ايش قصة اشاعات عن الوي يو ... ضعيفة قوية ؟

[slifer dragon]

ما أدري هل أتفاءل ولا أتشاءم.. الأمور مع هالجهاز غير واضحة أبد إلى الآن..
مو قادر أصبر إلى إي3 وعرضه مرة ثانية.

 

[Super Shadow]

ما أدري هل أتفاءل ولا أتشاءم.. الأمور مع هالجهاز غير واضحة أبد إلى الآن..
مو قادر أصبر إلى إي3 وعرضه مرة ثانية.

عبد الرحمن

هو دام اننا بشهر ابريل فتوقع عادي أنها تكون اشاعة

أصلا المسألة واضحة من الأي 3 الي طاف

و أكثر من مطور مأكد عكس الكلام الي انقال

معقولة أن كل الكلام الي انقال بأي 3 كذب و نصب على خلق الله؟؟

عموما دام أن الجهاز يدعم الاتش دي و شفنا الألعاب البورت الي بتصدر فيه هذي بروحها قفزة كبيرة

 

[Rare Games]

اذا كانت قفزة الجهاز عن الوي مقاربة لقفزة 3DS عن DS

فأنا راضي تماما عن قدرات الجهاز

 

[slifer dragon]

^

هو صح على الأغلب أن الإشاعات الجديدة ما تقدر تثق فيها بقدر الي عرفناه بإي 3 الماضي.. لكن لو كان الخبر صحيح فهذا يعني تغيير في قرارات شركة نينتندو خلال ال10 شهور الطويلة وهذا غير مستبعد أبداً على شركة سعر الجهاز بالنسبة لها أولوية مثل نينتندو..
كلنا يذكر مايكروسوفت ووعود الكنيكت وما هو مستبعد يحصل نفس الشيء مع نينتندو والوي يو..

أنا متأكد الجهاز بيدعم الإتش دي وبيكون أقوى من الوي بكثير, لكن هذا غير مرضي لي, أبي جهاز بقوة البلايستيشن3 التقنية, بأسوأ الأحوال..
وللأمانة, هذا الي أتوقعه لكن ما أبي أتفاءل وتطلع الإشاعات صحيحة وأحبط.

 

[X-SRI-X]

والله ليش نستعجل ؟ في يوم من الايام الاجهزة بتوصل لقوة ما حد يقدر يتعدى ذيك القوة الرسومية

 

[SCREAMING_RAGE]

كل الاتجاهات تشير ان الجهاز بيكون مقارب في القوى للبلاي ستيشن 3 و الاكس بوكس 360 !!
كهاردكور جيمر, محبط جداً من المواصفات و التصريحات اللي طلعت عن قوته من يوم ما كشفت ننتندو عنه .................. ياخي احنا قاعدين ننتظر القفزة النوعيه للجيل القادم, و ننتندو - على نهاية الجيل - تقدم لك جهاز جديد يمدد لنا حياة الجيل :/
شوفوا, التطبيق على الجهاز, و الجيم بلاي, و التجربة كشل عام بيكون شئ خيالي, وهذا اللي عودتنا عليه ننتندو................... لكن التقنية قديمه وفي طريقها للموت !

نبغى الجيل الجديد Dam it !!!!!!

 

[Nintendo]

أشك بقوة انه التقنية في طريقها للموت، سوق الالعاب هو اللي في طريقها للموت اذا استمرت الشركات بدعم التقنية على حساب التكلفة

هذا الجيل معظم الشركات اشهرت افلاسها او صارت تتوجه للمحمول و العاب الداونلود والجوالات والخ الخ ليش؟ التكلفة خلال الجيل الماضي كسرت ظهر الشركات والعائد المادي مش جيد لمعظمهم وخصوصا اللي يغامر بعناويين الجديدة، فشل لعبة وحدة = إفلاس الشركة وإغلاق فريق التطوير.

حتى التقنية رغم قوة أجهزة الحاسب الشخصي ولكن ماشفنا اي شئ مبهر عليها، نحنا بنهاية هذا الجيل، كم شركة فعلا إستخدمت كل قدراته!! العدد مايتعدى أصابع اليد، ليش دورة حياة هذا الجيل بأخر سنتين شهدت افضل أرقامه؟ لانه السوق مش جاهز يدفع مبالغ كبيرة لشراء اجهزة والعاب في ظل الوضع الإقتصاد السئ، أجهظة الجيل الحالي لسه ماوصلت لسعر ال150-200 دولار اللي معروف بانه سعر المين ستريم.

سوق الألعاب تغير، وننتندو ماعندها غير سوق الألعاب ولازم تلعبها ح تجاريا وتوافق مابين تقديم جهاز بتقنيات جيدة وبنفس الوقت سعر مناسب وفكرة مختلفة، الوضع مش سهل وارجع واقول اذا الجهاز كان بقدرات البلايستيشن3 فهذا الشئ ممتاز جدا جدا جدا جدا، البلايستيشن3 قدراتة مرعبة ولكنها غير مستغله. مع شوية تقنيات حديثة تنضاف لمعالج الوي يو مازلت اتوقع اننا بنشوف اشياء مذهله عليه.

 

[Ray Gun]

تبقى نكهة العاب ننيتندو غير ،
بصراحه آكثر مايهمني في الوي يو هو ال HD و الجهاز اللوحي ، حتى لو كانت الالعاب هي نفسها العب الوي اللهم آنها HD

 

[Sky Walker]

لول ونسيتو كلام مطورين دارك سايدر 2 ولعبة ايليانز اللي مدحو قوة الوي يو ؟ او صح هذا خبر سلبي لازم ننشره 😛

يس .. توهم جير بوكس مطلعين هالكلام :

Gearbox - Wii U a 'really nice bridge to next gen', Nintendo has more to announce

"Nintendo still has a lot to announce with their platform, and it's not up to us to go ahead of them. I think it's a great platform and I'm really excited about it, particularly with this game, there's a lot of exciting opportunities like, 'Wow, my motion tracker is there, and I can move it like this!' There's just so much cool stuff.

There's a lot that we can do with that screen. It's a really cool system -- it's pretty powerful. I want to be careful, because I don't want to risk any sensitive information that Nintendo's not ready to share yet, but in our experience it's a great system. I think it's a really nice bridge to the next generation. I think people will be surprised. I don't know off the top of my head how many of the specs they've released, so I want to be very careful not to jump the gun, but we're very pleased with the hardware. And even since they gave us our first alpha kit, our very first 'pre-prototype' development hardware that they kind of let us play around with, they've done so many things to make the platform better. So it's getting better for us as developers." - Gearbox President Randy Pitchford

http://www.gonintendo.com/?mode=viewstory&id=174909

لو كان فعلا الجهاز "جسر رائع للجيل القادم" فمعناتها ان "الجهاز اضعف من الجيل الحالي" عبارة عن (هوراء)

 

[Veeto]

وضع السوق بشكل عام صعب .. هذي نقطة ما فيها خلاف
لكن مو لان السوق صعب .. ما استثمر

نينتندو تذكرني بنادي اي سي ميلان .. كلامهم كله عن السوق ووضعيته
ومرة وحدة تشوفهم يجددون لديدا براتب 4 مليون !

هذا الجيل .. نينتندو خدمت السوق كله بشكل عام .. لما دخلت سوق جديد .. بلغة البزنز .. المحيط الازرق مالهم
وهالخدمة رفعت حجم سوق الالعاب للضعف تقريبا .. قارنوا بين مبيعات الاجهزة ثلاثتهم الجيل السابق
ومبيعات الاجهزة ثلاثتهم هالجيل .. وبنعرف حجم الاضافة اللي قدمتها نينتندو للصناعة

هذا عدا عن توسيع مدارك وافق الكونسول بالتركيز على امور اخرى عدا التقنية وهالامور
يمكن اغلبنا كهارد كور ما تقبل الفكرة .. لكن فيه ليها سوق رائج جدا

غلطة نينتندو انها ما (( رفعت )) و رقت هذه الفئة الجديدة الى انها تكون شبه هارد كور على الاقل
فصار عند الوي .. يوزر بيس كبير .. بس بدون فائدة .. لدرجة ان مبيعات زيلدا مثلا في اليابان
اقل من مبيعات سلاسل ثانوية في البلاي 3 .. مثل سلسلة تيلز واقل بالنصف !

لهالشيء انا اعتقد ان الوي يو خطوة متاخرة سنتين - اذا كانت المواصفات قريبة لهالجيل -
واتوقعها بتكون ضربة قاسية لنينتندو .. لان احتمال الجمهور ينظر لهالجهاز مثل نظرته للدريم كاست
انه مجرد تصبيرة الى ان تنزل الاجهزة الجديدة

وكل هالامور تعتمد على سوني ومايكروسوفت متى بينزلون جهازهم .. اذا كان 2014
فوقتها لنينتندو مجال ومساحة تكون يوزر بيس محترم .. اما اذا كان 2013 .. فنينتندو في وضع محرج جدا جدا

انا من مدة مطلق نينتندو .. حسيت في هالجيل اني قريب جدا جدا من اني ارجع ليهم
لما قدمت سوني الموف .. قتلت الفكرة في بالي

في النهاية .. اتوقع الهارد كور .. بيكون مثل تفكير حسين .. انا ويش انتظر من الجهاز
انتظر .. كوميونيتي وخدمة انترنت لا تضاهى والعاب شوتنج .. عندي الاكس بوكس

انتظر شركة تدعم افكار غريبة مثل هيفي راين .. او تجارب مختلفة
موجودة سوني

تنتظر العاب نينتندو موجودة نينتندو

والكاجوالز .. ننتظر ونشوف ويش افكار الشركات

 

[hussien-11]

وضع السوق بشكل عام صعب .. هذي نقطة ما فيها خلاف
لكن مو لان السوق صعب .. ما استثمر

و مين قالك انهم ما يستثمروا ؟؟ هم يستثمروا بأسلوبهم الخاص لكنهم ما يرموا فلوسهم عالفاضي مثل غيرهم
ننتندو سنويا تصرف 500-700 مليون دولار على قسم الأبحاث و التطوير في الشركة، هذا Fact
لولا هذا "الاستثمار" ما كنا بنشوف جهاز محمول بدون نظارات، و لا كنا بنشوف ألعاب و افكار مثل الـAR games و خدمات الستريت-باس و جهاز مع تابلت كنترولر و غيره
صدق أو لا تصدق، تطوير هذي الأجهزة كلف الشركة مبالغ كبيرة حتى لو كانت تقنيا مش بمستوى المنافسين
الشركات الثانية تصرف فلوسها على المعالج و كرت الشاشة و ننتندو تطور الأشياء الثانية، هذا توجه الشركة الحالي و بلا شك هذا التوجه نجح معاهم أكثر بأضعاف مضاعفة و عديدة من منافسة سوني و مايكرو بنفس السوق لأنه هذا باختصار شي مستحيل

لهالشيء انا اعتقد ان الوي يو خطوة متاخرة سنتين - اذا كانت المواصفات قريبة لهالجيل -
واتوقعها بتكون ضربة قاسية لنينتندو .. لان احتمال الجمهور ينظر لهالجهاز مثل نظرته للدريم كاست
انه مجرد تصبيرة الى ان تنزل الاجهزة الجديدة

لو كان هذا الكلام صحيح كان صار مع الوي
الوي يو جهاز يستهدف فئة من الجماهير مختلفة عن جهازي سوني و مايكروسوفت
كيف الناس ممكن تعتبر الجهاز "تصبيرة" وهو أصلا يقدم أشياء مختلفة عنهم تماما ؟؟
بنهاية المطاف اللاعب الي يرغب بالحصول على جهاز مع تابلت كنترولر لأسباب مختلفة ما رح يكون قدامه إلا الوي يو
لذلك الجهاز بالنهاية هو شيء .. "مختلف"
و خلينا ما ننسى انه "الوي" أصبح براند قوي في السوق حاليا
و بما انه الجهاز الأول باع 100 مليون
ما أشوف كيف الجهاز الثاني ممكن يبيع أقل من 40 مليون جهاز على مدى دورة حياته و بالنهاية بيكون شي مربح و مرضي للشركة 🙂

 

[FALCON-WARS]

المشكلة ماهي هنا وبالطريقة الي تشوفوها ,,المشكلة ان المعالجات والكروت الرسوميه ماهي رخيصه ابدا ابدا !!!! وهذا الشيى المهم وغير هذا ان المطورين مالهم قدره يصرفوا مصاريف كبيره على تطوير لعبه جباره اخرتها ماتبيع زي مايبون وتاخذ سنين طويييله عشان التطوير

 

[X-SRI-X]

سوني مع الخسائر هذي .. اتوقع ان البلايستيشن 4 حيتعبها .. حاس ان سوني لسة مش مستعدة لها حاليا ( كلامي بخصوص دخولها بهاردوير قوي )

 

[Veeto]

ننتندو سنويا تصرف 500-700 مليون دولار على قسم الأبحاث و التطوير في الشركة، هذا Fact

كم العوائد السنوية لنينتندو .. على اخر معلوماتي انها 6.5 بيليون فالرقم اللي تذكره ما هو رقم عظيم
7 % .. انا اعمل في شركة عالمية في مجال مختلف كليا .. عوائد شركتي السنوية تقريبا 70 مليار
يصرفوا على قسم الابحاب بشكل سنوي دائم .. 8-10 % تقريبا من هذا العائد

الاستثمار مو معناته استثمار في الابحاث .. هذا جزء من العمل
الاستثمار .. تشتري استوديو .. الاستثمار طاقمك 300 تسويه 600
الاستثمار تسوي باكوورد انتيجريشن او فورورد انتيجريشن

باكوورد في حالة الالعاب .. تشتري الشركات اللي تسوي موادك الاولية مثلا .. يعني مصنعين المكونات مال الهاردوير
ويعني من هالامور .. والفورورد .. تشتري استوديوهات انتاج صغيرة وجذي

الوي يو جهاز يستهدف فئة من الجماهير مختلفة عن جهازي سوني و مايكروسوفت
كيف الناس ممكن تعتبر الجهاز "تصبيرة" وهو أصلا يقدم أشياء مختلفة عنهم تماما ؟؟

انت ما تدري اصلا سوني ومايكرو ويش بيقدمون
الوي يو راجع للهاردكور - على كلام نينتندو - واصلا لو انهم ما يفكرون بالهارد كور
ويحاولون اعادة نجاح الوي .. فهذا غلط .. اليوزر بيس كبير جدا للوي .. لكنه يوزر بيس ميت

لعبة عادية مثل ون بيس .. حطمت ارقام لعبة اسطورية مثل زيلدا
مع ان اليورز بيس لسوني 3 .. يمكن 1\3 .. من يوزر بيس الوي !!

الهدف انهم يحافظون على ابتكاراتهم للكاجوال لكن توجههم الرئيسي للهاردكور
وهذا واضح من تاكيداتهم على دعم الطرف الثالث

لا تقارن مع سوني 3 .. كانت سوني مرتكزة على البلاي ستيشن علشان ينقذ بقية البزنز اللي عندهم
مثل سوق التلفزيونات والـ HD .. وادخال البلوراي للسوق وزيادة مبيعات مشغلاته وكل هالامور

يعني ما كان القرار قرار وحدة الالعاب .. كان قرار استراتيجي من سوني كورب بكبرها
مايكرو نجحت بهالجيل .. من مجرد لاعب ثالث بالسوق .. لاكثر الناجحين تقريبا
وسوقهم صحي ومبيعات جهازهم تتزايد مع انه نازل 2005 !!
في الوقت اللي الوي مبيعاته تنخفص واهم الالعاب ما تبيع عليه !

 

[The Shark]

مع إن ألعاب ننتندو ما تعجبني لكن الحق يقال توجه ننتندو مع الوي صراحة يحترم .. توجه ذكي أبعدها عن المنافسة الضارية مع سوني و مايكروسوفت .. و الوي يو امتداد لهذا التوجه اللي ما يأخذ التقنية بعين الاعتبار بهالشكل المبالغ فيه ..

نقطة أخرى المنافسة بين الشركات في جميع المجالات تسبب تطورها إلا الجيمز المنافسة بين مايكروسوفت و سوني ما جابت إلا تطور (ظاهري) اللي في حقيقة أمره جا على حساب شركات التطوير إلا مو قادرة تتحمل تكاليف التطوير و النشر ..

هو لو سوني تعمل فينا معروف و ترفع الراية البيضاء لمايكروسوفت (الهامور الذي لا يقهر $$$) .. و تاخذ لنفسها توجه مستقل مثل ننتندو بعيدا عن جانب أجيب جرافيكس أقوى و معالج أقوى و غيره اللي منتهجه سوق الجيمز حاليا .. راح تحط مايكروسوفت في وضع سيء مع جهازها القادم .. اللي ما حيكون الجهاز المفضل لمطوري و ناشري الطرف الثالث ساعتها ..

المشكلة إني عارف عقلية سوني .. و جهازها البلاي ستيشن 4 على الأغلب حيكون امتداد لمسيرة البلاي 3 و الإكس بوكس 360 .. و هذا طبعا راح يجي على راسهم .. و راس سوق الجيمز ..

 

[hussien-11]

كم العوائد السنوية لنينتندو .. على اخر معلوماتي انها 6.5 بيليون فالرقم اللي تذكره ما هو رقم عظيم
7 % .. انا اعمل في شركة عالمية في مجال مختلف كليا .. عوائد شركتي السنوية تقريبا 70 مليار
يصرفوا على قسم الابحاب بشكل سنوي دائم .. 8-10 % تقريبا من هذا العائد

الاستثمار مو معناته استثمار في الابحاث .. هذا جزء من العمل
الاستثمار .. تشتري استوديو .. الاستثمار طاقمك 300 تسويه 600
الاستثمار تسوي باكوورد انتيجريشن او فورورد انتيجريشن

باكوورد في حالة الالعاب .. تشتري الشركات اللي تسوي موادك الاولية مثلا .. يعني مصنعين المكونات مال الهاردوير
ويعني من هالامور .. والفورورد .. تشتري استوديوهات انتاج صغيرة وجذي

اذا انت في شركة تصرف 10% على البحث و التطوير فهذا مش معناه انه كل الشركات لازم تصرف نفس النسبة
فيه مؤسسات و شركات ما تصرف أكثر من 2% على البحث و التطوير !
عموما انت من البداية ما وضحت قصدك بالاستثمار ؟
كل الي تتكلم عنه ننتندو فعلا سوته في السنوات الأخيرة، مثل امتلاك فريق مونوليث سوفت و امتلاك فريق مصمم الشركة السابق ساكوراي و تمويل لعبة ساكاغوتشي الأخيرة لاست ستوري وغيره كثير

انت ما تدري اصلا سوني ومايكرو ويش بيقدمون
الوي يو راجع للهاردكور - على كلام نينتندو - واصلا لو انهم ما يفكرون بالهارد كور
ويحاولون اعادة نجاح الوي .. فهذا غلط .. اليوزر بيس كبير جدا للوي .. لكنه يوزر بيس ميت

لعبة عادية مثل ون بيس .. حطمت ارقام لعبة اسطورية مثل زيلدا
مع ان اليورز بيس لسوني 3 .. يمكن 1\3 .. من يوزر بيس الوي !!

معليش بس ون بيس لعبة عادية ؟؟؟ ون بيس يمكن أقوى اسم تجاري في اليابان ! انت الان مثل الي يقول ليش وي سبورت تبيع أكثر من ريزدنت ايفل ! اللعبة الموجهة للكاجوالز أو المبنية على براند قوي جدا شيء، و المنتج الموجه للهاردكور جيمرز شيء ثاني
و بعدين انت أيضا ذكرت بردك فوق انه تيلز لعبة ثانوية، كلام غريب جدا خيو، تيلز من أقوى الأسماء في اليابان على أي أساس خليتها لعبة ثانوية ؟
عموما ترى المشكلة هذي تواجه كل أجهزة الكونسول في اليابان ما تواجه الوي فقط، يمكن انت مش منتبه لهالشي
ألعاب سينجوكو موسو شوف كيف كانت تبيع أيام البلاي ستيشن2 و شوف إصدارات الكونسول هذا الجيل كيف صارت تبيع
شوف كم لعبة كانت تبيع بالملايين على الكونسول و الان ما صارت تاكل عيش و يا دوب تجيب 100-200 ألف، هذا الوضع ينطبق على الجميع
أغلب اللاعبين في اليابان انتقلوا للأجهزة المحمولة، زيلدا اوكارينا اوف تايم باعت بشكل ممتاز على الـ3DS حسب ما أذكر

هذا من ناحية و من ناحية اخرى
سوني و مايكروسوفت مش مهم ايش بيقدموا بالنسبة لننتندو لأنه رح يكون شي مختلف و موجه لـtarget audience بكل الأحوال
من ناحية التكلفة أجهزة الشركتين مستحيل يكون معاها كنترولر بشاشة كبيرة و لا ما كانت ننتندو أعلنت عن الجهاز من E3 الماضي، و هذي هي الفكرة
و سواء اليوزربيس ميت على قولتك أو عايش ما رح تفرق
نسبة من اليوزربيس بتنتقل للجهاز الجديد، السعر بيكون منافس مقارنة بالأجهزة الأخرى، الاسم نفسه يعتبر براند معروف، كل الدلائل تشير إلى أداء جيد للجهاز
مش بالضرورة يبيع مثل الوي، لكن ما في أمل يتعامل مثل الدريمكاست أبدا لأنه الحالة بين الجهازين مختلفة جدا جدا جدا، الوي يو أبدا ما هو جهاز موجه للهاردكورز فقط و لا بأي شكل و ننتندو ما قالت انه جهازها فقط للهاردكورز، وهذا أصلا شي واضح 🙂

 

[Sky Walker]

معليش بس ون بيس لعبة عادية ؟؟؟ ون بيس يمكن أقوى اسم تجاري في اليابان !

هو يقصد مستوى اللعبة .. لانها فعلا عادية .. جيدة بافضل حالاتها !

 

[The Shark]

عندي نقطة أحب أقولها .. الننتندو وي ما عليه ألعاب هاردكورية بشكل كافي مو عشان الوي جهاز كاجوالز و نوبز .. بل لأن مافي مطور يصمم ألعاب هاردكورية عليه لأسباب عديدة هالجيل منها باختصار :
- عدم اهتمام ننتندو بدعم هالفئة (حاليا) و تحت كلمة حاليا 100 خط .
- قلة تواجد ألعاب الملتي سيستم على الوي لأنه أضعف تقنيا من منافسيه البلاي 3 و الـ360 .. و ضعف شبكة الأونلاين ..

و هالأسباب مع الوي يو مو شرط تتكرر مرة ثانية .. و ما أدري ليش عندي ثقة بالوي يو إنه حيكون شي مختلف ..

 

[hussien-11]

هو يقصد مستوى اللعبة .. لانها فعلا عادية .. جيدة بافضل حالاتها !

و ايش دخل مستوى اللعبة بمبيعاتها ؟ من متى الألعاب تبيع على المستوى أصلا ؟ ون بيس مثل ألعاب الأفلام الي تبيع كثير لأنه اسمها معروف و مشهور و محتوى اللعبة نفسه أي كلام
هذا شي ما يحتاج 2 يفتوا فيه ، و لا ينفع تقارنه بمبيعات لعبة هاردكورية علشان تثبت وجهة نظر أي شيء


خلينا نمسك أكثر لعبة باعت على الجهازين ونقارن طيب ! أكثر لعبة باعت على البلاي ستيشن3 في اليابان فف13 و باعت 1.5 مليون نسخة
نيو ماريو بروس في اليابان باعت على الوي أكثر من 4 مليون نسخة

 

[mario0o]

تقصد على موعد اصداره ولا اعلان عنه بأي 3 :laugh::

طبعا الاعلان 🙂

 

[Veeto]

فهذا مش معناه انه كل الشركات لازم تصرف نفس النسبة

يا حسين انت تتكلم عن مجال ( التكنولوجيا ) ومجال الكتروني
واحد من اكثر المجالات سرعة في التطور وسرعة في الابتكارات ومبني تقريبا بشكل كبير
على التطوير والابحاث .. فلما شركة مثل نينتندو تصرف 7 %
هذا شيء مو عظيم يستدعي انك تلفت انتباه الناس عليه

معليش بس ون بيس لعبة عادية ؟؟؟ ون بيس يمكن أقوى اسم تجاري في اليابان !

مقارنة بزيلدا ؟
لاحظ لوين جريت النقاش وتهربت من النقطة الاساسية .. وهي ان سلسلة زيلدا التاريخية
مبيعاتها فاشلة على الوي .. على يوزر بيس محترم
ولا يهمك العاب مثل داينستي واريورز
العاب مثل جاندام .. او حتى تيلز .. سلسلة جد ثانوية باليابان

تيلز سلسلة انا ما سمعت انها سلسلة تبيع الملايين
اصلا لو في موضوع نقارن بين السلاسل وقلت ان تيلز تتقارن مع زيلدا
انت بتجي وبتقتلني على هالمقارنة
مبيعات اخر لعبة من تيلز اكثر من الضعف .. على يوزر بيس اقل من الثلث للوي .. ومقارنة بسلسلة عريقة مثل زيلدا
يوزر بيس الوي على انه كبير وكبير جدا .. لكنه يوزر بيس ميت
انت تقول هالشيء مو مهم .. لكنه واقع مؤرق لنينتندو

أغلب اللاعبين في اليابان انتقلوا للأجهزة المحمولة،

الاصح ان اغلب اللاعبين توجهوا للاجهزة اللي تقدم اليهم الاشياء اللي يبونها
الاصح ان نقول ان شركات التطوير اليابانية فشلت في تقديم منتجات تناسب الذوق الياباني
وهالشيء تتحمله الشركات اللي (( انرمت )) في حضن مايكروسوفت في بداية هالجيل
لما رمت حصرياتها علشان فلوس مايكروسوفت

وما قامت بترفيع اليوزر بيس من البلاي 2 .. الى الوي او البلاي 3
هذا مو تغيير في الذوق الياباني .. هذا تغيير فاشل من شركات الالعاب

البلاي 3 نزل في 2006 .. اول لعبة ار بي جي محترمة نوعا ما .. فاينل نزلت في 2009

سوني و مايكروسوفت مش مهم ايش بيقدموا

شلون حددت ان الزبائن المستهدفين مختلفين وانت ما تدري هم ويش بيقدمون ؟
المحيط الازرق - الكاجوالز - اللي كانوا ملك لنينتندو في الجيل اللي فات
مستحيل بيكونوا مرة ثانية كاجوالز لنينتندو فقط .. لا تتوقع ان سوني ومايكروسوفت بيتركوا هالمحيط لحاله

فكرة التابلت جيدة .. لكن سوني لو ضبطت سالفة التكامل بين الفيتا والبلاي 4
بتكون على نفس الخط .. فننتظر ونشوف افضل

اخيرا عن الهارد كور

http://botchweed.com/game-news/iwata-wii-u-can-win-back-core-gamers-is-3d-capable/

يقول لك مهمتهم .. يردوا يكسبوا ثقة الهارد كور

 

[awadnin]

هههه أخوي Veeto تتكلم عن مبيعات زيلدا في اليابان، ما عندك خبر أن شعبية زيلدا قليلة هناك، لكن ممكن تشوف مبيعات السلسة في الغرب (أمريكا وأوروبا).

 

[Veeto]

أكثر لعبة باعت على البلاي ستيشن3 في اليابان فف13 و باعت 1.5 مليون نسخة
نيو ماريو بروس في اليابان باعت على الوي أكثر من 4 مليون نسخة

1.5 من 8 .. رقم منطقي ومقبول .. للعبة مثل فاينل وعلى سمعة 13 السيئة
اللي المبيعات كانت مرتكزة بشكل كبير على الهارد كور .. شيء ممتاز

عكس 4 مليون من اصل 22 .. لا ولعبة مثل ماريو
الحين نشوف ماريو 3 دي على العدس .. من اصل يوزر بيس 5 مليون
اللعبة باعت اكثر من مليون

يا حسين .. رحت يمين او يسار .. اليوزر بيس للوي مشكلة
ومشكلة كبيرة .. كونه يوزر بيس ميت

 

[Veeto]

ما عندك خبر أن شعبية زيلدا قليلة هناك،

شعبية .. تيلز أكبر ؟؟
شعبية داينستي واريرز اكبر ؟؟

انت مقتنع من هالكلام ؟

 

[Nintendo]

1.5 من 8 .. رقم منطقي ومقبول .. للعبة مثل فاينل وعلى سمعة 13 السيئة
اللي المبيعات كانت مرتكزة بشكل كبير على الهارد كور .. شيء ممتاز

عكس 4 مليون من اصل 22 .. لا ولعبة مثل ماريو
الحين نشوف ماريو 3 دي على العدس .. من اصل يوزر بيس 5 مليون
اللعبة باعت اكثر من مليون

يا حسين .. رحت يمين او يسار .. اليوزر بيس للوي مشكلة
ومشكلة كبيرة .. كونه يوزر بيس ميت

وش فيك مزود الوي 10 مليون؟ يوزربيس الوي 12 مليون فقط و 4 مليون من اصل 12 شئ خرافي.

 

[Veeto]

^^
^
صح طلعت مخربط بين الدي اس والوي

 

[Old Snake]

^
الدي إس فوق الـ30 مليون باليابان, أظن البلا2 هو الي حول الـ22 مليون, أذكر 23/25 مليون ولا شيء.

 

[Silent-Horror]

اذا جمعوا أكم مليار أرباح ما يعني انهم يقدروا يحولوا نموذج البزنس الخاص فيهم حاليا لنموذج مماثل لسوني و مايكروسوفت
مايكروسوفت عندها القدرة تستثمر 10 مليارات في جيل واحد على سبيل المثال من نفقات الهاردوير إلى الإعلانات إلى العقود مع الشركات و تقدر في الجيل الي وراه تصرف 10 مليارات ثانية
ننتندو أبدا أبدا ما عندها قدرة تسوي هالشي، مايكروسوفت خسرت 4 مليار دولار مع الإكس بوكس الأول و ما أثر عليها هالشي نهائيا، بالعكس كان استثمار طويل الأمد بالنسبة لهم، استثمار ماحد ثاني يقدر عليه
اللعب في سوق التكنولوجيا مكلف و ثمنه باهظ جدا لو ما مشت الأمور بالشكل الطبيعي، و في الزمن الحالي صار مكلف أكثر من أول بكثير، سوني ضيعت كل الفلوس الي جمعتهم في الأجيال السابقة مع البلاي ستيشن3
احنا نعيش في ظروف اقتصادية صعبة جدا
كل سنة الناس تقلل من "استثمارها" المالي في كل قطاعات التسلية و الترفيه
جهاز أقوى بيرفع تكلفة كل شيء بالنسبة للشركة
تكلفة تطوير الألعاب و الأجور و ترخيص المحركات و كل شيء بلا استثناء
فليش الشركة تتخلى عن البزنس-موديل الي جاب لها ملايين و تروح لجانب عواقبه غير مضمونة ؟
لو تفكر فيها بشكل منطقي، بتلاقي انك صعب جدا تلومهم، هم اذا سنة وحدة خسائر و أيواتا خفض راتبه للنص
بالنهاية، يظلوا موجودين و يتحفونا بألعاب رائعة وماحد ثاني يقدر يسوي زيها
أحسن مما انهم يقفلوا أو يطلعوا من المنافسة مثل ما صار مع شركات ما حسبت العواقب جيدا كـ سيجا و أتاري ..

أحسن رد في الموضوع

 

[hussien-11]

يا حسين انت تتكلم عن مجال ( التكنولوجيا ) ومجال الكتروني
واحد من اكثر المجالات سرعة في التطور وسرعة في الابتكارات ومبني تقريبا بشكل كبير
على التطوير والابحاث .. فلما شركة مثل نينتندو تصرف 7 %
هذا شيء مو عظيم يستدعي انك تلفت انتباه الناس عليه

بل هو شي عظيم لأنه الشركات الثانية تصرف فلوسها بشكل مختلف، مثل سوني الي استثمرت مليار دولار في معالج السيل و أكلته على راسها !!
و غير كذا انت الي قلت من البداية انه الشركة ما تستثمر و ما تصرف فلوس، و انا بينت لك انه هذا الكلام مش صحيح، الشركة تصرف لكن بشكل مدروس و محسوب و هذي اسمها "شطارة"

مقارنة بزيلدا ؟
لاحظ لوين جريت النقاش وتهربت من النقطة الاساسية .. وهي ان سلسلة زيلدا التاريخية
مبيعاتها فاشلة على الوي .. على يوزر بيس محترم
ولا يهمك العاب مثل داينستي واريورز
العاب مثل جاندام .. او حتى تيلز .. سلسلة جد ثانوية باليابان

تيلز سلسلة انا ما سمعت انها سلسلة تبيع الملايين
اصلا لو في موضوع نقارن بين السلاسل وقلت ان تيلز تتقارن مع زيلدا
انت بتجي وبتقتلني على هالمقارنة
مبيعات اخر لعبة من تيلز اكثر من الضعف .. على يوزر بيس اقل من الثلث للوي .. ومقارنة بسلسلة عريقة مثل زيلدا
يوزر بيس الوي على انه كبير وكبير جدا .. لكنه يوزر بيس ميت
انت تقول هالشيء مو مهم .. لكنه واقع مؤرق لنينتندو

زيلدا في اليابان كبراند ما يتقارن مع ون بيس بأي شكل !! انا أتهرب أخ Veeto !! من ايش أتهرب بالضبط ؟؟ انت الي مو راضي تقتنع بالحقائق
انا ماني عارف ليش مو راضي تقتنع بقوة ون بيس في اليابان ؟؟!! شي غريب ! ون بيس + سينجوكو سلسلتين يعتبروا عشق في اليابان جمعوهم بمنتج واحد، شي طبيعي اللعبة تبيع رقم محترم لأنها منتج "مينستريم" بحت
يوزربيس الوي في اليابان مختلف عن امريكا و أوروبا، في أمريكا و أوروبا معظم اليوزربيس عائلات و أطفال لكن في اليابان الوضع مختلف، الجهاز أصلا ما وصل لرقم يخليه جهاز مينستريم
طيب انت تدري انه عدد الألعاب الي تجاوزت المليون على الوي في اليابان أكثر من البلاي ستيشن 3 ؟؟
فف13 اللعبة الوحيدة على البلاي ستيشن3 الي تجاوزت المليون !
بينما الوي ؟ ماريو بروس - وي سبورت - وي سبورت ريسورت - مونستر هنتر تراي - ماريو جالاكسي - ماريو كارت - سماش براول
كلهم تجاوزوا المليون و بعضهم تجاوز المليونين أو الثلاثة أو حتى الأربعة
هذا ينسف "ادعائك" انه يوزربيس الجهاز ما يشتري ألعاب لأنه هذا الكلام في اليابان تحديدا مش صحيح أبدا
و مبيعات سلسلة هاردكورية مثل زيلدا ما هي مقياس و لا دليل على أي شيء، خصوصا انه السلسلة شعبيتها في اليابان ماشية بخط تنازلي جزء عن جزء و خصوصا للأجزاء ثلاثية الأبعاد
و بعدين انا نفسي أفهم كيف صارت تيلز و جاندام ألعاب ثانوية، انت متأكد انك متابع كويس للسوق الياباني خيو ؟
سلسلة تيلز من أعرق ألعاب الاربيجي في اليابان و موجودة من ايام السوبر ننتندو و عندها إصدارات كثيرة باعت نصف مليون نسخة في اليابان
اذا ما كان لها سمعة في الغرب هذا ما يخليها سلسلة ثانوية، اليابان مكان مختلف و تيلز دائما ناجحة في اليابان

فكرة التابلت جيدة .. لكن سوني لو ضبطت سالفة التكامل بين الفيتا والبلاي 4
بتكون على نفس الخط .. فننتظر ونشوف افضل

أخ فيتو فيه أشياء الواحد تعلمها من متابعة السوق على مر السنوات ، الوي نجح لأنه جهاز مبني بالكامل على فكرة و تسوق عليها بينما "الموف" تبع سوني فشل و دعمه منتهي، و نفس الشي بيصير مع الوي يو جهاز مبني على فكرة و بيتسوق عليها و رح ينباع بسعر رخيص ما يتجاوز الـ250 دولار

انت تشوف انه الناس بتتركه و بتشتري البلاي ستيشن4 الي سعره ما رح ينزل عن 400 دولار و بتشتري فوقه فيتا و ميموري كارد للفيتا علشان دعم محدود للفكرة من سوني !! مستحيل ، طبعا هذا أصلا اذا كان الفيتا تقنيا مهيأ لدعم الستريمنج من الكونسول

اليوزربيس الي تستهدفه ننتندو مختلف عن البقية، مايكروسوفت بنفسها قالت هذا الكلام لما تم سؤالها اذا كانت قلقة بخصوص اقتراب موعد صدور الوي يو أو لأ، قالوا انه منتج مختلف و ما بينافسنا بشكل مباشر، الأمور واضحة
الوي يو ممكن يرضي الهاردكور جيمرز أكثر من الوي لكن يظل جهاز موجه لسوق مختلف عن البقية

جهاز موجه لكسب حصة من سوق التابلتس و "هوس" التابلتس باعتباره أكثر القطاعات الإلكترونية نموا حول العالم، بالإضافة للاستمرار بجذب النن جيمرز والكاجوال جيمرز بطرق جديدة للتفاعل بينهم و بين الألعاب ما كانت موجودة من قبل

1.5 من 8 .. رقم منطقي ومقبول .. للعبة مثل فاينل وعلى سمعة 13 السيئة
اللي المبيعات كانت مرتكزة بشكل كبير على الهارد كور .. شيء ممتاز

الان لما 1 من كل 8 أشخاص يشتري فف13 رقم "مقبول"
و 1 من كل 3 أشخاص عندهم وي يشتري ماريو بروس رقم مش مقبول ؟؟ عجبي يا أخ فيتو !

برجع و بقول مرة ثانية، لو كان النقاش عن مكان غير اليابان الأمور تختلف لكن في اليابان .. غير
البلاي ستيشن3 في اليابان باع أجهزة أيضا كمشغل بلوراي و نسبة شراء الألعاب المنخفضة تدل على هالشي

في أمريكا و أوروبا الناس عندها هوس بالرياضة و الخ الخ .. وي سبورت و وي فت لوحدهم تسببوا ببيع ملايين الملايين من أجهزة الوي و أكثر من اليابان بمراحل شاسعة
و غير كذا ما ننسى دور القرصنة في تخفيض مبيعات الألعاب على الوي، الجهاز ما في أسهل منه بالقرصنة تقدر تهكره مع جايد بسيط على النت بدون حتى ما تحتاج أي مودشيب
زينوبليد ، لعبة اربيجي "هاردكورية" و صدرت على آخر عمر الجهاز و عدد مرات تحميلها بالتورنت تجاوز المليون 🙂

 

[The Shark]

يعجبوني الناس اللي يناقشوا سوق الجيمز كإنهم يناقشوا مباريات كرة قدم .. ايش ما يعمل فريقي (شركتي) فهو الصح ..

أنا هالجيل معجب بجهاز مايكروسوفت الإكس بوكس 360 .. و الجيلين اللي قبله كنت معجب بالبلاي ستيشن ون و تو .. و الجيل اللي قبله سيجا ميجا درايف .. و قبله العائلة ..

و الجيل الجاي ما بعرف وين راح تحط رحالي .. الجهاز الأفضل مكتبة ألعاب و خدمات هو راح يكون جهازي بعض النظر عن الشركة المنتجة ..