انطباعاتي عن الـ XBOX 360 ((بعد التجريب))

[Ginko]

عارف انها كلها 12 يوم ونازل..لكن يضل جربته قبل اكثر من مليون جيمر بالعالم :razz:


طبعا لاني شخصيه مهمه واكتب مراجعات وفله..ارسلولي نسخه من الجهاز😛

امزح..المهم..


امس رحت Best Buy ابشتري Fire Emblem ..وفجأه...اشوف الXBOX 360 للتجريب وفيه طوابيير..المهم اصف معهم ابي اجربه بلعبه من العابه المنتظره Call Of Duty ...

حاولت اجرب كل شيء فيه بشكل منفصل ..حتى الازرار لوول..

ابقسم الانطباعات لثلاث اجزاء...الجهاز..اليد...اللعبه...طبعا كلهم باختصار..


الجهاز

والله شكله صراحه جبار..اللون ناااعم والتصميم انسيابي..وفرق شاسع بينه وبين الصور الي طلعت له..يعني شكله اصغر من الاكس بوكس وفعلا جذاب..
شخصيا قعدت يمكن 5 دقايق ابحلق فيه من تصميمه الجميل...يعني فعلا تعلموا مايكرو درس من تصميمهم الفاشل للاكس بوكس..


اليد

اكثر شيء ابهرني!!!..مريحه بشكل خيالي..تطور كبييييير من يد الاكس بوكس الاول..
يعني اذكر كان فيه تصويت وش اكثر يد متحمسين لها العالم (اتوقع في اليابان) قالوا ال360..انا قلت وش فيها مميز؟؟..لكن يوم جربتها..صراحه مريه جدا جدا جدا!!!..يعني فعلا اقولها ما تحس وانت تلعب..
وفوق كذا ممسكها ممتاز..يعني صحيح القديمه تصلح للFPS لكن هذي تفوقت عليها..

الازرار ممتازه ضغطتها حلوه لكن حسيت فيها شيء غلط ما قدرت احدده..


اللعبه "Call of Duty"

اللعبه كمحرك ...جباره!!!..صراحه الجيمبلاي فاق توقعاتي والحين بعد التجريب راح اخذها مع الجهاز..
لكن لاحضت خلل بسيط وهو دقة التصويب..التارجيت الي يطلع في الشاشه مرات يطيح على العدو وتطلق!! بس ما يصيبه..صارت لي اكثر من مره..

الجرافيكس..هممممم..يمكن اكثر شيء تبون تعرفون عنه...طيب..الجرافيكس وبصراحه..جميل..لكن ما لاحظت فيه تطور النيكست جين..
من اللعبه اقدر اقول ان قوة الجرافيكس الي شفتها فيها نقدر نقول عنها على الاكس بوكس 1.5 فعلا...
يعني جميل وراح يعجبكم..لكن ما تشوف فيه النكست جين اذا فهمتوا قصدي..وفوق هذا التلفزيون كان خرافي ومعطي اللعبه جوها..

اللعبه سريعه وحماسيه..وفيها تحركات روعه وافكار عجبتني من جد!!..صحيح الجرافيكس ماكانه نيكس جين..لكن لعبه لازم ياخذها الي بياخذ الجهاز..a must!!


-----------------------------------------------------------

وفي الاخير جى الي وراي ونفخ علي يبي يلعب لاني طولت..وصلت معي ورحت وحاسبت على Fire Emblem وطلعت..

 

[Ash]

مبروك عبد الله , من الانطباعات الي قرئتها الجميع يمدح اليده , و يذمون الجرافيك كـنكست , يعني نفس ما قلت .

عقبال ما تجرب البلايستيشن 3 :razz: .

 

[Khalid-S]

مبروك عبود ,,

الجهاز فعلاَ شكله انيق وتحس من الصور ان ملمس الكونترولر مريح جداَ ,, الجهاز متحمس له لانه اول جهاز نيكست جين بشتريه ,, اليوم شفت صور ناس وصلتهم كاميو ( بري اوردير ) ومصورينها ,, والله تحمست

كول اوف دوتي توقعتها تكون افضل ,, تقييم الجزء الاول فرق كبير عن الجزء الثاني , بشتريها مع الجهاز ونشوف ان شاء الله تطلع بنصف مستوى الاول

مبروك عبود ,, وقولي انطباعاتك عن فاير ايمبلمب لان ناوي ابدا العبها اليومين ذول .

 

[خالد 333]

لوووووووووول عبدالله إنت فله كالعادة 😛

تصدق قبل شوي كنت أتصفح منتدى المنتدى ولقيت واحد كاتب إنطباعاته عن الجهاز وقلت بنفسي

ليش مافيه أي عضو من TG جرب الجهاز وفجأة طلعت إنت وكتبت إنطباعاتك 😛

وبعدين سالفة الجرافيكس أنطر على الجهاز لأنه في بداياته ^^

عندي سؤال مصيري :razz:

س : عبدالله بعد التجربة الفعلية للجهاز راح تشتريه وقت اللنش ولا ليلحين ماقررت 🙄

 

[ASWD]

مبروك عبدلله وعقبال ما تجرب بقية الاجهزة وخصوصا الــPS3 🙂

يد الاكس360 من شكلها باين عليها ممتازة وخير مافعلت مايكرو يوم الغت بعض الازرار واصبح شكل اليد مقارب للديوال شوك وهذ يعطيها مسكة مريحة جدا وتقارب بين الازرار عكس اليد الحالية وخصوصا اللي حجمها كبير ـ__ـ

شكل الجهاز مافي شك انه تطور وصار اكثر اناقة من الاكس بوكس الحالي واكثر شي عجبني هو فكرة تغيير الـcover

اما مسألة لجرافيك فمازال الوقت مبكر بنظري وحتى هذي اللحظة انا متمسك بمبدئ ..شراء الجهاز راح يكون مع GOW لانها من جد اكثر لعبة للجهاز تحسها نيكست جنريشن من الناحية الشكلية*الرسم*

 

[خالد 333]

شكل الجهاز مافي شك انه تطور وصار اكثر اناقة من الاكس بوكس الحالي واكثر شي عجبني هو فكرة تغيير الـcover

أسود ماتقدر تغير الكفر كامل تقدر تغير بس الــFACE PLATES أو الواجهة الأمامية للجهاز 😉

 

[mario0o]

مشكور عبدالله على الانطباعات 🙂


بانتظار الجهاز ان شا الله مع كاميو 😎

 

[Pichi]

مبروك عبدالله وعقبال ماتشتري الجهاز او تجرب البلاي ستيشن 3 : ) ..

 

[ASWD]

أسود ماتقدر تغير الكفر كامل تقدر تغير بس الــFACE PLATES أو الواجهة الأمامية للجهاز 😉

هذ اللي كنت اقصده بس انا اسميه cover 🙂

 

[خالد 333]

هذ اللي كنت اقصده بس انا اسميه cover 🙂

اهاااااااا فهمت 😀

 

[SNYMA]

مبروك ذا ويند على تجربة الجهاز
و مثل ما توقعت اليد مريحة جداً
أكثر المواقع يمدحون فيها
شكل الجهاز رائع جداً و إنسيابي بإختصار تحفة فنية
كلها 12 يوم و الجهاز بيكون واصل إن شاء الله

 

[Black]

مبروك عبود 🙂 .. وعقبال ما تشتريه 🙂 ..
انا شايل هم .. بكم سعره اذا وصل عندنا >.> ؟

 

[Aizmov]

مبرووووك عبد الله
دخلتك قويه ... انصدمت يوم شفت عنوان الموضوع (( ما انتبهت لأسم الكاتب لول :razz: ))
بس سؤالي موجه لمتابعين اخبار الجهاز بشكل عام
هل اشتريه الحين أو انتظر لين العاب هورونوبو تنزل عليه ؟!!!
بمعنى ثاني هل فيه كمبيه العاب جيده تقدر تصبرني لين ما تنزل Blue Dragon و Lost Odeissy ??!!!

 

[خالد 333]

بمعنى ثاني هل فيه كمبيه العاب جيده تقدر تصبرني لين ما تنزل Blue Dragon و Lost Odeissy ??!!!

إذا كنت تفضل ال action مع عناصر الأربيجي فراح تكفيك الرائعة كاميو أما إذا كنت تقصد ألعاب الأبيجي

اليابانية فأنصحك تاخذ إنشنت ارم من فروم سوفت وير وموعد إصدارها في شهر ديسمبر ^^

 

[sehro]

اممم بالنسبة لي بدري جداً على النيكست جين..... لسى العب بالبي اس 1 =_=...

و مبروك على التجربة the wind

*راح يلعب برايست ايف*

 

[king zell]

أحلى ما في الموضوع انك شريت فاير امبليم لول


لكن قهر إنك جربت call of duty أدري هي المتوفرة أكثر شي.. بس كان الأغلبية مهتمين أكثر بكميو و بيرفكت دارك زيرو.. على قولتك خلاص ما بقى شي و الجهاز ينزل..

إحنا هنا كان عندنا تجربة من 4-6 نوفمبر لكن نسيتها وفاتتني.. يالله خيرها بغيرها

 

[rubso]

يد الاكس360 من شكلها باين عليها ممتازة وخير مافعلت مايكرو يوم الغت بعض الازرار واصبح شكل اليد مقارب للديوال شوك وهذ يعطيها مسكة مريحة جدا وتقارب بين الازرار عكس اليد الحالية وخصوصا اللي حجمها كبير ـ__ـ

أسود .. يد الاكس 360 لا تقارن ابداً مع الدوال شوك لسوني ..
بل فكرتها مقتبسة من يدة الـ Xbox الأولى .. المسماة بـ Controller S .. الفرق بين تلك وهذه ان ازرار الـ Black و الـ White تم جعلها ازرار كتف باليدة الجديدة للـ X360 .. هذا التغيير الذي طرأ فقط ..

the wind .. في واحد أيضاً ساكن في Arizona , USA .. جرب الجهاز بـ Call Of Duty 2 و Kameo و King Kong وهذه كتاباته

السلام عليكم جميعاً

اليوم بالصدفة وانا رايح اتقضا اغراض للبيت من wal-mart. كالعادة اروح قسم الالعاب واشوف وش الجديد عندهم ..المرة هذي لقيت عندهم الاكس بوكس 360 معروض وبداخله اكثر من لعبة تقدر تلعبها demo . طبعاً الوقت كان تقريباً 6 الصباح وماكان موجود احد ..قلت خل اخذ راحتي والعب شوي ..
الصراحة الجهاز اكثر من رائع.. الرسومات كانت واضحة بشكل خرافي.. وال high definition مسوي شغل غير طبيعي لدرجة اني كان ودي انزل تبويس بالشاشة اللي قدامي.. كان معروض اكثر من لعبة لكن فقط 3 لعبات تقدر تلعبها فعليا. اما الباقي عروض بس

اول لعبة جربتها كانت call of duty 2
الgraphics ذكرني بالعاب ال pc من حيث الوضوح وطريقة الرسم . لكن مو للدرجة اللي تبهرك... طبعاً اعتقد ان اللعبة كانت محطوطة على ال hard لاني اول مانزلت من السيارة اطلقوا علي كم طلقة ومت..

اللعبة الثانية اللي جربتها كانت kameo ..
الصراحة اللعبة كانت مسلية..الشخصية اللي لعبت فبها كانت البنت (مدرس وش اسمها)
الرسوم كانت مش بطالة.. الكاميرا كانت تتحرك بشكل ممتاز. تقرّب وتبعد حسب المكان .. اللي انت فيه


اللعبة الثالثة واللي استانست عليها كانت king kong

هي اللعبة اللي حسيت اني فعلاً العب 360

الgraphics كان فضيع جداً بعكس ماسمعت عن اللعبة قبل.
بداية المرحلة او الdemo انك تكونانت king kong ومعك البنت المزيونة وقدامك داينصور..طبعاً بكل أدب واحترام حطيت البنت على الارض ولعنت والدين الدينصور... فعلاً تحس بالحماس وانت تضرب..تحس ان القوريلا فعلاً حاقد على الدينصور.


حبيت بس اشاركم بتجربتي الاولى مع الاكس بوكس 360

هه يمدح بكنج كونج .. وفعلاً من العروض اللي شفتها رسوماتها ذات جودة عالية

من الانطباعات الي قرئتها الجميع يمدح اليده , و يذمون الجرافيك كـنكست

كل المواقع اللي جربت الـ X360 ما قالت كلام عن "ذم الجرافكس" .. بل ذمت "بعض" الالعاب التي ستصدر عليه ذات جرافكس ضعيف لا يتماشى مع معطيات الجيل الجديد .. منها Call of Duty 2 ..
عكس PDZ و PGR 3 و Quake 4 و GOW إلى آخره من الالعاب ذات الرسوم الخارقة

----------

 

[M 7 L]

السلام عليكم....


صراحة حمّستني للأجهزة الجديدة ^^ وذكّرتني أوّل ما شفت البلاي ستيشن 2 وأنا منبهر <<< شيبي هذا ! :suspiciou !....


والله أحلى ما في موضوعك هذا هو إن الكلمات مختصرة وقليلة....وهذا أحلى شي يخلّيني أقرأ الموضوع بالكامل ووصفك للجهاز حلو ورائع بعد ^^....

أما عن الجرافيكس...أتوقّع أكيد ألحين راح يكون الجرافيكس...غير مدمّر لكن وقت صدور الجهاز...

بتشوف حرايج الجرافيكس 😎 ....والكنترول...إلي تبع الجهاز مبروك على مايكرو سوفت...إنها قدرت تطوّر...وإن شاء الله نشوف أفكار وإبداعات...

وبإنتظار السوني والكنترول إلي تبعها ^^ وإن شاء الله تجرّبها وتقول لينا انطباعاتك :razz: ...



سلام............🙂

 

[Final Fantasy]

هنيئا لك على التجربة .. و اليدة فعلا شكلها مريح و تفتح النفس على اللعب

 

[Conqueror]

بسم الله الرحمن الرحيم

حلو ، إن شاء الله بنهاية هالأسبوع بمر على Best Buy اللي عنا أو الwal-mart و بجرب الجهاز.

على الرغم أني مو من عشاق الاكس بوكس ، لكني بشوف CoD II اختيار سيء للحكم على قدرات الجهاز الرسومية ، لأني ببساطة مو شايف فرق بالرسوم بينه و بين الجزء اللي قبله.

 

[Solid Snake]

مبروك عليك التجربة ^^ ..

فعلا أغلبية المواقع تمدح في يد التحكم .. باين إنها مريحة جدا .. والجهاز شكله رائع وانسيابي .. وتصميمه ممتاز .. كلها كم يوم ويوصل الجهاز بين يدينا ..

 

[Ginko]

الله يبارك فيكم شباب🙂

خالد (333) انا كنت ناوي اخذه من اول اساسا..والتجريب اثر شوي في الالعاب الي باخذها..

 

[الــخــــارق]

طبعا لاني شخصيه مهمه واكتب مراجعات وفله..ارسلولي نسخه من الجهاز😛

ههههههههه حلوه

بصراحة ما شاء الله عليك قدرت تجرب الجهاز
شكل اليد حلو واستخدامها مريح
بالنسبة للألعاب انا ما تحمست الا لكاميو لعبت لنتش تايتل

فإلى ان أشوف الجهاز امامي وألعب به فعليا بيكون لي راي ثاني
بباقي الألعاب..

مشكور على الانطباعات..
ولا تنسانا من انطباعات الـPS3 😀

 

[ASWD]

أسود .. يد الاكس 360 لا تقارن ابداً مع الدوال شوك لسوني ..
بل فكرتها مقتبسة من يدة الـ Xbox الأولى .. المسماة بـ Controller S .. الفرق بين تلك وهذه ان ازرار الـ Black و الـ White تم جعلها ازرار كتف باليدة الجديدة للـ X360 .. هذا التغيير الذي طرأ فقط ..

رابسو القصد من كلامي ماكان مقارنة بين اليدتين من الناحية الشكلية..كان مقصدي من ناحية المسكة واماكن الازرار المريح ووضعية ايدنا عليها🙂

ومثل ما انت شايف بالصورة وضعية الازرار مريح و مطابق تقريبا لوضعية ازرار الديوال شوك الفارق هني هو الانالوج الايسر ووسادة الاتجاهات..هذ كان مقصدي من كلامي انه مشابه الى حد ما للديوال شوك

اتمنى انك فهمت مقصدي🙂

 

[Aoks]

طيب سؤال

في فرق كبير بين رسوم الجيل الحالي ورسوم ال 360؟

 

[Uzumaki Naruto]

محد عنده خلفيه عن كم سعره راح يكون بالرياض اول ما ينزل ؟

 

[Ginko]

Aoks

تبي الصراحه..في لعبة Call of Duty تلاحظ الفرق ..لكن مو لدرجه انك تقول (واااااااااااااااااو شيء لا يصدق)..ابدا..فقط تقول" حلو والله رسم قوي" ...فهمت علي..

 

[Pegaso]

مبروك على تجربة الجهاز... 🙂
الجهاز شكله انيق جداً...خاصة لونه...مليت من اللون الأسود (كل أجهزتي لهذا الجيل كان لونها أسود.. :razz🙂
بالنسبة لي أعتقد أن الوقت ما زال مبكر للنكست جينيريشن...لسى ما شبعت من الجيل الحالي...يمكن اشتريه لما تنزل GOW أو هيلو 3...

(اللعبة الوحيدة المهتم بها حالياً هي PGR3...بس ما أعتقد تكفي حتى أشتري الجهاز لأجلها)

 

[SHABASH]

والله شي رائع اخوي بساحب اقول ان الجرافكس لسه في بدايتة وان شاء الله راح نشوف رسم اقوى بكثير

 

[Naif]

كووول .. مشكور على الانطباعات ذا ويند ^^

ما اقدر انتظر اشتري الجهاز .. بس لين الحين ما حصلت موقع يشحن الجهاز للبريد في امريكا (كلهم يشحنون للمنازل ) .. و في الامارات مستحيل اشتريه اول ما ينزل (لاني اتوقع بيتكرر سيناريو صدور البلاي ستيشن 2) و بلاي اسيا و ليك سانغ اسعارهم مبالغة للجهاز الياباني 🙁 .. احد عنده موقع يقدم شحن للبريد في امريكا او شحن لخارج امريكا؟