^
ايه خابر، لكن كل الصفقات كانت تطبخ و على الجرايد من قبل مجيء انشلوتي
كارفاخال أخباره كانت موجودة من بداية الموسم الماضي!
عموماً، أنا ضد إعطاء الخيط و المخيط للمدرب
سياسة البايرن خرافية مع المدربين!
النادي له منهجية و رؤية معينة يمشي عليها
المدرب يجب انه يكون داري عنها و فاهمها قبل ما يجي النادي
و بالتالي يتماشى معها بحدود معينة، و يطلب طلبات تناسب توجه النادي بشكل عام
تطبخ عالجرايد صحيح .. لكن اسم أنشيلوتي كان هو المُختار حتى قبل خروج مورينيو
في مؤتمر صحفي له في السانتياغو بيرنابيو الكاميرا لقطت ورقة مكتوب عليها بخط اليد وش بيقول لو سئل عن أنشيلوتي وغيره .. فأتوقع كان فعلًا في تنسيق بينهم في الصفقات
كارفخال أشوف مهما كان المدرب يستحق يجي، لعب موسم خيالي مع ليفركوزن وأخذ أفضل ظهير أيمن في الدوري، غير انهم استفادو من البند اللي في العقد اللي يحق لهم استرجاع اللاعب بمبلغ 6.5 مليون يورو + اللاعبين الكويسين في المركز هذا نادرين
توجه البايرن صعب أي نادي يطبقه .. إدارة البايرن يرأسها أساطير في الكرة الألمانية ناس فاهمة اللعبة صح، الشي هذا مش متوفر مثلا في بيريز، روسيل، بيرلسكوني أو حتى موراتي اللي باع حصة عملاقة من النادي
عشان كذا أشوف من الأفضل إعطاء المدرب الصلاحيات واختيار الأسماء عشان نهجه ولو فشل ما يصير له عذر أو غيره
توجه ريال مدريد كـ فريق حالياً، هو جلب المواهب و اطلاق سراحهم إما مبكراً أو لما يجي ينضج و الأمثلة كثيرة!
أوزيل مثلاً، كان الناس منقسمين في أخباره، أحد يقول إن توجهه ماكان عاجب النادي (طلب فلوس + انه مدخن و غير منضبط) هذي الأشياء اللي اقصد انهم ممكن يسوون كنترول عليها
الجانب الثاني قالوا انه هو طلب الخروج و انشلوتي ما كان يبيه بالتشكيلة!
برأيي، كل الأعذار واهية، سالفة الفلوس و الدخان تنحل بطريقة أو بأخرى
كونه ماناسب انشلوتي، هذي تترك لحسابات انشلوتي، حطه احتياط ممكن يناسب بأي طريقة وفق رؤية النادي، هذا غير ان انشلوتي سنتين ثلاث بالكثير ماشي و مخلي الفريق وراه
اللاعب طلب الخروج؟ ياما شفنا لاعبين يلطبون الخروج بسبب الخوف من المنافسة أو عشان أي اسباب اخرى، و الإدارة ترفض بيعه و يبقى
طالما انه عنده عقد يمتد لغاية 2016 إن ماكنت واهم، خله يخيس بالنادي يمكن يغير رأيه خلال الثلاث سنوات الجاية و إلا بعه لاحقاً
لاسيما إن النادي يسوق فكرة إن الفلوس ما تهمه على الإطلاق، فيما لو قلنا ان قيمة أوزيل السوقية بتنزل مع الوقت!
سالفة الفلوس والدخان هذي مالها أي أساس من الصحة، وطلعتها صحيفة الآس أو الماركا لامتصاص غضب الجماهير
أنا للأمانة مع الجانب الثاني اللي يقول انه طلب الخروج وأنشيلوتي ما مانع خروجه .. زي ما أنت عارف ان سياسة النادي هي عدم إجبار اللاعب الفلاني على البقاء .. تبغى تمشي الله معاك.
أنا أشجع النادي من بداية الألفية الثانية وإلى يومنا هذا ما أذكر حالة وحدة ان اللاعب طلب الخروج سواء قدم ورقة رسمية أو قالها في الإعلام وفعلًا خرج .. اللاعب إذا أُجبر على البقاء عمره ما راح يقدم آداء قريب من آداءه وهو سعيد في النادي فالأفضل يمشي
شوف كاكا مثلًا كان عالة على النادي لكن الريال ما طلعه لأنه ما طلب الخروج وتمسك بالبقاء، لكن أو ما طلب يخرج .. كلها 48 ساعة و لقيناه برا النادي
[video=youtube;HMy9cDxfdrM]http://www.youtube.com/watch?v=HMy9cDxfdrM[/video]
هنا هو شرح تمامًا وش صار في الصفقة (الدقيقة 8:00) وقال: "نحن لا نجبر أحدًا على البقاء، لن يبقى معنا إلا من يريد ذلك"
و قال ان دي ماريا كلمه هو من طلب البقاء و وعده بالمقاتلة على مكانه ورفض يخرج من النادي مع ان بيل جا في نفس مركزه تماما .. وأشوفه قاعد يوفي بوعده، الولد مقدم آداء ممتاز للآن وإن شاء الله يستمر على كذا
بالجانب الآخر، حتى أكون منصف نسبياً بقضية أوزيل
فريق مورينهو وش قدم خلال الثلاث سنوات اللي طافت؟ و لا شيء كبير، سوى الأرقام
أمس كنت أقرأ مقال عن كرة القدم الأمريكية، عن الكورترباك حق دنفر برينكوس Manning
المقال كان جدل عام عن اللاعب، لكن فيه نقطة لفتت نظري بالمقال
واحد منهم قال إنك لما تشوف أرقام اللاعب تنبهر، و خرافية
Assists و Touchdowns و vision تشوف مستوى خرافي "كأرقام"
لكن لما تجي للحظات الحاسمة و الكبيرة، اللاعب مهب Winner!!
و هذي النقطة اللي عانى منها ريال مدريد مورينهو بشكل عام، و أوزيل بشكل خاص
الفريق كان يسوي أشياء هائلة على مستوى الأرقام، لكنه مب Winner! "حاسم"
الفريق ما كان فيه winners غير رونالدو و هيجواين،
هيجواين تخونه حدود قدراته الشخصية بشكل عام + الحظ
و رونالدو اليد الوحدة ما تصفق + الضغط الهائل عليه
المدرب صاحب النقطة هذي كأنه كان يقول، أنا وش ابي بلاعب يعطيني مليون assist بأوقات أنا فايز فيها و بدونها
و لما يجي الجد و الحصاد ألقاه عاجز عن فعل أي شيء؟
اتكلم عن الفريق عموماً يعني، اللي أوزيل جزء منه بطبيعة الحال
فهل يحق لنا نتحسف على أي لاعب من بقاياه؟
هنا أختلف معاك .. أوزيل أرقامه حتى قدام الكبار ممتازة، شوف كم أسيست عمل قدام البرشا وغيره، اللاعب يقدم أداء جيد جدًا للممتاز أمام الفرق الكبيرة لكن يعيبه انه ما يسجل مثل إيسكو أو كاكا في عزه
نوعية أوزيل اللي بس يصنع ونادرًا يسجل، وأذكر مرة انتقده مورينيو على كذا ... قاله أنت لازم تصير تسجل أكثر
اللي فعلًا يكون عاجز هو هيجواين .. هذا الإنسان من بعد 2010 مستحيل أسميه winner. بعد اصابة الانزلاق الولد حرفيًا فقد كثيييييييير من مميزاته مثل السرعة والمرونة وغيرها
فهل يحق لنا نتحسف على أي لاعب من بقاياه؟
هنا أنت تناقض نفسك .. في الأول تقول الفريق يحتاج للاستمرارية لكم موسم مع بعض عشان يكسبوا الغيرة على الشعار وغيره والحين تقول ما نتحسف؟ ما هو خروجهم بينفص الريال الاستمرارية اللي تكلمت عنها
مشكلة خروج مورينيو من أي فريق انها دائما متبوعة بخروج كم عدد من اللاعبين من بعد، اللي يبغى يلحقه واللي يحس انه ما راح يحصل على الثقة اللي مورينيو كان معطيه إياها وغيره
وهذا صار مع الريال هنا، لكن الأعمدة الأساسية ما زالت زي ما هي والفريق احتاج كم تدعيم والإدارة سدت الحاجة إلا عند مركز المهاجم واللي بدأت أصدق الأخبار اللي تقول ان زيدان هو من طلب عدم استقدام مهاجم وإعطاء الثقة لبن زيمة
عمومًا ما علينا عني أنا، الوحيد اللي زعلت على خروجه هو أوزيل وبدرجة أقل كاليخون .. غير كذا الباقيين فرحت جدًا بخروجهم وماني متحسف عليهم
