الي ناوي يشتري تلفزيون 3D ... ضروري ياخذ فكره من هذا الموضوع !

[Painkiller Q8]

^
اذا غرفتك عرضها 4 فأقل .. اخذ ال3دي

اذا الغرفه عرضها أكثر من 4 .. اخذ الكبير

 

[النسر الأسود]

شباب,,,, أتمنى المساعده !!

اذا جتكم الفرصه بشراء واحد من الاثنين ........

تلفزيون 3دي بحجم 37 بوصه

أو

تلفزيون smart LED بحجم 46 بوصه

ايش تختارون .......... الـ 3D ولا الحجم الكبير ؟؟؟

ملاحظه: التلفزيون اكثر شئ بيستخدم للجيمنج,,,, و بينحط في غرفة النوم !

عن نفسي أفضل الحجم على تقنية الـ 3D فإذا غرفتك فيها متسع فخذ الكبيرة

 

[Painkiller Q8]

شباب الي عنده تلفزيون 3D ويبي يحلله .. ترا "كل" الافلام موجوده بنظام SBS = Side By Side وحجك الافلام مايقل عن 8GB مجرد ربط الهاردسك في التلفزيون او WB تقدر تشغلهم وتستخدم SBS من خيارات التلفزيون واستمتع 🙂

حاليا عندي أكثر من 25 فلم 3D

على فكره تلفزيونات LG تشغل ملفات MKV + الترجمه العربيه .. يعني خلاص ماتحتاج لابتوب او جهاز WB ابدا ^^

LG للفوز

 

[Fahad Al-Shareef]

شباب .. ان شاء الله راح اخذ الـPlaystation 3D Display واخليها للبي سي والاكس بوكس .. وش رايكم ؟

 

[Painkiller Q8]

شباب .. ان شاء الله راح اخذ الـPlaystation 3D Display واخليها للبي سي والاكس بوكس .. وش رايكم ؟

ما ادري كم سعرها .. بس اذا انت ناوي على الـ3D روح شوف معارض LG 3D Cinema راح يكون الأختيار الافضل واذا السعر قريب .. اشتر LG وارتاح عندهم كل الاحجام من 42 لي 55 واكثر

 

[N2N2]

شباب .. ان شاء الله راح اخذ الـPlaystation 3D Display واخليها للبي سي والاكس بوكس .. وش رايكم ؟

من كلام الي شافوها في معرض يوم اللاعبين انها تعبانه ما ادري مشغلين عرض تعبان ولا الشاشه رايحه فيها

ما ادري كم سعرها .. بس اذا انت ناوي على الـ3D روح شوف معارض LG 3D Cinema راح يكون الأختيار الافضل واذا السعر قريب .. اشتر LG وارتاح عندهم كل الاحجام من 42 لي 55 واكثر

http://www.unitednaghi.com.sa/lgcns/main.asp

لقيت ذا الموقع بكلمهم و اشوف

 

[MadPhantom]

اهلا خالد
انا ناوي على تلفزيون ، وودي بنفس الي معاك الي تقول نظاراته خفيفه ووو
ابيك تعطيني سعره واصغر مقاس له ( ودي بتلفزيون حجمه وسط مش كبير ولا صغير )
ووش رايك بالتلفزيون بعد استعمالك له لمده ؟ وكيف الثري دي ؟ والسعر كم ؟

 

[Painkiller Q8]

الفرق بين الآكتيف 3دي LG والباسف 3دس Samsung وغيره

http://reviews.cnet.com/2735-7608_7-1278-3.html

تجربه شخصيه :-

انا جربت سامسونج 46 بوصه وكان أفضل تلفزيون في 2010 وفيه تقنيه آكتيف 3دي .. وبتكلم عن المزايا والعيوب في ال3D فقط وليس التلفزيون بشكل عام

المزايا:

• في ال3دي كان افضل ميزه فيه هي الهيرتز العالي .. يعني ماتحس ان فيه بطىء في الصوره او فريمريت سلبي وانت تشوف الفلم في الحركات السريعه وهذي هي الميزه الوحيده في 3D السامسونج الي هو الآكتيف.
• الدقه "الرزلوشن" full hd picture .. بوضوح 1080p

العيوب:

• اول واهم عيب هو سطوع الإضائه المنخفض . من تحول إلى 3D راح تلاحظ ان البرايتنس قل بشكل ملحوض ومزعج.
• النظاره ثقيله او بمعنى آخر بتحس فيها طول ما انت لابسها
• النظاره غاليه جدا وسعر 3 او 4 نظارات يعادل جهاز إكس بوكس او بلي ستيشن 3
• ماتقدر تكمل ساعه وال3دي شغال لان راح تحس "بدوخه" او "صداع" حاله حال نينتيندو 3DS
• ضروري انك تكون على مستوى معين وانت تشوف فلم 3دي علشان تطلع لك الصوره بالشكل المطلوب .. يعني ماتقدر تاخذ يمين او يسار واذا كنت مع 4 او 5 اشخاص ماراح يتمتع الكل بنفس الجوده لان من الطبيعي بيكون 2 من الشباب على اليسار او اليمين.
• النظاره تحتاج شحن لانها مشبوكه عن طريق البلوتوث .. هذي ماعتبرها عيب كبير .. بس احيانا تبدأ فلم ثاني وتكون ناسي انك تشحنها .. فتحتاج توقف الفلم لفتره لين تشحن
• ضروري انك تكون بوضع افقي .. يعني ماتقدر تنسدح وتشوف الفلم بوضعيه عموديه للنظاره

-----

حاليا استخدم LG 3D Cinema 47 .. وبعد التجربه صرت مهووس افلام 3D ولا افوت اي فلم لان تجربه الافلام ممتازه وحالها من حال الIMAX في السينما

المزايا:

• النظاره خفيفه جدا ولا تحس فيها وبعد دقائق تنسى انك لابسها.
• النظاره رخيصه جدا وتقدر تشتري باك 4نظارات كامل بأقل من ربع سعر نظاره وحده من الآكتيف 3دي
• تقدر تشوف لفتره طويله حتى لو توصل لساعتين واكثر ولا تحس بدوخه او تعب في العيون
• الجميع يقدر يتفرج على الفلم من أي زاويه في الغرفه والكل راح يحصل على نفس الصوره + تقدر تنسدح وتشوف حتى لو راسك على المخده
• السطوع كامل جدا في ال3دي وكأنه الوضع العادي مايقل ابد
• طبعا النظاره لاتحتاج شحن او اي شيء لان التقنيه جديده وتعفيها من الكهرباء
• تلفزيونات ال3دي سينما تتميز بأربع انواع لل3دي حسب الفلم الي عندك وحتى لو كان فيديو من اليوتيوب او كليبات تجريبيه راح تحصل ميزه تحويلها 3دي
• *ميزه قويه* تقدر تحول "اي شيء" إلى 3دي حتى لو كان اخبار او مسلسل خليجي...الخ .. نظام ياخذ الابعاد في الصوره ويتحكم في العمق .. بس طبعا ماهو بمستوى ال3دي الفعلي.
• التلفزيون يتمتع بدعم النظام وتحميل updates لنظام التشغيل كباقي الأجهزه PS3+Xbox360

العيوب:

• غالبا يكون الهيرتز أقل من تلفزيونات الآكتيف 3دي .. لكن ال جي توفر تلفزيون جبار ب480 هيرتز واي حجم .. بس المشكله السعر غالي.
• الرزلوشن يقل شوي ..في تشتغل 3دي 1080i بدل 1080p

نصيحه الي ناوي يشتري تلفزيون بتقنيه 3دي لايغره الأسماء مثل سامسونج وسوني لان تقنيه ال3دي عندهم تعتبر مريضه بالنسبه لتقنيه 3دي سينما

تلفزيوني السامسونج تبرعت فيه لأخوي .. وحاليا استخدم ال جي الجديد

 

[Painkiller Q8]

اهلا خالد
انا ناوي على تلفزيون ، وودي بنفس الي معاك الي تقول نظاراته خفيفه ووو
ابيك تعطيني سعره واصغر مقاس له ( ودي بتلفزيون حجمه وسط مش كبير ولا صغير )
ووش رايك بالتلفزيون بعد استعمالك له لمده ؟ وكيف الثري دي ؟ والسعر كم ؟

اسمحلي توني اشوف ردك .. بس انا كتبت انطباع بالمزايا والعيوب ...

ال جي 3دي سينما فيه احجام مختلفه واعتقد اصغر واحد 42 .. كلهم يدخولن انترنت عن طريق برامج مثل فيسبوك + يويتوب وكلهم لهم AppStore مليان العاب وبرامج تستخدم الMotion Remote فيهم .. لكن فيه نوع يجي مع Full Internet Access وهذا تقدر تدخل الانترنت حاله من حال الابتوب ويفتح اي موقع معاك ويدعم العربي بالكامل قرائه وكتابه , وطبعا سعره اعلى بشوي

الاسعار تختلف في الخليج .. في الكويت سعرهم معقول .. والامارات أرخص .. بس ماعندي فكره عن السعوديه وغيرها

 

[MadPhantom]

^
طيب كم سعرة بالامارات ؟ لانه تقريبًا مثلنا @@

 

[Tiger]

^
طيب كم سعرة بالامارات ؟ لانه تقريبًا مثلنا @@

الحين مهرجان دبي للتسوق مسوين عروض lg 55 3d ب8000 مع فلمين 3d ومشعل وسماسونج 40بوصه 3d ب4000 درهم وبعد حصلت ارخص شاشة 3d من lg ب2000 درهم واايد عروض مسوين على الشاشات

 

[ALONE]

شباب الي عنده تلفزيون 3D ويبي يحلله .. ترا "كل" الافلام موجوده بنظام SBS = Side By Side وحجك الافلام مايقل عن 8GB مجرد ربط الهاردسك في التلفزيون او WB تقدر تشغلهم وتستخدم SBS من خيارات التلفزيون واستمتع 🙂

حاليا عندي أكثر من 25 فلم 3D

على فكره تلفزيونات LG تشغل ملفات MKV + الترجمه العربيه .. يعني خلاص ماتحتاج لابتوب او جهاز WB ابدا ^^

LG للفوز

مز زمان ياخالد ابيك تأكد هل المعلومة الخورافية الرهيبة :wow::lebb:

خلاص مايحتاج هاردسيك ومشغلات وحوسة وخاصة اني اكرهها

بأذن الله اول ماتتوفر معاي قيمة الشاشة على طول بأخذها

طيب بالنسبة للأصوات المحيطية مثل DTS و Dolby Digital

التلفزيون فية مخرج اوبتكل ؟؟؟

وLG للفوز المؤبد عندي شاشة LCD قربت تكمل ثلاث سنين وماشاء الله كأنها جديدة 😎:

 

[Painkiller Q8]

^
نعم التلفزيون فيه أوبتيكال OUT .. يعني مجرد انك تحط الهاردسك تشوف كل افلامك ومترجمه عربي

والصوت من التلفزيون out لي الرسيفر وعيش حياتك باصوات HD ^^

قبل لا اشتري التلفزيون كنت في بدايه 2011 كنت اسمع ان ال جي تطمح انها تاخذ سوق التلفزيونات وبدأت اول ضربه ب3دي سينما والمستقبل بتشوف بلاوي

ولاتنسى الAppStore والتلفزيون مليان العاب وبرامج تلعبهم برموت كنترول موشن ادق من الWii بكثير

 

[Fahad Al-Shareef]

ما ادري كم سعرها .. بس اذا انت ناوي على الـ3D روح شوف معارض LG 3D Cinema راح يكون الأختيار الافضل واذا السعر قريب .. اشتر LG وارتاح عندهم كل الاحجام من 42 لي 55 واكثر

لول خالد انا باخذ شاشة بي سي .. يعني ابي شي من 22 - 32 بالكثير .. ويفضل لو تكون ثري دي وبسعر معقول .

 

[emperor-UAE]

خبراء التلفزيونات محتاج فزعتكم !

محتار بين تلفزيونين

Samsung UA46D5000
او
Sony Bravia KDL-46EX720

يا ريت ألقى رد بأسرع وقت لأني ناوي عل تلفزيون هل يومين
للعلم أنا نهائيا ما تهمني تقنية ال 3 دي
و التلفزيون للجيمنج و الأفلام البلو ري

أنتظر ردود الخبراء , خويكم ماله علم كثير فى التلفزيونات:sadwalk:

 

[MAX9009]

شباب .. ان شاء الله راح اخذ الـPlaystation 3D Display واخليها للبي سي والاكس بوكس .. وش رايكم ؟

شفتها بجده قبل فترة بمعرض زي اكسترا تقريباً .. والشاشه رهيبه صراحه ووضوحها رهيب .. سعرها كان حدود 2700 ريال

 

[I-NERO-I]

شفتها بجده قبل فترة بمعرض زي اكسترا تقريباً .. والشاشه رهيبه صراحه ووضوحها رهيب .. سعرها كان حدود 2700 ريال

ليش غالية كذا مو المفروض يكون سعرها اقل من 2000 !

 

[Madainee]

2700 ريال !!! ما اتوقع انها من الوكيل لأن قبل فترة قريت انها تأجلت في اوروبا

 

[MAX9009]

هذا المعرض اللي حصلتها عنده
http://www.memega.com/catalog/computer-hardware/monitors/11071016500003

 

[swilh]

ايش رايكم في الشاشة

 

[النسر الأسود]

للمهتمين أفضل خمس شاشات 3D في 2011 :

http://www.pcworld.com/article/240404/the_5_best_3d_tvs_of_2011.html

الأولى من LG بتقنية الباسيف والثانية من سامسونج بتقنية الأكتيف ( شاشتي 😀)

 

[pacino]

شباب ابي افضل مكان لشراء تلفزيونات ال جي بالكويت
حصلت هالتلفزيون Infinia 47LW6500 ..شرايكم فيه؟

 

[ALONE]

swilh

وااااو العرض رهيب والسعر حلو

هاذي نفس الشاشة الي اخذها خالد واسلام ؟؟

 

[MadPhantom]

شباب بشتري اليوم تلفزيون ابغى شي ممتاز ومايكون كبير ( اصغر من 40 بوصه )
وما ابغى 3D ابغى تلفزيون يا LCD او LED ، نصايحكم ، ضروري بسرعه
استخدامي بيكون للالعاب

 

[MadPhantom]

ضروري الرد T_T

 

[--LOKA--]

مرحبا🙂
نفسي اشتري تلفزيون بس الي محيرني الحجم ، ايش افضل وانسب حجم بالنسبة للعب الفيديو جيمز؟

 

[Unknown]

شباب بشتري اليوم تلفزيون ابغى شي ممتاز ومايكون كبير ( اصغر من 40 بوصه )
وما ابغى 3D ابغى تلفزيون يا LCD او LED ، نصايحكم ، ضروري بسرعه
استخدامي بيكون للالعاب

الافضل LED في الالوان والسطوع .. مع الالعاب بتكون ممتازه جدا

مرحبا
نفسي اشتري تلفزيون بس الي محيرني الحجم ، ايش افضل وانسب حجم بالنسبة للعب الفيديو جيمز؟

مدري كم بينك وبين جلستك والتلفزيون ؟ انا مثلا عندي 55 بوصه بغرفة نومي بيني وبين التلفزيون تقريبا 2.5 متر

 

[The Last Lombax]

ايش رايكم في هذا التلفزيون ؟
http://panasonic.net/avc/viera/asia2011/product/ut_plasma_spec.html
أخويا لقيه بسعر ممتاز (2400 ريال تقريبا) ومتردد ياخذه ولا يشوف غيره

 

[Skull Town]

بأذن الله بشتري شاشة LG وهي الخيار الأول لعدة اسباب:

- تجربتي الشخصيه لها في المحل وقارنتها بأفضل شاشات سوني و سامسونج وغيرهم ولاحظت روعة LG وخاصتاً في الـ 3 دي الي حتى اشخاص كثار في المحل قالو مافي شاشة 3 دي افضل من LG وبعض المواقع اختاروها لأفضل شاشة 3D .
- حصلت على خمس جوائز منها Best of innovation 2011 و innovations Design and engineering showcase honors 2011 و جائزة في الجودة والأداء و ثناء المستشفى الكنديه عليها لصحتها مقارنة بالشاشات الثانيه حيث قيل فيها:

Watching 3D content on FPR technology with passive Glasses is safe and strain free for eyes - Recommended by Canadian Hospital. وفي جوائز ثانيه بس هذي الأذكرهم.

وهذي صور توضح الفروقات للعلم ان المعلومات ذكرهم painkiller :

طبعاً في عدة فئات وانواع وفي شاشات من LG مب 3D بس بعد ممتازة وحاصلة على جوائز افضل الشاشات.

مصدر المعلومات LG.com

 

[ALONE]

دائما LG تبهرني :inlove: