للاسف نعم مش مشمولة. المحلل اخذ فقط الالعاب الي محسوبة بالنسختين في مبيعات امريكا
عجيب ايش خلاك تنتقل من عشق الفزكل إلى الدجتل كليا وتبيع ألعابك؟
غير ان ما تحاتي لو الديسك انكسر او انشمخ (صارتلي مع جود او وار)، وكل شي مربوط باكاونتك. وانا قاعد اشارك الالعاب على جهازين في نفس الوقت مع ولد اختي.
كيف حصل هالشيء
و box حقه ما حماه و لا القرص كان خارج العلبة
اقراص للفزيكل لها عمر و تنتهي ايضا
نفس الشي ممكن يجي إعصار وبيتك يغرق وتودع مكتبك على سبيل المثال لا الحصر بعمان صار هذا الشي قريب أيام إعصار شاهين وفيه بيوت غرقت الله يبعد عنا وعنكم كل الشرور، ولا واحد فيه ضمان مدى الحياة خلينا نكون واقعيين نفس أنك تقدر تحافظ على مكتبك الفزكل تقدر تحافظ على مكتبك الدجتل، سالفة أنك تنسى الباسورد أو حسابك يتهكر فيه طرق سهلة عشان تحافظ عليها أبسط شي 2 step authentication، السالفة كلها تفضيل شخصي قبل كل شي.
لما تتهكر بشكل حقيقي تكتشف انه حتى التحقق بخطوتين والsteam guard ما ينفع لانه ياخذوا credentials من جهازك مباشرك كأنهم داخلين من جهازك-ما يحتاجوا حتى يعرفوا الباسوورد- ويقدروا ياخذوا حسابك بسهولة، حصلت معي السنة الماضية بسبب ثغرة بمتصفح كروم-ما استعمله اصلا-.
تهكير حسابك قصدك؟ ممكن ايه، مش بشكل مباشر من الكونسول لكن نفس الطريقة اللي اتهكر بها حساب ستيم برضو اتهكر حساب البليستيشن وحسابات اخرى ، لولا اني اتداركت الوضع سريع سريع كان ممكن كلهم يروحوا عادي
نفس الكلام اللي كنت بقوله و مدري ليش البعض يتنرفز لما أفضل حاجة على غيرها و أعطي أسبابي ، اذا تحب الديجيتال عليك بالعافية لكن مش شرط أنها تناسب غيرك و ممكن غرضك يتعرض للضرر لأي سبب كان لكن نقطتي في موضوع الملكية الكاملة للغرض ، و شفتوا مؤخرا عن استخدام مصطلع (الترخيص) بدال الشراء ، بمعنى أن الشركة حرة أنها تسحب عنك اللعبة.
انمسحت حتى من مكتبتك؟!
نعم للاسف و ساعتها غسلت ايدي من الديجيتال و قلت ما بشتريه الا اذا كانت ها اللعبة متوفرة ديجيتال فقط لا غير نفس بلاك ميث على سبيل المثال
