الي ناوي يشتري تلفزيون 3D ... ضروري ياخذ فكره من هذا الموضوع !

[Painkiller Q8]

مبروووك لي 😎:
LG LED 47" 3D Cinema Smart TV

شريته اليوم بسعر 699 دينار كويتي ... الحمدلله قريت عنه بما فيه الكفايه وقارنت تلفزيونات أخرى بما فيه الكفايه وجربت اكثر من فلم في المعرض بما فيه الكفايه والحمدلله خذيته بقناعه تامه !
وانا متأكد ان الي يجرب التقنيه الجديده من LG راح ينصدم وينبهر فيها .. لانها تطلعلك الصوره بنقاوه و3دي يصل لك مثل الIMAX .. اما الي بيقول انها خرابيط ومالها داعي انا متأكد انه جرب التقنيه القديمه والحاليه في تلفزيونات سامسونج والشركات الأخرى
والتلفزيون بغض النظر عن ال 3D .. فيه مميزات خياليه وواحده منهم ان جاي معاه عدد 2 ريموت كنترول واحد عادي والثاني "موشن كنترول" يتحرك مثل الوي .. وتدخل الانترنت في الستور وتحمل العاب وبرامج للتلفزيون وتلعب بالموشن
وإن شاءالله بكره استلم الجهاز واصوره واجربه واكتب كل الملاحظات عنه !

حاليا جمعت اكثر من 15 فلم بلوري 3D .. ولعبه Captain America عل اكس بوكس تدعم ال3D

 

[squall leonhart]

ال3d كله على بعضه ماله داعي و افلام قليلة جدا جدا جدا الي يعتبر ال 3d اضافة قيمة لها ،، طبعا الألعاب ما رح اجيب سيرتها لان كل تطبيقاتها سيئه جداً ،,

بس عموما مبروك و الخيار الي اخترته مناسب جدا من الناحيه الماديه مع ان التقنيه الأخري تضل افضل لكن مو الفرق الي يبرر اختلاف السعر

 

[Painkiller Q8]

^
اللي يبارك فيك , احنا ناس نحب التكنلوجيا وشيء جميل ان الواحد يحصل على كل انواع التقنيات في البيت .. انا كنت دايم احلم بأني اشوف فلم IMAX في البيت مو دايم سينما :sarcastic: .. وكنت اتمنى ادخل على الOption في الالعاب واختار 3D .. والحمدلله راح يتحقق الحلم بكره 😛
وصدقني التقنيه لها داعي على بعضها .. خصوصا بعد تقنيه LG .. اما التقنيه الثانيه يوم جربتها ابد ما ابهرتني من كثر العيوب الي فيها و 2 من اصدقائي شارين تلفزيون سامسون بـ 1.200+ دينار كويتي ويذمون الـ3D فيه ويقولون ماهو عملي وانا سهرت عندهم اكثر من مره شيء "غير عملي" بكل ما تحمله الكلمه !

 

[alakafi]

3d تقنية سيئة جدا ومتعبة للعين , وماتضيف اي شي للفلم , مشكلة السينمات العربية انه مافي خيار تشوف الفلم بدون 3 دي , شي مزعج

صحيح مابتفق معاك جربت تلفزيونات سامسونج وكانت افضل فعليا من السينما

 

[Painkiller Q8]

سؤال لكل الي يقولون ان تقنيه ال3دي الي في سامسونج افضل من التقنية الجديده من LG

هل جربت "بنفسك" علشان تقول انها أسواء او غير ناجحه؟
اتمنى أنكم تجربون تقنيه LG الجديده في احد المعارض وتكون تجربه وافيه بعدين احكم !

أنا كنت اشرح الي شفته للشباب عندي ومحد كان مقتنع حتى الي عندهم سامسونج الجديد ، بس يوم راحوا معاي المعرض الكل فتح فمه وانصدم .. واو شيء قاله " احد يشتري تلفزيوني"؟ sad face

 

[chris]

^
خلود ... مبروك وتتهنى فيها يااارب
ممكن تكتب رقم الموديل : ؟
لانو من كلامك باين انو الشاشة قوية جدا من الناحية التقنية ... ودا الي بدور عليه وخصوصا ال3D
انا الي عندي LG 42LE5300 ومفكر جديا اني استبدلها بنفس شاشتك ..

 

[The Last Lombax]

صحيح الثريدي حلاته بالانميشن .. الافلام احسهم مثل الاوراق المقصقصه :laugh::

نفس الشيء لما أشوف أفلام ثري دي في السينما , كنت لما أسمع ثري دي متخيل حاجة بارزة من الشاشة بشكل واضح بس للأسف ... خيب ظني

 

[Painkiller Q8]

تقرير بعد الحصول على التلفزيون والتجربه التفصيليه لساعات :nerd:

أولا المحتويات:-
جهاز LG LED 3D Cinema 47" TV
جهاز LG 3D Blue Ray Player
أفلام Blue Ray 3D .. أغلبهم وثائقيه وعلميه بما اني مغرم بهذي الاشياء
نظارات عدد 4 متوفره مع التلفزيون
موشن كنترول اضافي يعمل مثل رميموت الـWii بالضبط !
قطعة USB Wi-Fi لتوصيل التلفزيون في الانترنت

ثانيا: الإستخدام:-
التلفزيون Full HD وبغظ النظر عن خاصية الـ3D .. التلفزيون من اروع الشاشات الي اقتنيتها في حياتي والغريب اني ماعملت اي تعديل على الاضائه والالوان لان فيه خاصيه الـAuto Adjust . بعكس تلفزيونات LG الاخرى الي تتطلب التعديل اليدوي عند الشراء!

الـ3D ممتاز جدا جدا فعلا عطاني إساس سينما الـIMAX خصوصا فلم البوم الاشياء تقدر تقول انها تطلع من الشاشه فعلا ...

والشيء "الرائع" ان التلفزيون هو انه يحول اي شيء 3D مهما كان
صور (عند عرض الصور عن طريق الـUSB)
افلام (سواء DVD او Blue-Ray او حتى اي صيغه AVI, MP4, MKV, WMV...الخ)
القنوات الفضائيه (مباريات - مسلسلات - حتى الاخبار :laugh:🙂

^ التكنلوجيا تجبر اي شيء يتحول 3D وبشكل فعلي وليس مجرد تحويل غير فعال .. تستخدم التكنلوجيا الابعاد وتعرض الاجسام القريبه في الامام وتبعد الخلفيات والاجسام البعيده (شيء متطور) !
افلام البلوري .. اعني الافلام الي تشتغل على 1080p Full HD 1920x

وعرض الـ3D ممتاز وبإستخدام النظاره تستطيع ان تستمتع من اي زاويه ومايحتاج انك تكون في الوسط .. ولا تحتاج شحن او توصيل .. وتتيح لك الفرصه بالاستلقاء حتى ان كانت النظاره بشكل عمودي !

ومن المميزات الرائعه انك تستطيع ان تتحكم في الابعاد وزيادة الـ3D كما في جهاز نينتندو Wii

الاستخدامات الأخرى:-

مجرد ضغطه زر تسمى Premium تظهل شاشة الانترنت وفيها ازرار سريعه مثل YouTube - Facebook - Twitter - AL .. وطبعا يعرض اي لغه حتى العربيه
وبئستخدام جهاز التحكم الإضافي Remote Motion يمعل بسرعه عاليه ودقيق جدا وعند الضغط على اي مربع نص تظهر لك لوحه الكتابه
بصراحه ماكنت اتوقع ان الانترنت فعال .. لكن اكتشفت انه ناجح جدا كما الـiPad والاجهزه الاخرى.

النظارات:-

توفر LG عدد اربع نظارات وهي نظارات خفيفه مثل الي نستخدمها في السينما .. وهي طبعا لاتحتاج كهرباء او ربط بالتلفاز او اي شيء ... وأي فرد من المتواجدين يستطيع ان يستمتع في الـ3D من اي زاويه يشاء حتى ابعد زاويه ... وتستطيع ان تستلقي وتستمتع تى لو كانت النظاره بشكل عامودي :wow:

التقييم:-
9/10 .. بما انه تلفزيون متكامل وممتاز سواء هاردوير او سوفتوير .. والـ3D ممتاز جدا ويغني عن السينما بكل تأكيد
الي ماخلاني اعطيه 10/10 هو الــ Hz .. لانه من 100 إلى 240 , كنت اتمنى اكثر شوي :razz::

 

[Unknown]

مبروك باين كيلر .. تكسره بالعافيه .. ماعليك من الي يتكلم على الـ3D
خلهم على تلفزيوناتهم القديمه .. وخلنا نستمتع بشاشات مواكبه الجيل :


<--- دعم نفسي

 

[Wild Fox]

مبروك باين كيلر استمتع بالتقنيه 🙂

 

[Painkiller Q8]

^
الله يبارك فيكم شباب ^_^

أحب اضيف نقطه بما ان العموم هني يحب الالعاب ومهتم في هذا المجال !

التلفزيون مثل ما قلت ان فيه خاصيه تحويل اي شيء من 2D إلى 3D ... ومن الاشياء الي حولتها امس وانصدمت بالنتيجه كانت لعبه UNCHARTED 2 .. والله تقول ان فيها خيار 3D مع ان مافيها .. شيء واضح جدا
وانا لالاحظت ان اكثر اشياء الي تكون نتيجه الـ3D فيها ممتازه هي الالعاب والافلام الـHD

وامس اكتشفت كم لعبه فيها خاصيه 3D في الـPSN !

احد يعرف موقع فيه قائمه الافلام والالعاب الي توفر 3D في العالم؟؟؟

 

[MH MD]

^
اتفضل قائمة لالعاب الPS3 اللي يتوفر فيها خاصية ال3D
http://en.wikipedia.org/wiki/List_of_3D_PlayStation_3_games
ومبروك على التلفيزيون الجديد، تتهنى فيه ان شاء الله ^^

 

[N2N2]

اليوم لقيت باناسونيك TH-P50VT20P

http://www.panasonic.co.za/viera-te...anasonic-th-p50vt20p-full-hd-3d-plasma-tv.asp

وش رايكم فيها ؟؟

 

[CyberMaster]

مراجعة عربيه لشاشة LG
http://www.avarab.com/vb/showthread.php?t=437

اليوم لقيت باناسونيك TH-P50VT20P

http://www.panasonic.co.za/viera-te...anasonic-th-p50vt20p-full-hd-3d-plasma-tv.asp

وش رايكم فيها ؟؟

افضل شاشة السنة الماضيه لو كان العرض الي عليها بسعر في حدود 8000 ريال مستمر فهي ماتتفوت

 

[N2N2]

^
الحين ب 6000 في اكسترا

هي الفئة الوحيده عندنا ؟ لان فيه اعلى منها

ابيها اكثر شي جيمنق تنفع ولا ما تنفع ؟

 

[CyberMaster]

^
الحين ب 6000 في اكسترا

هي الفئة الوحيده عندنا ؟ لان فيه اعلى منها

ابيها اكثر شي جيمنق تنفع ولا ما تنفع ؟

سعر ممتاز
لا ميب الفئة الوحيدة وهي اعلا فيئة من موديلات السنه الماضيه ( قريب راح ينزل الموديل الجديد VT30 )
تنفع للجيمنج ونص ومن افضل الشاشات في زمن الأستجابة

 

[the pain]

شباب احبيت اسألكم عن باناسونك بلازما 50 نوع (TH-P50VT20P) يدعم 3D
له سنه عل ما اظن هل هو ينصح فيه ولالا ؟

تعديل : ما انتبهت للرد الي فوق

 

[N2N2]

سعر ممتاز
لا ميب الفئة الوحيدة وهي اعلا فيئة من موديلات السنه الماضيه ( قريب راح ينزل الموديل الجديد VT30 )
تنفع للجيمنج ونص ومن افضل الشاشات في زمن الأستجابة

دخلت موقعهم ولقيت شي اعلى او يمكن اجدد

يعني اسحب على السوني 46 و عرضهم

شكرا لك بس ابي اعرف وش الموديل الامريكي الي يعادلها عشان اقارن السعر في امازون وغيره

 

[D_SHEHAB]

مبروك عليك الشاشة ^^ وبصراحة أدعمك في كلامك !! كثير أشياء دخلت النت وحصلت الناس تذمها وتقييماتها زفت
والمنافس واااو تقييماته عالية جداً والناس ما غير مدح فيه وفي النهاية المعاينة الحية تثبت لي العكس تماماً .. أهنيك والله يوفقك تكسرها بالعافية ^^

 

[CyberMaster]

دخلت موقعهم ولقيت شي اعلى او يمكن اجدد

يعني اسحب على السوني 46 و عرضهم

شكرا لك بس ابي اعرف وش الموديل الامريكي الي يعادلها عشان اقارن السعر في امازون وغيره

انا في رأيي انها افضل من اي شاشة LCD بس ترا ينقصها بالمقارة مع الموديلات الجديده ميزة تحويل الـ2D الى 3D لكن اغلب الي جربوا هالخاصية في اغلب الشاشات يشوفون انها ميزة مالها ذيك الأهميه مافيه شي زي الـ3D الي من المصدر
الموديل الأمريكي TC-P50VT25
http://www.amazon.com/Panasonic-VIERA-TC-P50VT25-50-inch-Plasma/

 

[Painkiller Q8]

أرد اعيد وأزيد شباب الي فعلا ناوي على تلفزيون 3D .. اما ياخذ LG او اي شركه تدعم نفس التقنيه وهي (3D Cinema) او لا ياخذ ابدا !!

والله عن تجربه عميقه جدا ومقارنه تلفزيونات ال3D في نفس الغرفه ... فرق شاااااسع مع ان السامسونج سعره دبل :S

انا حاليا لعبت أكثر من لعبه 3D وختمتهم مثل Captain America + Green Lantrun و كرايسس وكلزون مجرد تجربه .. وطبعا العاب PSN كثيره تدعم الـ3D كلها افضل على ال3D سينما (الي بدون ربط مزعج مع الشاشه)
وطبعا الافلام البلوري3D الي طلبتهم من امزون فعلا شيء NEXT GEN @@

الي يعتقد ان الـ3D تقنيه سخيفه ومالها داعي .. فهو غلطان .. لايستهيين فيها ابدأ .. خصوصا اذا ماعندم سينما IMAX راح تكون التجربه اروع بكثير اذا كانت في البيت !

وبالتوفيق جميعا 🙂

 

[N2N2]

^

قلت بروح اشوفها بس ما لقيت و الوكيل عندنا مو ذاك الزود ولا حتى اعرف وين فروعه و منتجات ال جي مقسمه على 3 وكالات

وانا مو مهتم في ال 3D وشكلي باجل الموضوع

360 جديد والعاب ذي السنه راح يخربون الميزانيه

 

[Painkiller Q8]

^
عادي .. بما انك مو مستعجل يمكن تنزل اصدارات جديده .. واهم شيء انك تاخذ تلفزيون 3D Cinema ابو نظارات بدون كهربا .... ابعد عن كل تلفزيون سواء من سوني او سامسونج الي نظاراتهم فيها سينك وبلوتوث !

وترا افضل تجربه 3D للميديا .. مو الألعاب .. بل الافلام وخصوصا الوثائقيه اذا تحب الحيوانات وعالم البحار و جغرافيا الأرض..الخ شعور رائع 3D__3D

 

[Cizer Shnider]

خالد
كام يا حبيب قلبي تلفزيونك بالريال السعودي رجاء؟
انت حمستني جدا

 

[BlackBird]

^
رحت أشوف الشاشة حقتك في توكيل LG فالرياض
قلت له الشاشة الي فيها 3D Cinema خلاني أشوف شاشات الـ 3D العادي -__-
طلعت لسا ما جت الرياض وولا يعرفوا عنها أي شيء

 

[N2N2]

^
رحت أشوف الشاشة حقتك في توكيل LG فالرياض
قلت له الشاشة الي فيها 3D Cinema خلاني أشوف شاشات الـ 3D العادي -__-
طلعت لسا ما جت الرياض وولا يعرفوا عنها أي شيء

مثل ما توقعت اصلا غسلت يدي يوم دقيت على رقمهم مطلعه من النت و طلع رقم BMW

نفس الوكيل بس لا تشبكون شركتين في بعض

 

[N2N2]

يا كثر ما انقهر من اسعار الي في النت بس ما قد انقهرت اكثر من اسعار التلفزيونات و فرق السعر الي يوصل الدبل عندنا و العذر التسعيره الاروبيه

قاعد اشوف سعر و مواصفات Vizio XVT3D554SV وقاعد انقهر

http://reviews.cnet.com/flat-panel-tvs/vizio-xvt3d554sv/4505-6482_7-33946287.html?tag=mncol;lst;1

 

[Rare Games]

بين كيلر انا اليوم شريت شاشه LG سينما 42 بوصه 3 دي من الغانم ب 449 دينار

معاه نظارتين فقط ويقولون انهم ما يبيعون النظارات لحالها ؟ ما تعرف مكان يبيع فيه نظارات خاصه لتلفزيون ال جي

التلفزيون يوصل باجر ان شاء الله صراحه جربتها بالمعرض 3 دي روعة ! روعة ! كانوا عارضين لعبة شوتر ما عرفتها بس احس انها سوكوم

بالنسبه 3 دي اخوي عنده سامسونج 46 بوصه 3 دي بنظارات تشتغل على بطارية ب 800 دينار تقريبا ومن الي شفته بالمعرض تلفزيون LG أفضل بكثير منه
ب 3دي وتأثيراته

 

[Painkiller Q8]

بين كيلر انا اليوم شريت شاشه LG سينما 42 بوصه 3 دي من الغانم ب 449 دينار

معاه نظارتين فقط ويقولون انهم ما يبيعون النظارات لحالها ؟ ما تعرف مكان يبيع فيه نظارات خاصه لتلفزيون ال جي

التلفزيون يوصل باجر ان شاء الله صراحه جربتها بالمعرض 3 دي روعة ! روعة ! كانوا عارضين لعبة شوتر ما عرفتها بس احس انها سوكوم

بالنسبه 3 دي اخوي عنده سامسونج 46 بوصه 3 دي بنظارات تشتغل على بطارية ب 800 دينار تقريبا ومن الي شفته بالمعرض تلفزيون LG أفضل بكثير منه
ب 3دي وتأثيراته

الف مبروك 🙂
على فكره ابو 499 ماهو Smart TV .. يعني مافيه انترنت Full access بس عموما شيء مو ضروري جدا لكن في نفس الوقت شي حلو !

عموما النظارات سهل الحصول عليهم .. الحل: اذا رحت اي فلم في السينما 3D أخذ النظاره معاك "للعم هي ببلاش" ال3D Digital وليس الـIMAX
او اطلبهم من امزون .. رخص مو طبيعي اكتب في البحث (LG 3D Glasses)

 

[Rare Games]

يعني مافيه متصفح 🙁

تلفزيون اخوي فيه براوسر وللأمانه كنت متحمس جدا له

بس ماهي ذيك الخساره الكبيرة

هل فيه كمان مميزات ثانية مفقوده ؟