اول اسبوع دوام !

[Dr MaD]

اهلين بالجميع
كل عام وانتم بخير .. وسنه جديده والجميع بصحه وعافيه وجد واجتهاد

بعد صيف ( قصير ! ) وحافل بالاشياء والاعمال الجميله والشاقه عدنا الى العمل

حبيت اكتب انطباعاتي عن اول يومين من الدوام ونشوف انطباعاتكم والمواقف للأسبوع الاول وخصوصا ان اسبوع غريب وقريب من رمضان !! مدري ليش ما احسه دراسه

عموما .. امس كان اول يوم لي في طب الاسنان .. سنه أولى .. جامعه الملك سعود الموقره
فيه واحد من الشباب اللي اخذ صيفي ما جاه التخصيص الا فجر الجمعه !!
طبعا مانزلت الجداول ابدا .. رحنا الكليه على عماها .. ما ندري وين نروح ولا فيه ولا بني آدم استقبلنا !! .. انواع الفرفرة في الاسياب .. مسجل الكليه رحناله يقول الجداول بكرة .. وللأسف طلعت الجداول اللي نازله بالنت غير الجدول اللي معلق على باب القاعه !!! :sealed:
المواقف بعييييييده .. والجو حاااااااااااااااااااااااااااااااااااااااااااااااااااار .. والقاعه تجيب النوم .. ودوام يوم الاحد ساعه وحده بس !!! (( من وحده الى ثنتين !! ))

مشاعر متضاربه .. خوف من المواد .. حزن على الصيف .. ضحك على وضع الجامعه !!
بس الحمدلله بديت بمشوار حلمي .. اني اكون طبيب اسنان

 

[Tomb raider]

اليوم اول يوم بالنسبه لي !
دخلت القاعه تفاجأت !! الكلاس كله بنات وانا الوحيد وقاعد بروحي مثل المجنون لحد ما جا احد من اصحابي !
بس بعد شي غبي الكلاس كله بنات وولدين !!
ممم الشي الحلو هو ان الاستاذ شرحه ممتاز ولله الحمد 🙂
ما اقول غير الله يوفقنا، ويعينا في رمضان وبالتوفيج جميعا 🙂

 

[Captain Jack Sparrow]

اجل انت صديقي في الدراسة
بس انا سنة رابعة و في جامعة الملك فيصل


ترا اللي صار لكم عادي يوم كنا سنة اولى صار لنا نفس الشي وانا انوقع انهم يعطون الجداول يوم الاثنين والدوام يبدأ يوم الثلاثاء =====> طبعا هذا الكلام للمستجدين فقط


و بالتوفيق يا صديقي

 

[Torpedo]

اليوم بعد ما عدلت الجدول و ارتحت جا دكتور حمار يسوي فاهم ( جديد على نظام الجامعة) و يعمل لي دروب بالخطأ لثلاث مواد >.> و لما ضفتهم مرة ثانية طلع لي closed للكل -_-"
بكرة اروح ايش السالفة مرة ثانية -_-

 

[Mista Koo]

أمس قعدت في الجامعة من 10-6 أحاول أعدل في الجدول وعالفاضي >.> (شعبة وحدة مغلقة خربطت الدنيا)

بس الـGood Part إني قابلت الخارق في الجامعة.. ما شا الله عالطبيعة "خاااااااااااارق" O.O

 

[Tomb raider]

اليوم بعد ما عدلت الجدول و ارتحت جا دكتور حمار يسوي فاهم ( جديد على نظام الجامعة) و يعمل لي دروب بالخطأ لثلاث مواد >.> و لما ضفتهم مرة ثانية طلع لي closed للكل -_-"
بكرة اروح ايش السالفة مرة ثانية -_-

آخ ! قهر ! لو انا منك جان عطيته كف !! اخليه يتخبلل!*

 

[Colorization]

أحلى شي إنه جدولي خالص (الجامعة تسويه)، إستلمته من أسبوع وريّحت دماغي :kiss:

 

[The Last Fantasy]

مممم..
في جامعة سعود.. سنة تحضيرية.
حضوري السبت والاثنين والاربعاء هالأسبوع، تعريف على الأنظمة واختبارات تحديد مستوى.

يوم السبت الدوام الفعلي، للحين ما قالوا شي عن دوام رمضان .

 

[Aoks]

اترك شرح المهزلة الي صارت في جداول كلية الطب والهمجيه لـ Da. SoS 😛
​

 

[Da S.O.S]

والله يارفيق اعرف اني قلت لك السالفه كلها حقت الجداول.. بس لازم الباقيين يعرفون بعد!!
تصحى الصباح اول يوم .. نشاط غير طبيعي مع كآبة عارمه على نهاية الإجازة الي ما سويت فيها شئ يذكر .. اتروش .. والبس السكرب الجميل للمرة الأولى كوني طالب سنة اولى طب بشري وكلي انشكاح وحماس للدراسة
الي صار اني رحت للكلية .. دخلت .. افاااااااااااااااااااااااااااااااااا.. زحمة!!! ( للي ما يعرف: سعود لو شفت فيها بأي كلية زحمة ناس , اعرف انه اللللللللللللللللللله يعينك!)
المهم قررت اني ادخل شوي شوي بالزحمة الين ما اكتشفت انه فيه غرفه ما تتسع لأكثر من 15 شخص .. 40 واحد حاشرين نفسهم فيها .. غير الي بره الباب.. صراخ ... هواش.. كل واحد ينادي الثاني .. تحس انك محاط بعرق غيرك من كل مكان .. سميت بالله وحشرت نفسي داخل الغرفه علشان اخذ الجدول .. مرت الدقيقه الأولى .. الدقيقه الثانيه .. بديت ادوخ مافي هوا .. فعلا فعلا بديت ادوخ .. فقررت اني اطلع بره مرة ثانيه علشان اخذ نفس عميق واحاول احشر نفسي مرة ثانية ..
كم واحد من اخوياي بره حاول انه يدخل ويجيب جدولي وجدوله .. انتظر 4 دقايق .. والقاه طالع وجهه احمر وشوي وبيطيح على جبهته!..
هنا فعلا قررت اني ادخل للمرة الأخيرة once and for ALL !
ودخلت .. وحشرت نفسي واخلاقي فعلا كانت ضاربه .. فكان النظام اني احط رجلي بأي خانه فاضيه القاها :yuck: .. الين ما ربك يسر ووصلت للكاونتر عليه 2 بس!!!
النظام انك تصارخ برقمك الجامعي اذا سمعه راح تاخذ الجدول .. فكل واحد يصارخ بأفضل صراخ: sealed: .. شوي إلا ويقوم الأخ يكلم جوال :normal: , فعلا جتني رغبه عارمه اني انط فوق الكاونتر وارفسه مع خشمة بس الحمدلله عدت علي خير :yuck: .. المهم لقط رقمي الجامعي وطبع لي الجدول .. صرت بأتراقص فرحا!! العمليه الأسوء كانت الخروج من الحشره بس ربك يسرها برضو
اطالع بالجدول.. فوق تحت .. افا.. وين اداوم؟؟!؟!!؟ اكيد شكلي راح اكلم aoks من اول يوم وانشب له .. لالا ما يحتاج .. وصراع داخلي على هذي المسألة.
ما راح اكثر كلام زياده المهم اني ضعت ضياع اول يوم شئ مو طبيعي ..
بس بصراحه زعلت جدا ان رفيق دربي Dr MAD سحب علي وراح طب اسنان .. بس يالله وش نسوي عاد :cryy: ..
طولت عليكم مع انه في الكثير والكثير من الحروب بسعود بس لو بجلس اتكلم فيها ما راح اخلص
وآخرا وليس اخيرا .. رحنا المشرحة اول يوم وشفنا الجثث .. والجثه الي كانت قدامنا بدون راس!@$!@#!@#!@#!@#

 

[الــخــــارق]

مممم..
في جامعة سعود.. سنة تحضيرية.
حضوري السبت والاثنين والاربعاء هالأسبوع، تعريف على الأنظمة واختبارات تحديد مستوى.

يوم السبت الدوام الفعلي، للحين ما قالوا شي عن دوام رمضان .

سنة تحضيرية عبدالعزيز ؟
لاااااا ليش اخذتوا مبنانا رجعوا لنا المبنى :evil:
سنوات من الانتظار وبالاخير يقولون اسفين الان صار لطلاب السنة التحضيرية

الله يوفقك عبدالعزيز في مشوارك الجامعي ..
والله والله بالمبنى لا تخربنوه علينا ..

 

[The Last Fantasy]

هههه، الله يوفقنا جميع ان شاء الله.

المبنى مش بطال والله، مش بحجم مباني الكليات الثانية لكنه جيد. للحين يشتغلون عليه بس القاعات والتكييف جاهزين.

اعتقد بيكون لطلاب التحضيرية لمدة ترم واحد بس حسب ما قالوا، وبعدها بيحولونهم لمبنى جديد مخصص لهم .

 

[Leon]

هههههههههههههههه أنا شكلي ما راح أداوم إلا بعد أسبوعين , السيستم الرئيسي في الكلية تعطل وما نقدر نعمل أي حاجة لا جداول ولا غيره , والحين هم في سباق مع الزمن يصلحوه لول , ترى صارت قبل سنتين نفس الحكاية .. العالم قيدهم بدأووا دراسة لهم شهر وإحنا لسة ما عملنا جداولنا أصلا .!!!

كلية المعلمين ... كم أنا هائم في عشقك .. 😛

 

[MR1]

للحين ما قالوا شي عن دوام رمضان .

الجدول موجود برسالة الجامعة .. "جريدة الجامعة".

=====

أحب أبارك لكل طلاب علوم الحاسب على رئيس القسم الجديد د.محمد العبدالكريم و تخلصكم من ماسبقه ...

د.محمد درسي مادتين .. طيب و أخلاق و يعاملك على أنك صديقه بس كل يوم يبي يطلب منكم شيء

 

[Neoraxis]

اول اسبوع عطاله لين ابريل القادم :cooool:

 

[Mista Koo]

أحب أبارك لكل طلاب علوم الحاسب على رئيس القسم الجديد د.محمد العبدالكريم و تخلصكم من ماسبقه ...

أوه رئيسنا 3> الله يبارك فيك << توه يدري إنه تغير P:

بالمناسبة فتحوا قسم SE عندنا وتبدأ الدراسة فيه من التيرم الجاي.. أحول له ولا لا؟
أنا متحسف على مادة الـAI.. تتوقعون تسوى؟؟

 

[The Last Fantasy]

الجدول موجود برسالة الجامعة .. "جريدة الجامعة".

الي في جريدة الجامعة لطلاب السنين المتقدمة..

طلاب السنة التحضيرية يوم الاربعاء تنزل جداولهم.

 

[MR1]

أوه رئيسنا 3> الله يبارك فيك << توه يدري إنه تغير P:

بالمناسبة فتحوا قسم SE عندنا وتبدأ الدراسة فيه من التيرم الجاي.. أحول له ولا لا؟
أنا متحسف على مادة الـAI.. تتوقعون تسوى؟؟

ماعندي أي معلومات عن الـSE الا اذا كان Square-Einx لول ... بايخه؟!

بالنسبة للـAI فهي على حسب الي يدرسك ... يمدحون د.يوسف العوهلي
أنا درسته بالصيف علشان أخذ الكمبايلر لحاله فدرسني واحد الله يستر علينا و عليه عطانا كم محرك بحث و أخذنا لغة البرمجة Lisp .. بس على الفاضي

====================

الي في جريدة الجامعة لطلاب السنين المتقدمة..

طلاب السنة التحضيرية يوم الاربعاء تنزل جداولهم.

ما أدري والله .. أنا أخبر رالة الجامعة أصلاً ماله الا 3 فوائد:
1) نزول المكافئة.
2) جداول رمضان.
3) اذا عندك ساعة فراغ و قاعد لحالك تحل الألعاب الي بآخر شيء (يقولون شالوه!!).

 

[Mista Koo]

ماعندي أي معلومات عن الـSE الا اذا كان Square-Einx لول ... بايخه؟!

بالنسبة للـAI فهي على حسب الي يدرسك ... يمدحون د.يوسف العوهلي
أنا درسته بالصيف علشان أخذ الكمبايلر لحاله فدرسني واحد الله يستر علينا و عليه عطانا كم محرك بحث و أخذنا لغة البرمجة Lisp .. بس على الفاضي

Software Engineering... يمدحون Wikipedia (&)

هممم ما أدري ليش متخيل المادة Fun.. ما حاط في بالي إني في سعود >.>

 

[Mukuro]

في معلمين teachers غيري في المنتدى؟

 

[Leon]

في معلمين teachers غيري في المنتدى؟

لوووول ما توقعت أبداً ألقى الرد هذا , أخيرا حصلت واحد في المنتدى زيي .. :cryy:
من أي كلية إنتا ؟!

 

[MR1]

Software Engineering... يمدحون Wikipedia (&)

هممم ما أدري ليش متخيل المادة Fun.. ما حاط في بالي إني في سعود >.>

أدري.. بس يوم قلت ماعندي فكره عنها لكون هالقسم ماكان موجود في عصري .. >> الشايب >.>

بس فيه مادة بنفس هذا المسمى للعلوم و الهندسة يدرسها د.عصاصه

 

[Futrus]

سحقاً لجامعة البحرين اسجل مبدئي واليوم ادخل على جدولي في الجامعه يطلع فاضي :S
اعيد اضافة المواد وتطلع اوقات تجيب الهم واهم ماده ما اقدر اضيفها مافي شواغر :S
داومي بكون متعب الاثنين والاربعاء من 8 الصبح إلى 3:45 -______-
ويوم الأحد والثلاثاء والخميس من 10 الصبح إلى2:50 -__________-

 

[Zero]

أول أسبوع دوام .. ببساطة متعب !
من 8 لحد 5:10 العصر ..

أول أسبوع صايرة شوية فوضى ومعظم وقتي فاضي .. انتظر يتعدل جدولي وارتاح لأن شعبة الإنجلش تبعنا ملغية وننتظر يحطونا في شعبة جديدة بسبب الزحمة والطلاب المعيدين وإلخ وإلخ .. الحين جالس بالمعمل واكتب هالرد : /..

دوامنا FTL ( البترول )

 

[Final Fantasy]

الحمدالله دوامي ماراح يبدأ الا ورى اجازة العيد ;p

 

[Mukuro]

لوووول ما توقعت أبداً ألقى الرد هذا , أخيرا حصلت واحد في المنتدى زيي .. :cryy:
من أي كلية إنتا ؟!

أنا خريج كلية المعلمين بجده عام 1426.

 

[Leon]

أنا خريج كلية المعلمين بجده عام 1426.

وات ؟!! ,لول يعني كنا مع بعض في نفس الكلية و لا ندري !!! , السنة هذي بإذن لله تخرجي , قسم التربية الخاصة\تخصص صعوبات التعلم ..

يلا ما كان في نصيب نقابلك من قبل .. 🙂

 

[G7Ga7]

NO MORE $#!@% ORIA
:yuck: :yuck: :yuck: :yuck: :yuck:
ما راح يفهمها إلا طلاب البترول 😛

أول يوم لي كطالب فريشمن تعبت بشكل ما يتصوره عقل .. خاصة انه فيه انواع تسلق للجبال -__-"
وانتقال من مبنى إلى آخر تحت حرارة 45 درجة , وفي وقت أقل من 10 دقايق xD

لكن الحمد لله انتهيت من تعديل الجدول , وتم استلام كل الابروفلات اللازمة ^^

والحمد لله على كل حال ^.^

دوامنا FTL ( البترول )

سنة تحضيرية ؟؟

 

[الــخــــارق]

دوامي من 1 - 5
ما عدى يوم الأحد من 10 - 5

ما فيه أحلى منه 🙂

موعدنا الاسبوع الجاي ان شاء الله -_-

 

[Colorization]

اليوم رحت إستلمت الID الجديد. والله يوم شفت القاعات ضاق صدري حيييييييل مع إنه الدراسة فجامعتنا سهلة، مابي أدرس 🙁 تعودت على الروتين البايخ (شاور -> قهوة -> نت\جيمز -> نوم)

جدول رمضان خفيف حيل، ساعتين باليوم فقط، وعندي ساعة فراغ بينهم (الأجهزة المحمولة للفوز)