ايش هي لعبة ميازاكي المفضلة عندك؟

[sabah]

كل العاب السولز وبلودبورن فيها اماكن غثيثة وأعداء يرفعون الضغط، فقط سيكيرو اللي أقل واحدة فيهم من هالناحية.

 

[m7tram]

دارك سولز 1.

أكثر جزء عشت الهايب من أول الكشف له، لما كشفوها في توكيو جيم 2010 شو واحنا نشوفها لايف فجأة الشاشة صارت سودة! حجبوا البث عنا! وبنفس الوقت الاعلامين الي اهناك كانوا يكتبون لايف chat ان مايازاكي صعد المسرح ويقول ان اللعبة القادمة راح تكون لمحبين ديمونز سولز، وهم يعرضون التريلر والاعلامين يوصفون التريلر واتفقوا ان الي قاعد يشوفونه هو ديمونز سولز 2 لكن فالنهاية اسم اللعبة Project Dark! الي هي تتمة روحية لديمونز سولز!

انا كنت أهتز من الحماس وبنفس الوقت من العصبية ان ليش حجبوا عنا البث!! نبي نشوف!! وكنت طاير من الفرحة باعلان عن سيكول لأفضل لعبة عندي ديمونز سولز الي كنت محللها تحليل ومطلع بلاتنيوم وكل فترة أشغلها والعب اونلاين غير الحملة التسويقية الي كنت أسويها عند ربعي وأدش معاهم اونلاين وأسولف عنها ليل نهار وكنت مجننهم فيها.

بعدها بـ20 دقيقة جيم سبوت الأبطال حطوا التريلر بتصوير كاميرا.




كان أحمس وأفضل شيء شفته في حياتي حللت التريلر فريم فريم وكل شوي أشغل التريلر وأتأمل العظمة، وأقرأ المقابلات وكلام مايازاكي عن ان اللعبة ماراح تكون نفس ديمونز سولز عوالم مصغرة مبعثرة لأ، اللعبة عبارة عن عالم متصل سلس! أي شيء تشوفه تقدر تروح له!

تسربت عندنا اللعبة قبل الاصدار بفترة ماهي بسيطة وقبل المراجعات، الأرض كانت مو سايعتني من الفرح وانا رايح مع صديقي نشتريها يوم السبت تاريخ 24/09/2011 الساعه 10 الصبح.

شغلتها .. وأنا أتحكم بالشخصية كنت مبتسم، شعور ما أقدر أوصفة من الفرحة ( بعد شهر ملجت على زوجتي والله ما كنت فرحان نفس فرحي بدارك سولز 1 ههههه ) وانا أعيش بالعالم المتصل وأستكشفة وأنبهر من الترابط والاختصارات ومن عمق اللعبة وطولها! كل ما أخلص من منطقة أنصدم ان في منطقة بعدها وأدخل أعمق وأعمق بعالمها وقتال الوحوش والاعداء والصعوبة والموت المتكرر والتعلم من الاخطاء كان أبقريد إسطوري من ديمونز سولز في كل شيء! انا الريدي كنت عاشق وهيمان في ديمونز سولز فمابالك تجيب لي لعبة أفضل منها في كل شيء حرفياً.

أكثر لعبة قضيت فيها وقت، ساعدت ناس كثار، غزيت عوالم بلا نهاية، شريت نسخ قعدت أوزعها على الربع وصار اللعب إلزامي! مو خيار، كنت أشتريها لهم وأدخل العب معاهم علشان أخليهم يتقبلونها وأحد الاصدقاء الى يومنا هذا صار من أكبر معجبين العاب السولز والسولز لايك بشكل عام بسبب حنتي عليه واجباري له باللعب لول، وتقريبا كل الربع الان فانز لمايازاكي والعابه بسبب حبي الشديد لهم.

من بعد دارك سولز 1 الى يومنا هذا على ابداع مايازاكي ألا متناهي، إلا ان ماكو لعبة بعدها أعطتني هذا الشعور الي عشته في دارك سولز 1 الى يومنا هذا.

 

[Hornet-64]

توقعت تكون هناك أصوات أكثر لألدن رينق @@

 

[s3rorh]

على الرغم من إني اعدت لعب بلدبورن أمس و الجرافيكس و الجيم بلاي ممتاز ،، الا انه دارك سولز ١ هي الافضل و ما يحتاج اقول ليش

للحين اذكر لما عطيت اللعبة بين ٣-٤ فرص على فترات مختلفه علشان أتقبلها ،، و كان افضل شي اسويه بمسيرتي الفيديو جيمزية و هي الان اللعبه رقم ١ عندي و ختمتها اكثر من مره، و هالشي نادر اسويه مع اي لعبه !! " العاب قليله ختمتها اكثر من مره ، بس الاكيد دارك ١ هي اكثر لعبه ختمتها بمسيرتي القيمرزية !!"

 

[venom_snake]

صعب الاختيار كل العابه تتخلد بالذاكره بس بقول سيكرو مع دارك سولز ١ هي العاب تاريخيه لن تتكرر

 

[سِراج]

تخليني أتمنى يكون عندي المهارة ألعبها.

أتفق مع اللي ذكره @بوسيف39 في مبالغة في وصف صعوبة ألعاب السولز، بمجرد فهمك لأبجدياتها تعديت نص التحدي.

البروفيسور اتوقع راح يستانس على بيلد الاركين بس سالفة ان الرصاص والبلود فايلز مش حاجة متجددة يمكن تضايقه عشان كذا انصح بسلسلة دارك سولز اكثر له فيها بيلد ماجيك حقيقي وزجاجات الشراب تتجدد كل ما يقعد يمكن يعجبه مستر سيفروس

الآركين والبلودتينج آخر بيلدين تجربهم في اللعبة. &

يحتاجوا لاستثمار كبير وفهم لقواعد بلودبورن، غير أن الأسلحة والأدوات اللي تستفيد منها تطلع متأخر في اللعبة.

السترينجث هي أنسب بيلد لمستجد على هذي اللعبة بالذات، وإذا أعجبتك بشكل كافي تقدر تجرب بيلدات مختلفة في الـNG+.

 

[Ahmad-3-4-5]

انا لاعب سولز من ايام دارك سولز ١ واعتبر فروم سوفت افضل استوديو العاب بالتاريخ ومن الي لعبته مستحيل لعبة تتفوق على الدين رينق واشوفها افضل لعبه بالتاريخ

اللعبة حرفيا كانت توقعاتي عالية جدا لها بشكل مجنون وكنت اقول في نفسي مستحيل تجي زي توقعاتي والمفاجأة انها جات فوقها بكثييير ههههههههههههههههههه

اذا تبي عالم فهو افضل عالم مفتوح من ناحية التنوع والترابط ولينديل العاصمة تحط عالم ds1 كامل بجيبها فما بالك بالعوالم أسفل الارض وعالم الdlc شيء اعجازي مستحيل تلاقيه بلعبة ثانية

الكومبات قدم لك اكثر من ميكانكس مهمة مثل guard counter والقفز والash of war والقدرة على عمل crouching يخليك تستخدم ضربات الدحرجة بسهولة واستغرب من الي يفضل كومبات بلودبورن عليها لان الtrick weapon لحالة ما يرفع نظام القتال لليفل الدين رينق وطالع محدود بالمقارنة

افضل تشكيلة زعماء بتاريخ الاستيديو كل زعيم رئيسي تقديمه كزعيم اخير كقتال او لور يكفيك قودريك لحالة افضل من اغلب زعماء العاب الاستوديو السابقة

وفوق هذا اكثر محتوى متنوع كل تختيمة تقدر تنوع بترتيب المناطق وبنوع البيلد الي تسويه ووش الزعماء الي تبي تصفيهم او تتركهم عندك كامل الحرية


الصدق انصدمت من التصويت ان الدين رينق ما اكتسحت التصويت

 

[lightq8]

بالنسبة ديمون سولز لانه اجواءها عجبتني اكثر ولانها البداية

 

[R E D]

دارك سولز 1.

أكثر جزء عشت الهايب من أول الكشف له، لما كشفوها في توكيو جيم 2010 شو واحنا نشوفها لايف فجأة الشاشة صارت سودة! حجبوا البث عنا! وبنفس الوقت الاعلامين الي اهناك كانوا يكتبون لايف chat ان مايازاكي صعد المسرح ويقول ان اللعبة القادمة راح تكون لمحبين ديمونز سولز، وهم يعرضون التريلر والاعلامين يوصفون التريلر واتفقوا ان الي قاعد يشوفونه هو ديمونز سولز 2 لكن فالنهاية اسم اللعبة Project Dark! الي هي تتمة روحية لديمونز سولز!

انا كنت أهتز من الحماس وبنفس الوقت من العصبية ان ليش حجبوا عنا البث!! نبي نشوف!! وكنت طاير من الفرحة باعلان عن سيكول لأفضل لعبة عندي ديمونز سولز الي كنت محللها تحليل ومطلع بلاتنيوم وكل فترة أشغلها والعب اونلاين غير الحملة التسويقية الي كنت أسويها عند ربعي وأدش معاهم اونلاين وأسولف عنها ليل نهار وكنت مجننهم فيها.

بعدها بـ20 دقيقة جيم سبوت الأبطال حطوا التريلر بتصوير كاميرا.




كان أحمس وأفضل شيء شفته في حياتي حللت التريلر فريم فريم وكل شوي أشغل التريلر وأتأمل العظمة، وأقرأ المقابلات وكلام مايازاكي عن ان اللعبة ماراح تكون نفس ديمونز سولز عوالم مصغرة مبعثرة لأ، اللعبة عبارة عن عالم متصل سلس! أي شيء تشوفه تقدر تروح له!

تسربت عندنا اللعبة قبل الاصدار بفترة ماهي بسيطة وقبل المراجعات، الأرض كانت مو سايعتني من الفرح وانا رايح مع صديقي نشتريها يوم السبت تاريخ 24/09/2011 الساعه 10 الصبح.

شغلتها .. وأنا أتحكم بالشخصية كنت مبتسم، شعور ما أقدر أوصفة من الفرحة ( بعد شهر ملجت على زوجتي والله ما كنت فرحان نفس فرحي بدارك سولز 1 ههههه ) وانا أعيش بالعالم المتصل وأستكشفة وأنبهر من الترابط والاختصارات ومن عمق اللعبة وطولها! كل ما أخلص من منطقة أنصدم ان في منطقة بعدها وأدخل أعمق وأعمق بعالمها وقتال الوحوش والاعداء والصعوبة والموت المتكرر والتعلم من الاخطاء كان أبقريد إسطوري من ديمونز سولز في كل شيء! انا الريدي كنت عاشق وهيمان في ديمونز سولز فمابالك تجيب لي لعبة أفضل منها في كل شيء حرفياً.

أكثر لعبة قضيت فيها وقت، ساعدت ناس كثار، غزيت عوالم بلا نهاية، شريت نسخ قعدت أوزعها على الربع وصار اللعب إلزامي! مو خيار، كنت أشتريها لهم وأدخل العب معاهم علشان أخليهم يتقبلونها وأحد الاصدقاء الى يومنا هذا صار من أكبر معجبين العاب السولز والسولز لايك بشكل عام بسبب حنتي عليه واجباري له باللعب لول، وتقريبا كل الربع الان فانز لمايازاكي والعابه بسبب حبي الشديد لهم.

من بعد دارك سولز 1 الى يومنا هذا على ابداع مايازاكي ألا متناهي، إلا ان ماكو لعبة بعدها أعطتني هذا الشعور الي عشته في دارك سولز 1 الى يومنا هذا.

كلامك يمثلني ياخي كل اللي عشته مع هايب اللعبة نفسك بالضبط ههههه
سبحان الله كنت متابعها من أول ومصدوم. لاحظت الفرق بالجودة من التريلر قلت لحظة لحظة هذه ديمنز سولز 2 ؟ ليش التصوير خيالي!؟ شنو هالثقل العجيب مع الانميشنز!؟ مو مستوعب بس بديت أحلل وأستوعب ان جدامي شي ماراح انساه. وريت الفيديوهات حق الربع اللي كانوا لاعبين ديمن سولز معاي قبل بس مادري ليش محد كان مهتم. حسيتهم مو واثقين مادري وقتها شصاير معاهم ههههه. كنت عايش جو الهايب بروحي وقتها، حتى أذكر هالمقابلة مع منتج اللعبة صارت بدبي وأول مقابلة عن اللعبة وفي Reveals بنفس الوقت




في اعلاميين عرب قابلوه بنفس المكان بس مو لاقي الفيديو.

 

[HardMind]

ولا لعبة
الجنرا بكبرها ما تعجبني.

 

[R E D]

في اعلاميين عرب قابلوه بنفس المكان بس مو لاقي الفيديو.

بس شوف الثقة و الVision الواضح هني عارفين شنو يبون وواثقين
Bandai ما قصرت مع التسويق كان تسويق عبقري، Prepare to Die وأنها صعبة وبتعذبك أكثر، المنتجين عادي يقولونها جدام الكاميرا وبدون خوف على مشاعر الجمهور ورياكشن الميديا، ايه لعبتنا مازوخية يقولك ههههه.

Bandai مو أول مرة تسوي نفس هالتسويق، اللي سوته مع Dark Souls سوته قبل مع Digimon World الأولى

الكلام من من البوستر لول

CAUTION: MAY NOT BE SUITABLE FOR PEOPLE WHO SUCK AT VIDEO GAMES

If you're going to try playing Digimon World, you'd better make sure you're wearing two pairs of underpants. See, some of these Digimon are so vicious and twisted they were actually banned from television. That's okay with them, there are more things to blow up in video games anyway. Like you. So if you think you've got enough game for Digimon World, bring it. But don't say we didn't warn you.

 

[m7tram]

كلامك يمثلني ياخي كل اللي عشته مع هايب اللعبة نفسك بالضبط ههههه
سبحان الله كنت متابعها من أول ومصدوم. لاحظت الفرق بالجودة من التريلر قلت لحظة لحظة هذه ديمنز سولز 2 ؟ ليش التصوير خيالي!؟ شنو هالثقل العجيب مع الانميشنز!؟ مو مستوعب بس بديت أحلل وأستوعب ان جدامي شي ماراح انساه. وريت الفيديوهات حق الربع اللي كانوا لاعبين ديمن سولز معاي قبل بس مادري ليش محد كان مهتم. حسيتهم مو واثقين مادري وقتها شصاير معاهم ههههه. كنت عايش جو الهايب بروحي وقتها، حتى أذكر هالمقابلة مع منتج اللعبة صارت بدبي وأول مقابلة عن اللعبة وفي Reveals بنفس الوقت




في اعلاميين عرب قابلوه بنفس المكان بس مو لاقي الفيديو.

كانوا سعودي جيمرز هم الي لعبوها وكانوا أول ناس بالعالم يورونا جيم بلاي للعبة ( ديمو كامل للعب ).

اعتقد مو موجود لان اذا ما خاب ظني كان مشهور دبيان الي يمسوي المقابلة ووراه فيديو الجيم بلاي لكنه مسح كل شي له علاقة بالفيديو جيمز من يوتيوب هو متواجد فيه.

 

[R E D]

كانوا سعودي جيمرز هم الي لعبوها وكانوا أول ناس بالعالم يورونا جيم بلاي للعبة ( ديمو كامل للعب ).

اعتقد مو موجود لان اذا ما خاب ظني كان مشهور دبيان الي يمسوي المقابلة ووراه فيديو الجيم بلاي لكنه مسح كل شي له علاقة بالفيديو جيمز من يوتيوب هو متواجد فيه.

ايوااا هذا اللي أذكره بالضبط ، أول ناس ورونا الجيمبلاي حق اللعبة

 

[Lazy Gamer]

لكنه مسح كل شي له علاقة بالفيديو جيمز من يوتيوب هو متواجد فيه.

افا ليش ؟
على ما اذكر كان ينزل في قناة الشبكة الرسمية، وعلى حسب علمي انه ما يملكها، كيف قدر يحذفها ؟

 

[S30D1999]

قبل توسعة ايلدن رينج : بلودبورن

بعد توسعة ايلدن رينج : ايلدن رينج

للامانة شيء محير لان كل وحدة فيهم فيها شيء يتفوق بشكل كبير على الاخرى والعكس صحيح.

عندك دارك الاولى بتصميم عالمها المترابط بشكل مذهل عندك بلودبورن بتوجهها الفني الخارق وقصتها المثيرة للاهتمام مع الاجواء القوطية المرعبة عندك دارك الثالثة اللي straight up لعبة اكشن مصقولة لابعد حد عندك سيكيرو اذا تبغى ترفع مهارتك كلاعب وعندك ايلدن رينج بحس استكشافها العالي وتنوعها وضخامتها وطموحها حتى.

اركورد كور ٤ حلوة ذو وانصح فيها وديمون سولز هي ديمون سولز اذا تبغى شيء تجريبي بحت.

 

[Raulioo]

هنتر'س دريم.

 

[Buck]

Dark Souls 1 بدون أي تفكير!
بعدها على طول Bloodborne.

 

[شيطون]

تخليني أتمنى يكون عندي المهارة ألعبها.

اللعبة أسهل بكثير من تهويل البعض، السولز بشكل عام مبالغ بصعوبتها أشوف أندرتيل مسار الإبادة أصعب بشكل مضطرد ويحتاج مهارة أعلى من أي لعبة سولز لعبتها، أتوقع تحتاج شوية نصايح عامة وتسلك أمورك وتصير صيّاد جزار بالساطور.

أتفق مع اللي ذكره @بوسيف39 في مبالغة في وصف صعوبة ألعاب السولز، بمجرد فهمك لأبجدياتها تعديت نص التحدي.

هو مو ميازاكي قال انه تعمد يسوي لعبة ماتكون skill based من الاعب واي واحد بشوية صبر وفهم يقدر يخلصها ؟

 

[MH MD]

هو مو ميازاكي قال انه تعمد يسوي لعبة ماتكون skill based من الاعب واي واحد بشوية صبر وفهم يقدر يخلصها ؟

تقريبا قال انه هو نفسه فاشل بالفيديوجيمز ويالتالي متعمد يسوي لعبة حتى هو يقدر يخلصها، غالبا في موضوع لهالتصريح هنا.

 

[Lighter]

رأيي يتشقلب كل كم شهر بين دارك سولز3، سيكيرو، بلودبورن

 

[game for new]

اسوأهم ديمون سولز حتى مع الريميك مازال تصميمها عتيق جدا والجيم بلاي محدود جدا جدا مافيه اي شيء غير تتشقلب وتضرب

بلودبوردن افضلهم لأنها لعبة مغامرات حقيقية ممكن اي شخص يلعبها ويختمها ويستمتع فيها .. المنقصات والغباء التصميمي الي فيها اخف بكثير من باقي العابهم

اعتقد لو العب سيكيرو ممكن تكون المفضلة عندي نظام الديفلكت يعجبني جدا جدا بس انتظر ينزلوها على البلس

 

[MorridooM]

رأيي يتشقلب كل كم شهر بين دارك سولز3، سيكيرو، بلودبورن

ما تنلام ، ذولا أفضل ألعاب أخرجهم ميازاكي.

 

[Eye]

دارك سولز ١

اللعبة اعيدها كل سنة ونفس المتعة تتكرر

 

[صامد]

بالنسبة ديمون سولز لانه اجواءها عجبتني اكثر ولانها البداية

أتفق.

 

[m7tram]

افا ليش ؟
على ما اذكر كان ينزل في قناة الشبكة الرسمية، وعلى حسب علمي انه ما يملكها، كيف قدر يحذفها ؟

اشلون ما يملكها؟ اذكر القناة كانت اساسا له و لجميل، يمكن حزتها لما طلع تركها لهم.

 

[Raulioo]

بالنسبة ديمون سولز لانه اجواءها عجبتني اكثر ولانها البداية

ما في شي بيعوض ٢٠٠٩ الرمضانية لي مع ديمون سولز..كتجربة فريش ومختلفة عن اي شي سابق.

 

[bits]

أخيرا موضوع محبي العاب السولز بيتخاصمون فيه.

كل العابه أحسن من بعض ( هذا الرد الهدف منه الفتنه)

 

[Lazy Gamer]

اشلون ما يملكها؟ اذكر القناة كانت اساسا له و لجميل، يمكن حزتها لما طلع تركها لهم.

ماعندي علم بصراحة، بس هذا كان اعتقادي كمتابع لهم، بانهم جزء من سعودي قيمر، نفس الان تي جي و الي ماسكين قناة اليوتيوب.

بس الي اعرفه انه طلع ما ادري انه حذف كل شي، اول مرة اعرف.

 

[Veronica]

ولا لعبه

 

[m7tram]

ما في شي بيعوض ٢٠٠٩ الرمضانية لي مع ديمون سولز..كتجربة فريش ومختلفة عن اي شي سابق.

رمضان ٢٠٠٩ شهر ٨ قبل الاصدار الامريكي، اذكر انك ذكرت قبل فترة انك طالبها من playasia.

اشلون عرفت انها روعه جذي؟ لان حنا ما عرفناها الا لما صدرت بامريكا مع التقاييم الصادمة.

وماكنت بتروجيمنج اكيد؟ لان نهائيا ما اذكر موضوع عنها بذيك الحزة.

ماعندي علم بصراحة، بس هذا كان اعتقادي كمتابع لهم، بانهم جزء من سعودي قيمر، نفس الان تي جي و الي ماسكين قناة اليوتيوب.

بس الي اعرفه انه طلع ما ادري انه حذف كل شي، اول مرة اعرف.

ايه معروف حزتها انه مسح كل شيء يخص الفيديوجيمز هو فيه، حتى حاشته انتقادات انك ليش تبي تمسح تاريخك علشان بتغير تخصصك؟!

غيره عادي، لكن شكله كان متفشل من هالشي؟ الله واعلم.