ايش هذا الشي الأزرق اللي تحت اسمي؟

[king zell]

مرحبا جميعا


لاحظت إن كثير منكم شوي ضايع مع اللي يشوفه، نقاط الخبرة هي إضافة جديدة للمنتدى عشان تكون التجربة متجددة و أكثر متعة.


المستوى و نقاط الخبرة
باختصار شديد، الآن كل عضو صار له مستوى أو Level مثل ألعاب الـRPG. العضو يقدر يجمع نقاط خبرة Experience عشان ينتقل لمستوى أعلى.

جمع النقاط يعتمد على كل شيء ممكن يسويه العضو في المنتدى، من ردود و مواضيع، الا رسائل و تعبئة خانات البروفايل و قراءة المواضيع الخ.


طيب ايش يستفيد العضو المتقدم في المستوى؟ هنا تجي أشياء جديدة هي "الإنجازات" و "الألقاب".


الإنجازات
يقدر ياخذها أي عدد من الأعضاء طالما حققوا شروط معينة. هي مثل Achievements في الإكس بوكس. كمثال ممكن عضو يصير عنده 10 أصدقاء أو يمر شهر على تسجيله و يحصل على إنجاز.

الألقاب
هذي يملكها شخص واحد، و هذا عند تحقيق شرط معين أيضا. لكن اللي يملكها ممكن يفقدها في أي وقت لأي عضو آخر، و هذا لما العضو الثاني يتفوق عليه. كمثال عليها أكثر عضو مشاركة في الموقع، و هذا ياخذ لقب معين.



إحنا طبعا حاليا في مرحلة تجريبية، و خلال الفترة القادمة ممكن يتم تقديم إنجازات و ألقاب جديدة و مثيرة.

مشاركة ممتعة جميعا و تقدرون تشوفون ملخص لكل شيء و تعرفون مين اللي متصدر من هنا:


http://www.true-gaming.net/boards/xperience.php

 

[Snake-87]

مافي summon :tongue:?
يعطيك العافية بوحميد .

 

[Super Shadow]

مافي summon :tongue:?
يعطيك العافية بوحميد .

السامون موجود من زمان و هم المراقبين :tongue:


يوم تشوف موضوع فيه مخالفات و تبلغ المراقب هذا يعتبر سامون :tongue:

 

[Dark soul]

همم لفلي 33 ، باقي لي 3 و اتطور :tongue:

 

[s3rorh]

افا .. يعني ما راح أصير صعروريتا 🙁

 

[Dr.Dreams]

اشوفها خطوة غير موفقه..تعمل تشتيت وكأنها نوع من السباق ينتج عنه نتاج رخيص غير فاخر!!

تذكرني بمنتديات عفا عليها الزمن!

 

[F.JUBRAN]

^
اتفق معاك و بقوة كمان

هرجة الاوسمة و النقاط ابدا ما دخلت مخي و ابدا ما كنت اتمنى اشوفها في تروجيمنج في يوم من الايام ..

 

[king zell]

ما في سباق و لا شي، زي ما ذكرت الموضوع لإضافة متعة للمشاركة فقط

لو أعضاء ترو جيمنج همهم الأرقام كان شفتهم يتسابقون على المشاركات من زمان، لكن الحمد لله عقلية أعضائنا تعد هالمرحلة بكثير و من زمان

 

[king zell]

عموما هالموضوع كان عشان أشرح اللي ظاهر فقط

و ما أبي أفتح الموضوع للنقاش، لكن اللي عنده آراء أكيد يقدر يرسلها لنا عالخاص