بالنسبة لموضوع البيع و الشراء (اقتراح)

[Arsene Lupin]

والله فكرة حلوة شباب بس اقتراحي هو جعلها في منتدى خاص فيها. راح تكون أسهل بكثيييير انك تشيك وش فيه جديد للبيع من انك تدخل على الموضوع الرسمي و تبحث في عشرات الصفحات.

يصير كل واحد يكتب العنوان بشكل قريب من كذا:

بيع: لعبة1 - لعبة2 - لعبة 3

أو

شراء: لعبة 1 - جهاز 1

و اذا كنت مهتم بشي في العنوان أدخل الموضوع عشان اعرف التفاصيل.

آراء؟

 

[Naif]

انا ضد هذي الفكرة..

كذا احسن.. على الاقل في ناس بتشوف الموضوع.. منتدى خاص فيها بتشوفه كل الناس مخلتنه و نادرا ما تدخل عليه مثل قسم الشبكة و قسم الانمي..

 

[Reaper Poet]

أنا بعد ضد الفكرة.. الموضوع كذا مرتب و سهل التصفح :cooool: ، صراحة بتصير مهزلة إذا كثرت الأقسم بالمنتدى :cryy:

 

[Arsene Lupin]

يا ساتر معارضتين ورا بعض ههههههه :cryy:

انا ضد هذي الفكرة..

كذا احسن.. على الاقل في ناس بتشوف الموضوع.. منتدى خاص فيها بتشوفه كل الناس مخلتنه و نادرا ما تدخل عليه مثل قسم الشبكة و قسم الانمي..

الأيام هذي موسم ألعاب عشان كذا الأغليبة معسكرة في منتدى الألعاب.. لكن تجي فترات يكثرون زوار منتدى الأنمي. و بالعكس شفت الفكرة مطبقة في منتديات ثانية و ناجحة جدا.. تلقى نص الصفحة الأولى "آخر رد: اليوم".

و صدقني الفكرة بيصير كل مالها تكبر.. لأن الي يدخلون الصفحة الرئيسية و يشوفون هالمنتدى الجديد أكثر بكثير من الي يدخلون العام و يشوفون موضوع البيع و الشراء. و أسهل بكثيييير للتصفح للي عايشين على الديال أب.

أنا بعد ضد الفكرة.. الموضوع كذا مرتب و سهل التصفح ، صراحة بتصير مهزلة إذا كثرت الأقسم بالمنتدى

بالعكس :gasp: أنا ما طالبت بمنتدى جديد إلا عشانه فوضى و صعب التصفح هههههههه منتدى جديد بيكون قمة الترتيب. كلها ضغطة زر و تشوف وش جديد في السوق. بدال ما أدخل على العام ثم الموضوع الرسمي ثم يمكن أرجع كم صفحة ورا لو فاتني شي.. أو أدور في الصفحات عن عرض فلان اشوف لعبته انباعت ولا لا... غير السواليف الي تصير في النص..الخ.

 

[Mista Koo]

الله من كثر الصفقات P:
أعتقد في الوقت الحالي موضوع يكفي

 

[King Wario]

قالولك جيم ماستر >_>

 

[Purple Rain]

من الأشياء الي خلت منتدى ترو جيمنج مميز هو قلة الاقسام والمنتديات الفرعية 🙂

 

[super buu]

^
بالضبط 🙂

وين راحت فكرة سوق True-gaming ؟
أتذكر أول ما سجلت سمعت عنها /:

 

[*legend*]

ان كان فيه خطوة لتحسين موضوع البيع و الشراء فأكيد راح تكون هي منع التعليقات و الردود الجانبية , و المفاهمة او التعليقات على الخاص فقط ...
كذا اكثر من نصف الردود هي تقليقات و استفسارات عن السلع , و هذا اللي يخلي الموضوع مش منظم

 

[BioMario]

لا لا المنتدى بهذي الطريقة احلى و الكل يحبة جي ..
مافي داعلي للتقسيمات و التفرعات الزايدة -__- ..

 

[TOM]

ان ضد الفكره لأنه مجرد فتح قسم خاص بالبيع والشراء راح يجنط تماما بعد فتره 100%

 

[Isaac]

ان كان فيه خطوة لتحسين موضوع البيع و الشراء فأكيد راح تكون هي منع التعليقات و الردود الجانبية , و المفاهمة او التعليقات على الخاص فقط ...
كذا اكثر من نصف الردود هي تقليقات و استفسارات عن السلع , و هذا اللي يخلي الموضوع مش منظم

همممم بالعكس أخوي ....

أنا أشوف الاستفسار أمام الملأ شي إيجابي ...


علشان الواحد لو حصل إجابة لسؤاله ما يضطر يرسل "نفس" الاستفسار لصاحب السلعة اللي "بيطفش" من كثر الاستفسارات المكررة.


أعتقد الموضوع مافيه أي مشاكل بالشكل الحالي ... وفيه عدد من الأعضاء استفادوا منه .


وأخوي صاحب الموضوع ... زي ما تفضلوا الشباب حاليا موضوع للبيع والشراء يفي بالغرض بالنظر لعدد الأعضاء الناشطين بالمنتدى ... الدعوة نسبة وتناسب.

 

[*legend*]

الموضوع بالشكل الحالي جيد , و انا طبعاً ضد فكرة قسم جديد

لكن يمكن الاستفسارات المتعلقة تفيد و ممكن تعديها و انا ما ذكرت شي عن منعها بالموضوع ,
المفاهمة عن كيفية الشحن او المقابلة فهذي امور نهائية بعد الاقتناع بالسلعة , و راح تكون شخصية اكثر من ماهي عامة لأن الظروف تختلف من شخص لآخر
راح تزيد صفحات الموضوع بغير فائدة ...
ايضاً الردود الخارجة عن الموضوع و التعليقات راح تطيل الموضوع بغير فائدة و يتسع مجال الباحث في عدد اكبر من الصفحات يتخللها عدد كبير من الردود الغير مهمة ...
و يمكن ما وفقت بالتعبير , لكن التعليقات الخارجية اكثر حتى من الاستفسارات عن السلع ..

 

[Isaac]

في ذي معك حق ...

خلاص بكرة بأصيغ لنا كم شرط كذا بسيطين وخفيفين بالقراءة وبأعلقهم برأس الموضوع. وفي رد جديد.

 

[itachi]

بس يظل موضوع واحد لكل الأستفسارات والبيع والشراء ....زحمه في زحمه والصفحات بتزيد
على الأقل سوو فهرس في بداية الموضوع 🙂 هههههه

 

[*legend*]

بطل يا احازم .. التحديث أكثر من ممتاز
يعطيك العافية

 

[GreeN StorM]

عندك بعد حازم لو تجمع العروض الموجودة وتحطها بالموضوع الرئيسي وتقسمها حسب العضو وتتحدث شهريًا أو أسبوعيًا حسب الامكانية تسهل وبقوة للي يبي يشتري أو يبيع ..

 

[Aoks]

انا عندي اقتراح للموضوع ايضا

انكم تغيرون عنوان الموضوع وتضيفون عليه

الموضوع الرسمي [للــــبــــيـــــع] و [الــــــشــــــراء] ( A.K.A حراج بن حازم ) :yuck:

​

 

[*legend*]

عندك بعد حازم لو تجمع العروض الموجودة وتحطها بالموضوع الرئيسي وتقسمها حسب العضو وتتحدث شهريًا أو أسبوعيًا حسب الامكانية تسهل وبقوة للي يبي يشتري أو يبيع ..

ما لها داعي , تتطلب جهد و وقت ...
لول , بعدين بتصير العروض تنرسل لحازم علشان يحطها ببداية الموضوع , كذا جيد

http://www.true-gaming.net/boards/showthread.php?t=12083

الموضوع الرسمي [للــــبــــيـــــع] و [الــــــشــــــراء] ( A.K.A حراج بن حازم )

اخس , بعدين بيطلب عمولة/رسوم على كل عملية تصير ...

 

[Sky Walker]

ليش نسوي زحمة والشارع فاضي ؟؟ :slant:

اشوف ان الموضوع يكفي ويوفي بعد

قالولك جيم ماستر >_>

لوووووول اعتقد حتى جيم ماستر ماطبقوها او الغوها :yuck:

 

[megaman]

هههههه مدري ليش الأعضاء كلهم معارضين ..


أنا أشوف فكرة الموضوع أصلا كلها غلط (معليش حازم)

شي واضح إن البيع والشراء يحتاج له منتدى خاص عشان يصير أبسط وأسهل للتصفح

وماشاء الله الموضوع واصل 6 صفحات حتى الآن .. يعني راح يكون فيه حركة في القسم الخاص فيه وماراح يكون ميت ..




وجهة نظر

 

[Arsene Lupin]

هههههه مدري ليش الأعضاء كلهم معارضين ..


أنا أشوف فكرة الموضوع أصلا كلها غلط (معليش حازم)

شي واضح إن البيع والشراء يحتاج له منتدى خاص عشان يصير أبسط وأسهل للتصفح

وماشاء الله الموضوع واصل 6 صفحات حتى الآن .. يعني راح يكون فيه حركة في القسم الخاص فيه وماراح يكون ميت ..




وجهة نظر

بالظبط كل مالهم يكثرون الي ينتبهون للموضوع و تكثر العروض..

و بعدين فعلا تكسر الظهر كثرة الألعاب و كل وحده على 200 أو 250 ريال... بتزود ثقافة بيع المستعمل مع الوقت خاصه في هالجيل الي تنقفط اونلاين مع الكوبي...

هو بس الشباب خايفين من التغيير.. ولا صدقني أول ما يفتح المنتدى تلقى كل عضو باسط في موضوعه الخاص بألعابه المتكدسه

 

[Nintendo]

شكرا اخ لوبين على الاقتراح .. لكن لاتوجد اي نيه حاليا لافتتاح اقسام جديده وخصوصا اقسام راح تعطينا صفة رسمية للموقع بعمليات البيع والشراء وذا الشئ نحنا نرفضه تماما ..