باقي أقل من شهر على تحفة الأكشن آربيجي القادمة Nioh 3

[R E D]

المزيد من Nioh دايما شيء جيد، بس هالمرة مع عالم متصل نفس Rise of Ronin، الأكشن صار أسرع، تقدر تقفز وتبدل الكلاس بضغطة زر أثناء القتال، تغيرات كبيرة أخرى بالكومبات، والمحتوى بلا شك راح يكون دسم.






ديمو اللعبة راح يكون متوفر تاريخ 29 يناير وتقدر تنقل الSave Data إلى اللعبة الكاملة وتكمل.

 

[سِراج]

للأسف تشبعت من السلسلة بعد الجزء الأول.

 

[R E D]

قاعد ألعب Rise of Ronin وبسببها تحمست جدا حق العالم المتصل اللي راح يكون ب Nioh 3، جدا فان حق تصميم العالم والمظهر، محرك اللعبة صار جميل جدا مع Art Direction وجودة الModels فجدا متحمس اللي راح أشوفه بهالجزء. وهناك تغييرات كبيرة بالكومبات والتنقل فيعني بيكون سيكول أفضل من 2 مع المحتوى الجديد.

 

[R E D]

للأسف تشبعت من السلسلة بعد الجزء الأول.

الجزء الثالث بيكون مناسب حقك أكثر من الثاني
جرب الديمو اللي راح ينزل على نهاية الشهر.

 

[Kain]

افكر اشتريها لكن سعر نسخة الديلوكس مبالغ فيه 82 دولار و هذا الاوكراني ارخص شي

 

[ahmed-xd]

اتسائل في ذي السنة بتفاجئنا بلعبة اكشن من العدم تطلع احسن من لعبة team ninja وتفوز عليها في حفل الجوائز مرة أخرى (&)

 

[سِراج]

الجزء الثالث بيكون مناسب حقك أكثر من الثاني
جرب الديمو اللي راح ينزل على نهاية الشهر.

الجزء الثاني كان ممتاز وأفضل من الأول من تجربتي معاه بس ما قدرت أكمله... مدري، حتى لما شفت عروض اللعبة تمللت.

وقفت ألعب ديموهات من فترة طويلة بس يمكن أعطيه فرصة (محلل ديموهات الأول والثاني).

 

[m7tram]

قاعد ألعب Rise of Ronin وبسببها تحمست جدا حق العالم المتصل اللي راح يكون ب Nioh 3، جدا فان حق تصميم العالم والمظهر، محرك اللعبة صار جميل جدا مع Art Direction وجودة الModels فجدا متحمس اللي راح أشوفه بهالجزء. وهناك تغييرات كبيرة بالكومبات والتنقل فيعني بيكون سيكول أفضل من 2 مع المحتوى الجديد.

مختلف عالم نيوه ٣ عن رايز اوف ذا ضيم.

رايز عالم مفتوح حرفيا بينما نيوه ٣ عالم كبير موسع وفي اماكن تحدك تكمل أصلا ( وانا أفضل هالنوع ).

هذا من تجربتي للديمو السابق.

أنا مو عارف موقفي، تحمست لما لعبت الديمو لكن بعدها طخيت وأحس لو أبي العبها فراح أأجلها للصيف.

 

[R E D]

مختلف عالم نيوه ٣ عن رايز اوف ذا ضيم.

رايز اوف ذا Peak مو ضيم. من أحلى الألعاب.

بالنسبة للعالم مختلف إلى حد ما نعم، بس ال Openness والتصميم اللي فيه قريب بالأخير من نفس الفريق وبانين على الأساس ومغيريين علشان يناسب Nioh.

 

[Mr.Assassin19]

الحماس 0 صراحة
شفت الترايلر واستعراض الغيمبلاي وما شفت شيء جديد أو مختلف عن الجزء الأول والثاني
لا أقول إنها سيئة أو خايسة لكن More Of The Same

 

[R E D]

الحماس 0 صراحة
شفت الترايلر واستعراض الغيمبلاي وما شفت شيء جديد أو مختلف عن الجزء الأول والثاني
لا أقول إنها سيئة أو خايسة لكن More Of The Same

صدقني إذا حبيت 1 و 2 هالجزء ما يطوف، بستمتع كثير وأكثر جزء فيه تغييرات. More of the Same هذه ولا لعبة صينية سولز لايك مكررة؟ @.

 

[S30D1999]

اتمنى الديمو الثاني يغير رأيي لازلت غير مقتنع بها

 

[Mr.Assassin19]

صدقني إذا حبيت 1 و 2 هالجزء ما يطوف، بستمتع كثير وأكثر جزء فيه تغييرات. More of the Same هذه ولا لعبة صينية سولز لايك مكررة؟ @.

ولا واحد منهم 😅
تصنيف السولز-لايك أكثر تصنيف تشبعت لحد ما بعد التخمة المفرطة منه
إلي مخليني أكمل في WWM هو الأونلاين والكواب فقط

لكن تصدر ونشوف أول ساعتين... لعلها تعيد الشغف ونحطها في لستة 2026 👍

 

[Kaido III]

طلبتها مسبق.. الحماس عالي وواثق من مستواها!
نيوه2 واحدة من أفضل وأمتع ألعاب الأكشن .


بصراحة ما شفت إلا أول تريلر من الجزء الثالث وبعد كذا ماشفت شيء.. حتى الديمو شكلي ماراح أجربه...

 

[Good Hunter]

لعبة الاكشن اللي ما توفقت معها وكلنا منا ليس مرتاح مع الآخر

 

[m7tram]

صدقني إذا حبيت 1 و 2 هالجزء ما يطوف، بستمتع كثير وأكثر جزء فيه تغييرات. More of the Same هذه ولا لعبة صينية سولز لايك مكررة؟ @.

واحد لعبة صينية سولز لايك مكررة بلييييز.

 

[R E D]

طلبتها مسبق.. الحماس عالي وواثق من مستواها!
نيوه2 واحدة من أفضل وأمتع ألعاب الأكشن .


بصراحة ما شفت إلا أول تريلر من الجزء الثالث وبعد كذا ماشفت شيء.. حتى الديمو شكلي ماراح أجربه...

هذا اهو الحماس المطلوب كفو True Fan. وبالمناسبة الديمو Head Start تقدر تنقل ال Save Data إلى النسخة الكاملة وتكمل.

 

[بندول]

كنت باخذ نيواه3 عروضها عظيمة بس وقتي كامل وقتها للماستربيس كود فين2 >__<

 

[NA1F]

انهيت الاول و اعجبني
الجزء الثاني لعبت عدد من الساعات و واضح انه افضل بفارق عن الاول بس ما قدرت اكمله لاني كثرت من العاب السولز
لكن الان كاني تحمست ارجع له
العاب السولز لازم تلعب كم لعبه بين سولز و الاخرى.. على شان ما تطفش

 

[Black Wolf]

 

[R E D]

نفس الفيديو اول الموضوع ونفس كلامي عن الديمو أول الموضوع 😒

 

[Black Wolf]

نفس الفيديو اول الموضوع ونفس كلامي عن الديمو أول الموضوع 😒

بالله ؟!

ما انتبهت

 

[SuperC]

شكلي بأبلع الرصاصة و أخذ PS5 .. 😅

 

[R E D]

رايز عالم مفتوح حرفيا بينما نيوه ٣ عالم كبير موسع وفي اماكن تحدك تكمل أصلا ( وانا أفضل هالنوع ).

كملت ب Rise of the Ronin وطلعت 3 خرائط كبيرة منفصلة (مو عالم مفتوح حرفيا يعني) كبيرة جدا بس Compact و Focused. أفضل بمراحل عندي من Ghost مثلا، والخريطة تحدك مرات مو ما تحدك بس فقط مع الدناجن لأنها مربوطة بالقصة. Nioh 3 تعطيك على نفس الفلسفة بس Compact أكثر وخرائط كبيرة أكثر.

 

[Primal]

🤪🤪🤪
ني اه 3 روائح السبيكو

 

[S30D1999]

هذا افضل عرض للعبة .... اقنعوني اخذها داي ون

 

[Kain]

🤪🤪🤪
ني اه 3 روائح السبيكو

لول طالعة زي wo long بالضبط اقدر اقول wo long 2

 

[M_Joestar94]

🤪🤪🤪
ني اه 3 روائح السبيكو

جزئية ما بعد الكتسين اللي البطل بعدها تحرك بالعالم كانت كفيلة اني اوقف المقطع و اتحمس اكثر

على فكرة اول شي اشوفه للعبة بعد ما قريت معلومة ان الliving weapon رجعت. انا واثق

 

[شفيق حبار]

اتوقع بالمرحلة ذي كوي تيكمو هو الاستديو الوحيد حاليا اللي ينزل العاب كثير بشكل مستمر كل سنة صح؟

 

[MH MD]

اتوقع بالمرحلة ذي كوي تيكمو هو الاستديو الوحيد حاليا اللي ينزل العاب كثير بشكل مستمر كل سنة صح؟

سيجا اكثر، كابكوم ممكن تنحسب، فالكوم لعبة سنويا عالاقل