واحد هو وظروفة
طبعا لازم الواحد يتوكل على الله قبل كل شي ومايكل الا بل الحلال والله الرازق
أنقر للتوسيع...

ليش ما يشتغل في ماك و يجمع بدل المذله؟
 
على الاقل ليش الواحد مايدخل في التجارة وحتى لو يبيع خضرة كبداية وشوي شوي يكبر اما اشتغل بماك مثلا واكرف
أنقر للتوسيع...

و من وين رأس المال ؟
 
في هذا الزمن حتى لو كان راتبك ما يقل عن 500 دينار ما تقدر تتزوج في بيت منفصل لأنك ماتقدر تفتح بيت بهالراتب... يمكن تقدر تشتري ارض بعد عمل ع الاقل عشر سنوات مع تخطيط مسبق لتصميد مبلغ وتزيد عليها قرض لاستكمال مبلغ الارض

لذلك الحد الادنى للأجور ما يعتمد على فلوس يعتمد على معيشه... تستلم بيت حكومه بعد فتره بسيطه من زواجك بيكون شي مقبول لو كان راتبك 500 دينار
 
يجب تسجيل الدخول أو التسجيل كي تتمكن من الرد هنا.
عودة
أعلى