ال Gamer Profile حقي ......اخترب؟؟؟

[Ryu-Bounty Hunter]

بعد هالتعب و جيمر سكور 1675 فرحان فيه شوي ويوصل 2000 قهر والله
امس لعبت ديد رايسنج كان كل شي تمام
بس اليوم لمن شغلت الجهاز الجيمر بروفايل حقي مو موجود اصلا
و قاعد ادو عليه الا احصله Corrupted ليش عاد ما ادري اذا كنت طفيت الجهاز و هو يخزن بس ما اذكر ان صار لي هالشي
ما احد عنده فكرة عن اللي صار يمكن يعرف ايش السبب
آه يالقهر :cryy:

 

[53]

ال360 = خرابات :roll:

 

[M 7 L]

كل ما أسمع خرابات الـ 360 أخاف زيادة على البلاي 3....

لأن من المعروف إن الصناعة الأمريكيّة أقوى من أيام 3DO ألحين حتى الصناعة الأمريكيّة فيها خرابات أجل كيف البلاي 3 الله يستر ما تكون الخرابات فضائيّة -_-"

وإن شاء الله أحد يعرف سبب مشكلتك

 

[Mesharey]

اممم .. جرب تحط Recover GamerTag من الأكس بوكس نفسه ممكن تنفع ..

 

[Super Shadow]

الله يستر بس :cryy:

من بعد موضوع يوسوزاكي و الحين هذا الموضوع قمت أخاف :cryy:

>>>> مستوي خواف وايد

 

[BioMario]

والله الـ X360 = خرابات بالفعل ..
اجهزة قليلة جداً تكون سليمة ..

مايكروسوفت ما ضبطتها من البداية -__- ..

 

[CyberMaster]

اول مره اسمع ببروفايل يخرب !
بس من ناحية الجيم سكور والأتشيفمنت حقتك ميب رايحه لأنها مخزنه في الايف
لكن يمكن تسيفاتك معد ترجع
لكن البروفايل ممكن تسوي له Recover ويرجع عادي

 

[Isaac]

اممم .. جرب تحط Recover GamerTag من الأكس بوكس نفسه ممكن تنفع ..

100% تنفع


بس حط ببالك .. أنك بتسوي Recover لآخر المعلومات اللي سويت Login فيها للايف ... يعني أشيفمنت فتحته أوفلاين بعد كذا مش حتحصله.

 

[Xeno]

لاحول ولا قوة الا بالله... حد يطفي جهازه أثناء التخزين عاد. :normal: فكل لعبة أثناء التخزين يقولون لك "تحمل ثم تحمل ثم تحمل" تطفي الجهاز.

أذكر قبل كم سنة, على البلاي ستيشن 2, كنت ألعب ريد فاكشن 2 (كانت أسطورة وقتها) وانقطعت الكهرباء من البيت أثناء التخزين! طبعا اخترب الملف وعدت من جديد وخلصتها فنفس اليوم! صارت لي بعد فشين مو 2 على الاكس بوكس.

لكن انت الجيمر بروفايل كله اخترب... الله يعينك, جرب حركة حازم.

 

[Ryu-Bounty Hunter]

يا سلاااااااااااااااااااااااااااام :laugh:
تعدل تعدل تعدل الجيمر بروفايل تعدل
مسحت البروفايل الخربان من الجهاز و حطيت delete profile only بعدين حطيت ريكوفير
حطيت الأيميل و كلمة السر و قال wait تم مدة بعدين طلع و رجع مثل ما كان
لا و زيادة بعد.....
التخازين ما انمسحت
والله عجييييب يالأكس
بعدنا ما قلت خراب الحين اقول ميييييييزة رووووعة في الجهاز
يعني اذا عندك بروفايل لا تخاف ابذا انه تضيغ تخازينك ::

 

[Isaac]

مبروك أخوي ريو ...


بخصوص التنبيه من مايكرو $ـ ـوفت .. عن إن تسييفاتك بتروح ... ((أحسه يحتاج إعادة صياغة -__-))

المفروض انهم يقولون إن الريكوفري بيكون للبروفايل ... وليس التخزينات (لأن التخزينات موجودة على Storing device)


أنا حصلت معي حادثة طريفة ...


لما رجعت للرياض طبعا جبت معي ااـ360 .. لكن المفاجأة كانت ان الهرديسك حق خويي مش حقي ... تلخبطنا مرة وحنا نتبادل الهارديسكات !! :yuck: ...... المهم جاني هالتنبيه العبيط ... خفت تنمسح كل تخزيناتي .. اضطريت أكلم سلومي هاتفيا واستفسر ... وبعد ما تطمنت سويت ريكوفر للبروفايل ولعبت أونلاين ... لكن تسييفاتي كلها موجودة في هارديسكي الأصلي ..