hits counter

بالنسبة لمشكلة الداونلود في الامارات ( كلها ؟ )

King Wario

King Wario

True Gamer
صارلي شهر تقريبا وانا اعاني من سرعات جدا متدنية في الداونلود ، سواء تورنت او برامج البير الشيرنج الثانية ..

من فترة بسيطة اكتشفت ان ولد خالتي عنده نفس المشكلة ومن نفس المدة تقريبا ..

يوم اتصلت الاتصالات قالولي ان الشي هذا مقصود aka هم سووه عشان يمنعون الداونلود XD

الغريب ان المشكلة ما واجهت بعض اصدقائي اللي سألتهم عنها .. يمكن مسألة وقت بس مادري

عالعموم بغيت اعرف اذا حد واجهته المشكلة والاهم اذا حد حصل لها حل XD ..
 
ما عندي مشكلة
قولهم أنا ماخذ سرعة كبيرة عشان الداونلود
هاتو بيزاتي مب كافي أن الأبلود 35 كلوبايت
صدق قوة عين
اليوم يلي عقبه بتحصل يا رفعوك للأربعة ميغا أو قطعوه عنك
 
غريبة !
الحمد لله ما عندي أي مشكلة في الداونلود ..

أسألهم دام أن الحركة مقصودة قولهم ليش الزين ؟ وقولهم كم سرعتك و كم المفروض يكون الداونلود ترى مب كيفهم
أنت دافع على أساس أنهم يوفرون لك السرعة إلي طلبتها في الداونلود

جرب أتصل مرة ثانية
 
بالظبط .. انا صارلي هالشي يمكن لمدة شهر او اكثر وكل شوي اتصل فيهم يعدلون الوضع وما فيه فايده ويكون اغلب الوقت اتصال دايل اب , بس الحين اشوفه افضل من قبل صراحه بس لحد الان ما قالوا شو السبب بالظبط .
 
King Wario قال:
يوم اتصلت الاتصالات قالولي ان الشي هذا مقصود aka هم سووه عشان يمنعون الداونلود XD

الغريب ان المشكلة ما واجهت بعض اصدقائي اللي سألتهم عنها .. يمكن مسألة وقت بس مادري

عالعموم بغيت اعرف اذا حد واجهته المشكلة والاهم اذا حد حصل لها حل XD ..
أنقر للتوسيع...

لول ويمنعوه على أي اساس؟

اعتقد نحن ندفع فلوس على الخدمات, مو عاطينا ببلاش عشان سواد عيوننا :what:

والله شي غريب, والأغرب ردهم, بس الحمدلله ما واجهتني هالمشكلة
 
ماادري اذا هالمشكله بس عندكم

لأن عندي نفس المشكله ومااتوقع انها بطئ من الإتصال,هل فيه احد بالسعوديه يعاني من الداونلود؟!
 
^ في الإسبوعين الفايتيين فعلاً من 200كيلو/ثانية إلى ...... 10كيلو بالثانية بس. لكن الامس اعتدلت السرعة معاي.
 
لاحظت نفس المشكلة عندي وعند عدد من الاصدقاء لكن لفترة قصيرة جدا , يومين أو ثلاثة بالكثير وكان الداونلود تعيس جدا !
الآن الحمدلله الأمور من أفضل مايكون و الداونلود قشطة وعسل :whistle:
 
دو منزلين انترنت 12 ميجا بايت

قول حق اتصالات بكنسل منعندكم و بروح ل دو

و شوف شو بيرد عليك و المكالمه مسجله فبيحاول بكل السبل يرضييك


انا مشترك في المودم المتنقل ابو 7.2 و للاسف ولا اوصخ كل 5 دقايق يفصل
 
دو تدعم كل الامارات حاليا؟

اعتقد مازالوا فقط في مناطق دبي الجديدة ولا؟
 
du توهم باديين ما يحمدحون خدمتهم ... لأن ببساطه توهم بادين.
 
انا في ابو ظبي وعني مشكلة التقطع في الانترنت

وماعرف السبب ليش لكن اخوي قالي سير وزيد سرعة النت وريحنى
 

السلام عليكم ورحمة الله وبركاته ..

أنا دايما عندي مشكلة مع اتصالات الإمارات ..

سرعتي كانت 512 وادفع للـ1 ميجا .. ولا تصلحت السرعة لمدة 3 سنوات ، من شهر بس غيرت السرعة لين 2 ميجا .. غيروها على الورق بس ويوم كلمتهم قاموا حطوا لي سرعة 4 ميجا مع اني ما طلبتها والداونلود ما يتعدى الـ260 .. والله يعلم متى بيتصلح الوضع

لكن الحمدلله على كل حال^^
 
^ للاسف صارتلي , من 6 شهور كنت متصل فيهم يرفعون السرعه ل 2 ميجا وكل شوي اتصل ما احصل اي اختلاف بالسرعه ويقولون لي انت 1 ميجا , اركتهم فتره بعد شهر اشوف الفاتوره زايده وبو الشباب حاسبين لي على انها 2 ميجا , اتصلت فيهم وقالوا بعد يومين تتصلح , اتصلحت وعلى حظي ظليت شهرين تقريبا اعاني من المشكله اللي بالموضوع . اتصالات ام المحظروات .
 
انا ما عندي مشاكل في الداونلود ولله الحمد 😛
 
بصراحه ردودك في المنتدى ياخوي صارت بايخة الأيام الماضية .. لو تحسن طريقتك افضل ..
 
اوكي البارحة جربت انزل فايل تورنت كبير ، والحمدلله السرعة ممتازة ، وجربت البير شير ونفس الشي

الظاهر يتلهم وايد تهديدات من الزباين
 
أنا بالنسبة لي النت يوم سريع و يوم بطيء :annoyed:

إذا كانوا إلي يتسخدمون النت في البيت كثير يبطء النت :yuck::
و يوم ما يكون في أحد في البيت تستوي سرعة النت سريعة هذا إلي صاير عندي :rockon:
 
يجب تسجيل الدخول أو التسجيل كي تتمكن من الرد هنا.
عودة
أعلى