الPS3... يسقط ( لول )

[fnh]

الحين الاكس بوكس والبلاي 3 خلاص تهكروا ؟؟ باقي الوي بس ؟؟ حسب ما اعرف انا الوي المفروض يكون امره هين ..

فريق PARADOX كان اول فريق استخرج لعبه للوي و الان الps3

🙂

......

 

[The Doctor]

واو... Pirates will rule the world one day :laugh:
رهيبين و الله... الحين في أمل للPS3 ينباع في اسواقنا :yuck:

العاب ال360 تشتغل على اللايف تمام ... في البداية كانت مايكروسوفت تمسكهم ... لكن الحين الظاهر صارت فرصة مايكروسوفت اقل في كشفهم

الحين الكوبي لل360 منتشر؟
لول اخوي يفكر يشتري واحد و يبي فيه كوبي :yuck:
(اللي يعرف فين احصل واحد مع الالعاب يرسل لي رسالة خاصة <<مسموح؟>>)

 

[الــخــــارق]

لو كانت سوني بتطبق نفس حركة الـPSP في انه تلزمك تحمل أبديت لتشغيل لعبة معينة فما استفدنا شيء ..
لأنه ان ما خانتني الذاكرة الـPSP ما طولوا في استخراج الـISO حق ألعابه ..

 

[Double T]

لو كانت سوني بتطبق نفس حركة الـPSP في انه تلزمك تحمل أبديت لتشغيل لعبة معينة فما استفدنا شيء ..
لأنه ان ما خانتني الذاكرة الـPSP ما طولوا في استخراج الـISO حق ألعابه ..

اذا كان زي الPSP فالفكرة جدا ماهي كوسيه ...كنت مركب البرنامج بس مسحته ... ما تقدر تسوي ابديت لأن لو سويت البرنامج ما يشتغل ... و بدون الأبديت اشياء كثيرة فقدتها منها الألعاب الأصلية حقتي و البراوسنق

 

[ZiZ]

مع كل أبديت يحارب القرصنة يطلعون القراصنة أبديت يضبط الوضع...

MGS😛O شغالة كوبي على الـPSP زي الحلاوة...

 

[persona]

امم شنو فايده الهكرز من هالحركه ؟

الهكرز..عندهم ..الحماية ..مثل..أعطيك مثال شخصي...

نفس بطل الببسي (بوغرشه) وودك تشربه وانت عطشان وماكو فتاحه؟

شتسوي؟ ..**الله يخلي فتحه الباب ..بس لا يطشر عليك **

أيدهم تحكهم من اي شغله فيها حماية ومايرتاحون الا ليما يكسرونها

 

[we6fe]

أجل الDS اللي لحد الحين صامد في وجه القرصنة ! :yuck:

 

[squall leonhart]

أجل الDS اللي لحد الحين صامد في وجه القرصنة ! :yuck:

خخخخخ شكلك ما سمعت بال m3

 

[Final Fantasy]

I Don't Care ... لأن أساسا الكوبي ماراح يكون له مكان عندي مع الـ PS3 .

الأصلي و الأصلي فقط للجيل الجديد 🙂

 

[fnh]

أجل الDS اللي لحد الحين صامد في وجه القرصنة ! :yuck:

لول ولا جهاز صمد قدام القرصنه XD

 

[Matt Casamassina]

ما أحس لعب الكوبي على البلايستيشن 3 بيكون مريح بسبب حكاية الابديتس، إلا ربما لأن الغالبية العظمى من الناس هنا ما راح يشبكون أونلاين فما فيه خطر سوني تنزل لهم أبديت يمنع الكوبي. أو ربما القراصنة بيصيرون ينزلون أبديتس خاصه فيهم مع ألعاب الكوبي نفسها مثل حكاية الأبديت حق متل جير4.

 

[Super Shadow]

الأصلي و الأصلي فقط للجيل الجديد 🙂

لول ولا جهاز صمد قدام القرصنه XD

الأتاري :yuck:

 

[squall leonhart]

الأتاري :yuck:

خخخخخخخ على الاتاري اذكر و انا صغير اشتري العبة ب 10-5 ريال من الكهربائي الي جمب بيتنا .. مستحيل تكون اصليه

 

[RIZE]

??? لا يكون البلاي 3 لازم انزل له ابدايت جديد كل فترة ؟؟؟


السؤال الشيق :


والى ما عندهم دي اس أل شنو يسووون >_> ؟؟ (( يدقون اصبع يعنى ))

 

[ABUALI]

??? لا يكون البلاي 3 لازم انزل له ابدايت جديد كل فترة ؟؟؟


السؤال الشيق :


والى ما عندهم دي اس أل شنو يسووون >_> ؟؟ (( يدقون اصبع يعنى ))

الأبديت يجي وية اللعبة، نفس الـPSP

 

[بوعليان]

شدوا الهمة يا الهكرز

 

[Double T]

استخدم كوبي PS3 لكن بشروط

1- ما يمنعني من لعب الأون لاين ... او لو ركبته سوني تسوي ابديت تخرب كل شي
2- ما يخرب الجهاز .. زي الPSP بعض الموديلات ما يركب عليها الكوبي عشان يحرق الجهاز ( مدري كيف ؟؟ )

 

[RIZE]

الأبديت يجي وية اللعبة، نفس الـPSP

طمنتى يا راجل :kiss: << الى يشوفه تقول انه حالف على الجيل اليديد راح يشتري كله اصلي .. واهوا ناطر االكوبي نطره

 

[Waldo]

محد قدر يصمد امام القرصنة ؟!!

 

[Yaz3D]

لووول .. والله أنهم زاحفين .. محد يقوفهم خخخ
يعني احتمال نشوف الألعاب بـ 20 ريال هنا ؟ 😛 .. لوول ..